फुर्सतिलो बनेको नेपाली काङ्ग्रेसमा महाधिवेशनको वखडा निस्कदैछ किन? नेकाभित्रका सबै गुट (देउवा, पौडेल र सिटौला) महाधिवेशनका लागि तयार छैनन्। किन? युवा नेता प्रदिप पौडेल नागरिक फ्रन्टलाइनमा।
Month: July 2019
गुटको राजनीति कहिलेसम्म ?
आखिर कहाँ लुक्यो त निर्मलाको हत्यारा ?
ठेकेदारले काम नगर्दा तोडियो ठेक्का
गोरखा– १२ किलो वारपाक सडकखण्डको चार प्याकेज करिब ३० किलोमिटर सडक ठेकेदारले समयमै काम नगर्दा कालोपत्रे हुन सकेन।
काममा चरम लापरबाही गरेर निर्माण कम्पनीले सम्झौताअनुसार काम नगरेपछि ११ किलो छेवेटार भालुस्वाँरा वारपाक सडक आयोजनाले पहिलो प्याकेजको करिब आठ किलोमिटरको ठेक्का सार्वजनिक सूचना जारी गरेर तोडेको छ।
‘१० करोड ५९ लाखमा सम्झौता भएको थियो, ६ करोड ४५ लाख भुक्तानी भएको छ,’ आयोजनाका लेखा अधिकृत ज्ञानमणि उपाध्यायले भने। २०७२ मंसिर ३० गते सिध्याउने गरी २०७१ असार ३१ मा ठेक्का सम्झौता भएको थियो।
बाजुराबाट ६४ जना हराए
बाजुरा– एक वर्षको अवधीमा बाजुराबाट ६४ जना हराएको तथ्याकं प्रहरीले सार्वजनिक गरेको छ। महिला र बालबालिका गरि गएको वर्ष साउनदेखि यो वर्षको असारसम्म ६४ जना हराएको जिल्ला प्रहरी कार्यालय बाजुराले जनाएको छ।
हराउनेमा २६ जना बालक, २० जना बालिका र १९ जना महिला रहेका छन्। जिल्ला प्रहरी कार्यालयमा दिएका खोजी निवेदनका आधारमा ६४ जनाको तथ्याकं देखिएको प्रहरी नायव उपरीक्षक डिएसपी उद्धवसिंह भाटले बताएका छन्।
प्रदेश २ का बाढी, डुवान प्रभावितलाई अझै राहत पुगेनः मुख्यमन्त्री राउत
काठमाडौं– प्रदेश नम्बर २ का मुख्यमन्त्री लालबाबु राउतले २ नम्बर प्रदेशका बाढी र डुवानबाट प्रभावितहरुलाई अझै राहत तथा पूनर्स्थापना नभएको गुनासो पोखेका छन्। उनले भने, ‘दुई नम्बर प्रदेश बाढी र डुवानबाट प्रभावित बनेको छ। ८ वटै जिल्ला प्रभावित बनेका छन्। अझै पनि राहत पुगेको छैन।’
मंगलबार रिपोर्टर्स क्लबले आयोजना गरेको साक्षात्कारमा बोल्दै मुख्यमन्त्री राउतले प्रदेश २ सरकारले आफ्नो क्षमता र स्रोतले भ्याएसम्म तुरुन्तै राहत पुर्याएको सुनाए। अहिले पनि प्रदेश सरकार प्रभावित जिल्लामा पुगेर राहत पुर्याउने काममा लागिरहेको राउतले सुनाए। उनले भने, ‘अहिले पनि राहत वितरण गर्न धेरै बाँकी छ। कतिलाई राहत पुग्यो, कतिलाई पुग्यो भनेर हेर्नको लागि हामीसँग संयन्त्र छैन। तर राहत धेरैलाई पुगेको छैन।’
टोलटोलमा घण्टाकर्ण पर्वकाे तयारी
भक्तपुर– टोलटोलमा मान्छे मार्ने राक्षस मारेको सम्झनामा मंगलबार भक्तपुरमा धूमधामकासाथ घण्टाकर्ण चतुर्दशी पर्व मनाइँंदै छ। प्रत्येक वर्ष मनाइने घण्टाकर्ण पर्वलाई स्थानीय नेवार समुदाय गथांमुगः चह भनेर बुझछन्।
विशेष गरी भक्तपुर नगरका टोलटोलका दोबाटो, चौबाटोमा नर्कट, छ्वाली, पराल, हाँंडी, नाङलोलगायतले बनाएको राक्षसरुपी गथांमुगको साँंझ दाहसंस्कार गरी पर्व मनाइने चलन छ। यस क्रममा यहाँंका टोलटोलमा सयौं गथांमुगको दाहसंस्कार गरिन्छ।
गथांमुग बनाउन टोलटोलमा स्थानीयस्तरमा नर्कट, छ्वाली, परालको संकलन गर्ने गर्दछन्। संकलित नर्कट, छ्वालीबाट तीनखुटे गथांमुग बनाइन्छ। साथै घरमा फाल्नुपर्ने पुरानो नाङलोमा मुख, नाक, कानलगायतका ज्ञानेन्द्रिय अंग लेखी हाँंडीको टाइको दिइएको हुन्छ।
