रैथाने राजनीति भन्दा भिन्न कसरी?

राजनीति अहिले लाजनीति बन्दैछ किन?

राजनीतिक साक्षरतामा विचलन! राजनीति अहिले लाजनीति बन्दैछ किन? राजनीतिमा किन लागेको हुँ भन्ने स्पष्ट नभइ धेरै पात्रले राजनीतिलाई पेशा बनाइदिंदा विकृत बन्दै गएको नेकपाका केन्द्रीय सदस्य लेखनाथ न्यौपानेको ठम्याइ छ।

आखिर किन पक्राउ परे दुर्गेश थापा ?

अपराधिक गतिविधिमा संलग्न जो कोहीलाई पनि सरकारले छाड्दैन्ः रायमाझी

काठमाडौं- सत्तारुढ दल नेपाल कम्युनिष्ट पार्टी (नेकपा)का नेता टोपबहादुर रायमाझीले अपराधिक गतिविधिमा संलग्न जो कोहीलाई पनि सरकारले कार्वाही गर्ने बताएका छन्। पूर्वउपप्रधानमन्त्री समेत रहेका नेता रायमाझीले विगतका सरकारले ल्याउन नसकेको अपराधिक घटनालाई वर्तमान सरकारले बाहिर ल्याएर कार्वाही प्रक्रियालाई अघि बढाउने आँट गरिरहेको पनि स्पष्ट पारे।

मंगलबार काठमाडौंमा आयोजित साक्षात्कार कार्यक्रममा बोल्दै उनले विगतमा अपराधिक गतिविधिमा संलग्नहरुलाई सरकारले कुनै पनि प्रकारको बचाउ नगर्ने दृढता पनि व्यक्त गरे। नेता रायमाझीले गाउँगाउँमा विकास निर्माणको कामको लहर सुरु भएको पनि बताए। सडक, सञ्चार, सिंचाईको सुविधा गाउँगाउँमा पुगेको छ,’ नेता रायमाझीले भने ‘इतिहासमा यस अघि यस खालको विकास निर्माणको लहर कहिल्यै चलेको थिएन।’ नेता रायमाझीले अव सरकारले जनताको अपेक्षा अनुसार काम गर्ने दावी पनि गरे।

Wardrobe: The Shine Collection Bagbazar, Kathmandu 9869050396

‘माननीयहरुका बारेमा आएका समाचार लज्जाको विषय, कानूनमाथि कोही छैन’

काठमाडौं– प्रमुख प्रतिपक्षी दल नेपाली काग्रेसका नेता मीन विश्वकर्माले सत्तारुढ  नेकपाले ययअघि सभामुख र उपसभामुख चयन गर्दा बहुमतको दम्भका अधारमा संविधान मिचेर चयन गरेकाले अब भने नेपाली काग्रेसले त्यस्तो प्रवृत्तिको सशक्त प्रतिवाद गर्ने बताए।

संविधान बमोजिम सभामुख उपसभामुख फरक दल र लिङ्गको  हुनपर्ने व्यवस्थालाई उल्लंघन गर्दै यसअघि नेकपाले झेली गरेको भन्दै विश्वकर्माले अब त्यो सम्भव नुहने बताए।

विश्वकर्माले पछिल्लो समय माननीयहरुका बारेमा आएका समाचार निकै लज्जाको विषय भएको भन्दै संविधान भन्दा माथि कोही नभएकाले जुन सुकै ओहदाको भए पनि अपराधीलाई कानुन बमोजिम कारवाही गर्नु पर्नेमा काग्रेस प्रतिवद्ध रहेको बताए।

आलम छुट्ने डरले पीडित आतंकित

रौतहट – राजपुर बमकाण्डका पीडितहरू अहिले त्रासद जीवन बाँच्न बाध्य छन्। सो बमकाण्डका मुख्य आरोपित सांसद महम्मद आफताब आलम असोज २६ गते पक्राउ परेसँगै विभिन्नखाले धम्कीहरू आउन थालेको भन्दै पीडितहरूमा डरको स्थिति पैदा भएको हो। आलम थुनामुक्त भए आफूहरूलाई फेरि दुःख दिने डरले घटनाका पीडित, प्रहरीलाई बयान दिने र तिनका आफन्तहरू थर्कमान भएका हुन्।

बमकाण्डमा मारिएका पिन्टु भनिने त्रिलोकप्रताप सिंहका दाजु सत्येन्द्रप्रताप सिंह आफूहरू मुस्किलले दुई घण्टा पनि सुत्न नसकेको बताउँछन्। आलम थुनामुक्त भए आफूहरू मारिने त्रासले निदाउन नसकिएको उनको भनाइ छ। त्रिलोकका पिता ७९ वर्षीय श्रीनारायण सिंह छोरा मारिएपछि कारबाहीको माग गर्दै निरन्तर विभिन्न अड्डा धाइरहेका छन्। आफूले पहिलेदेखि नै विभिन्न धम्की सहँदै आएकाले खासै डर नलागे पनि आलम पक्राउ परेपछि भने केही गरिहाल्ने हुन् कि त्रास पैदा भएको उनी बताउँछन्।

बैतडीमा डोजर आक्रमणमा ८ घाइते, चालक पक्राउ

बैतडी-    सडक निर्माणका विषयमा बैतडीमा विवाद हुँदा सडक खनिरहेको डोजरबाट आक्रमण हुँदा आठ जना घाइते भएका छन्। घाइतेमध्ये दुई जनाको अवस्था गम्भीर रहेको छ।

दशरथचन्द नगरपालिका–९ ग्वाल्लेकमा कच्ची सडक निर्माणका विषयमा विवाद भएपछि डोजर चालकले डोजरमार्फत आक्रमण गर्दा स्थानीय गौरा जोशी र सुरेशप्रसाद जोशी गम्भीर घाइते भएका हुन्। घाइतेमध्ये गौरा अचेत छिन्। गौरालाई चालकले डोजरको बकेटले आक्रमण गरेको भिडियोमा देखिन्छ। गम्भीर घाइते दुवै जनालाई उपचारका लागि जिल्ला अस्पताल बैतडी लगिएकोमा त्यहाँ उपचार हुन नसकेपछि कोहलपुर रेफर गरिएको जिल्ला प्रहरी कार्यालयका प्रमुख प्रहरी नायब उपरीक्षक डिल्लीनारायण पाण्डेयले जानकारी दिए।

‘आङ सान सुकी नेपाल आउने’

