राजेश पायल राईको नयाँ खुलासा: ‘मेरो विहे हुँदैछ’

अब कांग्रेस कसरी अघि बढ्छ ?

अब कांग्रेस कसरी अघि बढ्छ ? सरकारका कामलाई प्रतिपक्षको नजरबाट कसरी हेर्दैछ कांग्रेस ? नेपाली कांग्रेसका केन्द्रीय सदस्य डा. शेखर कोइराला नागरिक फ्रन्टलाइनमा।

शम्भु राई र प्रकाश शपुतको तनाव

गुठी विधेयकलाई सरकारसँग जोरी खोज्ने निहुँ नबनाउन मन्त्री अर्यालको चेतावनी

काठमाडौं– सरकारले गुठी विधेयक २०७५ फिर्ता लिएको छ। राष्ट्रियसभाको मंगलबार बसेको बैठकले भूमि व्यवस्था सहकारी तथा गरिबी निवारण मन्त्री पद्मा अर्यालले राखेको गुठी विधेयक २०७५ लाई फिर्ता गरियोस् भन्ने प्रस्तावलाई सर्वसम्मतिले स्वीकृत गरेको हो।

यो संगै विधेयक राष्ट्रियसभाबाट औपचारिक रुपमा नै फिर्ता भएको छ। नेपालको संविधानको धारा १ सय १२ र राष्ट्रियसभा सञ्चालन नियमावलीको नियम १ सय १६ बमोजिम मन्त्री अर्यालले गुठी विधेयकलाई फिर्ता गरियोस् भन्ने प्रस्ताव पेश गरेकी थिइन्।

चन्द्रमामा फस्टाएको व्यापारको ५० वर्षे इतिहास

न्युयोर्क– मानव जातिले चन्द्रमामा पाइला टेकेको ५० वर्ष पुगिसकेको छ। ५० वर्ष पुगिसकेको भए पनि धेरै व्यापारीहरुले आफ्ना व्यवसाय अझै चलाई रहेका छन्। एपोलो ११ को स्पेस चन्द्रमामा सन् १९६९ जुलाई २० मा पहिलो पटक अवतरण गरेको थियो। त्यस पश्चात करिब सय मिलियन मानिसले चन्द्रमा अवलोकन गरिसकेका छन्। मानिस जान थालेपछि स्वभाभिक रुपले कार, टेलिभिजनदेखि विभिन्न अनाजसँगै पेयपदार्थ ट्यांग पनि विक्री वितरण गर्ने अवसर व्यापारीले पाए।

‘विदेशमा उपचार गराउनेलाई सरकारले खर्च दिँदैन’

काठमाडौं – उपप्रधानमन्त्री एवम् स्वास्थ्य तथा जनसंख्या मन्त्री उपेन्द्र यादवले संविधानले गरेको व्यवस्थाअनुसार आधारभूत स्वास्थ्य सेवा निःशुल्क र सबैलाई उपलब्ध गराउने नीतिअनुसार नै काम भइरहेको बताएका छन्।

प्रतिनिधिसभाको मंगलबारको बैठकमा विनियोजन विधेयकअन्तर्गत स्वास्थ्य तथा जनसंख्या मन्त्रालय शीर्षकमा सांसदले उठाएको जिज्ञासाको सम्बोधन गर्दै उनले विपन्न वर्ग र गरिब जनताहरुको स्वास्थ्य उपचारका लागि आधारभूत स्वास्थ्य सेवा निःशुल्क र सबैलाई उपलब्ध गराउने नीतिअनुसार सरकारले काम अघि बढाइरहेको बताएका हुन्। उनले वडावडामा स्वास्थ्य संस्था स्थापना गर्ने काम अघि बढाइएको उल्लेख गर्दै आगामी वर्षमा सबै वडामा स्वास्थ्य संस्था स्थापना भइसक्ने दाबी गरे।

२५ हजार घुससहित शिक्षा इकाइ प्रमुख पक्राउ

सुर्खेत–अख्तियार दुरुपयोग अनुसन्धान आयोग सुर्खेतले सल्यानका शिक्षा विकास तथा समन्वय इकाइ प्रमुख धनबहादुर वलीलाई २५ हजार घुससहित रंगेहात पक्राउ गरेको छ।

