रोशनीको बोली : कहिले लगाउने आरोप कहिले बुवा समान रे !!!

यौन दुर्व्यवहारको आरोप पछि सभामुख महराले दिए राजीनामा

काठमाडौं– सभामुख कृष्णबहादुर महराले राजीनामा दिएका छन्। सभामुख महराले मंगलबार उपसभामुख शिवमाया तुम्बाहाम्फेलाई राजीनामा पत्र बुझाएका हुन्। संसद सचिवालयमा कार्यरत एक महिलाले बलात्कार गरेको आरोप लगाएकी थिइन्।

आइतबार साँझ महराले तिनकूनेस्थित ति महिलाको डेरामा गएर बलात्कार गरेको भन्दै सोमबार समाचार सार्वजनिक भएको थियो।

ति महिलाले सभामुख महरामाथि बलात्कार आरोप लगाएपछि उनकौ चौतर्फि विरोध हुँदै आएको थियो । तर सभामुखको नीजि सचिवालयले भने उक्त आरोप झुटो रहेको भन्दै खण्डन गरेको थियो।

बलात्कार आरोपः जसले सिध्यायो महराको चार दशक लामाे राजनीतिक इतिहास

काठमाडौं– बलात्कार आरोपमा मुछिएपछि सभामुख पदबाट राजीनामा दिएका कृष्णबहादुर महरा यसअघि पनि विभिन्न आरोपहरुमा मुछिने गरेका थिए। तर यसअघिका करिब आधा दर्जनभन्दा बढी आरोपमा मुछिएका महरालाई खासै असर गरेको थिएन्। तर सोमबार संसदकै एक महिला कर्मचारीले बलात्कार गरेको आरोप लगाएपछि महराले मंगलबार नै राजीनामा दिनुपर्यो।यसअघिका काण्डहरुले खासै असर नगरे पनि महरालाई यसपटक भने करिब ४० वर्षे राजनीतिको सबैभन्दा ठूलो झट्का लाग्यो। महराको राजनीति भविष्य मात्रै होईन, सामाजिक हिसावले पनि ठूलै धक्का लाग्यो। झट्ट हेर्दा शालिन र भद्र स्वभाव देखिन्छन् महरा । पूर्वमाओवादीभित्र पनि भद्र भलात्मीको उनले उपमा पाएका थिए। तत्कालिन माओवादीले सञ्चालन गरेको १० वर्षे जनयुद्धमा समेत ‘साँस्कृतिक विचलन’मा नपरेका महरामाथि अहिले बलात्कारी आरोप लाग्नु आश्र्चयको विषय बनेको छ।

आरजु भन्छिन्ः सरकारको गलत नीतिको कारण युवाहरु विदेशिने क्रम बढ्यो

बारा– नेपाली काँग्रेसकी नेतृ आरजु राणा देउवाले सरकारको गलत नीतिको कारणले गर्दा देशमा रोजगारी सृजना हुन नसक्दा युवाहरु बिदेशिने क्रम बढ्दै गएको बताएकी छिन्।

संजिवनी वाटिका जीतपुर बाराले २९ औं अन्तर्राष्ट्रिय जेष्ठ नागरिक दिवसको अवसरमा आयोजना गरेको कार्यक्रमलाई सम्बोधन गर्ने क्रममा युवाहरुलाई रोजगारी दिने अवसरहरुलाई पहिचाल गरि त्यसमा सरकारले लगानी गर्नुपर्ने सुझाव समेत देउवाले दिइन्।

कृषिमा क्रान्ती गरेर लाखौ युवाहरुलाई देशमै रोजगारी दिने वर्तमान सरकारले बताउने गरे पनि त्यो पुरा गर्न कुनै कार्यक्रम लागु गर्न नसकेको आरोप उनले लगाइन्। धेरै युवाहरुलाई कृषि क्षेत्रमै रोजगारी दिन सकिने भए पनि सरकारले कृषि क्षेत्रलाई बेवस्था गरेको देउवाले बताइन्।

सर्वेन्द्र खनालले दिए सुरक्षाको उचित व्यवस्था गर्न निर्देशन

काठमाडौं– प्रहरी महानिरीक्षक सर्वेन्द्र खनालले नागरिकको अपेक्षा अनुसार शान्ति सुरक्षाको उचित व्यवस्था गर्न मातहतका सबै निकायलाई निर्देशन दिएका छन्। मंगलबार महाराजगंजमा अत्याधुनिक शैलीमा निर्माण गरिएको महानगरीय प्रहरी वृत्त भवनको उद्घाटन गर्दै उनले भवनको उद्घाटनसँगै त्यसबाट प्रवाह हुने सेवा पनि सुन्दर हुनुपर्ने आफूले अपेक्षा गरेको पनि बताए।

प्रहरी महानिरीक्षक खनालले प्रहरीहरुले आफ्नो काम गर्ने शैलीमा सुधार गर्दै अघि बढनुको विकल्प नरहेको पनि स्पष्ट पारे। प्रहरी महानिरीक्षक खनालले प्रहरीले न्याय सम्पादनको कामलाई प्रभावकारी बनाउँदै लैजाने गरी प्रहरी भवन निर्माण कार्यलाई पनि अत्याधुनिक बनाउँदै लगिएको पनि स्मरण गराए।

बाबुरामको चेतावनीः गणतन्त्रलाई उल्टाउने प्रयास गरे सह्य हुँदैन

काठमाडौं– पूर्वप्रधानमन्त्री डा. बाबुराम भट्टराईले मुलुकमा प्रतिगमन ल्याउन खोज्ने कुनै पनि खालको हर्कत सफल नहुने दावी गरेका छन्। समाजवादी पार्टी, नेपाल संघीय परिषदका अध्यक्षसमेत रहेका भट्टराईले संघीय लोकतान्त्रिक गणतन्त्रलाई उल्टाउने प्रयास गरिए सैह्य नहुने चेतावनी पनि दिएका हुन्।

कुनै पनि नामको पार्टी र वादले मुलुकमा निरंकुशता ल्याउने सपना नदेख्न  उनको भनाई छ। दसैंको अवसर पारेर गोरखा पत्रकार मञ्चले मंगलबार काठमाडौंमा आयोजना गरेको शुभकामना आदानप्रदान कार्यक्रममा बोल्दै पूर्वप्रधानमन्त्री भट्टराईले मुलुकलाई उन्नत लोकतान्त्रिकरणको बाटोमा अघि बढाउन सञ्चार माध्यामहरुले महत्वपूर्ण भूमिका निर्वाह गर्नुपर्ने आवश्यक्ता पनि औंल्याएका हुन्।

शशांकको मागः बलात्कार आरोप निष्पक्ष छानविन हाेस्

काठमाडौं– प्रमुख प्रतिपक्ष दल नेपाली कांग्रेसका महामन्त्री डा. शशांक कोइरालाले सभामुख कृष्णबहादुर महराले महिला कर्मचारीमाथि बलात्कार गरेको गम्भीर आरोप लागेको उल्लेख गर्दै त्यसको निष्पक्ष छानवीन गर्न सरकारसँग माग गरेका छन्।

महामन्त्री कोइरालाले सभामुख महराले संसद सचिवालयकै कर्मचारीमाथि बलात्कार गरेको भन्ने आरोप गम्भीर मुद्धा भएको भन्दै त्यसको निष्पक्ष छानवीन गरेर आवश्यक निर्णय लिनुपर्ने बताएका हुन्।

मंगलबार काठमाडौंमा आयोजित एक कार्यक्रममा बोल्दै उजले हुनत यो आरोप आरोप मात्रै होला, तर त्यसमाथि छानवीन भएर तत्काल निर्णय लिनुपर्ने पनि स्पष्ट पारे। सभामुख महरामाथि सोमबार साँझ संसद संचिवालयकै महिला कर्मचारीमाथि यौन दुव्र्यवहार गरेको आरोप लागेको थियो।

मन्त्री, सांसद र स्वकीयलाई पनि दसैंभत्ता

काठमाडौं – सरकारले उपप्रधानमन्त्री, मन्त्री र सांसदलाई मात्र होइन, उनीहरूका सल्लाहकार र स्वकीयलाई समेत दसैं खर्च दिने निर्णय गरेको छ। कानुनअनुसार उनीहरुलाई दसैंभत्ता दिने अधिकार नभएपछि सरकारले मन्त्रिपरिषद् बैठकबाटै मन्त्री र सांसद तथा तिनका सल्लाहकार र स्वकीय सचिवलाई समेत दसैं भत्ता दिने निर्णय गरेको हो। मन्त्रिपरिषद्को भदौ ३१ गतेको बैठकबाट दसैंभत्ता दिने निर्णय भएपछि यसबाट राज्यकोषमा ३ करोड ७० लाख ७६ हजार १ सय ६० रुपैयाँ व्ययभार थपिएको छ।

सरकारमा दुई उपप्रधानमन्त्री, १९ मन्त्री र तीन राज्यमन्त्री छन्। संघीय संसदन्तर्गत सभामुख र राष्ट्रियसभा अध्यक्षसहित प्रतिनिधिसभा र राष्ट्रियसभामा गरी ३ सय ८ जना सांसद् छन्। उनीहरू सबैका प्रेस सल्लाहकार र स्वकीय सचिवले पनि भत्ता पाउनेछन्। मन्त्रिपरिषद्को निर्णयलगत्तै अर्थ मन्त्रालयले भत्ता उपलब्ध गराउन सम्बन्धित निकायमा पत्र पठाएको थियो।

रिजालको आरोपः कम्युनिष्ट सरकारले भय र त्रास स्थापना गर्न खोज्यो

काठमाडौं– प्रमुख प्रतिपक्ष दल नेपाली कांग्रेसका नेता डा. मिनेन्द्र रिजालले कम्युनिष्ट नेतृत्वको वर्तमान सरकारले भय र त्रासको राज स्थापना गर्न खोजिरहेको आरोप लगाएका छन्। तनहुँमा आफूमाथि ढुंगामुढा गरेबाट वर्तमान सरकारले मुलुकमा भय र त्रासको राज स्थापना गर्न खोजिरहेको पुष्टि भएको दाबी गरेका छन्।

मंगलबार काठमाडौंमा आयोजित एक कार्यक्रममा बोल्दै उनले प्रधानमन्त्री केपी ओलीले अन्य पार्टीमाथि ‘बाघ झैं झम्टन’ तथा नेकपाका अध्यक्ष पुष्पकमल दाहाल प्रचण्डले सिंहझै गर्जन’ पार्टीका कार्यकर्ताहरुलाई निर्देशन दिएर कम्युनिष्ट पार्टी बाहेकका अन्य राजनीतिक दलहरुको गतिविधिलाई प्रतिबन्ध लगाउन सुनियोजित षडयन्त्र गरिरहेको दावी पनि गरे।

बढ्यो च्याङ्ग्राको भाउ

बागलुङ– यो दशैँमा पनि च्याङ्ग्राको भाउ महँगिएको छ। रोज्जा च्याङ्ग्राको मूल्य २९ हजार रुपैयाँ र मासुको प्रतिकिलो १४ सय रुपैयाँ पुगेको व्यापारीले बताएका छन्। गत वर्ष एउटा च्याङ्ग्राको मूल्य बढीमा २७ हजार रुपैयाँ थियो।

खरीदमै मूल्य बढी परेको व्यापारी अम्मरबहादुर खत्रीले बताए। च्याङ्ग्रा कम आउनु, बढ्दो करजस्ता कारणले पनि च्याङ्ग्रा महँगिदै गएको छ। गत वर्षको तुलनामा यो वर्ष चार हजारले च्याङ्ग्रा महँगिएको व्यपारीहरुले बताएका छन्। ‘अहिले खरीदमै एक हजारभन्दा मूल्य बढी पर्‍यो’, व्यापारी खत्रीले भने, ‘आउँदा जाँदा बाटोमा उत्तिकै खर्च छ।’ व्यापारीले एक साता लगाएर मुस्ताङदेखि च्याङ्ग्रा ल्याउँछन्।

स्थानीय तहसहित ठाउँठाउँमा दस्तुर र कर तिर्नुपर्दा मर्का परेको च्याङ्ग्रा व्यापारीको गुनासो छ। खत्रीसहित चार व्यापारी मुस्ताङको कागबेनी पुगेर १ सय ७५ च्याङ्ग्रा बागलुङ भित्र्याएका छन्।

अन्तर्राष्ट्रिय ख्याती कमाउँदै ‘चिनियाँ फिल्म’

काठमाडौं – ‘चीनमा विभिन्न प्रकृतिका फिल्महरू बनेका छन्। चिनियाँ फिल्मको कथावस्तुका कारण संसारभर यसले चर्चा बटुल्दै गएको छ,’ पेकिङ विश्वविद्यालयअन्तर्गतको आर्ट इन्स्टिट्युसनका प्राध्यापक चेन स्वाङ भन्दै थिए, ‘सन् २०१८ सम्म चीनमा ६० हजारभन्दा बढी फिल्म हल सञ्चालन भइरहेका छन्।’

चीनको ७० औं गणतन्त्र दिवसको अवसरमा राजधानीमा आयोजना भइरहेको ‘चिनियाँ चलचित्र महोत्सव’ को दोस्रो दिन बुधबार प्राध्यापक चेन स्वाङले चीनको फिल्मको इतिहास र वर्तमान अवस्थामाथि अन्तरसंवाद गरेका थिए।चिनियाँ फिल्म इतिहासलाई उनले केन्द्रमा संंघाई, १९४० दशक, सांस्कृतिक क्रान्ति, पाँचौ पुस्ताको उदय, छैठौं पुस्ता र नयाँ चिनियाँ अन्तर्राष्ट्रिय फिल्मको रुपमा परिभाषित गरेका थिए।

‘चिनियाँ फिल्मको इतिहास केन्द्रमा संंघाई, १९४० दशक, सांस्कृतिक क्रान्ति, पाँचौ पुस्ताको उदय, छैठौं पुस्ता र नयाँ चिनियाँ अन्तर्राष्ट्रिय फिल्मको रुपमा वर्गीकरण गरिएको छ,’ उनले भने, ‘सन् १८९६ मा चीनको संघाईमा पहिलो फिल्म रेकर्ड भएपछि केन्द्रमा त्यसलाई राखेर बेइजिङ ओप प्राथमिता दिइएको थियो।’

 

शेरबहादुर vs राष्ट्रपति विद्यादेवी भण्डारी

सत्तारुढ नेकपा र चिनियाँ कम्युनिष्ट पार्टीबीच ६ बुँदे समझदारी

काठमाडौं – सत्तारुढ नेपाल कम्युनिष्ट पार्टी र चिनियाँ कम्युनिष्ट पार्टीबीच पार्टीगत सहयोग आदानप्रदान समझदारी भएको छ। प्रधानमन्त्री एवम् नेपाल कम्युनिष्ट पार्टी (नेकपा)का अध्यक्ष केपी शर्मा ओली र नेकपाकै अर्का अध्यक्ष पुष्पकमल दाहालको उपस्थितिमा नेपाल भ्रमणमा रहेका चिनियाँ कम्युनिष्ट पार्टीका विदेश विभाग प्रमुख सङ ताओ र नेकपाका विदेश विभाग प्रमुख माधवकुमार नेपालले मंगलबार दुई पार्टी बीच सहयोग आदानप्रदान गर्ने सम्झैता पत्रमा हस्ताक्षर गरेका हुन्।

काठमाडौंमा एक समारोहका बीच दुई पार्टीबीच गरिएको ६ बूँदे समझदारीमा दुई पार्टी बीचको राजनीतिक तथा आर्थिक मोडलको आदानप्रदानका लागि उच्चस्तरीय भ्रमण गर्ने, नेपालमा भइरहेको कम्युनिष्ट पार्टीको राजनीतिक तथा सैद्धान्तिक बहसलाई दुवै पार्टीले तीव्रता दिनेलगायतका विषयलाई मुख्य जोड दिइएको नेकपाका विदेश विभागका उपप्रमुख विष्णु रिजालले जानकारी दिए।

Wardrobe: The Shine Collection Bagbazar, Kathmandu 9869050396

भ्रष्टाचार नियन्त्रणका लागि खबरदारी गर्न सञ्चार माध्यमलाई उपराष्ट्रपतिको आग्रह

काठमाडौं– उपराष्ट्रपति नन्दबहादुर पुनले मुलुकमा बढ्दो भ्रष्टाचार नियन्त्रणका लागि खबरदारी गर्न सञ्चार माध्यमहरुलाई पनि आग्रह गरेका छन्। उपराष्ट्रपति पुनले नागरिक अधिकारको रक्षा गर्ने दायित्व पनि सञ्चार माध्यमहरुले पूरा गर्न सक्ने पनि स्मरण गराएका छन्।

मंगलबार काठमाडौंमा आयोजित हेम–सुनिल जोखिमपूर्ण टेलिभिजन पत्रकारिता पुरस्कार’ समारोहलाई सम्बोधन गर्दै उनले संविधानप्रदत्त पूर्ण प्रेस स्वतन्त्रताको उपभोग गर्दै संघीय लोकतान्त्रिक गणतन्त्रको सुदृढिकरण तथा समृद्धि नेपालः सुःखी नेपाली’को राष्ट्रिय आकांक्षालाई पूरा गर्न महत्वपूर्ण योगदान पु-याउन पनि संचार क्षेत्रले उल्लेखनीय योगदान पु-याउनुपर्नेमा जोड दिए। उपराष्ट्रपति पुनले त्यस अवसरमा नेपालका संचार क्षेत्रले मुलुकको राजनीतिक परिवर्तन तथा आर्थिक–सामाजिक रुपान्तरणको क्षेत्रमा खेल्दै आएको भूमिकाको पनि खुलेर प्रशंसा गरे।

प्रहरीलाई अपहरण गर्न खोज्ने तस्करमाथि गोली प्रहार

मकवानपुर– प्रहरीलाई अपहरण गर्न खोज्ने अवैध लागूऔषध गाँजा तस्करीमा संलग्नलाई प्रहरीले गोली प्रहार गरेर पक्राउ गरेको छ। गोली लागि घाइते हुनेमा ना ६ ख १३१ नम्बरका ट्रक चालक पर्साको वीरगञ्ज महानगरपालिका–२९ का ३५ वर्षीय अफ्रिका चौधरी रहेका छन् भने अर्का घाइते प्रहरीको नाम गोप्य राखिएको छ।