काठमाडौं– सरकारले म्यानमारका स्टेट काउन्सिलर आङ सान सुकीको नेपाल भ्रमणको तयारी सुरु गरेको छ। राष्ट्रपति विद्या भण्डारीको हालै सम्पन्न म्यानमारको राजकीय भ्रमणका क्रममा सूकीले नेपाल भ्रमण वर्ष–२०२०’ को प्रवद्र्धन गर्न नेपाल आउने चाहना व्यक्त गरेलगत्तै सरकारले उनको भ्रमणको तयारी सुरु गरेको हो।

सोमबार राष्ट्रपति भण्डारीको उच्चस्तरीय भ्रमण सम्पन्न गरी स्वदेश फर्किएका परराष्ट्रमन्त्री प्रदिप ज्ञवालीले त्रिभुवन अन्तराष्ट्रिय विमानस्थलमा सञ्चारकर्मीमाझ म्यानम्यारका स्टेट काउन्सिलर सुकीले नेपाल भ्रमण वर्षको प्रवद्र्धनका लागि नेपाल आउने चाहाना राष्ट्रपति समक्ष व्यक्त गरेकाले सरकारले सो भ्रमणका लागि प्रबन्ध गर्ने कामलाई अघि बढाईसकेको जानकारी दिए।

नेवि संघ नेतृत्वका लागि कांग्रेसमा जुटेन सहमति

काठमाडौं – नेपाली कांग्रेसका शीर्ष नेताहरूबीच पार्टीको प्रमुख भ्रातृ संगठन नेपाल विद्यार्थी संघको केन्द्रीय समिति गठनका विषयमा सहमति जुट्न सकेको छैन। देउवा निवास बुढानीलकण्ठमा आइतबार भएको छलफलमा पार्टी सभापतिले एक वर्षभित्र महाधिवेशन गर्ने गरी संघको केन्द्रीय समिर्ति  प्रस्ताव गरेकोमा सहमति जुट्न नसकेको हो।

देउवाले संघको महाधिवेशन गराउनका लागि आफूले संयोजक दिने प्रस्ताव गर्दै अन्य सदस्यहरूको नाम दिन नेता रामचन्द्र पौडेलसहितका असन्तुष्ट पक्षीय नेताहरूलाई आग्रह गरेका थिए। देउवाले महाधिवेशन गराउन ‘प्लेन’ समिति बनाउनै राम्रो हुने भन्दै आफू सहमतिबाटै संघको महाधिवेशन आयोजक समिति गठनको पक्षमा रहेको धारणा राखेका थिए।

बाला नझुलेपछि बोट काट्दै किसान

कैलाली – नेपाल सरकारले पञ्जिकृत गरेको गरिमा जात (वर्णशंकर) को धान खेती गरेका कैलाली र कञ्चनपुरका किसानको ३ सय ४८ हेक्टर जमिनमा फसल लागेको छैन। कैलाली–कञ्चनपुरका किसानले मसिनो तथा बास्नादार र खानका लागि स्वादिलो हुने भन्दै गरिमा जातको धान रोपेका थिए। धान पाक्ने बेलामा पनि बाला नलागेपछि किसानले धोका पाएको महसुस गरेका छन्।

कैलाली–कञ्चनपुरमा एक लाख २० हजार हेक्टर क्षेत्रफलमा धान खेती हुँदै आएकोमा ३ सय ४८ हेक्टरमा लगाएको गरिमा जातको धानले फसल दिएको छैन। कञ्चनपुरमा ५६ दशमलव ८६ हेक्टर र कैलालीमा दुई सय ९१ हेक्टर जमिनमा गरिमा जातको धान रोपिएको थियो। गरिमा जातको धान खेती गरेका कञ्चनपुरका दुई सय २५ किसान र कैलालीका ९ सय ६४ किसान बाला नलागेपछि पीडित बनेका छन्।

ओली–दाहाल विवादमा नेपाल ‘मौन’

काठमाडौं – नेपाल कम्युनिस्ट पार्टी(नेकपा)भित्र दुई अध्यक्ष केपी शर्मा ओली र पुष्पकमल दाहालबीच सत्ता हस्तान्तरण वा पार्टीमा कार्यकारी अध्यक्षको विवाद भइरहँदा अर्का नेता माधवकुमार नेपाल भने मौन बसेका छन्। पार्टी एकताको बेला भएका समझदारी कार्यान्वयन हुनेमा शंका व्यक्त गर्दै पार्टीका अध्यक्ष दाहालले पार्टीका नेतासँग गुनासो गर्दा नेपाल भने मौन बसेका हुन्। उनले पार्टीका पछिल्ला गतिविधि र ओली दाहालबीच देखिएको आन्तरिक विवादमा केही पनि बोलेका छैनन्।

पार्टी एकताको समयमा भएको मध्ये आलोपालो प्रधानमन्त्री बन्ने समझदारी कार्यान्वयन हुनेमा शंका व्यक्त गर्दे पूर्वएमालेका नेतासँगको भेटघाटलाई अध्यक्ष दाहालले तिव्रता दिएका थिए। प्रधानमन्त्रीसमेत रहेका अध्यक्ष ओलीले पार्टी वा सरकारमध्ये एक जिम्मेवारी दिने आश्वसन दिए पनि बेलाबखत धोका महशुस गर्दै आएका छन्। ओलीले भने समय नै नआई दाहालले हतार गर्न थालेको भन्दै समयआएपछि कार्यान्वययनतर्पm जाने बताउन थालेका छन्। दसंैलगत्तै दाहालले सचिवालय सदस्य ईश्वर पोखरेललाई घरमै पुगेर भेटघाट गरेका थिए। पोखरेलसँग करिब डेढ घण्टा छलफल गरेका दाहालले झलनाथ खनाल, माधवकुमार नेपाल र वामदेव गौतमसँग पनि छलफल गरेका थिए। पार्टी एकतापछि दाहाल र पोखरेलबीच बहुदलीय जनवादको विषयमा मत बाझिएको थियो। तर पछिल्लो समय कम्युनिस्ट पार्टीलाई एकताबद्ध बनाएर लैजानुपर्छ भन्ने विषयमा दाहाल पोखरेल एक ठाउँमा उभिएका छन्।