बुद्ध मूर्ति तोडफोड गर्नेलाई कारबाही माग गर्दै गृहमन्त्रीलाई ज्ञापनपत्र
काठमाडौं- बुद्धका मूर्ति तोडफोड गर्नेमाथी कारबाहीको माग गर्दै धर्मोदय सभाले गृहमन्त्री रामबहादुर थापालाई ज्ञापनपत्र बुझाएको छ। मंगलबार पुल्चोकस्थित मन्त्रीक्वाटरमै पुगेर सभाले मूर्तितोडफोड गर्नेलाई कानुनी दायरामा ल्याउन माग गर्दै गृहमन्त्री थापालाई ज्ञापनपत्र बुझाएको हो। सभाका अध्यक्ष यज्ञमानपति बज्राचार्यको नेतृत्वमा गएको टोलीले धार्मिल सद्भावमा खलल पुर्याउने योजना सहित मूर्ति तोडफोड गरिएको भन्दै गृहमन्त्री थापाको ध्यानाकर्षण गराएका थिए।
२०७६ साउन १ गते राती रुपन्देहीको शंकरनगरमा अज्ञात समूहले ५ वटा वुद्धका मूर्ति तोडफोड गरेको थियो। तर घटनाको २ साता वित्नलागदापनि प्रहरीले तोडफोड गर्नेको पहिचान गर्नसकेको छैन।
उपनिर्वाचन कात्तिक अन्तिम वा मंसिर पहिलो साता
काठमाडौं – निर्वाचन आयोगले आगामी मंसिर पहिलो साताभित्र संघ, प्रदेश र स्थानीय तहमा रिक्त पदहरुको उपनिर्वाचनका लागि तयारी थालेको छ। प्रतिनिधिसभा, प्रदेशसभा र स्थानीय तहका निर्वाचित पद विभिन्न कारणले रिक्त भएपछि आयोगले उपनिर्वाचनको तयारी थालेको हो।
प्रमुख निर्वाचन आयुक्त दिनेशकुमार थपलियाले उपनिर्वाचनका लागि कार्यविधि निर्माणलगायतका तयारी अघि बढाइएको जानकारी दिए। उनका अनुसार कात्तिक अन्तिम साता वा मंसिर पहिलो साताभित्र उपनिर्वाचन गराउने गरी आयोगले तयारी अघि बढाइरहेको छ। ‘कात्तिक अन्तिम साता वा मंसिर पहिलो साता उपनिर्वाचन गर्नेगर िहामीले आन्तरिक तयारी अघि बढाइरहेका छौं,’ थपलियाले नागरिकसँग भने, ‘अब हामीले छिट्टै प्रधानमन्त्रीलाई भेटेर उपनिर्वाचनको विषयमा परामर्श गर्छाैं।’ उनका अनुसार आयोगका पदाधिकारीले प्रधानमन्त्रीलाई भेटेर उपनिर्वाचनको मितिसमेत प्रस्ताव गर्नेछन्। सरकारले निर्वाचन घोषणा गरेपछि औपचारिक रूपमा निर्वाचन कार्यतालिका प्रकाशन गरी अघि बढने उनले जानकारी दिए।
‘ललिता निवासमा मुछिएका श्रेष्ठको मृत्यु शंकास्पद’
पर्वत – पार्टी जिल्ला सचिव युक्तप्रसाद श्रेष्ठको निधन संकास्पद भएको भन्दै नेपाली कांग्रेस पर्वतले निष्पक्ष छानबिन गर्न माग गरेको छ। काठमाडौंस्थित सामाखुसीको हिमालय सिटी सेन्टरको आठौं तलाबाट खसेको भनिएका श्रेष्ठको मृत्यु शंकास्पद भएको दाबी गर्दै पर्वत कांग्रेसले छानबिन गर्न माग गरेको हो। श्रेष्ठको आइतबार दिउँसो मृत्यु भएको थियो। जिल्ला सभापति खिमप्रसाद भुसालले विज्ञप्ती जारी गर्दै ठूला माछाको पोल खुल्ने डरले श्रेष्ठको हत्या भएको हुनसक्ने बताएका छन्।
बालुवाटारको जग्गा प्रकरणसँग जोडिएर छानबिनको क्रममा रहेका श्रेष्ठले सबै पोल खोल्ने डरले त्यो घटना भएको हुनसक्ने भएका कारण निष्पक्ष छानबिन हुनुपर्ने माग भुसालको रहेको छ। ललितानिवास जग्गा प्रकरणसँग जोडेर विभिन्न सञ्चारमाध्यममा आएका समाचारप्रति दुःख व्यक्त गर्दै कांग्रेसले प्रमाणसहित सत्य कुरा बाहिर ल्याउन माग गरेको छ।