पूर्व–पश्चिम राजमार्गस्थित मकवानपुरको हेटौंडा उपमहानगरपालिका–१५ मा सवारी जाँचका क्रममा प्रहरीलाई अपहरणको प्रयास गरेपछि गोली प्रहार गरी नियन्त्रणमा लिइएको जिल्ला प्रहरी कार्यालय मकवानपुरका प्रमुख एवं प्रहरी उपरीक्षक मुकेशकुमार सिंहले बताए। ‘हेटौंडाबाट पथलैयातर्फ जाँदै गरेको ट्रक रोकी जाँच गर्ने क्रममा ट्रक चालक चौधरी र अर्का व्यक्तिले प्रहरी जवान संजिवकुमार दासलाई नियन्त्रणमा लिएका थिए,’ उनले भने, ‘लछारपछार गरी जंगलतर्फ लैजान थालेपछि नियन्त्रणमा लिन प्रहरीले गोली प्रहार गरेको हो।’

दुई तिहाइ सरकारले माखो समेत मार्दैन: महामन्त्री कोइराला

खोटाङ – नेपाली कांग्रेसका महामन्त्री डा. शशांक कोइरालाले नेकपाको दुई तिहाइ सरकारले माखो समेत नमार्ने बताएका छन्। मंगलबार खोटाङको दिक्तेलमा आयोजित कांग्रेसको दोश्रो चरणको राष्ट्रिय जनजागरण कार्यक्रम समापन तथा विरोधसभालाई सम्बोधन गर्दै महामन्त्री कोईरालाले वर्तमान सरकारले आफै विकासको कुनै पनि योजना तर्जुमा गर्न नसकेको जिकिर गरे।

‘यो काण्डै काण्डको सरकार भयो। निर्मलाहत्या काण्ड, बुढीगण्डकी काण्ड, बालुवाटारको जग्गा काण्ड। यस्ता काण्डले भरिएको सरकारलाई जनताले चिन्न प-यो,’ महामन्त्री कोइरालाले भने, ‘यो सरकारले कुनै माखो मार्दैन। आजका मितिसम्म विकासको कुनै योजना तर्जुमा गर्न सकेको छैन। जति योजना छन्, त्यी वीपीको समयमा, शुसिलको समयमा अथवा शेरबहादुरको पालामा सुरु भएको थियो।’

अध्यक्ष प्रचण्ड र चिनियाँ नेताबीच भेटवार्ता

काठमाडौं – नेपाल कम्युनिष्ट पार्टी (नेकपा) का अध्यक्ष पुष्पकमल दाहाल प्रचण्डसँग चिनियाँ कम्युनिष्ट पार्टीका विदेश विभाग प्रमुख सोङ ताओले भेटवार्ता गरेका छन्। राजधानीस्थित होटल मेरिओटमा भएको भेटमा दुबै देशका कम्युनिष्ट पार्टीका गतिविधिबारे कुराकानी भएको थियो। अध्यक्ष प्रचण्डले चिनियाँ कम्युनिष्ट पार्टीले नेपाल र नेपाली जनतामा गरेको सहयोग र सद्भावप्रति आभार व्यक्त गरे।

उनले दुई कम्युनिष्ट पार्टी बीचको आपसी सम्बन्धलाई नयाँ स्तरमा विकास गर्ने र एकअर्काका अनुभवहरु साटासाट गरेर अगाडि बढ्ने बताए। उनले भने, ‘नेपालको समृद्धिमा चिनियाँ सरकार र कम्युनिष्ट पार्टीको सहयोग आगामी दिनमा अझ बढ्ने मैले विश्वास लिएको छु।’

रोजगारी सृजना हुने क्षेत्रमा लगानी बढाउन आग्रह

काठमाडौं – श्रम, रोजगार तथा सामाजिक सुरक्षामन्त्री गोकर्ण विष्टले रोजगारीको सृजना हुने क्षेत्रमा लगानी बढाउन अन्तराष्ट्रिय दातृ निकायहरुलाई आग्रह गरेका छन्। मन्त्री विष्टले श्रमिकको हित हुने गरी रोजगारीको अवसर सृजना गर्न नेपाल सरकार प्रतिवद्ध रहेको पनि बताए। मंगलबारबाट काठमाडौंमा सुरु भएको विश्व ट्रेड युनियन महासंघ अन्तरगतको एशीया प्रशान्त क्षेत्रीय सम्मेलन’ को उद्घाटन गर्दै उनले विश्वमा युद्ध र युद्धमा प्रयोग हुने हतियारका लागि गरिएका सबै लगानी रोजगारीको अवसर सृजना गरेर मानव जातिको हित र कल्याणका लागि उपयोग गर्नुपर्ने पनि स्पष्ट पारे।

मन्त्री विष्टले उत्पादन र उत्पादकत्व वृद्धि गर्दै एशीया प्रशान्त क्षेत्रको श्रमिकको हितमा काम गर्न नेपाल सरकार तयार रहेको पनि बताए। मन्त्री विष्टले नेपालले सबै श्रमिकहरुलाई सामाजिक सुरक्षाको दायरामा ल्याउने कामलाई तीव्रता दिएको दाबी पनि गरे।

मेयर भन्छन्, ‘विद्यार्थी त युनिफर्म लाउँछन्,’हामीले सुट लगाउँदा के हुन्छ?’

कर्जन्हा(सिरहा) – सिरहाको मिर्चैयास्थित सनलाइट टेलर्समा हल्का निलोमा मसिनो सेतो धर्सा भएको कोट लहरै झुन्डिएका छन्। ह्यांगरमा झुन्ड्याइएर राखिएका करिब ३२ थान कोट, पाइन्ट र सर्टमा धुलो बसेर खुइँलिसकेको जस्तो देखिन्छ। ६ महिनादेखि सिलाएर तयार कोटपेन्ट ग्राहक लिन नआएपछि धुलो बसेर पुरानो भएको हो।

टेलर्सको ह्यांगरमा झुन्ड्याइएर राखिएको उक्त कोट पाइन्ट र सर्ट समान्य जनताको नभई जनप्रतिनिधिका हुन्। सिरहाको कर्जन्हा नगरपालिकाका ५९ जनप्रतिनिधि र मेयरका चालकका लागि भनेर चैत १ गत्ते ४२ थान कोट, पाइन्ट र सर्ट सिलाउन सनलाइट टेलर्सलाई अर्डर दिइएको थियो। मेयर गंगा पासवानसहितका १० जनाले कोट पेन्ट लगेपछि ३२ जना जनप्रतिनिधिका लागि सिलाएर तयार कोट पेन्ट सर्ट अझै टेलर्समै छन्।

कम्युनिष्टको सत्ताबाट जनता आत्तिसके–पौडेल

रोल्पा – ‘कम्युनिष्टको सत्ताबाट जनता आत्तिसके छन्। जनता आफै सडकमा आउन थालेका छन्। देशमा अबको विकल्प नेपाली कांग्रेसनै हो। यो देशमा फेरि हाम्रै सत्ता आउछ।’ दोस्रो चरणको जनजागरण समापन कार्यक्रमा रोल्पा पुगेका कांग्रेस बरिष्ठ नेता रामचन्द्र पौडेलले भने ‘हाम्रो समाजमा आतंकविरुद्ध उभिनेहरुको समय समयमा हत्या हुने गरेको छ। अन्यायमा परेकाको पक्षमा कांग्रेसँगै रहन्छ।’ गत वर्ष रोल्पाको सुलिचौरमा हत्या गरिएका तरुण दल नगर सभापती रोहित पुनको सालिकसहितको प्रतिक्षालय उद्घाटन गर्दै पौडेलले भने ‘हत्यारालाई कारबाही हुनैपर्छ।’

त्यसै गरी मंगलवार प्रेस युनियन रोल्पाको पत्रकार सम्मेलनमा गणतन्त्र स्थापनाका बारेमा बोल्दै पौडेलले भने ‘यो सरकारका प्रमुखनै गणतन्त्रका बिरोधी थिए। हिजो उनी राजनीतिक कारण नभई काण्डमा जेल परेका थिए। हामी बोलेपछि मात्र गणतन्त्र आएको हो।’ सरकारका गतिविधिको चर्को आलोचना गदै उनले अगाडि भने ‘संविधान कार्यान्वयन गर्ने समयमा हामी सत्ता बाहिर बस्नु परेको छ। तर पनि हाम्रो मुल एजेन्डा भनेकै संविधानको मर्म अनुसार देश चल्नु पर्छ भन्ने हो।’

कमला नहर भत्किंदा १८ करोडको क्षति

धनुषा- कमला नदी नियन्त्रण आयोजना धनुषाद्वारा कमला नदी नियन्त्रण व्यवस्थित गर्न निर्माण गरिएको तटबन्ध भत्किंदा त्यहाँ करीब १८ करोड रुपैयाँ बराबरको क्षति भएको छ।

कमला नदीको दुवैतर्फ नदी नियन्त्रण गर्न भारतीय अनुदानमा निर्माण गरिएको तटबन्ध असारको तेस्रो हप्तामा भत्किएर क्षति भएको हो।

आयोजनाका प्रमुख मनोहर साहका अनुसार कमला नदीको पोर्ताहादेखि भारतीय सीमा तथा सिराहाको बन्दीपुरदेखि भारतीय सीमासम्मको ७ सय ५० मिटर तटबन्ध भत्किएको छ। प्राप्त विवरण अनुसार नदीको दुवैतर्फ ६८.२५ किलोमिटर तटबन्ध रहेको छ।

धनुषातर्फ ३३.६ किलोमिटर र सिराहातर्फ ३४.६५ किलोमिटर तटबन्ध रहेको बताइएको छ। सिराहातर्फ चार सय मिटर र धनुषातर्फको ३ सय ५० मिटर तटबन्ध बाढीले भत्काएको र उक्त क्षतिग्रस्त बाँधको निर्माण गर्न पटक–पटक माग भए पनि बजेट नआएको प्रमुख साहको भनाइ छ।

अन्तर्राष्ट्रिय ख्याती कमाउँदै ‘चिनियाँ फिल्म’

काठमाडौं – ‘चीनमा विभिन्न प्रकृतिका फिल्महरू बनेका छन्। चिनियाँ फिल्मको कथावस्तुका कारण संसारभर यसले चर्चा बटुल्दै गएको छ,’ पेकिङ विश्वविद्यालयअन्तर्गतको आर्ट इन्स्टिट्युसनका प्राध्यापक चेन स्वाङ भन्दै थिए, ‘सन् २०१८ सम्म चीनमा ६० हजारभन्दा बढी फिल्म हल सञ्चालन भइरहेका छन्।’

चीनको ७० औं गणतन्त्र दिवसको अवसरमा राजधानीमा आयोजना भइरहेको ‘चिनियाँ चलचित्र महोत्सव’ को दोस्रो दिन बुधबार प्राध्यापक चेन स्वाङले चीनको फिल्मको इतिहास र वर्तमान अवस्थामाथि अन्तरसंवाद गरेका थिए।चिनियाँ फिल्म इतिहासलाई उनले केन्द्रमा संंघाई, १९४० दशक, सांस्कृतिक क्रान्ति, पाँचौ पुस्ताको उदय, छैठौं पुस्ता र नयाँ चिनियाँ अन्तर्राष्ट्रिय फिल्मको रुपमा परिभाषित गरेका थिए।

‘चिनियाँ फिल्मको इतिहास केन्द्रमा संंघाई, १९४० दशक, सांस्कृतिक क्रान्ति, पाँचौ पुस्ताको उदय, छैठौं पुस्ता र नयाँ चिनियाँ अन्तर्राष्ट्रिय फिल्मको रुपमा वर्गीकरण गरिएको छ,’ उनले भने, ‘सन् १८९६ मा चीनको संघाईमा पहिलो फिल्म रेकर्ड भएपछि केन्द्रमा त्यसलाई राखेर बेइजिङ ओप प्राथमिता दिइएको थियो।’

Wardrobe: The Shine Collection Bagbazar, Kathmandu 9869050396

जहाज कुराउछन् नेता, विरोध गर्दा राजावादीको आरोप!

भूमि सम्बन्धी आठौं संशोधन पारित, कांग्रेसको असहमति

काठमाडौं– राष्ट्रियसभाले भूमि सम्बन्धी (आठौ संशोधन) विधेयक २०७५ बहुमतले पारित गरेको छ। राष्ट्रियसभाको मंगलबारको बैठकले भूमि सम्बन्धी आठौ संशोधन विधेयक २०७५ लाई  संशाेधनसहित बहुमतले पारित गरेको हो।

यसअघि विधायन समितिको प्रतिवेदनको १ देखि १३ सम्मका संशोधित बुँदाहरु बहुमतबाट स्वीकृत भएको थियो। प्रमुख प्रतिपक्षी दल नेपाली कांग्रेसले भने विधेयकमा उल्लेखित हदबन्दी भन्दा बढीको जग्गा र सार्वजनिक प्रकृतिको जग्गा प्रयोग सम्बन्धी व्यवस्थामा असहमति जनाएको छ। विधेयकमाथि विधायन समितिको प्रतिवेदनसहितको छलफलमा सहभागी हुदै नेपाली कांग्रेसका सांसद जितेन्द्र नारायण देवले सामन्ती राजाले २०२१ सालमा ल्याएको भूमि सुधार सम्बन्धी ऐन भन्दा पनि पश्चगामी रुपमा सरकारले विधेयक ल्याएको भन्दै गम्भीर असहमति जनाए।

Wardrobe: The Shine Collection Bagbazar, Kathmandu 9869050396

अन्न भण्डार क्षेत्रनै परेन कृषि प्राथमिकतामा

भैरहवा- नेपालकै अन्न भण्डारको रुपमा चिनिने मर्चवारमा कृषि प्राथमिकतामा परेको छैन्। मर्चवार क्षेत्रका गाउँपालिकाले यस वर्ष पनि भौतिक पूर्वाधारलाई नै प्राथमिकता दिइ योजना अघि सारेका छन्। मर्चवारको मुख्य स्थानीय तह कोटहीमाई, सम्मरीमाई र मर्चवारी गाउँपालिकाको अर्थतन्त्रको मुख्य आधारनै कृषि भए पनि प्राथमिकता भने पुरानै ढर्रा अनुसार दिइएको छ।

गाउँपालिकाहरुले कृषि क्षेत्रलाई प्राथमिकतामा दिनुको साटो सडक, भवनलगायतका क्षेत्रमा विगत ३ वर्षदेखि प्राथमिकता दिदै आएका छन्। हरेक वर्ष कहिले मल वीउ पाइएन कहिले जल पाइएन भनेर मर्चवारबासीले दुःख भोगेको भए पनि संघीयता पछि बनेको स्थानीय सरकारले समेत त्यसतर्फ ध्यान दिन सकेका छैनन्।

“भ्रमण वर्षले छोएन बुद्धस्थल”

लुम्बिनी – अहिले प्रदेश सरकारको लुम्बिनी भ्रमण वर्ष चलिरहेको छ। चार महिनापछि नेपाल भ्रमण वर्ष २०२० सुरु हुनेछ। प्रदेश सरकारले लुम्बिनी भ्रमण वर्षको नाममा करोडौं रकम खर्च गरिरहेको छ। केन्द्र सरकारले पनि पर्यटनकै नाममा बजेट छुट्याएको छ। तर, केन्द्र र प्रदेश सरकारले पर्यटन वर्षका नाममा करोडौं बजेट खर्च गरिरहँदा पनि देशकै मुख्य पर्यटकीय स्थल लुम्बिनी  र यहाँका बुद्ध स्थलमा कुनै चहलपहल छैन। न त स्थानीयलाई भ्रमण वर्षबारे कुनै जानकारी नै छ।

बुद्ध स्थलमा न पर्यटकीय गतिविधि भएका छन् न त पूर्वाधार विकासमा कुनै प्रगति छ। लुम्बिनीलाई आधार बनाएर प्रदेश ५ लाई मुलुककै उत्कृष्ट पर्यटकीय गन्तब्य बनाउने भन्दै प्रदेश सरकारले लुम्बिनी भ्रमण वर्ष २०७६ घोषणा गरेको हो। गत जेठ ४ गते  बुद्ध जयन्तीका दिन राष्ट्रपति विद्यादेवी भण्डारी, प्रधानमन्त्री केपी ओली र प्रदेश ५ का मुख्यमन्त्री शंकर पोखरेलले तामझामका साथ लुम्बिनी भ्रमण वर्षको शुभारम्भ गरेका थिए। तर, चार महिना बितिसक्दा पनि लुम्बिनी, कपिलबस्तु र नवलपरासीका बुद्ध स्थलमा भ्रमण वर्षको कुनै छनकसम्म देखिँदैन। बरु अस्तव्यस्त नाका, भत्केका सडक, कमजोर सुरक्षा व्यवस्थाका कारण सास्ती भोग्नु परेको पर्यटकका गुनासा मात्रै सुनिन्छन्।

विदेशी पाहुना भक्तपुरमा रमाए

काठमाडौं – काठमाडौं महानगरपालिकाको निम्तामा आएका विदेशी नगरका प्रमुख, उपप्रमुख तथा प्रतिनिधिहरुले भक्तपुर दरबार स्क्वायर र ललितपुरको पाटन दरबार स्क्वायर भ्रमण गरेका छन्। आइतबार महानगरको निम्तोमा इन्द्रजात्रा अवलोकनका लागि काठमाडौं आएका प्रतिनिधिहरुलाई महानगरपालिकाले अवलोकन गराएकोे हो।

भक्तपुर नगरपालिकाका नगर प्रमुख सुनिल प्रजापति र उपप्रमुख रजनी जोशीले पाहुनाहरुलाई भक्तपुर दरबार स्क्वायरमा स्वागत गरेर तलेजु, न्यातापोल, दत्तात्रय मन्दिरलगायतका ऐतिहासिक सम्पदाको अवलोकन गराइयो। इन्द्रजात्रा अवलोकनका लागि पाँयच देशका सहरका मेयरसहित ४१ विदेशी पाहुना गत बिहीबार नेपालमा आएका थिए। जसमा चीनको ल्हासाबाट मेयर गुहेओ गुहेओ, भुटानको थिम्पु नगरका मेयर किन्ले दोर्जे, भारतको नर्थ दिल्ली म्युनिसिपलबाट मेयर सरदार अभतार सिंह, चीनको लाञ्चाउबाट कमिटी अफ द सिपिपिसिसीका उपाध्यक्ष ज्याङ् सिओहाङ् लगायत छन्।