विप्लव समूहका नेता गुणराज लोहनी पक्राउ

काठमाडौं – नेत्र विक्रम चन्द ‘विप्लव’ नेतृत्वको प्रतिबन्धित नेकपाका नेता गुणराज लोहनीलाई प्रहरीले पक्राउ गरेको छ। लोहनीलाई मंगलबार बिहान चितवनबाट पक्राउ गरिएको प्रहरीले जनाएको छ।

यसअघि उक्त पार्टीका केन्द्रीय सदस्य रहेका लोहनीलाई स्वास्थ्य समस्याकाे कारण देखाउँदैं जिम्मेवारीबाट मुक्त गरिएको विज्ञप्ति विप्लवले सोमबार मात्रै जारी गरेका थिए। पार्टीको आठौं पूर्ण बैठकले उनलाई जिम्मेवारीबाट मुक्त गरिएको विज्ञप्तिमा उल्लेख छ। उनलाई केन्द्रीय समितिबाट मात्रै मुक्त गरिएको हो वा पार्टीबाटै त्यो भने विज्ञप्तिमा खुलाइएको छैन।

दुर्गेस थापाको ‘ह्याप्पी तिहार’ गीत प्रतिबन्ध

काठमाडौ- सरकारले दुर्गेस थापाको ‘ह्याप्पी तिहार’ बोलको गीतमा खानपानलाई अतिरञ्जित गर्दै नेपालीको संस्कृतिलाई नै विकृत बनाउने गरी शब्दहरु प्रयोग गरिएकाले प्रतिबन्ध लगाई प्रसारण तत्काल बन्द गर्न निर्देशन दिएको छ।

उक्त गीतमा कानूनबमोजिम नेपालमा प्रतिबन्धित लागुऔषध गाँजा सेवनलाई युवामा प्रोत्साहन हुने गरी सङ्गीत भरेर दृश्य छायाङ्कन गरी समाजमा गलत सन्देश फैलाउने कार्य गरेकाले प्रतिबन्ध लगाईएको हो।

सञ्चार तथा सूचना प्रविधि मन्त्रालयले गृहमन्त्रालयको पत्रानुसार थापाले आफ्नो युट्यूब च्यानलमा सार्वजनिक गरेको उक्त गीतमाथि आमसञ्चारमाध्यममा प्रतिबन्ध लगाई प्रसारण तत्काल बन्द गर्न निर्देशन दिएको छ। रासस

कतार पुगेका खोटाङका पाँच युवा दुई महीनादेखि अलपत्र

खोटाङ- वैदेशिक रोजगारीको सिलसिलामा कतार पुगेका खोटाङका पाँच युवा दुई महीनादेखि अलपत्र छन्। केपिलासगढी गाउँपालिका–४ बाक्सिलाका युवराज तामाङ, तारामान तामाङ, रामकुमार तामाङ, करणबहादुर तामाङ र सन्जिप तामाङ दुई महीनादेखि अलपत्र परेका हुन्।

छ महीनाअघि कतारको राजधानी दोहास्थित त्रिपलयाक्स कन्ट्रयाक्टिङ एण्ड सर्भिसेस कम्पनीमा पुर्‍याइएका आफूहरुलाई सो कम्पनीले तोकिएको काम र तलब नदिएपछि अलपत्र परेको पीडित युवराजले बताए। ‘चार महीनासम्म लेबरको काम लगायो’, उनले भने, ‘कम्पनीले सम्झौताविपरीत काम लगाए पनि तलबसमेत नदिएको र अहिले मेनोफ्युज सप्लाइ कम्पनीले भने खान र बस्न दिएर राखेको छ।’

सगुन लाइटको कनेक्ट, शेयर र अर्न उद्देश्यसहितकाे ‘स्मार्ट कोइन्स’ सार्वजनिक

काठमाडौं – सगुन लाइटले कनेक्ट, शेयर र अर्न लक्ष्य बोकेको स्मार्ट कोइन्स सार्वजनिक गरेको छ। आज एक प्रेस विज्ञप्ति जारी गर्दै आफ्ना प्रयोगकर्ताले सामान खरिद गर्न, उपहार दिन र कमाउन सकिने व्यवस्थासहितको उक्त स्मार्ट कोइन्स सार्वजनिक गरेको हो।

सगुन लाइटको प्रयोग गरी खुला रूपमा आफ्ना व्यक्तिगत विचार तथा अनुभवको साथै आफ्ना वरपर भैरहेका घटनाहरु र राजनीति, कानून, न्याय, धर्म जस्ता सार्वजनिक सरोकारका विषयहरूमा अभिव्यक्ति संप्रेषण गर्न पनि सकिने नेपालका लागि सगुन लाइटका संस्थापक गोविन्द गिरीले बताए।

उनका अनुसार स्मार्ट कोइन्स मार्फत सामान खरिद गर्न, उपहार दिन र कमाउन सकिने उद्देश्यसहित सगुनले आफ्नो उत्पादन सोसियल स्मार्ट कार्ड ‘अ डिजिटल वालेट’ सार्वजनिक गरेको हो। मानिसहरु अब सगुनसँग जोडिएर आफ्ना साथीभाई र परिवारसँग सामाजिकीकरण हुँदा स्मार्ट क्वाइनहरु कमाउन सक्छन् भन्ने कुराको घोषणा गर्न पाउँदा सगुन निकै उत्साहित भएको जारी विज्ञप्तिमा उल्लेखको छ।

Wardrobe: The Shine Collection Bagbazar, Kathmandu 9869050396

दयाहाङ राईलाई प्रचण्ड तारिफ- ‘ अर्ग्यानिक अयाक्टर!’

दयाहाङ राईलाई प्रचण्ड तारिफ- ‘ अर्ग्यानिक अयाक्टर!’

चीनसँग गरिएका सम्झौताहरुबाट नेपालको आर्थिक विकासमा कस्तो टेवा पुग्ला?

चीनका राष्ट्रपति सी चिनफिङको नेपाल भ्रमणलाई नेपाली काङ्ग्रेसले पनि ऐतिहासिक भनेको छ। चीनसँग गरिएका सहमति एवं सम्झौताहरुबाट नेपालको आर्थिक विकासमा कस्तो टेवा पुग्ला? नेपाली काङ्ग्रेसका नेता तथा पूर्व परराष्ट्र एवं अर्थमन्त्री डा. रामशरण महत नागरिक फ्रन्टलाइनमा।

पारस र सोनिकाको यो कस्तो निकटता ?