शिक्षक सुरुवा प्रक्रियामा सहजीकरणका लागि भन्दै घुस मागिरहेको सूचनाका आधारमा अख्तियारको टोलीले मंगलबार उनलाई घुस रकमसहित पक्राउ गरेको हो।

शेयर बजारमा सामान्य सुधार

काठमाडौं – धितोपत्र बजारमा आज शेयरको कारोबार मापक नेप्से परिसूचक सामान्य अंकले सुधार भएको छ। नेपाल स्टक एक्सचेञ्जका अनुसार कारोबार मापक नेप्से परिसूचक ०.९६ बिन्दुले बढेर एक हजार २६१.०७ अंकमा पुगेको छ। यस्तै ठूला कम्पनीको कारोबार मापन गर्ने सेन्सेटिभ परिसूचक ०.४ बिन्दुले बढेर २७१.४४ मा पुगेको छ।

सामान्य अंकले बढेको बजारमा आज कारोबार रकम भने सामान्य देखिएको छ। कूल १७४ कम्पनीको १३ लाख २४ हजार ५१९ कित्ता शेयर ३६ करोड ४७ लाख ७३ हजार तीन सय ३० रुपैयाँ बराबरको खरिद–बिक्री भए।

सबै अधिकार प्रदेश र स्थानीय तह दियौंः मन्त्री पण्डित

काठमाडौं- संघीय मामिला तथा सामान्य प्रशासनमन्त्री लालबाबु पण्डितले संविधानले व्यवस्था गरेको सबै अधिकार प्रदेश र स्थानीय तहलाई दिएको दावी गरेका छन्। मंगलबार ललितपुर महानगरपालिकाको चौंथो नगरसभामा बोल्दै मन्त्री पण्डितले यस्तो बताएका हुन्।

उनले प्रदेश र स्थानीय तहलाई संघीय सरकारभन्दा आफू अलग रहेको नठान्न पनि आग्रह गरेका छन्। संविधानले तीन वटै तहको सरकारलाई सहकार्यमा अघि बढन निर्दिष्ट गरेकाले संघ, प्रदेश र स्थानीय तहको सरकारलाई एक अर्काबाट अलग रहेको ठान्न नमिल्ने उनको भनाई थियो।

पर्यटन वर्ष २०२० का लागि कम बजेट विनियोजनः अर्थमन्त्री खतिवडा

काठमाडौं– अर्थमन्त्री डाक्टर युवराज खतिवडाले पर्यटन बोर्ड र स्थानीय तहबाट पनि पर्यटन वर्षका लागि खर्च गरिने भएकाले सरकारले पर्यटन वर्ष २०२० का लागि कम बजेट विनियोजन गरको बताएका छन्। मंगलबारको प्रतिनिधिसभाको बैठकमा विनियोजन विधेयक अन्र्तगत प्रधानमन्त्री तथा मन्त्रिपरिषद्को कार्यालय, संस्कृति, पर्यटन तथा नागरिक उड्डयन मन्त्रालय, राष्ट्रिय योजना आयोगको सचिवालय, राष्ट्रपतिको कार्यालय एवं उपराष्ट्रपतिको कार्यालय शिर्षकहरु माथिको छलफलमा सांसंदहरुले राखेको प्रश्नको प्रधानमन्त्रीको तर्फबाट जवाफ दिदै अर्थमन्त्री खतिवडाले यस्तो बताएका हुन्।

संसदमा ‘गलबन्दी’ को चर्चा उत्कर्षमा

काठमाडाैँ – प्रतिनिधिसभाको बैठकमा सांसदहरुले ‘गलबन्दी च्यातियो …’ शीर्षकको गीतका सम्बन्धमा कुनै समुदायमाथि नै आघात हुने गरी सामाजिक सञ्जालमा भएका टिप्पणीप्रति आपत्ति जनाउँदै दोषीलाई कानूनी कारवाही गर्न माग गरेका छन् ।

प्रतिनिधिसभाको आजको बैठकको शून्य समयमा सांसद विमला विकले ‘गलबन्दी च्यातियो …’ शीर्षकको गीतको लय नक्कल भएको भन्दै गीतका सर्जकद्वय प्रकाश सपुत र शान्ति श्री परियारमाथि सामाजिक सञ्जालमा तल्लोस्तरको टिप्पणी हुँदा पनि सरकार मुकदर्शक भएको भनी आपत्ति जनाए। साथै उहाँले सम्बन्धित व्यक्तिलाई कानूनी कारवाही गर्न माग गरे ।