सिस्नेरीका १० घर पहिरोको जोखिममा
ओखलढुंगा– सुनकोशी गाउँपालिकाका–३ का १० घर पहिराेकाे जोखिममा परेका छन्। सिस्नेरीको खानीगाउँमा मोटरबाटो खन्दा पहिरो गएका कारण ती घर जोखिममा परेका हुन्।
जोखिममा परेकाहरूले वडा कार्यालय र जिल्ला विपद् व्यवस्थापन समितिमा सुरक्षित बासको व्यवस्था गरी क्षतिपूर्तिका लागि निवेदन दिएका छन्। घर जोखिममा परेका जीतबहादुर मगर, हीराबहादुर मगर, यज्ञबहादुर मगर, रामकाजी मगर, रामबहादुर मगर, खीलबहादुर मगर, यमबहादुर मगर, भक्तबहादुर मगर, गणेशबहादुर मगर र अम्बरबहादुर खड्काले क्षतिपूर्तिका लागि संयुक्त निवेदन दिएका हुन्।
उनीहरूले वडा नं.३ सिस्नेरीभञ्ज्याङदेखि खानीगाउँ–२, माटे हुँदै दीपसिङसम्म जाने मोटरबाटोको माथिल्लो भागबाट पहिरो गई बासस्थान जोखिममा परेको जनाएका छन्।
फेस एपमा रमाउँदै कलाकारहरू
काठमाडौं – अभिनेता दीपकराज गिरीले सामाजिक सञ्जाल आफ्नो बुढ्यौली फोटो सार्वजनिक गरेका छन्। फुलेका कपाल र चाउरी परेर बुढ्यौली झल्काएको फोटो फेस एपले बनाइदिएपछि उनको बुढ्यौली झल्काउने फोटोले चर्चा पाइरहेको छ। जुनसुकै उमेर समूहका मानिसहरूले आफ्नो बुढेयौलीपनको झलक फोटो फेस एपले बनाइदिएपछि कलाकारहरू यसमा रमाउन थालेका छन्।
सामाजिक सञ्जालहरू चर्चा पाइरहेको फेस एप च्यालेन्जमा सवै उमेर समूहका मानिसहरू सहभागि हुँदैछन्। फेस एप प्रयोग गरेर सामाजिक सञ्जालमा फोटो राख्ने आफू पहिलो भएको दाबी अभिनेता गिरीले गरेका छन्। ‘फेसबुकमा साथीले वृद्ध अवस्थाको फोटो पठाइदिएपछि उसलाई खुसी पार्न मैले फोटो सार्वजनिक गरेको थिएँ,’ उनले भने, ‘ आफ्नो फोटो हेरेर मख्ख परिरहेको छु।’
फेस एपको फिचरमध्ये सर्वाधिक प्रयोग भएको ‘ओल्ड एज’ मनोरञ्जनको रूपमा संसारभरका कलाकारहरूले प्रयोग गरिरहेका छन्। हाँय कलाकार मनोज गजुरेल ‘ओल्ड एज च्यालेन्ज’ को लागि फोटो राखेका छन्। ‘हाम्रा काका साह्रै पाका छन्। ८० वर्षे तन्नेरी भाका छन्’ भनेर क्याप्सन लेखेर फोटो राखेपछि उनको फोटो सामाजिक संञ्जालमा भाइरल भइरहेको छ। मनोरञ्जनको लागि उनले फेस एप प्रयोग गरेको बताए। ‘यो एप रमाइलो लागेर प्रयोग गरेको असुरक्षित पो रहेछ,’ उनले भने।
सुरक्षाका लागि रंगशालामा सिसी क्यामेरा
पोखरा – पोखरामा १३औं सागका केही खेल सञ्चालन गर्ने निर्णय गरिएपछि रंगशालाभित्र खेलाइने र बाहिर खेलाइने खेलका लागि पार्किङ र सुरक्षा व्यवस्थापनमा चुनौती थपिएको छ। पोखरा रंगशालाभित्र निर्माणाधीन फुटबल मैदानमा महिला फुटबल, आर्चरी मैदानमा महिला तथा पुरुष आर्चरी प्रतियोगिता सञ्चालन गरिनेछ। ती खेल सञ्चालनार्थ विशिष्ट व्यक्ति र खेलाडी स्कर्टिङको सवारी पार्किङमा चुनौती छ।
त्यति मात्र नभई बजार क्षेत्रमा आयोजना हुने ट्रायथोलन र प्याराग्लाइडिङ एवं भारोत्तोलनका खेलमा सहभागी खेलाडी र अफिसियलका लागि सुरक्षा व्यवस्था कडाइ गर्नुपर्ने खाँचो राष्ट्रिय खेलकुद परिषद्का बोर्ड सदस्य राजेश गुरुङले औंल्याए।
हरिवंश आचार्यको हराएको चिना भेटियो
हरिवंश आचार्यको हराएको चिना भेटियो।
अन्तर्राष्ट्रिय सम्बन्धका मामिलामा नेपाल हालैका वर्षमा किन चुक्दै छ ?