न सन्तान रह्यो, न सम्पत्ति

सिसवा (सिरहा) – गैरकानुनी अस्पतालबारे जानकारी भएको भए सन्तान गुमाउनुको सन्ताप खप्नु पर्दैनथ्यो। सरकारी कमजोरीका कारण सन्तान गुमाउनुको वियोगसँगै पलपल जीवनका लागि संघर्ष गरिरहेकी मिर्चैया नगरपालिका–३ सिसवा टोलकी शोभादेवी चौधरी बिलौना गर्दैछिन्।

‘अस्पताल कानुनी रूपमा सञ्चालित हो कि गैरकानुनी ? दक्ष जनशतिm छन् कि छैनन् ? अस्पतालले दिने सेवाको अनुमति लिएका छन् कि छैनन् ? हामी दूरदेहातका मान्छेलाई के थाहा,’ शोभाले लामो र्सै सुनाइन्। ‘अस्पताल हो, राम्रै इलाज हुन्छ भनेर गएकी थिएँ,’ उनले रुँदै भनिन्, ‘सरकारी लापरबाहीको फाइदा उठाउँदै सञ्चालित गैरकानुनी सेवाले मेरो जीवन नै समाप्त पारिदियो।’

गत साउन २६ गते सोमबार सामान्य पेट दुखेपछि शोभालाई परिवारका सदस्यले एम्बुलेन्समा राखेर लहान–३ अस्पताल चोकस्थित सुनिता श्रेष्ठद्वारा सञ्चालित प्रसूति सेवा केन्द्रमा लगे। तीन छोरीकी आमा शोभाले पहिला मिर्चैयास्थित नर्सिङ होममा नियमित गर्भ जाँच गराउँदै आएकी थिइन्। तर त्यो दिन काका नाता पर्नेको सल्लाहमा उनी श्रेष्ठको प्रसूति सेवा केन्द्रमा पुगेकी थिइन्। भरपर्दो उपचारको आसमा प्रसूति सेवा केन्द्र पुगेकी शोभालाई श्रेष्ठले मेरिगोल्ड हेल्थ पोलिक्लिनिक एन्ड डाइग्नोस्टिक सेन्टरमा रेफर गरिन्। ‘त्यहाँ हिँड्नुस्, जाँच यन्त्र राम्रो छ, राम्रोसँग जाँचिदिन्छु भनिन्,’ श्रेष्ठलाई उद्धृत गर्दै शोभाकी सासू लिल्साले बताइन्। उनका अनुसार साँझमा कतै बाहिर लग्नुपर्छ कि भनेर सोध्दा ‘सुनिता दिदी’ ले यही नर्मल डेलिभरी हुन्छ, कतै लानुपर्दैन भनिन्।

हिमाल चढ्दै झिँगा र लामखुट्टे

लोमान्थाङ (मुस्ताङ) – तीन हजार आठ सय मिटरको उचाइमा रहेको लोमान्थाङमा झिँगाको बिगबिगी बढेको छ। सुन्दै अचम्म लाग्ने, उचाइ र चिसो हुने ठाउँमा समेत प्रत्येक घरका भित्ता र होटलमा झिँगा भेटिन थालेका छन्। झिँगासँगै लामखुट्टेको संख्या पनि बढ्दै गएको छ। वर्ष दिनअघि मात्र मुस्ताङको सदरमुकाम जोमसोममा पाइने लामखुट्टे अहिले उच्च हिमाली क्षेत्रमा पनि भेटिन थालेको छ।

हिमाली क्षेत्रमा तापक्रम बढ्दै गएको छ। झिँगासँगै लामुखट्टेको जीवनचक्रसमेत लोमान्थाङमा सुरु हुन थालेपछि जलवायु परिवर्तनको प्रत्यक्ष असर देखिएको अनुमान गर्न सकिन्छ। यसले स्वास्थ्यक्षेत्रमा गम्भीर असर पु¥याउने सम्भावना छ। ‘लामखुट्टे र झिँगा देखिएको थिएन। तर अहिले झिँगासँगै लामखुट्टे देखिन थालेका छन्,’ अन्नपूर्ण संरक्षण क्षेत्र आयोजना एक्याप लोमान्थाङका निमित्त कार्यालय प्रमुख श्रीकृष्ण न्यौपानले भने, ‘झिँगा र लामखुट्टेसँगै नयाँ कीरासमेत देखिन थालेका छन्।’ चराहरू पनि नयाँ आउन थालेको उनको अनुभव छ। उनी भन्छन्, ‘यो ढुकुर नहुने ठाउँ हो तर पछिल्लो समय यस चराको गुँड नै देखिएको छ।’

राहदानी विधेयक प्रतिवेदन पेश

काठमाडौँ- राष्ट्रियसभाको आजको बैठकमा विधायन समितिका सभापति परशुराम मेघी गुरुङले ‘राहदानी विधेयक, २०७५’ सम्बन्धी समितिको प्रतिवेदन पेश गरेका छन्।

बैठकमा सभापति गुरुङले प्रतिनिधिसभाबाट सन्देशसहित पुनर्विचारका लागि सो विधेयक प्रस्तुत गरेका थिए। रासस

राष्ट्रियसभामा शून्य समयः एनसेलदेखि नेतामाथि गाली गर्नेलाई कारवाहीसम्म

काठमाडौं– राष्ट्रियसभा सदस्यहरुले समसामयीक र क्षेत्रगत विषयमा सम्बन्धित निकायको ध्यानाकर्षण गराएका छन्। राष्ट्रियसभाको मंगलबारको बैठकको शुन्य समयमा बोल्दै सांसद अनिता देवकोटाले मुलुकका विभिन्न स्थानमा हत्या हिंसाका घटना भईरहेको भन्दै शान्ति सुरक्षाको प्रत्याभुति गर्न सरकारको गम्भीर ध्यानाकर्षण गराइन।

सांसद कविता बोगटीले हुम्ला जिल्लाको वैकल्पिक यातायातको माध्ययम भनेको हवाईसेवा मात्रै भएको भन्दै विगतमा वायु सेवा निगमसँग भएको सम्झौता लागु गर्न सरकारको ध्यानाकर्षण गराइन।

सांसद खिमकुमार विश्वकर्माले एनसेलको लाभ कर सम्बन्धमा सर्वोच्च अदालतको फैसलाले राज्यलाई अर्बौ रुपैयाँ घोटला भएको भन्दै सो आदेशबारे चासो देखाउँदै सो सम्बन्धमा सरकारको धारणा माग गरे।

दीपशिखाको निर्देशन- ‘अनूमति नलिई कुनै निर्णय नगर्नू’

काठमाडौं– सत्तारुढ दल नेपाल कम्युनिष्ट पार्टी (नेकपा)को युवा संगठन युवा संघले आफ्ना जिल्ला संगठनले निर्णय गर्नुपूर्व अनुमति लिन निर्देशन दिएको छ। ज्ञानेन्द्र शाहीलाई केहि जिल्लाहरुमा तत्कालिन वाइसिएल र युवा संघले प्रवेश निषेध गरिरहेको बेला केन्द्रीय कमिटीका संयोजकले यस्तो धारणा सार्वजनिक गरेका हुन्।

सामाजिक सञ्जाल फेसबुकमा राष्ट्रिय युवा संघका केन्द्रीय सहइन्चार्ज तथा संयोजक रामप्रसाद सापकोटा दीपशिखाले ‘स्थानीय विषय बाहेक अन्य विषयहरूमा धारणा वा निर्णयहरू सार्वजनिक गर्नुपूर्व केन्द्र वा आफूभन्दा उपल्लो कमिटीसँग अनुमति लिनुहुन निर्देशन दिएका हुन्।

अराजकताको प्रतिवाद गर्न दाहालको निर्देशन

काठमाडौं – नेपाल कम्युनिस्ट पार्टी (नेकपा) का अध्यक्ष पुष्पकमल दाहालले अराजकता निम्त्याउने तत्वको प्रतिवाद गर्न जनवर्गीय तथा युवा तथा विद्यार्थीलाई निर्देशन दिएका छन्।

पार्टी कार्यालय धुम्बाराहीमा तत्कालीन माओवादीका स्वर्गीय नेता पोष्टबहादुर बोगटीको स्मृतिमा सोमबार आयोजित कार्यक्रमलाई सम्बोधन गर्दै दाहालले सो निर्देशन दिएका हुन्।

‘अराजक हुने, लोकातान्त्रिक गणतन्त्र निमोठ्न खोज्ने, जनतामा भ्रम छर्ने र हत्केलाले सूर्य छेक्न खोज्ने अराजक तत्वको प्रतिवाद गर्न र उनीहरूबाट सतर्क रहन विशेषगरी युवा र विद्यार्थी साथीहरूलाई विशेष अपिल गर्दछु,’ अध्यक्ष दाहालले भने।

सञ्चारमैत्री बन्दै दोलखा

दोलखा- नेपाल टेलिकम दोलखाले आफ्नो सेवामा विस्तार गर्ने भएको छ। हाल दोलखा जिल्लाका सात गाउँपालिका र दुई नगरपालिकामा सेवा विस्तार गर्न लागिएको हो।

जिल्लाका विभिन्न ठाउँमा टावर निर्माणसँगै नयाँ गाउँपालिकाहरुमा टेलिफोन लाइन वितरण गर्ने काम तीव्र गतिमा हुँदै आएको टेलिकम दोलखाले जनाएको हो। हाल शैलुङ गाउँपालिका वडा नं ८ को भैसेडाँडामा निर्माण भएको टावर भर्खरै सञ्चालनमा आएको छ।

त्यसैगरी जिरीको हाटडाँडामा रहेको टावर अबको केही दिनमा सञ्चालनमा आउने टेलिकम दोलखाका कार्यालय प्रमुख श्याममणि अर्यालले जानकारी दिए।

अर्यालका अनुसार लादुकमाथि चित्रेको टावर सञ्चालनमा आएसँगै दोलखा र रामेछापका केही स्थानीय व्यक्तिसँग टेलिफोनसँग जोडिएको समेत उनले जानकारी दिए। टावर विस्तार गर्ने क्रममा अबको केही दिनमा नै तामचेत दूधपोखरीमा टावर निर्माण हुने जनाइएको छ।

पुल सञ्चालनमा आयो तर श्रमिकले अझैं पाएनन् ज्याला

खोटाङ – खोटाङको दिक्तेल रुपाकोट मझुवागढी नगरपालिका र साकेला गाउँपालिका जोड्ने पक्की पुल निर्माणको क्रममा श्रम गरेका कामदारहरुले वर्षौ वित्दा पनि ज्याला नपाएको गुनासो गरेका छन्।

दिक्तेल रुपाकोट मझुवागढी नगरपालिका–५ लफ्याङ र साकेला गाउँपालिका–५ मात्तिम जोड्ने साप्सु खोला (दोश्रो) पुल निर्माणकाक्रममा २०७२ सालमा श्रम गरेका कामदारले हालसम्म पारिश्रमिक नपाएको गुनासो गरेका हुन्। पुल निर्माणकाक्रममा मिस्त्री, गिटी कुट्ने, वालुवा ओसार्ने लगायतका मजदुरीका काम गरेका ३० जनाभन्दा बढी कामदारले तीन वर्ष वित्दा समेत पूर्ण पारिश्रमिक नपाएको बताएका छन्।

पुल सञ्चालनमा आइसक्दा पनि निर्माण कम्पनी गजुरमुखी/हरिहरि निर्माण सेवा जेभीका प्रतिनिधिले कामको ज्यालाको हिसाव किताव चुक्ता नगरेको साकेला गाउँपालिका–५ मात्तिमकी कामदार चन्द्रकला राईले बताइन्। ‘ठेकेदारले अझै दुई गाडी र ३२ टिन गिटी कुटेको पैसा पाएको छैन,’ राईले भनिन्, ‘श्रीमान भर्तमानले पनि मिस्त्री काम गरे वापतको तीन महिनाको ज्याला पाउन बाँकी छ।’

Wardrobe: The Shine Collection Bagbazar, Kathmandu 9869050396

डेंगीले पनि छानी छानी नेतालाईनै टोक्ने!!!!

मोदीले भने : मित्र ओलीजी ! म चाँडै नेपाल आउनेछु

काठमाडौं-  भारतीय प्रधानमन्त्री नरेन्द्र मोदीले छिट्टै नै नेपाल भ्रमणमा आउने बताएका छन्। नेपाल–भारत अन्तरदेशीय पेट्रोलियम पाईप लाईन परियोजनाको मंगलबार संयुक्तरुपमा अनलाइन उद्घाटनमा बोल्दै मोदीले भने, ‘ यहाँले मलाई एकपटक नेपाल आउने निमन्त्रणा दिनुभएको छ, यहाँ समक्षा आउने मेरो पनि इच्छा छ । म चाँडो आउने प्रयास गर्नेछु।’

उनले नेपाल र भारतबीच पारिवारिक र सांस्कृतिक सम्वन्ध रहेको बताए। ‘पछिल्ला वर्षहरुमा उच्च राजनीतिक तहमा नजिकको सम्वन्ध र नियमित सम्पर्क रहेको छ,’ मोदीले भने, ‘पिपुल्स टु पिपुल्स सम्वन्ध हाम्रो सम्वन्धको आधार हो।’

वैदेशिक रोजगारमा जानेलाई ‘पहिलो पाइला’ मै दु:ख

काठमान्डौं – वैदेशिक रोजगारमा जाने श्रमिकहरुलाई त्रिभुवन अन्तराष्ट्रिय विमानस्थलबाटै विभेद सुरु हुने गर्छ। वैदेशिक रोजगारमा जाने नेपाली श्रमिकहरुलाई अध्यागमनमै त्यस्तो विभेद हुने गरेको देखिन्छ। रोजगारका लागि विदेश प्रस्थान गर्नेहरुको संख्या अनुसार अध्यागमन डेक्स नछुट्याँइदा श्रमिकहरुले पहिलो पाइलाबाटै दु:ख व्यहोर्नु पर्ने हुन्छ।

कुटनीतिक, विद्यार्थी, पर्यटक तथा व्यवसायिक प्रयोजनमा जानेहरुका डेक्स खालि हुँदा पनि श्रमिकहरु एकै डेक्समा लामो लाइन बस्न बाध्य हुने गर्छन्। देशको मुख्य आय स्रोत रेमिट्यान्स भित्र्याउने श्रम शक्तिलाई अध्यागमनले लामो लाईनमा राखेर दुःख दिने गरेको हो। विमानस्थल अध्यागमनका अन्य डेक्स खाली रहँदा पनि रोजगारीमा जनेहरु सिमित डेक्समा लामो लाइन सहित पर्खाइमा बस्नुपर्ने बाध्यता छ। पर्यटकका लागि छुट्याइएका डेक्स खाली रहँदा पनि श्रमको लागि विदेश जानेहरुका लागि ति डेक्स प्रयोग गरिएको हुँदैन।

अलिबाबाको अध्यक्षबाट ज्याक माले दिए राजीनामा

बेइजिङ– विश्वकै सर्वाधिक ठूलो इ–कमर्श कम्पनी अलिबाबा समूहका संस्थापक ज्याक माले कम्पनीको अध्यक्षको पदबाट मंगलबार राजीनामा दिएका छन्। अमेरिका–चीन करयुद्धका कारण व्यवसाय नै संकटमा पर्न लागेको अवस्थामा संस्थापक ज्याकले एकाएक राजीनामा दिएका हुन्।

चीनमा स्थापित यस अनलाइनले विश्वमै इ–कमर्शका क्षेत्रमा प्रभाव सिर्जना गरेको छ। चीनकै एकजना सर्वाधिक धनी व्यक्तिको सूचीमा रहेका ज्याक माले आफ्नो ५५ औं जन्मदिनका दिन समूहको अध्यक्ष पद छाडेको घोषणा गरेका हुन्। उनले एक वर्षअघि नै अध्यक्ष पद त्याग्ने बताउँदै आएका थिए।

उनी अलिबाबा पार्टनरसिपको सदस्यका रुपमा भने कम्पनीमा रहनेछन्। ३६ जना सदस्य रहने यो अलिबाबा पार्टरनसिपले कम्पनीका सञ्चालक सदस्यहरु छान्ने अधिकार राख्दछ।

नेपाल विदेशी अपराधीको क्रिडास्थल बन्दैन : आइजीपी खनाल

काठमाडौं- प्रहरी महानिरीक्षक सर्वेन्द्र खनालले नेपाललाई विदेशी अपराधिहरुको क्रिडास्थल बन्न नदिन नेपाल प्रहरी सक्षम रहेको बताए।

प्रहरी महानिरीक्षक खनालले नेपालमा आएर उन्मुक्ति पाउँछु भन्ने सोच विदेशी अपराधिहरुले नराख्दा हुने चेतावनी समेत उनले दिए। उनले विदेशी अपराधिहरु कानुनी दायरामा आउन मात्रै नेपाल आए हुने पनि स्पष्ट पारे।

‘गाउँमा सिंह मात्रै आयो दरबार आएन’

जुम्ला– स्थानीय तहको निर्वाचन भएको साढे दुई वर्ष बितिसक्दा पनि जुम्लाका स्थानीयले गाउँमा सिंहदरबारको अनुभुति गर्न पाएका छैनन्। गाउँमा सडक पुगेको छैन्। खानेपानी समस्या निवारण हुन सकेको छैन्। स्थानीय उत्पादनको बजारीकरण हुन सकेको छैन्। गाउँका सिंहदरबारले कुनै प्रकारको देखिने खालको विकासका क्रियाकलाप अघि बढाउन नसकेकोप्रति जुम्लाबासी आक्रोशित छन्।

संघीयता कार्यन्वयनमा आउँदै गर्दा गाउँका सिंहदरबारले गाउँको उत्थान गर्ने आकांक्षा थियो, पातारासी ३ का उर्गेल लामा भन्छन्,‘त्यो सरकार न गाउँमा आयो, नत गाउँपालिकामा। उल्टै स्थानीयलाई सास्तीको अनुभुति भईरहेको छ। ’ स्थानीय सरकार विकास भन्ने बित्तिकै डोजरले सडक खन्नुलाई सम्झन्छ। सानातिना समस्या हेर्दै हेर्दैन।