महरालाई थप ३ दिन हिरासतमा राख्न अनुमति

काठमाडौं- जिल्ला अदालत काठमाडाैंले निवर्तमान सभामुख कृष्णबहादुर महरालाई थप ३ दिन हिरासतमा राख्न अनुमति दिएको छ। मंगलबार अदालत न्यायाधीश दीपककुमार दाहालले महरालाई थप ३ दिन हिरासतमा राखेर अनुसन्धान गर्न अनुमति दिएको हो।

महराले एक कर्मचारीलाई बलात्कारको प्रयास गरेको भन्दै १९ असोजमा बालुवाटारस्थित सरकारी निवासबाटै पक्राउ परेका थिए। यसअघि १० दिन हिरासतमा बसेकाले थप ३ दिन हिरासतमा राखेर अनुसन्धान गर्न अनुमति दिएकाे महानगरीय प्रहरी परिसर काठमाडाैंका एसएसपी उत्तम सुवेदीले बताए।

Wardrobe: The Shine Collection Bagbazar, Kathmandu 9869050396

गाईको संरक्षण गर्न र सडकमा छोड्ने पशुधनीलाई कारवाही गर्न सर्वाेच्चको आदेश

काठमाडौं– सर्वाेच्च अदालतले राष्ट्रिय जनावर गाईको संरक्षण गर्न सरकारका नाममा परमादेश जारी गरेको छ।

गाईगोरु संरक्षण तथा सडकमा छोड्नेलाई कारवाहीको माग गर्दै अधिवक्ता पदमबहादुर श्रेष्ठले दायर गरेको रिट निवेदनमा फैसला गर्दै न्यायाधीशद्वय डा. आनन्दमोहन भट्टराई र पुरुषोत्तम भण्डारीको इजलासले संविधानतः राष्ट्रिय जनावर घोषित गाईसहित गोरु बाच्छा बाच्छीको संरक्षण गर्न परमादेश जारी गरेको हो।

मंगलबार सार्वजनिक फैसलाको पूर्णपाठमा गाईको संरक्षण धार्मिक तथा सांस्कृतिक रुपमा समेत अत्यन्त महत्वपूर्ण भएको र संविधान एवं कानुन रुपमा समेत राज्यको दायित्व भएको उल्लेख छ।

‘जहाँ जहाँ समस्या देखिएको छ, त्यहाँको प्रदेश तथा स्थानीय तहहरु समेतको सहकार्य, सहयोग र समन्वयमा त्यस्ता छाडा पशुको साथै किसानले पालिरहेका पशुपंक्षीको तथ्यांक संकलन गर्ने, पालिएका सबै पशुहरु पहिचान हुन सक्ने गरी ट्यागिङ गर्ने र कम्प्युटर प्रविधिको माध्यमले समस्याग्रस्त क्षेत्रमा पहिलो चरणमा र त्यसपछि देशैभरी पशुहरुको तथ्यांक लिने व्यवस्था मिलाउने’, फैसलामा भनिएको छ।

राजनीतिकरण भएको भन्दै उपेन्द्र महतोद्वारा एनआरएन सम्मेलन बहिस्कार

काठमाडौं- गैरआवासीय नेपाली संघ (एनआरएनए) को नवौं विश्व सम्मेलन चरम राजनीतिकरण भएको भन्दै संघका संस्थापक अध्यक्ष तथा प्रमुख संरक्षक डा. उपेन्द्र महतोले बहिष्कार गरेका छन्।

संघमा अस्वभाविक राजनीतिक ध्रुवीकरण गर्दै भातृ संगठन जस्तो बनाउन खोजिएकोले आफुले सम्मेलन बहिस्कार गरेको महलोले नागरिकन्यूजलाई बताए। ‘राजनीतिक गर्नुहुन्न चुनाव लड्नु हुन्न भनेर मैले भनेको छैन’, महतोले भने, ‘तर एनआरएनलाई यसकै रुपमा दिउँ राजनीतिक प्यानल नबनाउँ भन्ने मेरो भनाई हो।’

विश्वर छरिएर रहेका नेपालीहरुको साझा संगठनलाई कुनै पार्टीको भातृ संगठन जस्तो बनाउन नहुने उनको तर्क छ।

धुव्रीकरण र खिचातानी गर्नु अस्वभाविक रहेको पनि महतोको ठहर छ। संघमा आवद्ध भएकाहरुले मातृभूमीप्रतिको दायित्व भुल्न नहुने उनको तर्क छ।

पत्रकार र मिडियाप्रति किन खनिए प्रधानमन्त्री ?

काठमाडौं- प्रधानमन्त्री केपी शर्मा ओलीले पश्चिमा संस्कृतिको अनुकरण गरेर सञ्चारमाध्यम र संचारकर्मीले आफ्नो शिष्टता र मर्यादा बिर्सेकोमा असन्तुष्टी व्यक्त गरेका छन्। मंगलबार नेपाल प्रज्ञा प्रतिष्ठानले राजधानीमा आयोजना गरेको दोश्रो चीन र दक्षिण एसिया साहित्य सम्मेलनको उद्घाटन समारोहलाई सम्बोधन गर्दै प्रधानमन्त्री ओलीले संचारमाध्यममा प्रयोग भएका भाषाका सम्बन्धमा असन्तुष्टी जनाएका हुन्।

उनले भाषा र संस्कृति नबिर्सन सचेत पनि गराए। उनले विकसित मुलुकको संस्कृति देखासिकी गर्ने परिपार्टीले नेपाली भाषा, संस्कृति र मर्यादालाई नयापुस्ताले विर्सदै गएको बताए। विशेष गरेर सामाजिक सञ्जाल र सञ्चारक्षेत्रमा प्रयोग भएका भाषा प्रति उनले गम्भीर असन्तुष्टी जाहेर गरे। उनले भने ‘सभ्यताका पर्खालहरु बागमतिमा फालिए। शिष्टता, मर्यादा केही पनि छैन्। पत्रकारले बाउलाई पनि तपाई भन्दैन। तिमी भन्दा माथि उठेर। यो एउटा ट्रेन हो। किन भने अग्रेजीको ‘यु’ लोभ लागेर, अर्काको एउटा ‘यु’ भन्ने शब्दको लोभ लागेर बालाई तपाई भन्न गाह्रो लाग्यो। किन भने पैसावाला, डलरवाला, ‘यु’ वालाहरु ‘यु’ ले काम चलाउँछन् किन काम नचलाउने? सभ्यता त त्यो रहेछ भन्ने भ्रम पर्या छ। सानालाई तिमी भन्ने ठुलालाई तपाई भन्ने स्वभाविक हो। भाषा समाजको संस्कृतिको एउटा आफ्नो प्रचलन हुन्छ आफ्नो मर्यादा हुन्छ।’