अन्तर्राष्ट्रिय सम्बन्धका मामिलामा नेपाल हालैका वर्षमा किन चुक्दै छ ? पूर्वपरराष्ट्रमन्त्री तथा कुटनीतकि मामलाका जानकार, रमेशनाथ पाण्डे नागरिक फ्रन्टलाइनमा।
सुई काण्ड बारे यसो भन्छिन कलेज नेपालकी छुच्ची आमा
काठमाडौंमा ‘रअ’ प्रमुखका ४० घण्टा
भारतीय खुफिया एजेन्सी ‘रिसर्च एण्ड एनालाईसिस बिंग’ (रअ) का प्रमुख सामन्त गोयल शनिबार साँझ ३ दिने नेपाल भ्रमणका सिलसिलामा काठमाडौं आए। गत असार ११ गते आइपीएस अधिकारीबाट (रअ) को प्रमुखमा नियुक्त भएपछि गोयल ३ सदस्यीय टोलीको नेतृत्व गर्दै पहिलोपटक नेपाल आएका हुन्। उनको साथमा थिए, शशीभूषण सिंह तमोर (रअका उपप्रमुख तथा दक्षिण एसिया–चीन विशेषज्ञ), अरुण कुमार जैन (नेपालका लागि रअको पूर्वप्रमुख)।
शनिबार साँझ साढे ७ बजेतिर त्रिभुवन अन्तर्राष्ट्रिय विमानस्थलमा ओर्लिएका गोयलको टोली नागपोखरीको जिम्बु थकालीमा भोजनका लागि पुग्यो। स्रोतका अनुसार खाना खाएर रअको टोली प्रधानमन्त्री निवास बालुवाटार पुग्यो। त्यहाँ प्रधानमन्त्री केपी शर्मा ओलीसँग शिष्टाचार भेटवार्ता गर्यो। प्रधानमन्त्रीको सचिवालय यो भेट स्विकार्न तयार छैन। राजनीतिक व्यक्तिको भेट अघि खुफिया एजेन्सीका प्रमुखलाई भेट्न उपयुक्त नहुने भन्दै प्रधानमन्त्री केपी शर्मा ओलीले गोयललाई नभेटेको बालुवाटरको भनाई छ। स्रोतका अनुसार भेट सकेर गोयल टिमसहित बास बस्नका लागि महाराजगञ्जस्थित एक प्रतिष्ठित व्यक्तिको घर पुग्यो। पहिलो दिन बुक गरेको होटलमा बसेनन्। उनीहरुको बौद्ध स्थित ह्यात होटलमा बस्ने व्यवस्था मिलाइएको थियो।
विप्लव समूहलाई नियन्त्रणमा लिन सफल भयौंः गृहमन्त्री थापा
बूढानिलकण्ठ स्कूलको जग्गामा बसपार्क बन्ला त ?
बूढानिलकण्ठ स्कूलको जग्गा अब के हुन्छ? के साँच्चै उक्त स्कुलको जग्गामा अब बसपार्क बन्ला त ? बूढानिलकण्ठ स्कूलका प्रधानाध्यापक, होमनाथ आचार्य नागरिक फ्रन्टलाइनमा।
छवि – शिल्पा काण्ड उत्कर्षमा (घाटी समेत थिच्न आउनुभयो)
भारतको पत्रबारे झुक्याइयो, जनतासँग लज्जित छु : प्रधानमन्त्री
विप्लव समूहसँग सरकारले थाल्यो वार्ता
सरकारले विप्लव समूहको पार्टीमाथि प्रतिबन्ध लगाएको चार महिनापछि औपचारिकरूपमै वार्ता सुरु गरेको छ। नेत्रविक्रम चन्द ‘विप्लव’ नेतृत्वको नेकपाका शीर्ष नेता र सरकारी टोलीबीच पहिलोपटक यसै हप्ताको आइतबार औपचारिक छलफल भएको हो ।
विप्लव राजनीतिको मूलधारमा आउनुको विकल्प नभएकाले वार्तामा बसेको वार्ता टोलीले बताएको छ। सरकार र प्रतिबन्धित पार्टीबीचको छलफलले वार्ताका लागि सकारात्मक वातावरण बनाएको सरकारी टोलीको भनाइ छ ।
सरकारी टोलीको प्रतिनिधित्व गरेका तत्कालीन वार्ता टोलीका संयोजक सोमप्रसाद पाण्डेले प्रारम्भिक चरणकै छलफल निकै सकारात्मक बनेको बताए। मंगलबार पाल्पामा भेटिएका पाण्डेले आफूहरू औपचारिकरूपमै बृहत्तर छलफलमा जुटेको बताए।
‘मिसन पत्रकारिताले हैरान बनायो’