ज्यानकै जोखिम मोलेर गर्भपतन

रोल्पा – रोल्पा अस्पताल लगायत जिल्लाका अन्य १२ स्वास्थ्य संस्थामा ‘मेडिकल एर्बोसन’ अर्थात औषधीको प्रयोगबाट ९ हप्ता सम्मको अनिच्छित गर्भपतनको निशुल्क सुविधा छ। त्यसो त अस्पतालसहित अन्य दुई प्राथमिक स्वास्थ्य केन्द्रमा १२ हप्ता सम्मको क्लीनीकल अर्थात उपकरणको प्रयोगद्वारा गरिने गर्भपतनको निशुल्क सेवा पनि छ। तर विधि कारणले यहाँका किशोरीहरुले असुरक्षित गर्भपतन गराई रहेका छन्। गर्भपतन गराउने थाहा पाएकाले गर्भनिरोधका बारेमा जाने पनि प्रयोग भने गर्दैनन्।

असुरक्षित गर्भपतन गराउदा आर्थिक हिसाबले मँहङ्गो पर्ने मात्र नभएर ज्यान कै जोखिम समेत रहने भएता पनि उनिहरु अझै सरकारी संस्थाको निशुल्क र भरपर्दो सेवा लिदैनन्। निजी अस्पताल र मेडिकलमा कुनै जाच बिना गैरकानुनी रुपले औषधीको कारोवार भइरहेको छ। जिल्ला अस्पतालको एक तथ्याङ्क अनुसार गत आर्थिक वर्षमा ५९ जना बिरामीलाई रगत चढाउनु परेकोमा १६ जना असुरक्षित गर्भपतनपछि भएको अत्याधिक रक्तश्रावका कारण रगत दिनु परेको थियो।

पुरस्कारमा केन्द्र नै हाबी

काठमाडौं – निजामती सेवा दिवसका अवसरमा सरकारद्वारा प्रदान गरिएको पुरस्कारमा केन्द्रमै रहेका उच्च पदस्थ कर्मचारी हाबी देखिएका छन्। सरकारले यसपटक पनि उपयुक्त कर्मचारी नभेटेको भन्दै सर्वाेत्कृष्ट पुरस्कार घोषणा नगरे पनि उत्कृष्ट निजामती सेवा पुरस्कार र निजामती सेवा पुरस्कार पाउनेमा केन्द्रकै विभिन्न मन्त्रालय र निकायमा कार्यरत उच्च पदस्थ कर्मचारीको वर्चस्व देखिएको हो।

१६ औं निजामती सेवा दिवसका अवसरमा १० जना उत्कृष्ट र ३० जनालाई निजामती सेवा पुरस्कार प्रदान गरिएको थियो। संघीयता कार्यान्वयनमा निजामती कर्मचारीलाई संघ, प्रदेश र स्थानीय तहमा पठाएपछि दुर्गम र जनताको दैलोमा पुगेर सेवा गरेका कर्मचारीलाई प्रोत्साहित गर्नुको सट्टा केन्द्रमै रहेकालाई पुरस्कृत गरेको हो। पुरस्कार सिफारिस गर्न सरकारले मुख्यसचिव लोकदर्शन रेग्मीको संयोजकत्वमा सिफारिस समिति गठन गरेको थियो। मुख्यसचिवकै सिफारिस बमोजिम ४० जना पुरस्कृत भएका हुन्।

विगतका सम्झौता कार्यान्वयन गर्ने प्रतिबद्धता

काठमाडौं – चिनियाँ विदेशमन्त्री वाङ यीको नेपाल भ्रमणका क्रममा दुई देशबीच विगतमा भएका सम्झौता प्रभावकारी कार्यान्वयन गर्ने सहमति भएको छ। चीन र नेपालबीच बिआरआईअन्तर्गत विभिन्न महत्वपूर्ण सम्झौता भए पनि कार्यान्वनको अवस्था भने सन्तोषजनक देखिँदैन। बैठकमा चिनियाँ पक्षले सम्झौता कार्यान्वयनमा भइरहेको विलम्बबारे चासो देखाएपछि बैठकले तिनको प्रभावकारी कार्यान्वयनका लागि सहमति जुटाएको परराष्ट्र मन्त्रालय स्रोतले जनाएको छ।

नेपाल र चीनबीच तीन महत्वपूर्ण सम्झौतामा पनि हस्ताक्षर भएको छ। चिनियाँ विदेशमन्त्री वाङ र परराष्ट्रमन्त्री प्रदीपकुमार ज्ञवालीको उपस्थितिमा सोमबार भएको सम्झौतामा मनाङमा ३५ करोड ६० लाख रुपैयाँको लगानीमा अस्पताल निर्माण गर्ने, आपतकालीन अवस्थामा प्रयोग गर्न ५ हजार टेन्ट उपलब्ध गराउने र नेपालस्थित चिनियाँ दूतावास र शिक्षा, विज्ञान तथा प्रविधि मन्त्रालयबीच ‘नेपालमा स्वयंसेवी चिनियाँ शिक्षक कार्यक्रम’ सञ्चालन गर्ने उल्लेख छ। बैठकमा नेपाल चीन दुई पक्षीय सम्बन्ध, चिनियाँ राष्ट्रपति सी जिङ पिङको एक महिनापछि हुने भनिएको सम्भावित भ्रमणको तयारीलगायत विषयमा पनि छलफल भएको जनाइएको छ।

पूँजी बजारकाे दायरा बढदै गयाेः अर्थमन्त्री खतिवडा

काठमाडौं– अर्थमन्त्री डा. युवराज खतिवडाले एशीयाली राष्ट्रहरुले विश्वकै अर्थतन्त्रलाई सदृढ बनाउन महत्वपूर्ण योगदान दिन सक्ने दावी गरेका छन्।

अर्थमन्त्री खतिवडाले पूँजी बजारको विस्तारको गतिलाई अझै बढाउँदै लगेर एशीयाली राष्ट्रहरुले विश्वमै गरिवी निवारणको अभियानमा पनि अग्रणी भूमिका निर्वाह गर्न सक्ने बताए। मंगलबारबाट काठमाडौंमा सुरु भएको एशीया प्यासिफिक सेन्ट्रल सेक्युरिटिज डिपोजिटरी ग्रुप’ को २३ औं वार्षिक साधारणसभालाई काठमाडौंमा उद्घाटन गर्दै उनले नेपालको पूँजी बजारको दायरा बढदै गएको उल्लेख गर्दै यसको निर्वाध विकासका लागि सरकारले प्रविधिको विकासमा जोड दिएको पनि स्पष्ट पारे।

अर्थमन्त्री खतिवडाले सरकारले पूँजी बजारकै हितका लागि उत्पादनमूलक क्षेत्रमा बाह्य लगानी भित्र्याउन जोड दिनु परेको पनि स्पष्ट पारे।

नाडाललाई चौथो पटक उपाधि

न्युयोर्क – निकै रोमाञ्चक बनेको ग्रान्ड स्लामको फाइनलमा आइतबार राफाइल नाडालले सफलता हात पार्दै चौथो पटक युएस ओपनको उपाधि उचालेका छन्। न्युयोर्कस्थित आर्थर एसे स्टेडियममा सम्पन्न युएस ओपनको फाइनलमा रसियन प्रतिद्वन्द्वी डानियल मेदभेदेभलाई पाँचौं सेटमार्पmत स्तब्ध बनाउँदै स्पेनिस स्टार नाडालले १९औं  ग्रान्ड स्लाम जितेका छन्। विश्व नम्बर दुई नाडालले विश्व नम्बर पाँच रसियन स्टार मेदभेदेभलाई ७–५, ६–३, ५–७, ४–६ र ६–४ ले हराएका थिए।

३३ वर्षे दायाँ हाते नाडाल पुरुषतर्पm सर्वाधिक ग्रान्ड स्लाम विजेता रोजर फेडेररको २०औं ग्रान्ड स्लामको रेकर्डनजिक पुगेका छन्। साथै नाडाल युएस ओपनको एकलतर्पmको उपाधि जित्ने दोस्रो पाका खेलाडीसमेत बनेका छन्। यसअघि सन् १९७० मा केन रोजवेलले ३५ वर्षको उमेर युएस ओपनको उपाधि जितेका थिए।

अब नेतृत्व लिन तयार छु – ज्ञानेन्द्र शाह

दोस्रो पटक भिडियो कन्फ्रेन्सः ओलीले भने ‘मेरो स्वास्थ्य राम्रो छ’

काठमाडौं– प्रधानमन्त्री केपी शर्मा ओलीले मंगलबार पनि भिडियो कन्फ्रेन्समार्फत् मन्त्रीहरुसँग छलफल गरेका छन्। मृर्गौलाको उपचार गर्न सिंगापुर रहेका प्रधानमन्त्री ओलीले दोस्रो पटक पनि भिडियो कन्फरेन्समार्फत् मन्त्रीहरुसँग मन्त्रालयका काम कार्वाहीबारे आवश्यक छलफल गरेका हुन्।

प्रधानमन्त्रीले छलफलको क्रममा मन्त्रालयको काम कार्वाहीमा देखिएको समस्या समाधानका लागि आवश्यक निर्देशन पनि दिएको सरकारका प्रवक्ता एवम् संचार तथा सूचना प्रविधिमन्त्री गोकुल बाँस्कोटाले जानकारी दिए।

एटीएम ह्याकरमाथि बैंकिङ कसूर मुद्दा, थप मुद्दाबारे अनुसन्धान हुँदै

काठमाडाैं- अनाधिकृतरुपमा एटीएमबाट पैसा चोरेका चिनियाँ नागरिकमाथि बैंकिङ कसूर मुद्दामा अनुसन्धान थालिएको छ। महानगरीय प्रहरी परिसर काठमाडौँले शनिबार मध्यरातमा दरबारमार्गस्थित नविल बैंकको एटीएमबाट पैसा चोर्ने पाँच जना चिनियाँ नागरिक र चिनियाँ मूलकै फ्रेन्च नागरिकलाई विमान स्थलबाट पक्राउ गरेर बैंकिङ कसूर मुद्दामा अनुसन्धान थालेको हो।

प्रारम्भिक अनुसन्धानमा उनीहरूको अपराध बैंकिङ कसूरअन्तरगत देखिएकाले उच्च अदालत पाटनबाट म्याद लिई अनुसन्धान थालिएको छ। परिसरका प्रमुख तथा एएसपी उत्तमराज सुवेदीका अनुसार आइतबार नै सात दिनको म्याद लिएर उनीहरुमाथि अनुसन्धान तथा कारवाही प्रक्रिया अगाडि बढाइएको छ।

छानविन समितिले भन्यो : संसदले खरिद गरेका सबै गाडीमा कमजोरी

काठमाडौं- संघीय संसदले खरिद गरेको गाडीमा देखिएको कमजोरीबारे अध्ययन गर्न गठित छानवीन समितिले सबै गाडीमा प्राविधिक कमजोरी भेटिएको  जनाएको छ।

संसदीय समितिका सभापतिहरुले चढ्ने गरेको गाडीमा समस्या आएपछि अध्ययन गर्न गठित छानवीन समितिले मंगलबार प्रतिनिधिसभाका सभामुख कृष्णबहादुर महरालाई बुझाएको प्रतिवेदनमा संघीय संसदले खरिद गरेको ११ वटा गाडीमा सामान्य प्राविधिक कमजोरी पाइएको उल्लेख गरिएको हो। सामान्य प्राविधिक त्रुटि भेटिएका गाडी एक हप्ता भित्र मर्मत गरी संसद सचिवालयमा बुझाउन र कामै नलाग्ने अवस्थामा रहेका ३ वटा गाडी आपूर्तिकर्तालाई नै तत्काल फिर्ता गराउन पनि संसद सचिवालयलाई निर्देशन दिइएको सो छानवीन समितिका संयोजक रामनारायण बिडारीले जानकारी दिए। छानवीन समितिले कामै नलाग्ने गाडी फिर्ता नलिए सम्बन्धित आपूर्तिकर्तालाई कानुन बमोजिम कार्वाही गर्न पनि सिफारिस गरेको छ।

छानवीन समितिले प्राविधिकहरु, सार्वजनिक खरिद ऐन र गाडी कम्पनीसँग सोधपुछ गरी तयार पारेको प्रतिवेदनमा सबै गाडीको पार्टस्हरु मिलाएर नराखिएको पाइएको पनि जनाएको छ। संयोजक बिडारीले ३ वटा गाडीमा भने मुख्य समस्या देखिएकाले त्यसलाई फिर्ता गराउन भनिएको पनि स्पष्ट पारे।

‘गृहमन्त्रीज्यू ! गौहत्यारामाथि कारबाही गरेर विगतका सबै पाप पखाल्नुस्’

काठमाडौं– विश्व हिन्दू युवा संघ अन्तर्राष्ट्रिय समितिले यही भदौ २४ गतेसम्म गौ हत्याको दोषी पक्राउ र सनातन धर्ममाथिको सरकारी हस्तक्षेप नरोके सरकारविरुद्ध कठोर आन्दोलन गर्ने चेतावनी दिएको छ।

मंगलबार समितिले रिपोर्टर्स क्लबमा पत्रकार सम्मेलन गर्दै नेपालगञ्ज उपमहानगरपालिकाले दैलेखमा पाल्न पठाउने बहानामा सुर्खेतको वीरेन्द्रनगर नगरपालिकाको भीरबाट खसालेर ३७ गाईको हत्या एवम् ८६ वटा गाई घाइते हुने गरि गरिएको गौहत्या काण्डको घोर भत्र्सना गरेको छ।

समितिका महासचिव रोसन जङ्ग बस्नेतले जारी गरेको विज्ञप्तिमा भनिएको छ, ‘सनातनदेखि हिन्दू धर्मावलम्वीहरुले माता श्रीलक्ष्मीको प्रतिक समेत मान्दै गौ–माताको दुध मात्र नभएर गौ–मुत्रलाई समेत पवित्र मान्दै आएका छौं। यसका अलावा राष्ट्रिय जनावरसमेत रहेकी गौ–माताको यस प्रकारले हत्या हुनुलाई सामान्य रुपमा लिन सकिँदैन।’

‘पुरुषको नाम र ठेगानामा मात्रै महिलाले नागरिकता लिन पाउने’ सहमति अमान्य

काठमाडौं– संघीय संसदको राज्य व्यवस्था तथा सुशासन समितिद्वारा नागरिकता विधेयकका विवादित विषयमा सहमति जुटाउन गठित उपसमितिको प्रतिवेदनमाथि उपसमितिकै सदस्यहरुको असहमति सार्वजनिक भएको छ।

समितिको मंगलबार सिंहदरबारमा बसेको बैठकमा सो प्रतिवेदनमाथिको छलफलमा भाग लिँदै उपसमिति सदस्य यशोदा गुरुङ सुवेदीले पुरुषको नाम र ठेगानामा मात्रै महिलाले नागरिकता लिन पाउने गरी गरिएको सहमतिमा आफ्नो असहमति रहेको बताइन्। उनले उपसमितिले गरेको सो निर्णय तत्काल हटाउन पनि समिति समक्ष माग गरिन्। महिला मुक्ति आन्दोलन र लैगिक दृष्टिकोणले पनि मान्य नहुने सो प्रावधान आफू बैठकमा उपस्थित नभएको बेला उपसमितिबाट निर्णय गरिएको भन्दै आपत्ति पनि जनाइन्।

सत्तारुढ नेकपाकी सांसद सुवेदीले कानुनमा समेत पतिको नाम र ठेगानाको आधारमा मात्रै महिलाले नागरिकता पाउने व्यवस्था नभए पनि त्यस विपरित उपसमितिले प्रतिवेदन ल्याएकाले पनि आफूलाई मान्य नहुने अडान राखिन। उपसमितिले सहमति जुटाएको भनिएको सो प्रतिवेदनमा ‘विवाह वा सम्बन्ध विच्छेद भएकी महिलाले थर, वतन वा अन्य विवरण संशोधन गर्न निवेदन दिएमा तोकिएको अधिकारीले आवश्यक कुरा बुझी पहिला लिएको नागरिकताको प्रमाणपत्र खिची थर, वतन वा विवरण संशोधन गरी अर्को नागरिकताको प्रमाण पत्र दिन सक्नेछ’ उल्लेख गरिएको छ। यो व्यवस्था लैगिक दृष्टिकोणले र कानुनी दुवै दृष्टिकोणले उपयुक्त नभएको सांसद सुवेदीको तर्क छ।

दोस्रो चरणको जागरण अभियानको तयारीमा कांग्रेस

काठमाडौं– नेपाली कांग्रेसले बुधबार (भोलि) पार्टीको दोस्रो चरणको राष्ट्रिय जागरण अभियानको कार्यक्रम घोषणा गर्ने भएको छ।

काँग्रेस प्रवक्ता विश्वप्रकाश शर्माले मंगलबार बसेको पार्टी केन्द्रीय कार्य समितिले आवश्यक निर्णय लिने र बुधबार अपरान्ह ३ बजे पत्रकार सम्मेलनमार्फत् सो कार्यक्रमको घोषणा गर्ने जानकारी दिए। मंगलबार जारी केन्द्रीय कार्य समिति बैठकमा पार्टीको म्याद सकिएका केन्द्रीय भातृ संगठनको केन्द्रीय कार्य समितिको म्याद थप गर्ने विषयमा पनि छलफल जारी छ।

त्यसैगरी विदेशस्थित ३५ वटा जनसम्पर्क समितिहरुको पनि म्याद थप गर्ने विषयमा पनि केन्द्रीय कार्य समितिले आजै टुंगो लगाउने काँग्रेसले जनाएको छ।

कुकुरलाई निर्ममतापूर्वक मारेको भन्दै मेयरसहित तीन जनाविरुद्ध जाहेरी

खोटाङ– खोटाङमा भुस्याहा कुकुरलाई निर्ममतापुर्वक मारेको भन्दै मेयरसहित तीन जनाविरुद्ध जाहेरी परेको छ। दिक्तेल रुपाकोट मझुवागढी नगरपालिकामा भुस्याहा कुकुर नियन्त्रणका क्रममा निर्ममतापुर्वक चिरुवा दाउराले टाउकामा कुटेर मारेको भन्दै मेयर दिपनारायण रिजाल, कुकुर नियन्त्रणका क्रममा खटिएका दिक्तेलका खेलराज आचार्य र भोजपुर घर भइ हाल मेयर रिजालको घरमा बस्दै आएका श्रेष्ठ थरका एक जना कामदारविरुद्ध जिल्ला प्रहरी कार्यालयमा उजुुरी परेको हो।