‘मेरो हातमा कुनै फिल्म छैन्’

मुम्बई – दिनानुदिन फिल्ममा व्यस्त हुने कुनै चर्चित कलाकार एक्कासी बेरोजगार हुँदा उसको अवस्था कस्तो हुन्छ ? यो थाहा पाउन अहिले बलिउड बादशाह अर्थात् शाहरुख खानको जीवनलाई हेरे पुग्छ। उनले निर्माण र अभिनय गरेको पछिल्लो फिल्म ‘जीरो’ बक्सअफिसमा पूर्ण रूपमा असफल भएपछि शाहरुख यतिबेला कामको खोजीमा छन्।

हालैको एक अन्तरवार्तामा उनले आफू हालका दिनमा बेरोजगार रहेको खुलाएका छन्। ‘यो समयमा मेरो हातमा कुनै पनि फिल्म छैन। म अन्य फिल्मकर्मीको फिल्ममा पनि काम गरिरहेको छैन’, उनले भनेका छन्, ‘फिल्म जिरोपछि मलाई धेरै फिल्मको प्रस्ताव पनि नआएको होइन्। तर कुनै पनि फिल्ममा काम गरिनँ।’

एसेजको झल्को दिने खेल

लन्डन – विश्वकप क्रिकेटअन्तर्गत मंगलबार विश्व क्रिकेटका दुई चिर प्रतिद्वन्द्वी आयोजक इङ्ल्यान्ड र अस्ट्रेलिया आमने सामने हुँदा त्यसले एसेज टेस्ट शृंखलाको झझल्को दिनेछ। १० टोली सहभागी प्रतियोगिताका शीर्ष ४ टोली सेमिफाइनल प्रवेश गर्नेछन्। त्यसैले दुवै टोलीको लक्ष्य समान हुनेछ, सुखद नतिजाका साथ अघिल्लो चरण प्रवेश सम्भावना बलियो बनाउने ।

समान ६ खेलको समाप्तिमा अस्ट्रेलिया ५ जित र १ हारको नतिजाका साथ १० अंक जोड्दै दोस्रो स्थानमा छ। यता समान खेलमा ४ जित र २ हारपछि ८ अंकका साथ इङ्ल्यान्ड चौथो स्थानमा छ। अस्ट्रेलियाले अफगानिस्तान, पाकिस्तान, वेस्ट इन्डिज, बंगलादेश र श्रीलंकालाई हराएको थियो भने भारतलाई नतिजा सुम्पिएको थियो । यता वेस्ट इन्डिज, बंगलादेश, दक्षिण अफ्रिका र अफगानिस्तानलाई निराश पारेको इङ्ल्यान्डले पाकिस्तान र श्रीलंकालाई भने नतिजा सुम्पिएको थियो।

संभोगबाट समाधीसम्म ढुक्क हुनुस्

संभोगबाट समाधीसम्म ढुक्क हुनुस्।

अब ‘ढुक्क हुनुस्’को दर्शकलाई १० हजार बराबरको उपहार जित्ने सुवर्ण अवसर। पूर्ण जानकारीको लागि पुरा भिडियो हेर्नुहोस्।

लोकसेवाले खुलाएको विज्ञापनको भविष्य के?

लोकसेवाले खुलाएको विज्ञापनको भविष्य के? तोकिएको स्थानमा जान अटेर गर्ने कर्मचारी कारवाहीमा पर्लान? सङ्घीय मामिला तथा सामान्य प्रशासन मन्त्री लालबाबु पण्डित नागरिक फ्रन्टलाइनमा ।

उदित नारायण झाले नेपाली टोपी लाउने प्रेरणा दिनुभयो – आयूस के सी

गुठी विधेयकमा पछि हट्यो सरकार, फिर्ता लिने निर्णय

काठमाडौं- सरकारले गुठी विधेयक फिर्ता लिएको छ। भुमी व्यवस्था, सहकारी तथा गरिबी निवारण मन्त्री पद्मा अर्यालले पत्रकार सम्मेलन गर्दै राष्ट्रिय सभामा दर्ता भएको गुठी विधेयक फिर्ता लिएको बताइन्।