सांसद साहलाई जनकपुर ल्याइयो

लहान– काठमाडौं विमानस्थलबाट पक्राउ परेका राष्ट्रिय जनता पार्टी (राजपा)बाट निर्वाचित प्रतिनिधिसभा सदस्य (सांसद) प्रमोदकुमार साहलाई विमानबाटै प्रहरीले जनकपुर ल्याएको छ। साह चढेको बुद्ध एयरको विमान ४ः४० बजे जनकपुर विमानस्थलमा अवतरण भएको थियो। उनलाई विमानस्थलबाट कडा सुरक्षा घेरामा राखेर जिल्ला प्रहरी कार्यालय जनकपुर लगिएको छ।

दिउँसोदेखि राजपा समर्थकहरुको ठूलो भिड जनकपुर विमानस्थलभित्र प्रदर्शन गरिरहेका थिए। भिडलाई नियन्त्रण गर्न ठूलो संख्यामा सुरक्षाकर्मी परिचालन गरिएको थियो। साहलाई कडा सुरक्षा स्कर्टिङबिच विमानस्थलबाट जिल्ला प्रहरी कार्यालय जनकपुर लगिएको छ।

साह पक्राउ प्रकरणले निम्त्याउन सक्ने असहज अवस्थालाई मध्य नजर गर्दै विमानस्थलदेखि जनकपुर क्षेत्रको सुरक्षा व्यवस्था कडा पारिएको छ। चोकचोकमा सुरक्षाकर्मी तैनाथ छन्।

सीको भ्रमणलाई तत्काल हुने लाभहानीको रुपमा विश्लेषण नगर्नुस्ः सञ्चारमन्त्री

काठमाडौं– सञ्चार तथा सूचना प्रविधिमन्त्री गोकुल बास्कोटाले चिनियाँ राष्ट्रपति सी चिनफिङको नेपाल भ्रमणलाई तत्काल हुने लाभहानीको रुपमा विश्लेषण नगर्न आग्रह गरेका छन्। सरकारका प्रवक्तासमेत रहेका मन्त्री बास्कोटाले चिनियाँ राष्ट्रपतिको नेपाल भ्रमण असाधारण रुपले सफल रहेको उल्लेख गर्दै त्यसलाई तत्काल हुने लाभहानीको रुपमा नहेर्न आग्रह गरेका हुन्।

मंगलबार काठमाडौंमा आयोजित एक कार्यक्रममा बोल्दै उनले चिनियाँ राष्ट्रपति सीको नेपाल भ्रमणले दुई मुलुकको बीचको सम्बन्धलाई सगरमाथाको उचाईमा पु¥याएको पनि बताए। त्यसबाट सिंगो नेपाल र नेपाली जनता अत्यन्तै खुसी भएको मन्त्री बास्कोटाको भनाई छ। मन्त्री बास्कोटाले चिनियाँ राष्ट्रपति र चीनको उचाईबाट भएको यो भ्रमणले नेपालको अन्तराष्ट्रिय स्तरमा ईज्जत, मान र प्रतिष्ठा पनि बढाएको उल्लेख गरे। चिनियाँ राष्ट्रपतिको नेपाल भ्रमणले दुई मुलुकबीचको न्यायो र हार्दिक सम्बन्धलाई सगरमाथा झैं उचाई र सागरझैं गहि¥याईमा पु¥याएको छ,’ मन्त्री बास्कोटाले भने ‘यसलाई आजको भोली के भयो? भन्ने कोणबाट विश्लेषण गर्न हुन्न।’

भूकम्पपछिको पुनःनिर्माण, बनेनन् सरकारी भवन नै

काठमाडौं – २०७२ साल वैशाख १२ को महाभूकम्पबाट भत्केका निजी आवासीय घरहरूको पुनःनिर्माणमा ढिलाइ भइरहेको तथ्यांक बाहिर आइरहेको बेला सरकारी भवनकै पुनःनिर्माण पनि त्योभन्दा गए–गुज्रेको देखिएको छ। भूकम्पले क्षति पु-याएका राजधानी काठमाडौंकै भवन पुनःनिर्माण सम्पन्न नभएको देखिएको छ।

काठमाडौंमा भत्केका सरकारी भवनहरूमध्ये हालसम्म एउटामात्रै अर्थात् समरजंगी कम्पनी कार्यालयको भवन निर्माण कार्य सम्पन्न भएको तथ्यांक छ। यो भवनको निर्माण कार्य सम्पन्न भई हस्तान्तरणको चरणमा रहेको छ। महाभूकम्पले भत्केका सरकारी भवनहरू सरकारी स्रोतबाट र एसियाली विकास बैंक एडिबीको ऋण सहयोग गरी दुईतिरबाट बनिरहेका छन्। तीमध्ये सरकारी स्रोतबाट हालसम्म काठमाडौंमा एउटामात्रै सकारी भवन निर्माण सम्पन्न भएको छ।

विकास र समृद्धिको मुख्य ढोका

सुर्खेत – कर्णाली प्रदेशका मुख्यमन्त्री महेन्द्रबहादुर शाही चीनका राष्ट्रपति सी चिनफिङ र प्रधानमन्त्री केपी शर्मा ओलीको उपस्थितिमा हुने सम्झौताको व्यग्र प्रतिक्षामा थिए। चीनका राष्ट्रपति आउनु एक साताअघि नै काठमाडौं पुगेर उनले प्रदेशको समृद्धिसँग जोडिएको ‘जमुनाह–हिल्सा’ सडकलाई दुई देशबीच हुने सहमतिमा समावेश गर्न ‘लबिङ’ गरिरहे। आइतबार भएको २० बुँदे समझदारीभित्र कर्णालीको ‘लाइफलाइन’ समेटियो। ‘प्रदेश सरकारले अघि सारेको योजना सफल भयो,’ नागरिकसँग कुरा गर्दै मुख्यमन्त्री शाहीले भने, ‘कर्णालीको विकास र समृद्धिको ढोका यहीँ लाइफलाइनले खोल्नेमा हामी ढुक्क छौं।’