घर पालुवा तथा सामुदायिक पशु (कुकुर)लाई निर्दयी व्यवहार गर्नुका साथै निर्ममतापुर्वक मारेको भन्दै मंगलबार खोटाङकै जन्तेढुंगा गाउँपालिकाका बाजिन्द्र बिष्ट, स्नेहाज केयरका पशु प्राविधिक सुमनकुमार श्रेष्ठ, नेपाल भेटेनरी एसोसिएसनका डा. सिताराम यादवले उजुरी दिएको जिल्ला प्रहरी कार्यालय खोटाङका प्रहरी निरिक्षक आमोदकुमार खेरवारले बताए। चिरुवा दाउराले मुखमा, टाउकामा कुट्ने, झुण्ड्याउने र विषसमेत प्रयोग गरी सार्वजनिक स्थलमा कुकुरलाई मारेको तथा कतिपयलाई अचेत अवस्थामा खाल्डोमा पुरेकाले मुलुकी अपराध संहिता २०७४ परिच्छेद २७ पशुपंक्षी सम्वन्धी कसुर बमोजिम अपराध भएकाले सो अनुुसार कानूनी कारबाहीका लागि उजुरी दिइएको जनाइएको छ।

चार वर्ष हुँदा समेत विद्युत विस्तार हुन सकेन

बैतडी- बैतडीको पाटन नगरपालिका–८ को आरुबाटा तिम्ले टोलमा ४ वर्षमा पनि विद्युत विस्तार हुन सकेको छैन्।

कूल १ सय २० बढी घरधुरी रहेको सो ठाउँमा विद्युत विस्तारका लागि चारवर्ष पहिला पोल गाड्ने तथा तार जोड्ने काम भए पनि विद्युत भने अहिलेसम्म शुरु भएको छैन्।

केही पोल र तारको काम भए पनि काम बीचमै अधुरो रहेको स्थानीय वीरसिंह महराले बताए। विद्युत प्राधिकरण र ठेकेदारको लापरवाहीका कारण गाउँमा विद्युत विस्तार हुन नसकेको उनले बताए।

विद्युत विस्तारका लागि विद्युत प्राधिकरणसँग पटक–पटक आग्रह गर्दा समेत कुनै सुनुवाइ नभएको उनले गुनासो गरे। ठेकेदारको लापरवाहीका कारण विद्युत विस्तार नभएको र अबको केही दिनभित्रै काम सकेर सेवा शुरु गरिने विद्युत वितरण केन्द्र पाटनका इञ्चार्ज पुष्पराज पन्तले बताए।रासस

किनेको १४ महिनापछि जापान उड्दै वाइडबडी

काठमाडौं – नेपाल वायुसेवा निगमले जापानको ओसाका उडानको तयारी पूरा भएको जनाएको छ। वाइडबडी बिमान किनेर ल्याएको करिब १४ महिनापछि अगस्ट २९ बाट जापान उडाउने तयारी भएको निगमको भनाइ छ।

मंगलबार आयोजित पत्रकार सम्मेलनमा निगमका कार्यकारी अध्यक्ष मदन खरेलले दुई सय ७४ सिट क्षमताको वाइडबडी ए ३३०–२०० लाई काठमाडौं–ओसाका–काठमाडौं उडाउने तयारी पूरा भएको बताए।

लामो समयदेखि जापान उडानबारे जनचासोे बढ्दै गएको भन्दै उनले हप्ताको तीन उडान भर्ने गरी तालिका तयार भएको जानकारी दिए। सुरुको पहिलो महिना यात्रु संख्या कम देखिए पनि विस्तारै बढ्दै जाने उनको भनाइ छ।

ओसाका उडानपछि नारिताको तयारीमा लाग्ने खरेलले जानकारी दिए। जनवरी १ बाट नारिता उडान अनुमतिको गृहकार्यमा निगम लागिरहेको उनको भनाइ छ।

सन् २०१२ सम्म जापान उडानको क्रममा दुई लाख ३५ हजार दुई सय ४२ यात्रु तथा २१ टन कार्गाे निगमले बोकिसकेको भन्दै उनले पुनः सञ्चालनमा आउने उक्त उडानले निगमलाई व्यावसायिक रुपमा सफल बनाउन भूमिका खेल्ने अपेक्षा गरे।

पुलिसलाई राष्ट्रिय महिला भलिबलको उपाधि

पोखरा – विभागीय टोली नेपाल पुलिस क्लबले सोमबार पोखरामा सम्पन्न राष्ट्रिय महिला भलिबल प्रतियोगिताको उपाधि जितेको छ। नवआदर्श सामुदायिक विकास समाजको आयोजनामा लामाचौरस्थित ईन्द्र राज्यलक्ष्मी माविमा सोमबार सम्पन्न फाइनलमा न्यु डायमण्ड एकेडेमीलाई सोझो सेटमा हराउँदै पुलिसले दोस्रोपटक यस प्रतियोगिताको उपाधि जितेको हो।

पुलिसले न्यु डायमण्डलाई २५–१६, २५–१४ र २५–२० ले सहजै पराजित गरेको थियो। लिगमा न्यु डायमण्डमाथि ३–२ को संघर्षपूर्ण जित निकालेको पुलिस फाइनलमा भने सुधारिएको प्रदर्शन गर्दै सहजै उपाधि आफ्नो बनाउन सफल भयो।

विजेता पुलिसले नगद १ लाखसहित ट्रफी र न्यु डायमण्डले भने नगद ६५ हजार रुपैयाँ नगद पुरस्कारमै चिक्त बुझायो। पुलिसका प्रशिक्षक रूपेश बिष्टले रणनीतिअनुरूप खेलाडीले प्रदर्शन गरेपछि सहज जित हासिल गर्न सफल भएको प्रतिक्रिया दिए। प्रशिक्षक बिष्टले अनुभवी खेलाडी र पोखरामा हालै सम्पन्न बिच भलिबलको सेट टोली नै खेलाउँदा तालमेल पनि मिलेको बताए।

भिडियो कन्फरेन्स कति सुरक्षित ?

अंगीकृत नागरिकताबारे संसदमा जुहारी, सरिता गिरीलाई प्रेम सुवालको जवाफ

काठमाडौं– प्रतिनिधिसभाको मंगलबारको बैठकमा गृहमन्त्री रामबहादुर थापाले राष्ट्रिय परिचयपत्र पञ्जीकरण विधेयक छलफलका लागि प्रस्तुत गरे। छलफलका क्रममा समाजवादी पार्टी नेपालकी सांसद सरिता गिरी र नेपाल मजदुर किसान पार्टीका सांसद प्रेम सुवालबीच जुहारी चलेको छ। विधेयक राष्ट्रिय परिचयपत्रको भए पनि यी दुईबीच अंगीकृत नागरिकताका विषयमा सवाल जवाफ भएको हो।

यसअघि माइती भारतमा भएको सार्वजनिक घोषणा गरेकी गिरीले विधेयकमाथिको छलफलमा बोल्दै विदेशी महिलालाई अंगीकृत नागरिकता दिन ७ वर्षे अवधि राख्नु बेइमानी हुने बताइन्।

नागरिकतालाई भारतसँग जोडेर रोक्ने प्रयास गरिएको भन्दै उनले भारत नेपाल हुन नसक्ने र नेपाल भारत हुन नसक्ने भएकाले विदेशी महिलाले नागरिकता पाउन भारतभन्दा कम अवधि हुनुपर्ने तर्क गरिन। ‘दुइटै देशको आफ्नो इतिहास छ, आफ्नो राजनीति छ। राष्ट्र निर्माण र राज्य निर्माणको छुट्टै इतिहास छ। यदि एउटै ठाउँमा राख्ने हो भने हामी दुइटै देशको इतिहास एउटै बनाउन सक्छौं’, उनले प्रश्न गरिन, ‘भारतमा ७ वर्षमा दिएको छ, नेपालमा यहीँ नै दिने भन्नु सरासर बेइमानी हो।’

सभामुखले भिडियोबाटै संसद चलाए के हुन्छ?

काठमाडौं– प्रमुख प्रतिपक्षी नेपाली कांग्रेसले भिडियो कन्फ्रेन्सबाट मन्त्रिपरिषद बैठक सञ्चालन गर्ने निर्णयप्रति आपत्ति जनाएको छ। प्रधानमन्त्री केपी शर्मा ओली उपचारका लागि सिंगापुर जानुअघिको मन्त्रिपरिषद बैठकले प्रधानमन्त्री देशबाहिर रहेका बेला भिडियो कन्फ्रेन्समार्फत बैठक बस्नसक्ने गरी मन्त्रिपरिषद बैठक सम्बन्धी कार्यविधि संशोधनको निर्णय गरेको थियो। साेही अनुसार साेमबार पहिलाेपटक सिंगापुरबाट प्रधानमन्त्रीकाे अध्यक्षतामा भिडियाे कन्फ्रेन्समार्फत मन्त्रिपरिषद् बैठक बसेकाे थियाे।

उक्त निर्णय फिर्ता लिन कांग्रेसले माग गरेको हो। प्रतिनिधिसभाको मंगलबारको बैठकमा विशेष समय लिएर बोल्दै कांग्रेसका प्रमुख सचेतक बालकृष्ण खाँडले मन्त्रिपरिषद बैठक भिडियो कन्फ्रेन्समार्फत गर्ने निर्णय अनुचित भएको बताए।

‘मन्त्रिपरिषदको सञ्चालन कार्याविधि ज्यादै नै गम्भीर विषय हो। प्रधानमन्त्री र मन्त्रीहरुले संशोधन गर्न पाउने अधिकार छ। तर दुरुपयोग गर्न पाउँदैन’, उनले भने, ‘भिडियो कन्फ्रेन्स अनुचित छ। यसले सूचना चुहाउने खतरा छ। गोपनियताको सपथ खाने र अहिले गोपनियता लिक हुनेगरी भिडियो कन्फ्रेन्स गर्ने?’

रिचार्जकै भरमा तस्करी

भैरहवा– दसैं नजिकिँदै गर्दा तस्करहरु पनि सलबलाइरहेका छन्। सुरक्षा निकायले दैनिक जसो सामानहरु बरामद गरिरहेको छ। कहिले थोरै त कहिले धेरै। खुला सिमा नाकाका कारण तस्कर र प्रहरीबीचको तालमेल नमिल्दा पनि सामान बरामद भइरहेको छ भने समय समयमा सुरक्षा निकायका प्रमुखहरु सरुवा हुँदा चेनेल व्रिगीएर पनि तस्करीका समान बरामद हुन्छ। कहिलेकाँही त तस्करहरुको आफ्नो जोखिम मोलेर पनि सिमाका विभिन्न नाकाबाट प्रवेश गर्दा सामान बरामद भइरहेकै हुन्छ।

भैरहवा भन्सार कार्यालय पछाडी मेउडिहवामा छोटी भन्सार कार्यालय पनि थियो द्वन्द्वकाल बन्द भएको भन्सार कार्यालय अहिले सम्म संचालन नभएकाले तस्करहरुको मुख्य भित्री बाटो भएको छ। सशस्त्र प्रहरीको चेकिङ प्वाइन्ट भए पनि अगाडिबाटै साइकल भरि थेग्न नसक्ने गरी अवैध सामान नेपाल हात मिलाएर रिचार्जकै भरमा आइरहेको छ। नागरिक न्यूजकर्मीले तस्करलाई कसरी यति सामान ल्याइयो भनेर सोध्दा सबैलाई मिलाएर आएको कहि रिचार्ज कार्ड दिन्छु, त कहिँ पैसा सिमाबाट दैनिक लाखौं रुपैयाको सामान भन्सार अगाडीबाटै नै आउछ। केहीले त घरायसी प्रयोगका लागि ल्याउँछन भने केहीले त व्यवसायिक रुपमा नै ओसार पसार गरिरहेका छन्। घरायसी प्रयोगका लागि थोरै सामान ल्याउनेलाई सिमामा खटिएका प्रहरीले कडा चेकजाच गरे पनि व्यवसायिक रुपमा ल्याउने तस्करहरुसँग भने प्रहरीले हात मिलाएर वा रिचार्जको माध्यमबाट सम्बन्ध बनाएको छ। दैनिक जसो साइकलबाट, मोटर साइकलबाट र माइक्रो बसमासमेत विभिन्न ठाउँमा राखेर खुलेआम तस्करी भैरहवामा नभएको होइन्।

काठमाडौं बाहिर रहेकाे पर्यटन विभागको ७ कार्यालयले के–के काम गर्छ ? कहाँ-कहाँ छ ?

काठमाडौं– संस्कृति पर्यटन तथा नागरिक उड्ययन मन्त्रालय मातहतको पर्यटन विभागले आफुले गर्दै आएको कामलाई विकेन्द्रित गरेको छ। मंगलबार काठमाडौँमा एक कार्यक्रमका बीच पर्यटन विभागले काठमाडौं बाहिर रहने ७ कार्यालयहरुलाई काम गर्ने अख्तियारीसहित अधिकार प्रत्यायोजन गरेको हो।

पर्यटन विभागले पर्यटनमन्त्री योगेश भट्टराईसहित ६ प्रदेशका उद्योग पर्यटन वन तथा वातावरणमन्त्री सहभागी थिए भने प्रदेश १ बाट मुख्यमन्त्री शेरधन राईको उपस्थितीमा ७ कार्यालयहरुलाई अधिकार प्रत्यायोजनको हस्ताक्षर गरेको छ। पर्यटन विभागले आफुले गर्दै आएको काम झापाको काकड़भिट्टा, सोलुखुम्बुको नाम्चे, धनुषाको जनकपुर, पर्साको बीरगंज, रुपन्देहीको भैरहवा, कास्कीको पोखरा र बाँकेको कोहलपुरमा रहेको पर्यटन कार्यालयहरुले गर्ने गरि अधिकार प्रत्यायोजन गरेको छ। ७ वटा कार्यालयहरुले, ट्राभल एजेन्सी तथा ट्रेकिङ एजेन्सी र -याफ्टिङ एजेन्सीको इजाजत दिने तथा नविकरण गर्ने, पर्यटक यातायात सेवा व्यवसायको लागि इजाजत दिने नविकरण गर्ने, पर्यटक स्तरीय होटल तथा होमस्टेको इजाजत दिने तथा नविकरण गर्ने र टुर गाइड, ट्रेकिङ गाइड, ट्रेकिङ पोर्टर, रिभर गाइड, लागतको इजाजत र नविकरणको काम गर्ने छन्।

‘सरकार भ्रष्टाचारमा चुर्लुम्मै’

विराटनगर- संघीय तथा प्रदेश सरकारहरुले ‘भ्रष्टाचारुमा शून्य सहनशीलता’  अपनाएको दाबी गरिरहेका बेला प्रदेश १ का सत्तारुढ सांसदले नै सरकार भ्रष्टाचारमा चुर्लुम्मै डुबेको बताएका छन्।

नेकपा सांसद उपेन्द्रप्रसाद घिमिरेले मंगलबारको प्रदेशसभा बैठकमा नेकपा नेतृत्वकै पालामा भ्रष्टाचार तल्लो तहसम्म पुगेको भन्दै चिन्ता व्यक्त गरेका हुन्। नेकपाको सरकार भ्रष्टाचारमा चुर्लुम्म डुबेको आरोप लगाउँदै यसबारे सरकारको धारणा पनि मागेका छन्।

‘प्रदेशका मन्त्रीका पिएहरुले कमिसन लिएर कर्मचारीको सरुवाबढुवा गरेको कुरा सञ्चारमाध्यममा आइरहेका छन्, सामाजिक सञ्जालमा आइरहेका छन्’, बैठकको शून्य समयमा बोल्दै सांसद घिमिरेले भने ‘के यस्तै कामका लागि जनताले हामीलाई चुनेर पठाएका हुन्?’ यसबारे मन्त्रीहरुले सदनमा जानकारी गराउन उनले माग गरे।  ‘मन्त्रीका पिएहरु भ्रष्टाचारमा मुछिएको कुरा बाहिर आइरहेका बेला सदनलाई यसबारे सत्यतथ्य जानकारी दिनुपर्छ’, उनले भने ‘अहिले तल्लो

राजश्व चुहावटमा कसुरदार ठहरिए जेल जानुपर्ने

तहसम्म भ्रष्टाचार व्याप्त छ, मलाई सांसद्को लोगो लगाएर हिँड्न पनि लज्जाबोध भइरहेको छ। नेकपालाई जनताले गरेको विश्वासको परिणाम यही हो?’ कुन मन्त्रीका कुन पिएले यस्तो काम गरेका हुन् भन्ने चाहिँ उनले खुलाएनन्।

काठमाडौं- अर्थमन्त्री डा. युवराज खतिवडाले राजश्व चुहावट र अपचलनमा कसुरदार ठहरिएको व्यक्ति जेल जानुपर्ने बताएका छन्।

संघीय संसद प्रतिनिधिसभा अन्तर्गतको अर्थ समितिको मंगलबार बसेको बैठकमा राजस्व चुहावट (अनुसन्धान तथा नियन्त्रण) ऐन, २०५२ लाई संशोधन गर्न बनेको विधेयक माथिको छलफलमा आफ्नो धारणा राख्दै अर्थमन्त्री खतिवडाले कसुरदार ठहरिएको व्यक्तिलाई आर्थिक रुपमा मात्र दण्डित गरेर नपुग्ने भन्दै जेल सजाय पनि अनिवार्य गर्नुपर्ने बताएका हुन्। मन्त्री खतिवडाले राजश्व चुहावट अथवा अपचलन बदनियत राखी नै गरिने भएको हुँदा यस्तो काम लाई दुरुत्साहन हुनेगरी नै एक दिन भएपनि जेल जानुपर्ने व्यवस्था गर्न लागिएको बताए।

बैठकमा पूर्व अर्थमन्त्रीहरुले भने राजस्व चुहावट सम्बन्धि कसुरको दण्ड तथा जरिवानामा फरक फरक धारणा राखे। पूर्व अर्थमन्त्री ज्ञानेन्द्र बहादुर कार्कीले बिधेयकमा भएको दण्ड सजायको व्यवस्थाले उद्योगी व्यवसायी आतंकित भएको भन्दै जरिवाना र जेललाई जोड दिनु भन्दा राजश्व अशुलीलाई प्राथमिकता दिने गरि विधेयकमा व्यवस्था गरिनुपर्ने बताए।