विमानस्थलबाट गोली र पेस्तोलसहित भारतीय नागरिक पक्राउ

भैरहवा- भैरहवा विमानस्थलबाट प्रहरीले पेस्तोल र गोलीसहित एक जना भारतीय नागरिकलाई पक्राउ गरेका छन्। प्रहरीले एक थान पेस्तोल र १६ राउण्ड गोलीसहित भारतीय नागरिकलाई पक्राउ गरेको हो।

प्रहरीका अनुसार एक्सरेमा शंकास्पद दृश्य देखिएपछि खानतलासीका क्रममा पेस्तोल भेटिएको जनाएको छ। पक्राउ पर्ने व्यक्तिको नाम खुलाइएको छैन।

साइबर अपराधमा २० देखि ३० वर्षका युवा बढी

मुलुकमा सामाजिक सञ्जालको बढ्दो प्रयोगसँगै साइबर अपराधको घटनामा समेत वृद्धि भएको छ। पछिल्लो समय सामाजिक सञ्जालको प्रयोग बढेसँगै फेसबुक, ट्विटर, भाइबर र गुगलजस्ता सञ्जालमा नयाँ खाता खोलेर मानिसले पैसा लुट्ने अर्को व्यक्तिको हैसियत सिध्याउने घटना बढेर गएको हो।

महानगरीय अपराध महाशाखामा चालू आर्थिक वर्षमा साइबर अपराधसम्बन्धी एक हजार ५७० उजुरी दर्ता भएका छन्। महाशाखाका प्रमुख एवं प्रहरी वरिष्ठ उपरीक्षक सहकुलकुमार थापाले सामाजिक सञ्जाल फेसबुक, ट्विटरमा चिट्ठा प¥यो भनेर रु एक करोडसम्म ठगी गरेको उजुरी महाशाखामा परेको जानकारी दिए। “विदेशमा बसेर सामान पठाइदिन्छु पैसा पठाइदिनुहोस् भनेर समेत ठगी भएको छ”, उनले भने।

९ अर्व महसुल तत्कालै उठाउने अवस्था छैन : मन्त्री पुन

काठमाडौं- सरकारले बुढिगण्डकी जलविद्युत आयोजनाको निर्माण कार्य ‘ईपिसिएफ मोडल’मा अघि बढाउने तयारी गरेको छ।

चीनको गेजुवा कम्पनीले समेत सो आयोजनाको काममा अघि बढाउन चासो नदिएपछि सरकारले स्वदेशी तथा आवश्यक्ता अनुसार विदेशी कम्पनीहरुको संयुक्त लगानी (इपिसिएफ मोडल) मा सो आयोजनाको कामलाई अघि बढाउने तयारी गरेको हो। मंगलबार संघीय संसदको सार्वजनिक लेखा समितिको बैठकमा बोल्दै उर्जा, जलस्रोत तथा सिँचाईमन्त्री वर्षमान पुनले राष्ट्रिय हितलाई केन्द्रमा राखेर सो आयोजनाको कामलाई अघि बढाउने प्रतिवद्धता पनि व्यक्त गरे। उनले इपिसीएफ मोडलमा सो आयोजना अघि बढाउने तयारी गरिएको पनि समितिलाई जानकारी दिए।

मन्त्री पुनले सो आयोजनाको कामलाई अघि बढाउने गरी ड्याम साईडको मुआब्जा वितरणको काम सम्पन्न गरिएको पनि बताए। मन्त्री पुनले सो आयोजनाको लागि २५ अर्वको मुआब्जा वितरणको काम सम्पन्न गरिएको र आरुघाटलगायतका बजार क्षेत्रको मुआब्जा वितरणको काम विवादमा आएकाले त्यसलाई समाधान गर्न प्रयास भईरहेको पनि स्पष्ट पारे।

खानेपानी मन्त्री–महाप्रबन्धक विवाद उत्कर्षमा

काठमाडौं – खानेपानी मन्त्री बिना मगर र काठमाडौं उपत्यका खानेपानी लिमिटेड (केयुकेएल) का महाप्रबन्धक महेश भट्टराईबीचको विवाद उत्कर्षमा पुगेको छ। मन्त्रालय स्रोतका अनुसार मन्त्री मगर महाप्रबन्धक भट्टराईसँग असन्तुष्ट छिन्। भट्टराईमाथि मन्त्रीको निर्देशन अवज्ञा गरेको आरोप छ।