प्रधानमन्त्री केपी शर्मा ओलीले सरकारविरुद्ध भ्रम फिजाउन केही सञ्चारमाध्यमले मिसन पत्रकारिता गर्न थालेको बताएका छन्। त्रिभुवन विश्वविद्यालयको ६०औं वार्षिकोत्सव कार्यक्रममा सहभागी हुँदा जमिनमा ओछ्याइएको रातो कार्पेटबारे सञ्चारमाध्यमहरूले प्रकाशन गरेको समाचारलाई लिएर प्रधानमन्त्रीले मिसन पत्रकारिताबाट आफू हैरान भएको बताएका हुन्।
पानीले भिजेको रातो कार्पेटलाई सञ्चारमाध्ययमले ठूलो समाचार बनाउनु मिसन पत्रकारिता भएको र यसले सरकारविरुद्ध भ्रम सिर्जना गरेको उनको भनाइ थियो। ‘म प्रधानमन्त्री भएको एक वर्ष भयो,’ उनले भने, ‘देशका सबै सडक कालोपत्रे गर्न सकेनछु।’ तर त्यसलाई पनि समाचार बनाएको उल्लेख गर्दै उनले भने, ‘धन्य छ मिसन पत्रकारिता।’
कांग्रेसलाई सरकारको प्रश्नः दिनभरि विपी, रातभर विप्लव हो?
दिपाश्री निरौलाले मेरो विहे भइसक्यो भनेर खुलासा गरेपछि
दिपाश्री निरौलाले मेरो विहे भइसक्यो भनेर खुलासा गरेपछि…
अब ‘ढुक्क हुनुस्’ को दर्शकलाई १० हजार बराबरको उपहार जित्ने सुवर्ण अवसर। १० हजार बराबरको गिफ्ट ह्याम्पर जीत्नको लागि पुरा भिडियो हेर्नुहोस्।
नेपाली प्रयोगशालामा विषादीको परीक्षण विश्वसनीय छैन
नेपाली प्रयोगशालामा विषादीको परीक्षण विश्वसनीय छैन । नेपाल केमिकल सोसाइटीका अध्यक्ष, निरञ्जन पराजुली नागरिक फ्रन्टलाइनमा।
लिङ्ग परिवर्तित सुरेन्द्र न्याय माग्दै काठमाडौँमा
कालिमाटीपछिको ठूलो बुटवलको विषादी प्रयोगशाला पनि बन्द
रुपन्देही– २०७४ साल भदौदेखि सञ्चालनमा आएको बुटवलस्थित विषादी प्रयोगशाला कर्मचारी नहुँदा बन्द भएको छ। कालिमाटीपछिको दोस्रो ठूलो भनिएको बुटवल कृषि उपज थोक बजारभित्र सञ्चालित विषादी अवशेष द्रुत विश्लेषण इकाई दुई महिनादेखि बन्द भएको हो।
प्रयोगशालामा तरकारी तथा फलफूलको विषादी परीक्षण हुँदै आएको थियो। ८ महिनादेखि आंशिक परीक्षण हुँदै आएकोमा दुई महिनादेखि भने प्रयोगशाला पूर्ण रुपमा बन्द भएको हो। यो ईकाइमा थोक बजारभित्र आएका तरकारी र फलफूलको विषादी परीक्षण नियमित हुँदै आएको थियो।
बाल यौन दुराचार: क्यानेडियन नागरिक पिटरलाई नौ वर्ष जेल
काठमाडौं- बाल यौन दुराचारको आरोपमा थुनामा रहेका एक क्यानेडियन नागरिकलाई जिल्ला अदालतले ९ वर्षको जेल सजाय सुनाएको छ। ६१ वर्षीय क्यानेडियन नागरिक पिटर जोन डालल्गिसलाई जिल्ला अदालत काभ्रेले ९ वर्षको जेल सजाय सुनाएको हो।
विशेष सूचनाको आधारमा २०७४ चैत्र अन्तिम साता काभ्रेपलाञ्चोक, मण्डन देउपुर नगरपालिका १ स्थित चिलकाजी महर्जनको घरबाट पिटर पक्राउ परेका थिए। बन्धक बनाइ राखेका १२ र १४ वर्षका २ नेपाली पीडित बालकलाई समेत प्रहरीले उद्दार गरेको थियो।
ढलको निकास थुनिँदा बस्ती डुबानमा
नेपालगन्ज – ढल तथा नालाको निकास थुनिँदा नेपालगन्ज उपमहानगरपालिकाको विभिन्न वडा मंगलबार डुबानमा परेका छन्। ढलको निकास थुनिएर बस्तीमा पस्दा नेपालगन्ज–१० स्थित जनस्वास्थ्य कार्यालय पछाडिको बस्ती डुबानमा परेको छ।