कर्णाली राजमार्गमा पहिरो, सयौं सवारीसाधन र यात्रु अलपत्र

जुम्ला- कर्णाली राजमार्गको कालिकोट खण्डमा रहेको तिलागुफा नगरपालिका ७ छाप्रेमा पहिरो जाँदा सयौँको संख्यामा सवारीसाधन  र यात्रु अलपत्र परेका छन्।  सोमबार राति अबिरल वर्षासँगै गाँउ माथिबाट पहिरो आएपछि सडकको निसाना नरहने गरि सडक बगाएको थियो। पहिरो जाँदा नजिकैका स्थानीय गाउँ छाडेर भागेका थिए। पहिरोका कारण तीन वटा बस्तीहरु जोखिममा परेको जिल्ला प्रहरी कार्यालय कालिकोटका डिएसपी श्यामबाबु ओलियाले जानकारी दिए।

पहिरोले बिहानैदेखि  कर्णाली राजमार्ग बन्द छ। जुम्लादेखि सुर्खेत नेपालगंज र नेपालगंज, सुर्खेतदेखि जुम्ला आउन लागेका सवारीसाधन बीचमै अलपत्र परेका छन्। पहिरोबाट मानवीय क्षति भएको छैन।  पहिरोग्रस्त क्षेत्रमा उद्दारका लागि तीन वटै सुरक्षा निकाय खटिएका छन्। जिल्ला प्रहरी कार्यालय कालिकोटका प्रमुख डीएसपी श्यामबाबु ओलीयाको नेतृत्वमा नेपाल प्रहरी, सशस्त्र प्रहरी प्रमुख दिलप्रसाद भट्टको नेतृत्वमा सशस्त्र प्रहरी र नेपाली सेनाको टोली पहिरो स्थलमा पुगेर फर्किएको छ।

अर्थमन्त्री खतिवडाले भने– उद्योगीले सरकारलाई झुक्याएर कर छल्न खोजे

काठमाडौं– अर्थमन्त्री डाक्टर युवराज खतिवडाले सरकारलाई झुक्याएर कर छल्ने प्रयास नगर्न उद्योग व्यवसायीलाई चेतावनी दिएका छन्। राजधानी काठमाडौंको भृकुटीमण्डपमा मंगलबार नाडा आटो शो २०१९को उद्घाटन गर्दे मन्त्री खतिवडाले विद्युतीय सवारी साधन भनेर व्याट्रीबाट स्टाट हुने तर संचालनका लागि पेट्रोल या डिजेल नै आवश्यक पर्ने सवारी साधन ल्याएर उद्योगीले कर छल्न खोजेको बताएका हुन्। विद्युतीय ऊर्जाबाट चल्ने गाडीमा मात्रै सरकारले भन्सार र अन्तशुल्क छुट दिएको स्मरण गराउँदै उनले उद्योगीहरुलाई इमान्दार भएर व्यवसाय गर्न आग्रह गरे।

उनले भने “हाईब्रिड कार र हाईब्रिड भेइकललाई कर छुट दिन्छौ भनेर भन्यौ। तपाईहरुले व्याट्रीले त स्टार्ट मात्रै हुने अनि चल्दाखेरी गाडी ल्याएर भन्सारमा राखिदिनुभयो। अघि एक जनाले भन्दै हुनुहुन्थ्यो नक्कली पार्टपूर्जा पनि आए भनेर । त्यो सरकारले ल्याएको होला र? तपाईहरुले सरकारलाई छल्ने काम नगर्दिनुहोस्। सरकार पनि इमान्दारीपूर्वक पेस हुन चाहन्छ र तपाईहरु पनि इमान्दार पूर्वक पेश हुनुहोस्।’

पूर्वलडाकुको पीडाः पहिले सुरक्षा, अहिले उपेक्षा

वीरेन्द्रनगर– कर्णाली प्रदेशका मुख्यमन्त्री महेन्द्रबहादुर शाही कालीकोट खाडाचक्र नगरपालिका–५, की लक्ष्मी हमालका तत्कालीन नेकपा माओवादीका कमिसार थिए। शाहीले दिएका हरेक निर्देशन कुशलतापूर्वक पूरा गर्नु लक्ष्मीको पहिलो काम थियो। चार वर्षसम्म शाही र लक्ष्मी छैठौं डिभिजन दशरपुरमा बसेरसँगै काम गरे।

कम्पनी सहायक कमाण्डरसमेत बनेकी लक्ष्मी र तत्कालीन कमिसार शाहीको भूमिका अहिले फरक छ। राजतन्त्रको अन्त्य र संघीय गणतन्त्रको स्थापनाको लागि युद्धमा लागेका शाही कर्णाली प्रदेशका मुख्यमन्त्री छन् भने सोही उद्देश्यलाई साकार पर्ने अनवरत रूपमा लागेको लक्ष्मी युद्धका पीडा झेल्दै छिन्।

भिडियो कन्फरेन्स कति सुरक्षित

काठमाडौ – उपचारका लागि सिंगापुरमा रहेका प्रधानमन्त्री केपी शर्मा ओलीले सोमबार भिडियो कन्फरेन्समार्फत मन्त्रिपरिषद्को बैठक गरेका छन्। ओली स्वास्थ्यउपचारमा जानु एक दिन पहिला भदौ ४ गते बसेको मन्त्रिपरिषद् बैठकले बैठक सञ्चालन कार्यविधि संशोधन गरी जहाँबाट पनि बैठक गर्न सक्ने प्रावधान राखिएको हो।

सोही संशोधित कार्यविधि र प्रविधिको सदुपयोग गर्दै प्रधानमन्त्री ओलीले भर्चुअल माध्यमबाट मन्त्रिपरिषद् बैठक आयोजना गरेका छन्। प्रविधिको सदुपयोगका हिसाबले नेपालको इतिहासमा यो पहिलो घटना भए पनि सुरक्षाका हिसाबले भने प्रश्नहरु उठेका छन्। आइटी विज्ञहरुलेभिडियो कन्फरेन्समार्फत गरिने बैठक सूचना चुहावटको हिसाबले सुरक्षित नहुने बताएका छन्।

प्रमुख प्रतिपक्षी नेपाली कांग्र्रेसले प्रधानमन्त्रीको भिडियो कन्फरेन्समार्फत बैठक गरेर राज्यको गोपनीयताको चिरहरण गरेको बताएको छ। प्रधानमन्त्री ओलीले भिडियो कन्फरेन्समार्फत मन्त्रिपरिषद् बैठक गरेर नौटंकी गरेको आरोप लगाउँदै कांग्रेस नेता रामचन्द्र पौडेलले भने, ‘प्रधानमन्त्रीले राज्यको गोपनीयता भंग गरेर राज्यको चिरहरण गर्ने काम गरे।’ मुलुकका गोप्य सूचना सबै बाहिरिने अवस्था आएको बताउँदै पौडेलले भने, ‘मन्त्रिपरिषद् बैठकको यो नाटकले राज्यको सूचनामा खेलबाड गर्ने काम नहोस्। यसले राज्यका केही सूचना बाँकी रहँदैन। यो आपत्तीजनक छ।’

सङ्घीय शिक्षा ऐनको तयारीमा सरकार : मन्त्री पोखरेल

काठमाडौँ- शिक्षा, विज्ञान तथा प्रविधिमन्त्री गिरिराजमणि पोखरेलले सङ्घीय शिक्षा ऐन बनाउने तयारीमा सरकार लागेको बताएका छन्।  प्रतिनिधिसभाको आजको बैठकमा सांसद गगनकुमार थापाले राखेको मौखिक प्रश्नको जवाफ दिदैँ उनले पहिले शिक्षा नीति जारी गर्ने र त्यसपछि ऐन बनाउने गृहकार्य भइरहेको बताए।

सङ्घीय शिक्षा ऐन नबनेकाले तत्काल सहज सेवा दिन सङ्घीयता अनुकूल नै निर्णय गरी सङ्क्रमणकालीन व्यवस्थाको लागि शिक्षा विकास तथा समन्वय एकाइ गठन गरिएको उनले बताए। सांसद थापाले संविधानले आधारभूत तथा माध्यमिक तहसम्मको शिक्षा स्थानीय तहको अधिकारमा सूचीकृत गरेको भए पनि सङ्घीय शिक्षा ऐन नबनाइ शिक्षाको व्यवस्थापनको जिम्मेवारी एकाइलाई दिएको बताएका थिए।

तीन वर्षभित्र सबै नेपाली घरमा बिजुली

काठमाडौं – सरकारले आगामी तीन वर्षभित्र प्रत्येक घरमा बिजुली पु-याउने महत्वाकांक्षी योजना अघि सारेको छ। नेपाल विद्युत् प्राधिकरणले सरकारको मार्गनिर्देशनअनुसार प्रत्येक घरधुरीमा विद्युत्को पहुँच पु-याउने योजना अघि सारेको हो।

प्राधिकरणका कार्यकारी निर्देशक कुलमान घिसिङले सन् २०२२ भित्र मुलुकभरका प्रत्येक घरधुरीमा बिजुली पु-याउने उद्घोष गरेका छन्। ‘हामीले सन् २०२२ सम्म सम्पूर्ण नेपाली जनताको घरदैलोमा विद्युत् सेवा पु-याउने योजनासहित काम गरिरहेका छौं,’ उनले भने, ‘अहिले धमाधम काम भइरहेको छ।’

प्राधिकरणको कुल ग्राहक संख्या ३९ लाख १० हजार पुगेको छ। यो तथ्यांक अघिल्लो आर्थिक वर्षको तुलनामा करिब १० प्रतिशतले बढी हो। प्राधिकरणका अनुसार सामुदायिक संस्था र बुटबल पावर कम्पनी अन्तर्गतका ग्राहकसमेत जोड्दा करिब ७८ प्रतिशत जनसंख्यामा राष्ट्रिय विद्युत् प्रणालीको ग्रिड पुगेको छ।

आखिर कहाँ लुक्यो त निर्मलाको हत्यारा ?

ठेकेदारले काम नगर्दा तोडियो ठेक्का

गोरखा– १२ किलो वारपाक सडकखण्डको चार प्याकेज करिब ३० किलोमिटर सडक ठेकेदारले समयमै काम नगर्दा कालोपत्रे हुन सकेन।

काममा चरम लापरबाही गरेर निर्माण कम्पनीले सम्झौताअनुसार काम नगरेपछि ११ किलो छेवेटार भालुस्वाँरा वारपाक सडक आयोजनाले पहिलो प्याकेजको करिब आठ किलोमिटरको ठेक्का सार्वजनिक सूचना जारी गरेर तोडेको छ।

‘१० करोड ५९ लाखमा सम्झौता भएको थियो, ६ करोड ४५ लाख भुक्तानी भएको छ,’ आयोजनाका लेखा अधिकृत ज्ञानमणि उपाध्यायले भने। २०७२ मंसिर ३० गते सिध्याउने गरी २०७१ असार ३१ मा ठेक्का सम्झौता भएको थियो।

बाजुराबाट ६४ जना हराए

बाजुरा– एक वर्षको अवधीमा बाजुराबाट ६४ जना हराएको तथ्याकं प्रहरीले सार्वजनिक गरेको छ। महिला र बालबालिका गरि गएको वर्ष साउनदेखि यो वर्षको असारसम्म ६४ जना हराएको जिल्ला प्रहरी कार्यालय बाजुराले जनाएको छ।

हराउनेमा २६ जना बालक, २० जना बालिका र १९ जना महिला रहेका छन्। जिल्ला प्रहरी कार्यालयमा दिएका खोजी निवेदनका आधारमा ६४ जनाको तथ्याकं देखिएको प्रहरी नायव उपरीक्षक डिएसपी उद्धवसिंह भाटले बताएका छन्।

प्रदेश २ का बाढी, डुवान प्रभावितलाई अझै राहत पुगेनः मुख्यमन्त्री राउत

काठमाडौं– प्रदेश नम्बर २ का मुख्यमन्त्री लालबाबु राउतले २ नम्बर प्रदेशका बाढी र डुवानबाट प्रभावितहरुलाई अझै राहत तथा पूनर्स्थापना नभएको गुनासो पोखेका छन्। उनले भने, ‘दुई नम्बर प्रदेश बाढी र डुवानबाट प्रभावित बनेको छ। ८ वटै जिल्ला प्रभावित बनेका छन्। अझै पनि राहत पुगेको छैन।’

मंगलबार रिपोर्टर्स क्लबले आयोजना गरेको साक्षात्कारमा बोल्दै मुख्यमन्त्री राउतले प्रदेश २ सरकारले आफ्नो क्षमता र स्रोतले भ्याएसम्म तुरुन्तै राहत पुर्याएको सुनाए। अहिले पनि प्रदेश सरकार प्रभावित जिल्लामा पुगेर राहत पुर्याउने काममा लागिरहेको राउतले सुनाए। उनले भने, ‘अहिले पनि राहत वितरण गर्न धेरै बाँकी छ। कतिलाई राहत पुग्यो, कतिलाई पुग्यो भनेर हेर्नको लागि हामीसँग संयन्त्र छैन। तर राहत धेरैलाई पुगेको छैन।’

टोलटोलमा घण्टाकर्ण पर्वकाे तयारी

भक्तपुर– टोलटोलमा मान्छे मार्ने राक्षस मारेको सम्झनामा मंगलबार भक्तपुरमा धूमधामकासाथ घण्टाकर्ण चतुर्दशी पर्व मनाइँंदै छ। प्रत्येक वर्ष मनाइने घण्टाकर्ण पर्वलाई स्थानीय नेवार समुदाय गथांमुगः चह भनेर बुझछन्।

विशेष गरी भक्तपुर नगरका टोलटोलका दोबाटो, चौबाटोमा नर्कट, छ्वाली, पराल, हाँंडी, नाङलोलगायतले बनाएको राक्षसरुपी गथांमुगको साँंझ दाहसंस्कार गरी पर्व मनाइने चलन छ। यस क्रममा यहाँंका टोलटोलमा सयौं गथांमुगको दाहसंस्कार गरिन्छ।

गथांमुग बनाउन टोलटोलमा स्थानीयस्तरमा नर्कट, छ्वाली, परालको संकलन गर्ने गर्दछन्। संकलित नर्कट, छ्वालीबाट तीनखुटे गथांमुग बनाइन्छ। साथै घरमा फाल्नुपर्ने पुरानो नाङलोमा मुख, नाक, कानलगायतका ज्ञानेन्द्रिय अंग लेखी हाँंडीको टाइको दिइएको हुन्छ।

बुद्ध मूर्ति तोडफोड गर्नेलाई कारबाही माग गर्दै गृहमन्त्रीलाई ज्ञापनपत्र

काठमाडौं- बुद्धका मूर्ति तोडफोड गर्नेमाथी कारबाहीको माग गर्दै धर्मोदय सभाले गृहमन्त्री रामबहादुर थापालाई ज्ञापनपत्र बुझाएको छ। मंगलबार पुल्चोकस्थित मन्त्रीक्वाटरमै पुगेर सभाले मूर्तितोडफोड गर्नेलाई कानुनी दायरामा ल्याउन माग गर्दै गृहमन्त्री थापालाई ज्ञापनपत्र बुझाएको हो। सभाका अध्यक्ष यज्ञमानपति बज्राचार्यको नेतृत्वमा गएको टोलीले धार्मिल सद्भावमा खलल पुर्‍याउने योजना सहित मूर्ति तोडफोड गरिएको भन्दै गृहमन्त्री थापाको ध्यानाकर्षण गराएका थिए।

२०७६ साउन १ गते राती रुपन्देहीको शंकरनगरमा अज्ञात समूहले ५ वटा वुद्धका मूर्ति तोडफोड गरेको थियो। तर घटनाको २ साता वित्नलागदापनि प्रहरीले तोडफोड गर्नेको पहिचान गर्नसकेको छैन।

उपनिर्वाचन कात्तिक अन्तिम वा मंसिर पहिलो साता

काठमाडौं – निर्वाचन आयोगले आगामी मंसिर पहिलो साताभित्र संघ, प्रदेश र स्थानीय तहमा रिक्त पदहरुको उपनिर्वाचनका लागि तयारी थालेको छ। प्रतिनिधिसभा, प्रदेशसभा र स्थानीय तहका निर्वाचित पद विभिन्न कारणले रिक्त भएपछि आयोगले उपनिर्वाचनको तयारी थालेको हो।

प्रमुख निर्वाचन आयुक्त दिनेशकुमार थपलियाले उपनिर्वाचनका लागि कार्यविधि निर्माणलगायतका तयारी अघि बढाइएको जानकारी दिए। उनका अनुसार कात्तिक अन्तिम साता वा मंसिर पहिलो साताभित्र उपनिर्वाचन गराउने गरी आयोगले तयारी अघि बढाइरहेको छ। ‘कात्तिक अन्तिम साता वा मंसिर पहिलो साता उपनिर्वाचन गर्नेगर िहामीले आन्तरिक तयारी अघि बढाइरहेका छौं,’ थपलियाले नागरिकसँग भने, ‘अब हामीले छिट्टै प्रधानमन्त्रीलाई भेटेर उपनिर्वाचनको विषयमा परामर्श गर्छाैं।’ उनका अनुसार आयोगका पदाधिकारीले प्रधानमन्त्रीलाई भेटेर उपनिर्वाचनको मितिसमेत प्रस्ताव गर्नेछन्। सरकारले निर्वाचन घोषणा गरेपछि औपचारिक रूपमा निर्वाचन कार्यतालिका प्रकाशन गरी अघि बढने उनले जानकारी दिए।

‘ललिता निवासमा मुछिएका श्रेष्ठको मृत्यु शंकास्पद’

पर्वत – पार्टी जिल्ला सचिव युक्तप्रसाद श्रेष्ठको निधन संकास्पद भएको भन्दै नेपाली कांग्रेस पर्वतले निष्पक्ष छानबिन गर्न माग गरेको छ। काठमाडौंस्थित सामाखुसीको हिमालय सिटी सेन्टरको आठौं तलाबाट खसेको भनिएका श्रेष्ठको मृत्यु शंकास्पद भएको दाबी गर्दै पर्वत कांग्रेसले छानबिन गर्न माग गरेको हो। श्रेष्ठको आइतबार दिउँसो मृत्यु भएको थियो। जिल्ला सभापति खिमप्रसाद भुसालले विज्ञप्ती जारी गर्दै ठूला माछाको पोल खुल्ने डरले श्रेष्ठको हत्या भएको हुनसक्ने बताएका छन्।