गत असोजमा कर्णालीसँग सीमा जोडिएको चीनको सिचुवान प्रान्तको भ्रमण गरेर फर्केपछि मुख्यमन्त्री शाहीले कर्णालीलाई दुई ठूला छिमेकीलाई जोड्ने पुलको रुपमा विकास गर्ने बताएका थिए। भ्रमणका क्रममा जमुनाह–हिल्सा सडकको विस्तृत परियोजना प्रतिवेदन (डिपिआर) तयार गर्ने सहमति भएअनुसार चीन सरकारको स्वामित्वमा रहेको चाइना रेलवे इरवान इन्जिनियरिङ कम्पनीले सडकको डिपिआर प्रदेश सरकारलाई बुझाइसकेको छ। उसले सडक निर्माणको जिम्मा आफूले पाए तीन वर्षभित्र सम्पन्न गर्ने आशय व्यक्त गरेको छ। चीन सरकारसँग भएको सहमतिसँगै तीन वर्षभित्र सडक सञ्चालनमा आउने विश्वास मुख्यमन्त्री शाहीले गरे।

के–पप गायिका सुल्ली मृत भेटिइन्

सियोल  – दक्षिण कोरियनकी के–पप गायिका तथा अभिनेत्री सुल्ली मृत भेटिएकी छन्। राजधानी सियोलस्थित निवासमा मृत भेटिएकी २५ वर्षीया गायिका सुल्लीले आत्महत्या गरेको आशंका स्थानीय प्रहरीले गरेको छ।

‘उनका म्यानेजर नियमित कामको सिलसिलामा उनको घर पुग्दा गायिका सुल्ली अचेत अवस्था थिइन्। उनी डिप्रेसनबाट ग्रसित समेत थिइन्। जसको कारण उनले जीवनको उत्साहभन्दा मृत्युलाई छनोट गरेको हुन सक्छिन्,’ स्थानीय प्रहरीले भनेका छन्। सामाजिक सञ्जाल इन्स्टाग्राममा सक्रिय गायिका सुल्ली आफ्नो व्यवहारका कारण विवादमा पर्ने गरेकी थिइन्।

५० लाख बढी फलोअर कमाएकी गायिका सुल्ली सामाजिक सञ्जालमा आफ्ना समर्थकलाई गालीगलौच गर्ने गर्थिन्। सामाजिक सञ्जालमा अर्धनग्न फोटो राखेपछि विवादित बनेकी ती गायिका पछिल्लो समय मौन बसेको अनुमान धेरैले गरेका थिए।

जलविद्युतमा लगानी गर्न गैरआवासीय नेपालीलाई अर्थमन्त्रीको आग्रह

काठमाडौं– अर्थमन्त्री डा. युवराज खतिवडाले नेपालको जलविद्युतको क्षेत्रमा लगानी गर्न गैर आवासीय नेपालीहरुलाई आग्रह गरेका छन्।

अर्थमन्त्री खतिवडाले गैर आवासीय नेपालीहरुलाई नेपालको जलविद्युत क्षेत्रमा लगानी गरे उच्च प्रतिफल प्राप्त हुने आश्वासन पनि दिए। गैर आवासीय नेपाली संघको मंगलबारबाट काठमाडौंमा सुरु भएको नवौं विश्व सम्मेलनको पहिलो सत्रलाई सम्बोधन गर्दै उनले सरकार एक्लैले मुलुकलाई समृद्ध बनाउन आवश्यक लगानी जुटाउन सम्भव नभएको उल्लेख गर्दै गैर आवासीय नेपालीहरुबाट जलविद्युत क्षेत्रको विकासका लागि वार्षिक रुपमा करिव ७० अर्व लगानीको अपेक्षा गरिएको पनि बताए।

अर्थमन्त्री खतिवडाले १० वर्षमा १० हजार मेघावाट विद्युत उत्पादन गर्ने सरकारले लक्ष्य लिएको उल्लेख गर्दै त्यसका लागि बाह्य लगानीको आवश्यक्तामा सरकारले जोड दिएको पनि स्पष्ट पारे। त्यस अवसरमा अर्थमन्त्री खतिवडाले मुलुकको आर्थिक विकासमा गैर आवासीय नेपालीहरुले गर्दै आएको सहयोगको खुलेर प्रशंसा पनि गरे।

Wardrobe: The Shine Collection Bagbazar, Kathmandu 9869050396

उत्तम सञ्जेलसँग ढुक्क हुनुस्, केही नहुन्जेल केही पनि हुँदैन

उत्तम सञ्जेलसँग ढुक्क हुनुस्!

विद्युत प्राधिकरणका योजना के छन् त?

लोडसेडिङको अन्त्यसँगै नेपाल अब विद्युत उत्पादनमा आत्मनिर्भरता तर्फ लाग्दैछ। विद्युत प्राधिकरणका योजना के छन् त? प्राधिकरणका कार्यकारी निर्देशक कुलमान घिसिङ नागरिक फ्रन्टलाइनमा।

रोशनीको बोली : कहिले लगाउने आरोप कहिले बुवा समान रे !!!

यौन दुर्व्यवहारको आरोप पछि सभामुख महराले दिए राजीनामा

काठमाडौं– सभामुख कृष्णबहादुर महराले राजीनामा दिएका छन्। सभामुख महराले मंगलबार उपसभामुख शिवमाया तुम्बाहाम्फेलाई राजीनामा पत्र बुझाएका हुन्। संसद सचिवालयमा कार्यरत एक महिलाले बलात्कार गरेको आरोप लगाएकी थिइन्।

आइतबार साँझ महराले तिनकूनेस्थित ति महिलाको डेरामा गएर बलात्कार गरेको भन्दै सोमबार समाचार सार्वजनिक भएको थियो।

ति महिलाले सभामुख महरामाथि बलात्कार आरोप लगाएपछि उनकौ चौतर्फि विरोध हुँदै आएको थियो । तर सभामुखको नीजि सचिवालयले भने उक्त आरोप झुटो रहेको भन्दै खण्डन गरेको थियो।