न्युरोड हुँदै बागेश्वरी मन्दिर भएर बग्ने र सदरलाइन हुँदै भेरी प्राविधिक शिक्षालय भएर बग्ने मुख्य ढलको निकास थुनिँदा बस्ती डुबानमा परेको हो। उक्त ढल उपमहानगरपालिकाले एकीकृत सहरी विकास आयोजनामार्फत् एसियाली विकास बैंकको ऋण/अनुदान सहयोगमा दुई वर्षअघि निर्माण गरेको थियो।
ठेकेदारले अधुरो छाडेको उक्त नालामा झारपात उम्रिएर निकास थुनेपछि पानी बग्न नपाएर बस्ती डुबान गरेको स्थानीय शंकर ठकुरीले बताए। ‘नालामा उम्रेको झारपातले बग्ने पानी जाम गरेको छ,’ उनले भने। उक्त नाला घुमाउँरो हिसाबले बनेको छ। नालाको अगाडितिर निकास थुनिँदा घुमेर बग्न नसकेको पानी बस्तीतिर छिरेको हुन सक्ने स्थानीयको अनुमान छ। नाला निर्माणका क्रममा उपमहानगरपालिकाले ध्यान नपु-याउँदा अहिले समस्या बल्झिएको उनीहरुले बताएका छन्।
जबरजस्ती लिङ्ग परिवर्तन गरेर युवती बनाइएका सुरेन्द्र न्याय माग्दै काठमाडौंमा
काठमाडौं– कञ्चनपुरको कृष्णपुर नगरपालिका वडा नम्बर १ दोमिल्लाका सुरेन्द्र सिंह मालले भारतमा कार्यरत रहँदा जबरजस्ती आफ्नो लिङ्ग परिवर्तन गराउनेमाथि कारवाहीको माग गर्दै राजधानी काठमाडौं आएका छन्।
जिल्लामा न्याय नपाएपछि उनी काठमाडौं आएका हुन्। उनले मंगलबार रिपोटर्स क्लबमा आफ्ना बुवाको साथमा पत्रकार सम्मेलन गरेर न्याय र बाँच्न पाउने आधार दिन आग्रह गरे।
नेपालमा कक्षा १२ सम्मको पढाई सकेर काम र पढाईको सिलसिलामा भारतको जम्बु गएको बेला भारतको मेरठ घर भएका इलियास नाम गरिएका ब्यक्तिले आफूलाई अहिलेको हालतमा पुर्याएको उनको भनाई छ। उनले भने, ‘मलाई इलियासले अपहरण गरेर लामो समय मलाई थाहै नभएका विभिन्न ठाउँमा राख्ने र विभिन्न काममा लगाउने काम गरे।’
बिल बढाउँदै भुक्तानी लिँदै
रोल्पा – आर्थिक वर्ष सकिनै लाग्दा रोल्पाका केही कर्मचारी र केही जनप्रतिनिधिलाई बिल बनाउन भ्याईनभ्याई छ। कर्मचारीले खरिद गरेको सामानको दुई गुणा बिल बढाउनेदेखि जनप्रतिनिधि उपभोक्ता समितिका बिल तयार गर्न हतारोमा भेटिन्छन्।
दैनिक उपभोग्य सामग्रीका पसलदेखि होटल, स्टेशनरी, इलेक्ट्रिक र कम्प्युटर पसलहरूमा खाली पान बिल माग्ने वा त्यहीँ बनाउने चलन पुरानो भने होइन। ‘बिल बढाउनका लागि जिल्ला बाहिर पुगेर खरिद गरिन्छ,’ रोल्पा उद्योग वाणिज्य संघ अध्यक्ष विश्वकुमार चन्दले भने, ‘बिल बढाउने काम जिल्लामा मात्राका हिसाबले थोरै छ, कमिसन नदिने हो भने पसलमा सामान नै किन्दैनन्।’
जिल्लामा प्राय स्थानीय तह, एनजिओ, आइएनजिओ, सरकारी सबै कार्यालयले बिल बढाउने गरेको उनको भनाइ छ। ‘यो सिस्टममा नआउनुको परिणाम हो, पटक्कै राम्रो भएको छैन,’ उनले भने, ‘सरोकारवालाले अनुगमनमा जोड दिनुपर्छ।’
नेविसंघले भन्योः सडकबाटै सरकार ढाल्छौं
काठमाडौं – आन्दोलनरत प्रमुख प्रतिपक्ष दल नेपाली कांग्रेसमा आवद्ध नेपाल विद्यार्थी संघ (नेविसंघ) ले आयातित तरकारी तथा फलफूलमा विषादी परीक्षण स्थगित गर्ने निर्णय तत्काल खारेज गर्न सरकारलाई दबाब दिएको छ।