बालुवाटारको जग्गा प्रकरणसँग जोडिएर छानबिनको क्रममा रहेका श्रेष्ठले सबै पोल खोल्ने डरले त्यो घटना भएको हुनसक्ने भएका कारण निष्पक्ष छानबिन हुनुपर्ने माग भुसालको रहेको छ। ललितानिवास जग्गा प्रकरणसँग जोडेर विभिन्न सञ्चारमाध्यममा आएका समाचारप्रति दुःख व्यक्त गर्दै कांग्रेसले प्रमाणसहित सत्य कुरा बाहिर ल्याउन माग गरेको छ।

सिस्नेरीका १० घर पहिरोको जोखिममा

ओखलढुंगा– सुनकोशी गाउँपालिकाका–३ का १० घर पहिराेकाे जोखिममा परेका छन्। सिस्नेरीको खानीगाउँमा मोटरबाटो खन्दा पहिरो गएका कारण ती घर जोखिममा परेका हुन्।

जोखिममा परेकाहरूले वडा कार्यालय र जिल्ला विपद् व्यवस्थापन समितिमा सुरक्षित बासको व्यवस्था गरी क्षतिपूर्तिका लागि निवेदन दिएका छन्। घर जोखिममा परेका जीतबहादुर मगर, हीराबहादुर मगर, यज्ञबहादुर मगर, रामकाजी मगर, रामबहादुर मगर, खीलबहादुर मगर, यमबहादुर मगर, भक्तबहादुर मगर, गणेशबहादुर मगर र अम्बरबहादुर खड्काले क्षतिपूर्तिका लागि संयुक्त निवेदन दिएका हुन्।

उनीहरूले वडा नं.३ सिस्नेरीभञ्ज्याङदेखि खानीगाउँ–२, माटे हुँदै दीपसिङसम्म जाने मोटरबाटोको माथिल्लो भागबाट पहिरो गई बासस्थान जोखिममा परेको जनाएका छन्।

फेस एपमा रमाउँदै कलाकारहरू

काठमाडौं – अभिनेता दीपकराज गिरीले सामाजिक सञ्जाल आफ्नो बुढ्यौली फोटो सार्वजनिक गरेका छन्। फुलेका कपाल र चाउरी परेर बुढ्यौली झल्काएको फोटो फेस एपले बनाइदिएपछि उनको बुढ्यौली झल्काउने फोटोले चर्चा पाइरहेको छ। जुनसुकै उमेर समूहका मानिसहरूले आफ्नो बुढेयौलीपनको झलक फोटो फेस एपले बनाइदिएपछि कलाकारहरू यसमा रमाउन थालेका छन्।

सामाजिक सञ्जालहरू चर्चा पाइरहेको फेस एप च्यालेन्जमा सवै उमेर समूहका मानिसहरू सहभागि हुँदैछन्। फेस एप प्रयोग गरेर सामाजिक सञ्जालमा फोटो राख्ने आफू पहिलो भएको दाबी अभिनेता गिरीले गरेका छन्। ‘फेसबुकमा साथीले वृद्ध अवस्थाको फोटो पठाइदिएपछि उसलाई खुसी पार्न मैले फोटो सार्वजनिक गरेको थिएँ,’ उनले भने, ‘ आफ्नो फोटो हेरेर मख्ख परिरहेको छु।’

फेस एपको फिचरमध्ये सर्वाधिक प्रयोग भएको ‘ओल्ड एज’ मनोरञ्जनको रूपमा संसारभरका कलाकारहरूले प्रयोग गरिरहेका छन्। हाँय कलाकार मनोज गजुरेल ‘ओल्ड एज च्यालेन्ज’ को लागि फोटो राखेका छन्। ‘हाम्रा काका साह्रै पाका छन्। ८० वर्षे तन्नेरी भाका छन्’ भनेर क्याप्सन लेखेर फोटो राखेपछि उनको फोटो सामाजिक संञ्जालमा भाइरल भइरहेको छ। मनोरञ्जनको लागि उनले फेस एप प्रयोग गरेको बताए। ‘यो एप रमाइलो लागेर प्रयोग गरेको असुरक्षित पो रहेछ,’ उनले भने।

सुरक्षाका लागि रंगशालामा सिसी क्यामेरा

पोखरा – पोखरामा १३औं सागका केही खेल सञ्चालन गर्ने निर्णय गरिएपछि रंगशालाभित्र खेलाइने र बाहिर खेलाइने खेलका लागि पार्किङ र सुरक्षा व्यवस्थापनमा चुनौती थपिएको छ। पोखरा रंगशालाभित्र निर्माणाधीन फुटबल मैदानमा महिला फुटबल, आर्चरी मैदानमा महिला तथा पुरुष आर्चरी प्रतियोगिता सञ्चालन गरिनेछ। ती खेल सञ्चालनार्थ विशिष्ट व्यक्ति र खेलाडी स्कर्टिङको सवारी पार्किङमा चुनौती छ।

त्यति मात्र नभई बजार क्षेत्रमा आयोजना हुने ट्रायथोलन र प्याराग्लाइडिङ एवं भारोत्तोलनका खेलमा सहभागी खेलाडी र अफिसियलका लागि सुरक्षा व्यवस्था कडाइ गर्नुपर्ने खाँचो राष्ट्रिय खेलकुद परिषद्का बोर्ड सदस्य राजेश गुरुङले औंल्याए।

लिङ्ग परिवर्तित सुरेन्द्र न्याय माग्दै काठमाडौँमा

कालिमाटीपछिको ठूलो बुटवलको विषादी प्रयोगशाला पनि बन्द

रुपन्देही– २०७४ साल भदौदेखि सञ्चालनमा आएको बुटवलस्थित विषादी प्रयोगशाला कर्मचारी नहुँदा बन्द भएको छ। कालिमाटीपछिको दोस्रो ठूलो भनिएको बुटवल कृषि उपज थोक बजारभित्र सञ्चालित विषादी अवशेष द्रुत विश्लेषण इकाई दुई महिनादेखि बन्द भएको हो।

प्रयोगशालामा तरकारी तथा फलफूलको विषादी परीक्षण हुँदै आएको थियो। ८ महिनादेखि आंशिक परीक्षण हुँदै आएकोमा दुई महिनादेखि भने प्रयोगशाला पूर्ण रुपमा बन्द भएको हो। यो ईकाइमा थोक बजारभित्र आएका तरकारी र फलफूलको विषादी परीक्षण नियमित हुँदै आएको थियो।

बाल यौन दुराचार: क्यानेडियन नागरिक पिटरलाई नौ वर्ष जेल

काठमाडौं- बाल यौन दुराचारको आरोपमा थुनामा रहेका एक क्यानेडियन नागरिकलाई जिल्ला अदालतले ९ वर्षको जेल  सजाय सुनाएको छ। ६१ वर्षीय क्यानेडियन नागरिक पिटर जोन डालल्गिसलाई जिल्ला अदालत काभ्रेले ९ वर्षको जेल सजाय सुनाएको हो।

विशेष सूचनाको आधारमा २०७४ चैत्र अन्तिम साता काभ्रेपलाञ्चोक, मण्डन देउपुर नगरपालिका १ स्थित चिलकाजी महर्जनको घरबाट पिटर पक्राउ परेका थिए। बन्धक बनाइ राखेका १२ र १४ वर्षका २ नेपाली पीडित बालकलाई समेत प्रहरीले उद्दार गरेको थियो।

ढलको निकास थुनिँदा बस्ती डुबानमा

नेपालगन्ज – ढल तथा नालाको निकास थुनिँदा नेपालगन्ज उपमहानगरपालिकाको विभिन्न वडा मंगलबार डुबानमा परेका छन्। ढलको निकास थुनिएर बस्तीमा पस्दा नेपालगन्ज–१० स्थित जनस्वास्थ्य कार्यालय पछाडिको बस्ती डुबानमा परेको छ।
न्युरोड हुँदै बागेश्वरी मन्दिर भएर बग्ने र सदरलाइन हुँदै भेरी प्राविधिक शिक्षालय भएर बग्ने मुख्य ढलको निकास थुनिँदा बस्ती डुबानमा परेको हो। उक्त ढल उपमहानगरपालिकाले एकीकृत सहरी विकास आयोजनामार्फत् एसियाली विकास बैंकको ऋण/अनुदान सहयोगमा दुई वर्षअघि निर्माण गरेको थियो।

ठेकेदारले अधुरो छाडेको उक्त नालामा झारपात उम्रिएर निकास थुनेपछि पानी बग्न नपाएर बस्ती डुबान गरेको स्थानीय शंकर ठकुरीले बताए। ‘नालामा उम्रेको झारपातले बग्ने पानी जाम गरेको छ,’ उनले भने। उक्त नाला घुमाउँरो हिसाबले बनेको छ। नालाको अगाडितिर निकास थुनिँदा घुमेर बग्न नसकेको पानी बस्तीतिर छिरेको हुन सक्ने स्थानीयको अनुमान छ। नाला निर्माणका क्रममा उपमहानगरपालिकाले ध्यान नपु-याउँदा अहिले समस्या बल्झिएको उनीहरुले बताएका छन्।

जबरजस्ती लिङ्ग परिवर्तन गरेर युवती बनाइएका सुरेन्द्र न्याय माग्दै काठमाडौंमा

काठमाडौं– कञ्चनपुरको कृष्णपुर नगरपालिका वडा नम्बर १ दोमिल्लाका सुरेन्द्र सिंह मालले भारतमा कार्यरत रहँदा जबरजस्ती आफ्नो लिङ्ग परिवर्तन गराउनेमाथि कारवाहीको माग गर्दै राजधानी काठमाडौं आएका छन्।

जिल्लामा न्याय नपाएपछि उनी काठमाडौं आएका हुन्। उनले मंगलबार रिपोटर्स क्लबमा आफ्ना बुवाको साथमा पत्रकार सम्मेलन गरेर न्याय र बाँच्न पाउने आधार दिन आग्रह गरे।

नेपालमा कक्षा १२ सम्मको पढाई सकेर काम र पढाईको सिलसिलामा भारतको जम्बु गएको बेला भारतको मेरठ घर भएका इलियास नाम गरिएका ब्यक्तिले आफूलाई अहिलेको हालतमा पुर्याएको उनको भनाई छ। उनले भने, ‘मलाई इलियासले अपहरण गरेर लामो समय मलाई थाहै नभएका विभिन्न ठाउँमा राख्ने र विभिन्न काममा लगाउने काम गरे।’

बिल बढाउँदै भुक्तानी लिँदै

रोल्पा – आर्थिक वर्ष सकिनै लाग्दा रोल्पाका केही कर्मचारी र केही जनप्रतिनिधिलाई बिल बनाउन भ्याईनभ्याई छ। कर्मचारीले खरिद गरेको सामानको दुई गुणा बिल बढाउनेदेखि जनप्रतिनिधि उपभोक्ता समितिका बिल तयार गर्न हतारोमा भेटिन्छन्।

दैनिक उपभोग्य सामग्रीका पसलदेखि होटल, स्टेशनरी, इलेक्ट्रिक र कम्प्युटर पसलहरूमा खाली पान बिल माग्ने वा त्यहीँ बनाउने चलन पुरानो भने होइन। ‘बिल बढाउनका लागि जिल्ला बाहिर पुगेर खरिद गरिन्छ,’ रोल्पा उद्योग वाणिज्य संघ अध्यक्ष विश्वकुमार चन्दले भने, ‘बिल बढाउने काम जिल्लामा मात्राका हिसाबले थोरै छ, कमिसन नदिने हो भने पसलमा सामान नै किन्दैनन्।’

जिल्लामा प्राय स्थानीय तह, एनजिओ, आइएनजिओ, सरकारी सबै कार्यालयले बिल बढाउने गरेको उनको भनाइ छ। ‘यो सिस्टममा नआउनुको परिणाम हो, पटक्कै राम्रो भएको छैन,’ उनले भने, ‘सरोकारवालाले अनुगमनमा जोड दिनुपर्छ।’

नेविसंघले भन्योः सडकबाटै सरकार ढाल्छौं

काठमाडौं – आन्दोलनरत प्रमुख प्रतिपक्ष दल नेपाली कांग्रेसमा आवद्ध नेपाल विद्यार्थी संघ (नेविसंघ) ले आयातित तरकारी तथा फलफूलमा विषादी परीक्षण स्थगित गर्ने निर्णय तत्काल खारेज गर्न सरकारलाई दबाब दिएको छ।

नेविसंघले मंगलबार काठमाडौंको प्रमुख जिल्ला प्रशासन कार्यालयमार्फत् प्रधानमन्त्री केपी शर्मा ओलीलाई ज्ञापनपत्र बुझाउँदै सो निर्णय तत्काल फिर्ता लिन सरकारलाई दबाब दिएको हो। काठमाडौंका प्रमुख जिल्ला अधिकारी रामप्रसाद आचार्यमार्फत् प्रधानमन्त्री ओलीलाई बुझाइएको ज्ञापन पत्रमा सो निर्णय तत्काल खारेज नगरे सरकारलाई सडक आन्दोलनबाटै ढाल्ने चेतावनी पनि दिइएको छ।

नेविसंघका निवर्तमान उपाध्यक्ष रामप्रसाद अधिकारीले जनतालाई तरकारी र फलफूलसँगै विष सेवन गराएर मार्ने सो निर्णय तत्काल खारेज नभए सडकबाटै सरकारलाई ढाल्ने चेतावनी दिए। त्यस अवसरमा नेविसंघले सरकारले भारतको दबाबमा सो निर्णय लिएको दाबी गर्दै व्यंग्यस्वरुप प्रधानमन्त्री ओलीलाई विषादीयुक्त तरकारी र फलफूल पनि जिल्ला प्रशासन कार्यालयमार्फत् उपहार पठाएको छ।

नेपाली कामदार लैजान नपाएपछि बंगलादेशबाट कामदार लिने अन्तिम तयारीमा मलेसिया

काठमाडौं– पहिलो रोजाईमा पर्दै आएका नेपाली कामदार लैजान नपाएपछि अन्तत: मलेसियाले नेपाली कामदारको विकल्प खोजेको छ। आगामी अगष्ट महिना भित्रै बंगलादेशबाट कामदार आपूर्ति गर्ने  मलेसियाको तयारी छ। प्रमुख स्रोत गन्तव्य नेपालबाट १३ महिनासम्म कामदार लैजान नपाएपछि मलेसियाका विदेशमन्त्री साइफुद्दीन अब्दुलाह बन्द रहेको बंगलादेशबाट कामदार लिने विषयमा छलफल गर्न बंगलादेश आइपुगेका छन्।

मलेसियालि विदेशमन्त्री साइफुद्दीनले बंगलादेशी कामदारका लागि गतवर्ष डिसेम्बरदेखि बन्द रहेको मलेसियाको ढोका अगष्ट महिना भित्रै खुल्ने आशा व्यक्त गरेकोको भनाइ उदृतगर्दै बंगलादेशका संचार माध्यमले भनेका छन्- ‘विदेशी कामदार आपूर्ति गर्ने विषयमा प्रधनमन्त्री महाथिरले नै एउटा प्रक्रियाको नेतृत्व गरिरहनु भएको छ। मलाई लाग्छ त्यहि नेतृत्वले कामदार आपूर्तिको विषयमा भविष्यमा थप निर्णय गर्नेछ। बंगलादेशकालागि एउटा नयाँ अवसर खुल्दैछ।’

गृहमन्त्रीले चित्त बुझ्दो जवाफ नदिएपछि कांग्रेस र राजपाद्वारा संसद अवरुद्ध

काठमाडाैँ – गृहमन्त्री राम बहादुर थापाको जवाफ चित्तबुझ्दो नभएको भन्दै प्रमुख प्रतिपक्षी दल नेपाली कांग्रेस र राजपाका सांसहरुले संसद बैठक अवरुद्ध गरेका छन् ।

पछिल्लो समय सर्लाहीका तीन घटनामा गृहमन्त्री थापाले दिएको जवाफ चित्त बुझ्दो नभएको भन्दै सासदहरुले संसद अवरुद्ध गरेका हुन् । गृहमन्त्री थापाले राज्य मुलुकमा शान्ति सुव्यवस्था कायम गर्न प्रतिवद्ध रहेकोभन्दै सोही क्रममा सर्लाहीको घटना  भएको स्पष्ट पारे।

प्रतिनिधिसभाको मंगलबारको बैठकमा सर्लाही घटनाबारे सांसदहरुले उठाएको जिज्ञासाको सम्बोधन गर्दै उनले शान्ति सुव्यवस्था कायम गर्ने क्रममा सर्लाहीका घटना भएको दावी गरे ।

विषादीबारे मन्त्री यादवकाे प्रष्टीकरणः तीन सचिवले डुबाए

काठमाडौं– उद्योग, वाणिज्य तथा आपूर्तिमन्त्री मात्रिकाप्रसाद यादवले नेपालमा आयात हुने फलफूल तथा तरकारीमा विषादी परीक्षण नगर्ने निर्णय लिनुमा सचिवहरु जिम्मेवार रहेको आरोप लगाएका छन्। सोमबार अपरान्ह मन्त्री यादवले पत्रकार सम्मेलन गरी सचिवहरुको भरपर्दा आफू सो निर्णयका कारण डुबेको बताएका हुन्।

प्रधानमन्त्री तथा मन्त्रीपरिषद कार्यालय, कृषि तथा पशुपंक्षी विकास मन्त्रालय र आफ्नै मन्त्रालयका तीन जना सचिवहरुले गलत सुझाव दिएका कारण आफू सो निर्णयमा डुबेको मन्त्री यादवको दावी छ। मन्त्री यादवले सो निर्णयको जिम्मेवारी भने आफूले लिने पनि स्पष्ट पारे। उनले आफूलाई गुमराहमा राख्ने सचिवहरुलाई ठिक ठाउँमा बस्न पनि सचेत गराए।

अण्डाको मूल्य बढ्यो, किसानको लागत अझैं पुगेन

चितवन – कुखुराको अण्डाको मूल्य  वृद्धि भएको छ। अण्डाको मूल्य बढे पनि लागत मूल्य भने कृषकले अझै पाउन सकेका छैनन्। प्रतिक्रेट २००रुपैयाँमा बिक्री हुँदै आएको ठूलो अण्डाको मूल्य अब २८० रुपैयाँ पुगेको छ। सानो अण्डाको मूल्य ११५ रुपैयाँबाट बढेर २३० रुपैयाँ पुगेको छ।