त्रिभुवन विश्वविद्यालयको प्राध्यापकसमेत रहेका भट्टराई बेतलबी काज बिदा लिएर चार वर्षका लागि केयुकेएलको व्यवस्थापनमा आएका हुन्। हरेक वर्ष त्रिविले उनको काज बिदा नवीकरण गर्दै आएको थियो। तर गत माघदेखि त्रिविबाट उनको काज बिदा नवीकरण भएको छैन। काजबिदा स्वीकृत नहुनुमा मन्त्रीको हात रहेको भट्टराई पक्षको आरोप छ। त्रिविबाट बिदा नवीकरणको प्रक्रिया अघि बढेको केयुकेएल प्रशासनले जनाएको छ। भट्टराई स्वयंले पनि आफ्नो काज बिदा नवीकरण टुंगो नलागेको स्वीकार गरेका छन्। ‘काज बिदा नवीकरण प्रक्रियामा छ,’ उनले भने, ‘टुंगो लागेको छैन।’

सुध्रिँंदै सामुदायिक विद्यालय

भक्तपुर – भक्तपुरकलीस्थित भीम आदर्श आधारभूत विद्यालयमा विद्यार्थीहरूको संख्या १८ जनाबाट बढेर अहिले ६८ जना पुगेको छ। पहिला भक्तपुर नगरको सुकुलढोकामा रहेर अहिले लिवालीमा सरेको यो सामुदायिक विद्यालयमा विद्यार्थी बढ्ने क्रम पनि निरन्तर उकालो नै लाग्दै आएको छ। भूकम्पअघि सुकुलढोकामा रहेको यो विद्यालयमा १८ जना विद्यार्थी रहेकोमा २०७२ सालको भूकम्पपछि प्रत्येक वर्ष विद्यार्थी संख्या बढेर अहिले ६८ पुगेको हो।

विद्यालयका प्रिन्सिपल दीपक माक विद्यालयमा बर्सेनि १०/१५ जना विद्यार्थी बढेको बताउँछन्। शिक्षाको हबका रूपमा चिनिने लिवाली क्षेत्रमा निजी (संस्थागत) तथा सामुदायिक विद्यालयहरू पाइलैपिच्छे छन्। छेउछाउमा थुप्रै विद्यालय भए पनि भीम आदर्श आविले विद्यार्थी संख्या बढाउँंदै आएको छ। पाइलैपिच्छे सरकारी र निजी विद्यालयहरू रहेको अवस्थामा आफ्नो विद्यालयमा भएका विद्यार्थीलाई निरन्तर बनाइराख्न ठूलो चुनौती रहेको उनी बताउँछन्।

किन जाँदैनन् प्रधानमन्त्री ओली पूर्वमाओवादीले गरेको कार्यक्रममा ?

काठमाडौं– नेपाल कम्युनिस्ट पार्टी (नेकपा) का अध्यक्षसमेत रहेका प्रधानमन्त्री केपी शर्मा ओली होटल उद्घाटनको कार्यक्रममा पनि विभिन्न जिल्ला–जिल्ला पुग्छन्। होटल मात्रै होईन महोत्सव, विद्यालय, मन्दिर, उद्घाटन र पुस्तक विमोचनसमेत ओलीले भ्याएका हुन्छन्। त्यति मात्रै होइन् केहि समयअघि विवादित होटल उद्घाटनमा पोखरा पुगेका ओली उद्घाटननै नगरि फर्किएको पनि उदाहरण पनि ताजा नै छ।

प्रदेश र संघको चुनावमा तालमेल गरेर पार्टी एकताको अन्तिम चरणका पुगेको बेला २०७४ फागुन १ गते तत्कालिन माओवादीको युवा संगठन वाइसीएलले पेरिसडाँडामा जनयुद्ध मनायो। उक्त कार्यक्रममा ओली र पुष्पकमल दाहाल आउने भन्दै प्रचार गरियो। तर कार्यक्रममा दाहालमा मात्रै उपस्थित भए, ओली आएनन्। तत्कालिन एमालेबाट वामदेव गौतम सहभागी भएका थिए।

ईक्यानले शैक्षिक मेला गर्ने

काठमाडौं- नेपाल शैक्षिक परामर्श संघ (ईक्यान) ले शैक्षिक मेला आयोजना गर्ने भएको छ। यस वर्ष ईक्यानले १३ औं संस्करणको शैक्षिक मेला असार २६ देखि २९ सम्म भृकुमण्डपमा गर्न लागेको हो।