बलात्कार आरोपः जसले सिध्यायो महराको चार दशक लामाे राजनीतिक इतिहास

काठमाडौं– बलात्कार आरोपमा मुछिएपछि सभामुख पदबाट राजीनामा दिएका कृष्णबहादुर महरा यसअघि पनि विभिन्न आरोपहरुमा मुछिने गरेका थिए। तर यसअघिका करिब आधा दर्जनभन्दा बढी आरोपमा मुछिएका महरालाई खासै असर गरेको थिएन्। तर सोमबार संसदकै एक महिला कर्मचारीले बलात्कार गरेको आरोप लगाएपछि महराले मंगलबार नै राजीनामा दिनुपर्यो।यसअघिका काण्डहरुले खासै असर नगरे पनि महरालाई यसपटक भने करिब ४० वर्षे राजनीतिको सबैभन्दा ठूलो झट्का लाग्यो। महराको राजनीति भविष्य मात्रै होईन, सामाजिक हिसावले पनि ठूलै धक्का लाग्यो। झट्ट हेर्दा शालिन र भद्र स्वभाव देखिन्छन् महरा । पूर्वमाओवादीभित्र पनि भद्र भलात्मीको उनले उपमा पाएका थिए। तत्कालिन माओवादीले सञ्चालन गरेको १० वर्षे जनयुद्धमा समेत ‘साँस्कृतिक विचलन’मा नपरेका महरामाथि अहिले बलात्कारी आरोप लाग्नु आश्र्चयको विषय बनेको छ।

आरजु भन्छिन्ः सरकारको गलत नीतिको कारण युवाहरु विदेशिने क्रम बढ्यो

बारा– नेपाली काँग्रेसकी नेतृ आरजु राणा देउवाले सरकारको गलत नीतिको कारणले गर्दा देशमा रोजगारी सृजना हुन नसक्दा युवाहरु बिदेशिने क्रम बढ्दै गएको बताएकी छिन्।

संजिवनी वाटिका जीतपुर बाराले २९ औं अन्तर्राष्ट्रिय जेष्ठ नागरिक दिवसको अवसरमा आयोजना गरेको कार्यक्रमलाई सम्बोधन गर्ने क्रममा युवाहरुलाई रोजगारी दिने अवसरहरुलाई पहिचाल गरि त्यसमा सरकारले लगानी गर्नुपर्ने सुझाव समेत देउवाले दिइन्।

कृषिमा क्रान्ती गरेर लाखौ युवाहरुलाई देशमै रोजगारी दिने वर्तमान सरकारले बताउने गरे पनि त्यो पुरा गर्न कुनै कार्यक्रम लागु गर्न नसकेको आरोप उनले लगाइन्। धेरै युवाहरुलाई कृषि क्षेत्रमै रोजगारी दिन सकिने भए पनि सरकारले कृषि क्षेत्रलाई बेवस्था गरेको देउवाले बताइन्।

सर्वेन्द्र खनालले दिए सुरक्षाको उचित व्यवस्था गर्न निर्देशन

काठमाडौं– प्रहरी महानिरीक्षक सर्वेन्द्र खनालले नागरिकको अपेक्षा अनुसार शान्ति सुरक्षाको उचित व्यवस्था गर्न मातहतका सबै निकायलाई निर्देशन दिएका छन्। मंगलबार महाराजगंजमा अत्याधुनिक शैलीमा निर्माण गरिएको महानगरीय प्रहरी वृत्त भवनको उद्घाटन गर्दै उनले भवनको उद्घाटनसँगै त्यसबाट प्रवाह हुने सेवा पनि सुन्दर हुनुपर्ने आफूले अपेक्षा गरेको पनि बताए।

प्रहरी महानिरीक्षक खनालले प्रहरीहरुले आफ्नो काम गर्ने शैलीमा सुधार गर्दै अघि बढनुको विकल्प नरहेको पनि स्पष्ट पारे। प्रहरी महानिरीक्षक खनालले प्रहरीले न्याय सम्पादनको कामलाई प्रभावकारी बनाउँदै लैजाने गरी प्रहरी भवन निर्माण कार्यलाई पनि अत्याधुनिक बनाउँदै लगिएको पनि स्मरण गराए।

बाबुरामको चेतावनीः गणतन्त्रलाई उल्टाउने प्रयास गरे सह्य हुँदैन

काठमाडौं– पूर्वप्रधानमन्त्री डा. बाबुराम भट्टराईले मुलुकमा प्रतिगमन ल्याउन खोज्ने कुनै पनि खालको हर्कत सफल नहुने दावी गरेका छन्। समाजवादी पार्टी, नेपाल संघीय परिषदका अध्यक्षसमेत रहेका भट्टराईले संघीय लोकतान्त्रिक गणतन्त्रलाई उल्टाउने प्रयास गरिए सैह्य नहुने चेतावनी पनि दिएका हुन्।

कुनै पनि नामको पार्टी र वादले मुलुकमा निरंकुशता ल्याउने सपना नदेख्न  उनको भनाई छ। दसैंको अवसर पारेर गोरखा पत्रकार मञ्चले मंगलबार काठमाडौंमा आयोजना गरेको शुभकामना आदानप्रदान कार्यक्रममा बोल्दै पूर्वप्रधानमन्त्री भट्टराईले मुलुकलाई उन्नत लोकतान्त्रिकरणको बाटोमा अघि बढाउन सञ्चार माध्यामहरुले महत्वपूर्ण भूमिका निर्वाह गर्नुपर्ने आवश्यक्ता पनि औंल्याएका हुन्।

शशांकको मागः बलात्कार आरोप निष्पक्ष छानविन हाेस्

काठमाडौं– प्रमुख प्रतिपक्ष दल नेपाली कांग्रेसका महामन्त्री डा. शशांक कोइरालाले सभामुख कृष्णबहादुर महराले महिला कर्मचारीमाथि बलात्कार गरेको गम्भीर आरोप लागेको उल्लेख गर्दै त्यसको निष्पक्ष छानवीन गर्न सरकारसँग माग गरेका छन्।

महामन्त्री कोइरालाले सभामुख महराले संसद सचिवालयकै कर्मचारीमाथि बलात्कार गरेको भन्ने आरोप गम्भीर मुद्धा भएको भन्दै त्यसको निष्पक्ष छानवीन गरेर आवश्यक निर्णय लिनुपर्ने बताएका हुन्।

मंगलबार काठमाडौंमा आयोजित एक कार्यक्रममा बोल्दै उजले हुनत यो आरोप आरोप मात्रै होला, तर त्यसमाथि छानवीन भएर तत्काल निर्णय लिनुपर्ने पनि स्पष्ट पारे। सभामुख महरामाथि सोमबार साँझ संसद संचिवालयकै महिला कर्मचारीमाथि यौन दुव्र्यवहार गरेको आरोप लागेको थियो।