नेविसंघले मंगलबार काठमाडौंको प्रमुख जिल्ला प्रशासन कार्यालयमार्फत् प्रधानमन्त्री केपी शर्मा ओलीलाई ज्ञापनपत्र बुझाउँदै सो निर्णय तत्काल फिर्ता लिन सरकारलाई दबाब दिएको हो। काठमाडौंका प्रमुख जिल्ला अधिकारी रामप्रसाद आचार्यमार्फत् प्रधानमन्त्री ओलीलाई बुझाइएको ज्ञापन पत्रमा सो निर्णय तत्काल खारेज नगरे सरकारलाई सडक आन्दोलनबाटै ढाल्ने चेतावनी पनि दिइएको छ।
नेविसंघका निवर्तमान उपाध्यक्ष रामप्रसाद अधिकारीले जनतालाई तरकारी र फलफूलसँगै विष सेवन गराएर मार्ने सो निर्णय तत्काल खारेज नभए सडकबाटै सरकारलाई ढाल्ने चेतावनी दिए। त्यस अवसरमा नेविसंघले सरकारले भारतको दबाबमा सो निर्णय लिएको दाबी गर्दै व्यंग्यस्वरुप प्रधानमन्त्री ओलीलाई विषादीयुक्त तरकारी र फलफूल पनि जिल्ला प्रशासन कार्यालयमार्फत् उपहार पठाएको छ।
नेपाली कामदार लैजान नपाएपछि बंगलादेशबाट कामदार लिने अन्तिम तयारीमा मलेसिया
काठमाडौं– पहिलो रोजाईमा पर्दै आएका नेपाली कामदार लैजान नपाएपछि अन्तत: मलेसियाले नेपाली कामदारको विकल्प खोजेको छ। आगामी अगष्ट महिना भित्रै बंगलादेशबाट कामदार आपूर्ति गर्ने मलेसियाको तयारी छ। प्रमुख स्रोत गन्तव्य नेपालबाट १३ महिनासम्म कामदार लैजान नपाएपछि मलेसियाका विदेशमन्त्री साइफुद्दीन अब्दुलाह बन्द रहेको बंगलादेशबाट कामदार लिने विषयमा छलफल गर्न बंगलादेश आइपुगेका छन्।
मलेसियालि विदेशमन्त्री साइफुद्दीनले बंगलादेशी कामदारका लागि गतवर्ष डिसेम्बरदेखि बन्द रहेको मलेसियाको ढोका अगष्ट महिना भित्रै खुल्ने आशा व्यक्त गरेकोको भनाइ उदृतगर्दै बंगलादेशका संचार माध्यमले भनेका छन्- ‘विदेशी कामदार आपूर्ति गर्ने विषयमा प्रधनमन्त्री महाथिरले नै एउटा प्रक्रियाको नेतृत्व गरिरहनु भएको छ। मलाई लाग्छ त्यहि नेतृत्वले कामदार आपूर्तिको विषयमा भविष्यमा थप निर्णय गर्नेछ। बंगलादेशकालागि एउटा नयाँ अवसर खुल्दैछ।’
गृहमन्त्रीले चित्त बुझ्दो जवाफ नदिएपछि कांग्रेस र राजपाद्वारा संसद अवरुद्ध
काठमाडाैँ – गृहमन्त्री राम बहादुर थापाको जवाफ चित्तबुझ्दो नभएको भन्दै प्रमुख प्रतिपक्षी दल नेपाली कांग्रेस र राजपाका सांसहरुले संसद बैठक अवरुद्ध गरेका छन् ।
पछिल्लो समय सर्लाहीका तीन घटनामा गृहमन्त्री थापाले दिएको जवाफ चित्त बुझ्दो नभएको भन्दै सासदहरुले संसद अवरुद्ध गरेका हुन् । गृहमन्त्री थापाले राज्य मुलुकमा शान्ति सुव्यवस्था कायम गर्न प्रतिवद्ध रहेकोभन्दै सोही क्रममा सर्लाहीको घटना भएको स्पष्ट पारे।
प्रतिनिधिसभाको मंगलबारको बैठकमा सर्लाही घटनाबारे सांसदहरुले उठाएको जिज्ञासाको सम्बोधन गर्दै उनले शान्ति सुव्यवस्था कायम गर्ने क्रममा सर्लाहीका घटना भएको दावी गरे ।
विषादीबारे मन्त्री यादवकाे प्रष्टीकरणः तीन सचिवले डुबाए
काठमाडौं– उद्योग, वाणिज्य तथा आपूर्तिमन्त्री मात्रिकाप्रसाद यादवले नेपालमा आयात हुने फलफूल तथा तरकारीमा विषादी परीक्षण नगर्ने निर्णय लिनुमा सचिवहरु जिम्मेवार रहेको आरोप लगाएका छन्। सोमबार अपरान्ह मन्त्री यादवले पत्रकार सम्मेलन गरी सचिवहरुको भरपर्दा आफू सो निर्णयका कारण डुबेको बताएका हुन्।