यस शैक्षिक मेलाबाट विधार्थी, अभिभावक तथा अन्य सरोकारवालाले अन्तर्राष्ट्रिय शिक्षा सम्बन्धी सहि जानकारी र परामर्श पाउन् भन्ने अपेक्षा रहेको ईक्यानका अध्यक्ष विष्णु हरी पाण्डेले बताए। मेलामा सहभागिताको लागि विभिन्न देशका राजदूतवास तथा कुटनितिक नियोगहरुलाई समेत आग्रह गरिएको ईक्यानले बताएको छ। मेलामा श्रीलंका, जापान, फ्रान्स, अमेरिका, बेलायत, न्युजील्याण्ड, अष्टे«लिया, नर्वे, फिनल्याण्ड, मलेसिया, जर्मन, डेनमार्क, साईप्रस लगायत देशका कलेज तथा विश्वविद्यालयका आधिकारीक प्रतिनिधिहरुको सहभागिता हुनेछ। नेपाली विधार्थीहरुलाई स्वदेशी तथा विदेशी शिक्षा प्रणाली तथा प्राप्त योग्यताको भावी सम्भावना र अवसरहरु जस्ता विषयमा पर्याप्त सूचना प्रवाह गर्नु मेलाको प्रमुख उद्देय रहेको अध्यक्ष पाण्डे बताउँछन्।

लागुऔषध चरेससहित २ जना पक्राउ

पर्सा– पर्सा प्रहरीले लागुऔषध चरेस सहित २ जनालाई पक्राउ गरेको छ।

सोमबार बेलुकी चेकजाँचका क्रममा प्रहरी चौकी इनर्वा र लागु औषध ब्यूरो शाखा पर्साबाट खटिएको टोलीलाई वीरगन्जबाट २ जनालाई पक्राउ गरेको हो। पक्राउ पर्नेमा पर्सा जिल्ला छिपरमाइ गाउँपालिकाका ३२ वर्षे इम्तियाज आलम र बारा जिल्ला सितलापुरकी अन्दाजी ३० वर्षीया मिना खातुन रहेका छन्। उनीहरुको साथबाट प्रहरीले ५ किलो चरेस बरामद गरेको छ।

चेकजाँचको क्रममा वीरगन्जको घण्टाघरबाट भारतको रक्सौल तर्फ बीआर २२ एल ८२५५ नम्बरको गाडीमा जाँदैगर्दा प्रहरीले उनीहरुलाई पक्राउ गरेको प्रहरीले जनाएकाे छ।

रूटको तारिफयोग्य प्रदर्शन

इङ्ल्यान्ड –  घरेलु मैदानमा जारी विश्वकपमा इङ्ल्यान्डले राम्रो नजिता आत्मसात् गरिरहँदा जो रुटको प्रदर्शन सफलताको आधारस्तम्भमध्ये एक हो । इङ्ल्यान्ड जारी विश्वकपमा चार खेलमध्ये तीन जित र एक हार बेहोर्दै अंकतालिकामा चौथो स्थानमा छ । घरेलु टोलीले उत्कृष्ट ब्याटिङका बावजुद पाकिस्तानविरुद्धको खेल भने गुमाएको थियो । यद्यपि, अन्य खेलाडीसँगै रुटको प्रदर्शन भने तारिफयोग्य छ । उनले जारी विश्वकपमा दुई शतक र एक अर्धशतकसमेत प्रहार गरिसकेका छन् ।

कांग्रेस प्रवक्ताको गीतमा प्रचण्ड क्वाँ क्वाँ !

कांग्रेस प्रवक्ताको गीतमा प्रचण्ड क्वाँ क्वाँ ! अब ‘ढुक्क हुनुस्’को दर्शकलाई १० हजार बराबरको उपहार जित्ने सुवर्ण अवसर। पूर्ण जानकारीको लागि पुरा भिडियो हेर्नुहोस्।

किन हुँदैछ गुठि विधेयकको विरोध?