मन्त्री, सांसद र स्वकीयलाई पनि दसैंभत्ता

काठमाडौं – सरकारले उपप्रधानमन्त्री, मन्त्री र सांसदलाई मात्र होइन, उनीहरूका सल्लाहकार र स्वकीयलाई समेत दसैं खर्च दिने निर्णय गरेको छ। कानुनअनुसार उनीहरुलाई दसैंभत्ता दिने अधिकार नभएपछि सरकारले मन्त्रिपरिषद् बैठकबाटै मन्त्री र सांसद तथा तिनका सल्लाहकार र स्वकीय सचिवलाई समेत दसैं भत्ता दिने निर्णय गरेको हो। मन्त्रिपरिषद्को भदौ ३१ गतेको बैठकबाट दसैंभत्ता दिने निर्णय भएपछि यसबाट राज्यकोषमा ३ करोड ७० लाख ७६ हजार १ सय ६० रुपैयाँ व्ययभार थपिएको छ।

सरकारमा दुई उपप्रधानमन्त्री, १९ मन्त्री र तीन राज्यमन्त्री छन्। संघीय संसदन्तर्गत सभामुख र राष्ट्रियसभा अध्यक्षसहित प्रतिनिधिसभा र राष्ट्रियसभामा गरी ३ सय ८ जना सांसद् छन्। उनीहरू सबैका प्रेस सल्लाहकार र स्वकीय सचिवले पनि भत्ता पाउनेछन्। मन्त्रिपरिषद्को निर्णयलगत्तै अर्थ मन्त्रालयले भत्ता उपलब्ध गराउन सम्बन्धित निकायमा पत्र पठाएको थियो।

रिजालको आरोपः कम्युनिष्ट सरकारले भय र त्रास स्थापना गर्न खोज्यो

काठमाडौं– प्रमुख प्रतिपक्ष दल नेपाली कांग्रेसका नेता डा. मिनेन्द्र रिजालले कम्युनिष्ट नेतृत्वको वर्तमान सरकारले भय र त्रासको राज स्थापना गर्न खोजिरहेको आरोप लगाएका छन्। तनहुँमा आफूमाथि ढुंगामुढा गरेबाट वर्तमान सरकारले मुलुकमा भय र त्रासको राज स्थापना गर्न खोजिरहेको पुष्टि भएको दाबी गरेका छन्।

मंगलबार काठमाडौंमा आयोजित एक कार्यक्रममा बोल्दै उनले प्रधानमन्त्री केपी ओलीले अन्य पार्टीमाथि ‘बाघ झैं झम्टन’ तथा नेकपाका अध्यक्ष पुष्पकमल दाहाल प्रचण्डले सिंहझै गर्जन’ पार्टीका कार्यकर्ताहरुलाई निर्देशन दिएर कम्युनिष्ट पार्टी बाहेकका अन्य राजनीतिक दलहरुको गतिविधिलाई प्रतिबन्ध लगाउन सुनियोजित षडयन्त्र गरिरहेको दावी पनि गरे।

बढ्यो च्याङ्ग्राको भाउ

बागलुङ– यो दशैँमा पनि च्याङ्ग्राको भाउ महँगिएको छ। रोज्जा च्याङ्ग्राको मूल्य २९ हजार रुपैयाँ र मासुको प्रतिकिलो १४ सय रुपैयाँ पुगेको व्यापारीले बताएका छन्। गत वर्ष एउटा च्याङ्ग्राको मूल्य बढीमा २७ हजार रुपैयाँ थियो।

खरीदमै मूल्य बढी परेको व्यापारी अम्मरबहादुर खत्रीले बताए। च्याङ्ग्रा कम आउनु, बढ्दो करजस्ता कारणले पनि च्याङ्ग्रा महँगिदै गएको छ। गत वर्षको तुलनामा यो वर्ष चार हजारले च्याङ्ग्रा महँगिएको व्यपारीहरुले बताएका छन्। ‘अहिले खरीदमै एक हजारभन्दा मूल्य बढी पर्‍यो’, व्यापारी खत्रीले भने, ‘आउँदा जाँदा बाटोमा उत्तिकै खर्च छ।’ व्यापारीले एक साता लगाएर मुस्ताङदेखि च्याङ्ग्रा ल्याउँछन्।

स्थानीय तहसहित ठाउँठाउँमा दस्तुर र कर तिर्नुपर्दा मर्का परेको च्याङ्ग्रा व्यापारीको गुनासो छ। खत्रीसहित चार व्यापारी मुस्ताङको कागबेनी पुगेर १ सय ७५ च्याङ्ग्रा बागलुङ भित्र्याएका छन्।

अन्तर्राष्ट्रिय ख्याती कमाउँदै ‘चिनियाँ फिल्म’

काठमाडौं – ‘चीनमा विभिन्न प्रकृतिका फिल्महरू बनेका छन्। चिनियाँ फिल्मको कथावस्तुका कारण संसारभर यसले चर्चा बटुल्दै गएको छ,’ पेकिङ विश्वविद्यालयअन्तर्गतको आर्ट इन्स्टिट्युसनका प्राध्यापक चेन स्वाङ भन्दै थिए, ‘सन् २०१८ सम्म चीनमा ६० हजारभन्दा बढी फिल्म हल सञ्चालन भइरहेका छन्।’

चीनको ७० औं गणतन्त्र दिवसको अवसरमा राजधानीमा आयोजना भइरहेको ‘चिनियाँ चलचित्र महोत्सव’ को दोस्रो दिन बुधबार प्राध्यापक चेन स्वाङले चीनको फिल्मको इतिहास र वर्तमान अवस्थामाथि अन्तरसंवाद गरेका थिए।चिनियाँ फिल्म इतिहासलाई उनले केन्द्रमा संंघाई, १९४० दशक, सांस्कृतिक क्रान्ति, पाँचौ पुस्ताको उदय, छैठौं पुस्ता र नयाँ चिनियाँ अन्तर्राष्ट्रिय फिल्मको रुपमा परिभाषित गरेका थिए।

‘चिनियाँ फिल्मको इतिहास केन्द्रमा संंघाई, १९४० दशक, सांस्कृतिक क्रान्ति, पाँचौ पुस्ताको उदय, छैठौं पुस्ता र नयाँ चिनियाँ अन्तर्राष्ट्रिय फिल्मको रुपमा वर्गीकरण गरिएको छ,’ उनले भने, ‘सन् १८९६ मा चीनको संघाईमा पहिलो फिल्म रेकर्ड भएपछि केन्द्रमा त्यसलाई राखेर बेइजिङ ओप प्राथमिता दिइएको थियो।’