Nagarik 360

कांग्रेस कहिलेसम्म बुढाहरुको कब्जामा ?

प्रमुख प्रतिपक्षी नेपाली कांग्रेसको महासमिति बैठक शनिवारदेखि काठमाडौंमा चलिरहेको छ । केन्द्र र प्रदेशको चुनाव यता पहिलोपटक बसेको बैठकलाई निकै महत्त्वका साथ हेरिएको छ । बैठकमा पार्टी पदाधिकारीले पेश गरेको राजनीतिक तथा आर्थिक प्रतिवेदनमाथि महासमिति सदस्यले बोल्ने क्रम जारी छ । यस बाहेक बैठकमा गत वर्षको चुनावमा पार्टीको हार, सभापतिको अधिकारदेखि पार्टी विधान परिवर्तन सम्मका एजेन्डामा छलफल भैरहेको बैठकमा सहभागी नेताहरू बताउँछन् ।
यस बैठकसंगै अब पार्टी नेतृत्व कसको हातमा जाला भन्ने प्रष्ट हुँदै जानेछ ।  चुनावमा पार्टीले भोग्नुपरेको लज्जास्पद हार र प्रतिपक्षी दलको नेताको रूपमा कमजोर प्रस्तुतिका कारण पार्टीभित्र सभापति शेरबहादुर देउवाको विकल्प खोजिनुपर्नेमा धेरैको एकमत छ । केहीले त देउवाले अहिले नै राजीनामा दिनुपर्ने तर्क समेत गरिरहेका छन् ।
पार्टीमा युवा नेताहरू १४ औं महाधिवेशनबाट पुराना नेतालाई नेतृत्वबाट हटाएर नयाँ पुस्ता ल्याउने अभियानमा छन् । के नेपालको सबैभन्दा पुरानो पार्टीको नेतृत्व साँच्चै युवा पुस्तामा जाला वा नेतृत्वमा बुढाहरुकै दबदबा कायम रहला ? अरु भिडियो रिपोर्टमा ।

About Nagarik 360

Nagarik 360 offers a bird’s eye view of the issue you need to know. We keep you informed on the issues that matter to you by putting the latest media headlines & events into a wider perspective.

बृहत दृष्टिकोणका लागि नागरिक ३६० ।

नगरिक ३६० ले कुनैपनि मुद्दालाई व्यापक दृष्टिकोणमा राख्दछ। अहिले चर्चामा रहेका विषयहरू बुझ्न र सचेत निष्कर्षमा पुग्नको लागि हामी तपाईहरुलाई मद्दत गर्दछौँ। समाजमा भइरहेका घटना र समस्याहरूसंग सम्बन्धित समाचार अनि तर्कहरु यहाँहरु समक्ष प्रस्तुत गर्दछौँ।