किन हुँदैछ गुठि विधेयकको विरोध? यस विषयमा कुराकानी गर्दै पुरातत्वप्रेमी, गणपतिलाल श्रेष्ठ नागरिक फ्रन्टलाइमा ।

प्रकाश सपुतको गलबन्दी अझै च्यातिएको छैन

लोकसेवाको विज्ञापन फिर्ता लिन माग गर्दै प्रदर्शन

लोकसेवा आयोगले जारी गरेको विज्ञापन फिर्ता लिन माग गर्दै राष्ट्रिय जनता पार्टी (राजपा) रुपन्देहीले प्रदर्शन गरेको छ। आयोगले आह्वान गरेको विज्ञापन समावेशी सिद्धान्त विपरित रहेको भन्दै राजपाले रुपन्देहीको रोहिणी गाउँपालिका–३ स्थित धकधईमा प्रदर्शन गरेको हो।

लोकसेवाको विज्ञापन मधेशी, सीमान्तकृत समुदाय विरुद्ध र असंवैधानिक भएकोले विरोध कार्यक्रम गरिएको राजपा नेपाल रुपन्देहीका अध्यक्ष मण्डलका संयोजक महेन्द्र गुप्ताले बताए। मुलुकमा जारी गरिएको संविधानमा समावेशी समानुपातिक प्रतिनिधित्वबारे उल्लेख भए पनि सामान्य प्रशासनमन्त्री लालबाबु पण्डितले संविधान विरोधी गतिविधि गरेको उनले आरोप लगाए। मधेशी जनताको अधिकार कटौती गर्ने खेलमा सरकार लागेको उनले बताए।

‘मान्छेलाई लातका लात मर्नेगरी कुट्ने, गृहमन्त्रीले केही भएको छैन भनेर झुट बोल्ने?’

नेपाली कांग्रेसका सांसद देवप्रसाद तिमल्सिनाले गृहमन्त्री रामबहादुर थापालाई सत्य बोल्न आग्रह गरेका छन्।

गुठी संरक्षण अभियन्तामाथि माइतीघर मण्डलामा भएको दमनको घटनाबारे गृहमन्त्री थापाले संसदमा दिएको जवाफमाथि प्रश्न गर्दै तिमल्सिनाले झुट नबोल्न सचेत गराए।

‘मान्छेलाई लातका लात कुटेर मार्ने अवस्था पुर्याएको छ। गृहमन्त्री भन्नुहुन्छ केही भएको छैन, सामान्य बल प्रयोग भएको छ। तपाईहरुले हेर्नुभएको छैन्, सत्तापक्ष सांसदले, सभामुखले हेर्नुभएको छैन? सबैतिर त्यही कुरा आइरहेको छ। सत्य कुरा मात्रै संसदमा बोल्नुपर्यो’, उनले भने।

असोजबाट रेल गुड्ने

आगामि असोजबाट नेपालमा पहिलो पटक डिजेलले चल्ने रेल गुड्ने भएको छ। रेलवे विभागले आगामी असोजबाट जयनगर–जनकपुर–कुर्था गुड्ने ३५ किमि रेल गुडाउने अन्तिम तयारी पूरा गरेको छ। नेपालमा भएको एउटै जनकपुर–जयनगर रेल छ वर्षदेखि पूर्ण रूपमा बन्द थियो।

यसका लागि विभागले ८५ करोडमा दुई वटा आधुनिक रेल खरिद गर्न भारतको कोनकोन रेल्वे करपोरेसनसँग सम्झौता गरेको छ। सम्झौताअनुसार तीन महिनापछि उक्त दुई रेल जनकपुर आइपुग्ने विभागका महाप्रकन्धक वलराम मिश्रले बताए। उनका अनुसार एउटा रेलमा एक हजार २ सय मान्छे अटाउँछन्। ‘अब असोजबाट ३५ किमि दूरीमा रेल गुड्नेछ। त्यसका लागि सबै काम पूरा गरेका छौ्र,’ मिश्रले भने।

धमला माथि भयङ्कर हमला!

धमला माथि भयङ्कर हमला! अब ‘ढुक्क हुनुस्’को दर्शकलाई १० हजार बराबरको उपहार जित्ने सुवर्ण अवसर। पूर्ण जानकारीको लागि पुरा भिडियो हेर्नुहोस्।

व्यक्तिका नाममा दर्ता भएका सरकारी जग्गा सरकारकै स्वामित्वमा ल्याउन सकिन्छ ?