प्रधानमन्त्री तथा मन्त्रीपरिषद कार्यालय, कृषि तथा पशुपंक्षी विकास मन्त्रालय र आफ्नै मन्त्रालयका तीन जना सचिवहरुले गलत सुझाव दिएका कारण आफू सो निर्णयमा डुबेको मन्त्री यादवको दावी छ। मन्त्री यादवले सो निर्णयको जिम्मेवारी भने आफूले लिने पनि स्पष्ट पारे। उनले आफूलाई गुमराहमा राख्ने सचिवहरुलाई ठिक ठाउँमा बस्न पनि सचेत गराए।
अण्डाको मूल्य बढ्यो, किसानको लागत अझैं पुगेन
चितवन – कुखुराको अण्डाको मूल्य वृद्धि भएको छ। अण्डाको मूल्य बढे पनि लागत मूल्य भने कृषकले अझै पाउन सकेका छैनन्। प्रतिक्रेट २००रुपैयाँमा बिक्री हुँदै आएको ठूलो अण्डाको मूल्य अब २८० रुपैयाँ पुगेको छ। सानो अण्डाको मूल्य ११५ रुपैयाँबाट बढेर २३० रुपैयाँ पुगेको छ।
नेपाल अण्डा उत्पादक सङ्घका केन्द्रीय अध्यक्ष त्रिलोचन कँडेलका अनुसार कृषकको लागत मूल्य प्रतिगोटा १० रुपैयाँ पर्दछ। बढेको बिक्रीमूल्य समग्रमा प्रतिगोटा आठ रुपैयाँ ५० पैसा पर्दछ। हाल दैनिक ४० लाख हाराहारी अण्डा उत्पादन हुने गर्दछ। यो सङ्ख्या ५५ लाख पुगेकोमा क्रमशः घट्दै आएको कँडेलको भनाइ छ। अण्डाको मूल्य कम भएपछि धेरैले माउ कुखुरा बिक्री गरेका छन्। यससँगै चर्को गर्मीका कारण उत्पादनमा कमी आएको छ।
सत्तापक्षकै नेता हुनुहुन्छ तर प्रतिपक्षी जस्तो किन?
सत्तापक्षकै नेता हुनुहुन्छ तर प्रतिपक्षी जस्तो किन? एकता पछि नेकपामा भद्रोगोल देखियो नि! नेकपाका नेता भिम रावल
नागरिक फ्रन्टलाइनमा।
भाइरल धर्तिमाताको अर्को तमाशा, आइफामा पैसाको खोलो
आइफा अवार्डबारे सञ्चारमन्त्री भन्छन्: सरकारले घाटाको व्यापार गर्दैन
सरकारका प्रवक्ता एवम् सञ्चार तथा सूचना प्रविधिमन्त्री गोकुल बाँस्कोटाले आइफा अवार्डका लागि बजेट दिने सोचाईमा सरकार नरहेको स्पष्ट पारेका छन्।
मन्त्री बास्कोटाले आइफा अवार्ड नेपालको हितमा हुने भएकाले त्यसलाई सम्पन्न गरेरै छाडने दृढता पनि व्यक्त गरे। मंगलबार संघीय संसदको विकास तथा प्रविधि समितिको बैठकमा सांसदहरुले सो अवार्डबारे प्रश्न उठाएपछि उनले आइफा अवार्डका लागि बजेट दिने सोचाईमा सरकार नरहेको प्रष्टयाए। मन्त्री बाँस्कोटाले आइफा अवार्डको प्रसंग उल्लेख गर्दै सरकारले कुनै पनि क्षेत्रमा घाटाको व्यापार नगर्ने स्पष्ट पारे। उनले ‘नेपाल भ्रमण वर्ष–२०२०’ लाई सफल बनाउन पनि सरकारले सो अवार्ड आयोजना गर्न स्वीकृति दिएको पनि बताए।
‘हली’ बन्दै गृहजिल्लाको रोपाइँमा बाबुराम
समाजवादी पार्टी नेपालका संघीय परिषद् अध्यक्ष डा.बाबुराम भट्टराई गृहजिल्ला गोरखा पुगेर राष्ट्रिय धान दिवस मनाएका छन्। गोरखाको पालुंगटार नगरपालिका–१ स्थित सफल मल्टीपर्पोज कृषि फर्मको आयोजनामा पुर्ख्यौली थलोमा धान दिवस मनाएका हुन्।
धान रोपाइँमा सरिक भएका उनले कृषिको आधुनिकिकरण र व्यवसायीकरणमा जोड दिन आग्रह गरेका छन्। उनले सामाजिक सञ्जाल फेसबुकमा ‘हो हो तारे हो हो। हो हो माले हो हो’ भन्दै पोष्ट गरेका छन्। उनले पोष्ट गरेको तस्बिरमा हली बनेर दाँदे लगाइरहेको देखिन्छ भने अर्को तस्बिरमा बाउसे गरिरहेको देखिन्छ।