नेपाल अण्डा उत्पादक सङ्घका केन्द्रीय अध्यक्ष त्रिलोचन कँडेलका अनुसार कृषकको लागत मूल्य प्रतिगोटा १० रुपैयाँ पर्दछ। बढेको बिक्रीमूल्य समग्रमा प्रतिगोटा आठ रुपैयाँ ५० पैसा पर्दछ। हाल दैनिक ४० लाख हाराहारी अण्डा उत्पादन हुने गर्दछ। यो सङ्ख्या ५५ लाख पुगेकोमा क्रमशः घट्दै आएको कँडेलको भनाइ छ। अण्डाको मूल्य कम भएपछि धेरैले माउ कुखुरा बिक्री गरेका छन्। यससँगै चर्को गर्मीका कारण उत्पादनमा कमी आएको छ।

“राजा नचिन्ने नायिका पनि छन,हाम्राे देशमा”-जयानन्द लामा

प्रधानमन्त्रीको सम्बोधनमा मन्त्रीबाट ‘बहिष्कार’

नयाँ वर्ष २०७६ को शुभकामनासहित प्रधानमन्त्री केपी शर्मा ओलीले देशवासीको नाममा गरेको सम्बोधनका बेला मन्त्रिपरिषद्का प्रभावशाली मन्त्रीहरू नै उपस्थित भएनन्। प्रधानमन्त्री ओलीले आइतबार बिहान साढे ६ बजेभित्र बालुवाटार उपस्थित हुन सबै मन्त्रीलाई खबर गरे पनि तत्कालीन माओवादी केन्द्रका तर्फबाट मन्त्रिपरिषद्मा सहभागी गृहमन्त्री रामबहादुर थापा, ऊर्जामन्त्री वर्षमान पुन, वनमन्त्री शक्ति बस्नेत, उद्योगमन्त्री मातृका यादव, कृषिमन्त्री चन्द्रप्रकाश खनाल र खानेपानीमन्त्री बिना मगर सम्बोधनमा उपस्थित नभएका हुन्।

सरकारी जग्गा व्याक्तिका नाममा दर्ता हुँदैन : मन्त्री अर्याल

भूमि व्यवस्था, सहकारी तथा गरिबी निवारणमन्त्री पद्माकुमारी अर्यालले सरकारी जग्गा व्यक्तिका नाममा कुनै पनि हालतमा दर्ता नहुने बताएकी छन्।स्याङ्जाको चापाकोटमा आयोजित कार्यक्रममा मन्त्री अर्यालले सर्वोच्च अदालतकै फैसला आए पनि सरकारी जग्गा व्याक्तिका नाममा दर्ता गर्न नसकिने बताइन्।

उनले त्यस्तो सपना नदेख्नसमेत आग्रह गरिन्। ‘यदि कसैले त्यस्तो सपना देखेको छ भने त्यो सपना नदेखे हुन्छ’, मन्त्री अर्यालले भनिन्।
जनताको सम्पत्तिको रक्षा गर्ने दायित्व सरकारको भएको बताउँदै मन्त्रालयले मालपोत र नापी कार्यालयमा रहेका श्रेस्तालाई कप्युटर प्रणालीमा सुरक्षित राख्न कार्यालयमा रहेका पुराना कागजपत्रलाई स्क्यानिङ गर्ने काम भइरहेको बताइन्।

कब्जा गरिएका सरकारी जग्गा फिर्ता गराइन्छ’

प्रधानमन्त्री केपी शर्मा ओलीले कब्जा गरिएका सरकारी जग्गा फिर्ता गराइने बताएका छन्। नयाँ वर्ष २०७६ को अवसरमा आइतबार बालुवाटार परिसरबाट देशबासीका नाममा सम्बोधन गर्दै प्रधानमन्त्री ओलीले गएको वर्ष भ्रष्टाचार र बेतिथिविरुद्दको अभियानको वर्ष रहेको बताए।

उनले प्रश्न गर्दै भने, ‘यस अघि कुनै उच्च ओहोदामा बस्ने मान्छे छानविनको दायरामा आएका थिए? शंकाको घेरमा परेका र विगतमा अवाञ्छनिय काममा संलग्नहरु अहिले किन छट्पटाएका छन्?’ ‘घर जग्गा कारोबार होस वा संगठित तस्करी, अवाञ्छित कामको छानबिन जारी छ। जालझेल गरेर कब्जा गरिएका सरकारी जग्गाहरु धमाधम फिर्ता गरिँदैछ र गरिँदै जानेछ। राज्यको सम्पत्तिमाथिको अनैतिक दोहनलाई सरकारले छुट दिने छैन्।’

महासचिव ठगिनुभयो : सञ्चारमन्त्री

सरकारका प्रवक्ता एवं सूचना तथा सञ्चारमन्त्री गोकुल बाँस्कोटाले नेपाल कम्युनिस्ट पार्टी (नेकपा) का महासचिव विष्णुप्रसाद पौडेल नै भूमाफियाबाट ठगिएको बताएका छन्। सरकारको नियमित पत्रकार सम्मेलनमा बिहीबार सञ्चार मन्त्री बास्कोटाले बालुवाटारस्थित ललितानिवास हडप्नेलाई सरकारले कुनै पनि हालतमा उन्मुक्ति नदिने बताउँदै पार्टीका महासचिव नै ठगिएको दाबी गरे।

‘उहाँ (पौडेल) आफैंले किनेको जग्गा नै नक्कली परेछ। उहाँ अपराधी होइन, पीडित हो’, मन्त्री बास्कोटाले भने, ‘सरकारी जग्गा खरिदमा उहाँ (पौडेल) को संलग्नता छैन। त्यहाँ अरू नै संलग्न छन्। सरकारले जग्गा रोक्का गरिसकेको छ। सरकारी सम्पत्तिको रक्षा गर्ने जिम्मा सरकारको हो र गर्छ। पीडित र पीडक सञ्चारमाध्यमले छुट्याउनुपर्छ।’ ललितानिवास हडप्नेमाथि कारबाही प्रक्रिया अघि बढाइसकेको दाबी गर्दै मन्त्री बास्कोटाले भने, ‘सरकारले ललितानिवास फिर्ता गर्न आवश्यक प्रक्रिया अघि बढाइसकेको छ। सरकारी जग्गा व्यक्तिको नाममा लैजानेमाथि अनुसन्धान सुरु भइसकेको छ, जोसुकैको संलग्नता भए पनि उनीहरुमाथि कारबाही हुन्छ।’ सरकारी जग्गा व्यक्तिका नाममा नामसारी गर्ने कर्मचारीमाथि कारबाही हुने उनले बताए।

“सरकार लगानी गर्नै खोज्दैन,आफैले ब्याट किनेर खेल्दै छु” :रुबिना क्षेत्री

छैन राहत, नेता मात्र थुप्रिए

आइतबार साँझ पलभरमै आएको आँधीले सयौं परिवार विस्थापित भए। २७ जनाले ज्यान गुमाए भने चार सय बढी घाइते भए। आफ्नो घर भत्किएको पीडा भुलेर घाइतेको उद्धारमा स्थानीय आफैं जुटे। त्यो रात उद्धार टोली पनि गाउँमा खासै देखिएन।

तर बिहान उज्यालो हुन नपाउँदै केन्द्र र मन्त्रीदेखि पार्टीका नेता अवलोकन र उद्धारका नाममा प्रभावित क्षेत्र गए। घटनाको भोलिपल्ट प्रधानमन्त्री केपी शर्मा ओली पनि घटनास्थल पुगे। उनी गृहजिल्ला झापामा थिए। त्यहाँको कार्यक्रम छाडेर उनी बारा–पर्साको प्रभावित क्षेत्रमा निक्लिएका थिए।

सेनाको हेलिकप्टरबाट निरीक्षण गर्न झापाबाट सीधै बारा र पर्सा हिँडेका ओलीले हवाई निरीक्षण मात्र गरे। तर उनी घटनास्थलमा भने ओर्लिएनन्। प्रधानमन्त्रीको हेलिकप्टर देखेपछि प्रभावितले राहतको आस गरेका थिए। तर माथिबाटै हेरिरहेका प्रधानमन्त्री चढेको हेलिकप्टर उनीहरूले पनि वाल्ल परेर हेरिरहे। प्रधानमन्त्री  फर्किएपछि उनीहरू निरास भए। प्रधानमन्त्री ओलीले नारायणी अस्पतालमा पुगेर घाइतेलाई भेटे। आश्वासन पनि दिए। यस्तै, उपप्रधानमन्त्री उपेन्द्र यादव, गृहमन्त्री रामबहादुर थापा, प्रदेश २ का मुख्यमन्त्री लाबलबाबु राउत पनि घटनास्थल पुगे। तर रित्तै। आश्वासनशिवाय केही नबोकी।

Wardrobe: The Shine Collection Bagbazar, Kathmandu 9869050396

अमेरिकामा मलाई पक्राउ गराउन नेपालीहरु नै लागेका रहेछन्

 पूर्वप्रधानमन्त्री तथा नेपाल कम्युनिष्ट पार्टीका अध्यक्ष पुष्पकमल दाहालले अमेरिका भ्रमणका क्रममा आफुलाई नेपालीले नै असहयोग गरेको बताएका छन्।

विप्लवको कार्यकर्तालाई निर्देशन–उद्धारमा खट्नुहोस्

 हावाहुरी प्रभावित क्षेत्रमा उद्धारका लागि खट्न नेपाल कम्युनिस्ट पार्टीका महासचिव नेत्रविक्रम चन्द विप्लवले आफ्ना कार्यकर्तालाई निर्देशन दिएका छन्। महासचिव विप्लवले एक विज्ञप्ति जारी गर्दै घटनाका पीडितको सहयोगका लागि जुट्न निर्देशन दिएका हुन्।

उनले हावाहुरीबाट विस्तापित परिवारलाई तत्काल स्थापित गर्न पनि माग गरेका छन्। यस्तै, घाइतेको उपचार र पीडितलाई तत्काल राहत उपलब्ध गराउन नेकपाले माग गरेको छ।

पूर्वप्रधानमन्त्री चन्दको सुरक्षामा रहेको गाडीले ठक्कर दिएको भिडियो भाइरल

पूर्वप्रधानमन्त्री लोकेन्द्र बहादुर चन्दको सुरक्षामा रहेको सशस्त्र प्रहरीको पछुवा गाडीले एक स्कुटरलाई ठक्कर दिएको भिडियो यतिबेला सामाजिक सञ्जालमा भाइरल भएको छ।

शुक्रबार साँझ बबरमहल नजिक बा. १ झ ९५२७ को सशस्त्र प्रहरीको पछुवा गाडीले ठक्कर दिएर वेवास्ता गर्दै गुडेको थियो। भिडियोमा गाडिको पछाडिको भागले ठक्कर दिएपछि स्कुटर चालक महिला बिच सडकमै लडेकि थिइन्।

सशस्त्र प्रहरीका प्रवक्ता सुरज श्रेष्ठले घटनाको विषयमा अनुसन्धान हुने बताए। भीआइपीलाई पछ्याइरहेको समयमा छोड्न नमिल्ने सुरक्षा शिद्धान्त भए पनि दुर्घटनाको विषयमा छानविन हुने उनले बताए।

अस्थायी टहरा निर्माण थाल्यो सेनाले

 हावाहुरी प्रभावित क्षेत्र बाराको फेटा गाउँपालिकामा नेपाली सेनाले पीडितका लागि स्थायी टहरा निर्माण सुरु गरेको छ। फेटा गाउँपालिका १, ३ र ६ मा भत्किएका संरचना हटाएर सेनाले टहरा निर्माणको काम सुरु गरेको हो।

आँधीका कारण घरविहीन बनेका पीडितका लागि अस्थायी बसोबास गर्न टहरा निर्माण सुरु गरिएको नेपाली सेनाका मेजर चिरञ्जीवी बोहोराले जानकारी दिए। ‘अहिले भत्किएका संरचना हटाएर टहरा निर्माण गर्न सुरु गरिरहेका छौं। पीडितलाई ओत लाग्ने ठाउँसम्म छैन’, उनले भने, ‘हामीले बिहानैदेखि जग्गा छनोट गरेर सम्याउने काम गरिरहेका छौं। केन्द्र सरकारले पठाएको त्रिपाल आउने बितिकै टाँगेर तयार गर्छौं।’

हेमन्त कान्छाको रुवाउने भाका

योगेश भट्टराईको प्रश्न: सात जनालाई हालेर किन उडान गरियो?

 नेकपाका नेता तथा ताप्लेजुङ्का सांसद योगेश भट्टराईले हेलिकप्टरमा सात जना हालेर उडाइएप्रति प्रश्न गरेका छन्। भिआइपीको उडानमा पाइलटकसहित पाँच जनाभन्दा बढी पाथिभरामा उडान गर्न नमिल्ने उनले फेसबुकमा लेखेका छन्।

भट्टराई कै निर्वाचन क्षेत्रमा हेलिकप्टर दुर्घटनामा परी पर्यटनमन्त्री रवीन्द्र अधिकारीसहित सात जनाको मृत्यु भएको घटनालाई लिएर उनी फेसबुकमा लेख्छन्, ‘भीआइपी उडानमा पाइलटसहित पाँच जनाभन्दा बढी पाथिभरामा उडान गर्न मिल्दैन भनेर केहीलाई सुकेटार वा ताप्लेजुङ् बजार मै झारेर मात्र पाथिभरा उडान गर्दै आएका छन्, पाइलटहरूले। तर आज मौसम खराब हुँदाहुदै ७ जनालाई लिएर किन उडान गरियो? समयले उत्तर माग्छ।’

Wardrobe: The Shine Collection Bagbazar, Kathmandu 9869050396

नेपालमा कृषि सिकाउँदै अमेरिकी नागरिक एरिक ‘प्रेम’

प्रेम थापाको वास्तविक नाम एरिक ब्रायन हो। उनको वास्तविक घर अमेरिकाको न्यूयोर्कमा हो। नेपालमा कृषि सिकाउन तथा संस्कृति बुझ्नको लागि नेपाल आएको प्रेमले बताए। उनी २० महिना अगाडि नेपाल आएका हुन्।

पाल्पाको तानसेन नगरपालिका–९, मदनपोखराको छापमा उनले कृषि कार्य गर्दै आएका छन्। दिनहुँ गाउँका कृषकसँग मिलेर काम गर्ने र उनीहरुसँगै सिक्ने सिकाउने प्रेमको दैनिकी बनेको छ। उनी भन्छन्, ‘नेपाल कृषि प्रधान देश भन्ने सुनें। नेपालमा आएर यहाँको कृषिका विषयमा मैले स्नातकोत्तर तहका लागि थेसिस लेख्दै छु। कृषिको काम जसमा च्याउको काम गर्दै छु। नेपालमा सस्टेनेबल कृषिको कार्य भएको रहेछ। म दुई वर्षको लागि नेपाल आएको हुँ। म चार महिनापछि अमेरिका पुगेर फर्कन्छु। पूनः एक वर्ष बस्ने सोंच छ।’

हेलिकोप्टर दुर्घटनापछि अनेकौं अड्कलबाजी

ताप्लेजुङको पाथीभरा मन्दिर आसपासमा बुधबार मध्याह्न पर्यटनमन्त्री रवीन्द्र अधिकारीसहित सातजनाको ज्यान लिएको हेलिकोप्टर दुर्घटनाका विषयमा अनेकौं अड्कलबाजी हुन थालेका छन् । स्थानीयले बाटो बिराएका कारण हेलिकोप्टर दुर्घटनामा परेको अनुमान गरेका छन् भने केहीले क्षमताभन्दा बढी वजन बोकेकाले भार थेग्न नसकी हेलिकोप्टर एक्कासि भुइँमा झरेको बताएका छन् । बढी वजन, गलत बाटो र हावाहुरीका कारण करिब ३ हजार मिटर उचाइको तारेभीरमा जहाज ठोक्किएको अड्कल गर्नेहरु थुप्रै छन् ।

सामान्यतया माउन्टेन फ्लाइटमा जाने हेलिकोप्टरले पाँचजनाको भार थेग्न सक्छ । हिमालयन गाइड्स ट्रेक्स एन्ड एक्सपिडिसन प्रालिका प्रबन्ध निर्देशक ईश्वरी पौडेलका अनुसार चालकसहित नेपाली नागरिकको हकमा ६ जनासम्मको भार माउन्टेन फ्लाइटका लागि सामान्य हो ।

परिपक्व इमरान! प्रतीक्षा मोदीको

आणविक अस्त्र सुसज्जित भारत पाकिस्तानबीच देखिएको तनाव केही मत्थर हुने संकेत देखिएको छ। बुधबार पाकिस्तान सीमा क्षेत्र प्रवेश गरेको भारतीय वायुसेनालाई पाकिस्तानी सेनाले खसालेको थियो। त्यस क्रममा भारतीय वायुसेनाका पाइलट पाकिस्तानी सैन्य नियन्त्रणमा परेका थिए। पाकिस्तानी सेनाको नियन्त्रणमा रहेका ती पाइलट अभिनन्दन वर्थमानलाई पाकिस्तानले रिहा गर्ने निर्णयसँगै स्थिति केही साम्य हुने अनुमान गरिएको छ।

बेलायती मन्त्रीद्वारा नेपाली सेनाको प्रशंसा

बेलायती रक्षा राज्यमन्त्री मार्क लङ्कास्टरले नेपाली सेनाको प्रशंसा गर्दै नेपाल र ब्रिटेन विश्वकै दुई महान मुलुकहरु भएको बताएका छन्।लन्डनस्थित नेपाली दूतावासद्वारा नेपाली सेना दिवसको अवसरमा सोमबार आयोजित एक समारोहलाई सम्वोधन गर्दै उनले यस्तो बताएका हुन्।

उनले नेपाल तथा बेलायतबीचको सम्बन्ध २०० वर्षभन्दा पुरानो रहेको बताउँदै गोर्खा बाहेक अरु क्षेत्रमा पनि दुई देशबीच निकट सम्बन्ध रहेको बताए।१४ पटक नेपालको भ्रमण गरेका लङ्कास्टर गत साता मात्रै  नेपालको भ्रमण गरेर ब्रिटेन फर्किएका थिए। लङ्कास्टरले आफ्नो नेपाल भ्रमणका क्रममा राष्ट्रपति विद्यादेवी भण्डारी, प्रधानमन्त्री केपी शर्मा ओली, रक्षामन्त्री इश्वर पोखरेल, परराष्ट्रमन्त्री प्रदीप ज्ञवालीलगायतका उच्चपदस्थअधिकारीसँग भेटवार्ता गरेको बताए ।