व्यक्तिका नाममा दर्ता भएका सरकारी जग्गा सरकारकै स्वामित्वमा ल्याउन सकिन्छ ? भूमि व्यवस्था, सहकारी तथा गरिबी निवारण मन्त्री, पद्मा कुमारी अर्याल नागरिक फ्रन्टलाइनमा।

मुक्ति देखि दृष्टि सम्म सरिता लामिछाने

ठूलो भूकम्प आउने हल्ला फैलाउने अर्जुन पक्राउ

महाभूकम्प आउँछ भन्दै अफवाह फैलाउने अर्जुन क्षेत्रीलाई प्रहरीले पक्राउ गरेको छ। मंगलबार महानगरीय प्रहरी परिसर काठमाडौंको टोलीले क्षेत्रीलाई काठमाडौंको गौशालाबाट पक्राउ गरेको हो।

उनले आफू ज्योतिष भएको बताउँदै यहि जेठ महिनाभित्रै ठूलो भूकम्प जाने भन्दै विभिन्न युट्युव च्यानलमा अन्तर्वार्ता दिँदै हिडेकाले पक्राउ गरेको प्रहरीले जनाएको छ।

प्रहरीका अनुसार उनीमाथि अनुसन्धान शुरु भएको छ।

सांसदलाई ६ करोड दिने व्यवस्था बदर गर्न रिट

संघीय संसद्का सांसदलाई प्रत्येक निर्वाचन क्षेत्रमा ६ करोड रुपैयाँ बाँड्ने सरकारको घोषणाविरुद्ध सर्वोच्च अदालतमा रिट निवेदन दर्ता भएको छ। सरकारले बजेट भाषणमार्फत प्रतिनिधिसभा र राष्ट्रियसभाका सांसदहरुलाई निर्वाचन क्षेत्र कार्यक्रमअन्र्तगत प्रत्येक निर्वाचन क्षेत्रका लागि ६ करोड रुपैयाँ दिने घोषणा गरेको थियो।

अर्थमन्त्री युवराज खतिवडाले आव २०७६/०७७ बजेटमा स्थानीय तह पूर्वाधार विकासलाई तीव्रता दिन बजेट बढाउँदै ९ अर्ब ९० करोड रुपैयाँ विनियोजनको घोषणा गरेका थिए। अर्थमन्त्रीले गरको सो व्यवस्थाविरुद्ध अधिवक्ता पारसमणि भट्टराई र दिनेशराज सुवेदीले छुट्टाछुट्टै रिट निवेदन दर्ता गरेका हुन्। संघीय व्यवस्थामा स्थानीय तहमै बजेट जाने भएछि सांसदलाई दिन आवश्यक नभएको भन्दै रिट दर्ता भएको हो।

‘अबको प्रधानमन्त्री प्रचण्ड’

सत्तारुढ दल नेपाल कम्युनिस्ट पार्टी (नेकपा) का नेता एवम् सांसद हरिबोल गजुरेलले अध्यक्षद्वय केपी शर्मा ओली र पुष्पकमल दाहाल ‘प्रचण्ड’ले आलोपालो रुपमा पार्टी र सरकार चलाउने कुरा पुरानो सहमति भएको स्पष्ट पारेका छन्।

गजुरेलले भने, ‘उहाँहरु दुवैले मिलेर नै पार्टी र सरकार चलाउनुहुन्छ। आलोपालोमा सहमति भैसकेको छ।’ उनले अब प्रचण्ड प्रधानमन्त्री बन्ने घोषणा गरे।

उनले दुई पार्टी एकता गराउन दुवै अध्यक्षको अहम भूमिका रहेको भन्दै धन्यवाद दिए। ‘अब पार्टीभित्र कार्यविभाजनपनि छिट्टै टुँगो लाग्छ, हामीलाई अध्यक्षमाथि विश्वास छ’, उनले थपे।

नाकाबन्दीका डिजाइनरलाई मोदीको मन्त्री ‘उपहार’

भारतमा नयाँ मन्त्रीको रुपमा पूर्वविदेश सचिव एस जयशंकरले सपथ ग्रहण गरेका छन्। बिहिबार साँझ भारतमा जयशंकरलाई भारतीय राष्ट्रपति रामनाथ कोविन्दले सपथ गराएका हुन्।

नेपाल मामलाका जानकारसमेत रहेका जयशंकरलाई भारतले नेपालमाथि लगाएको नाकाबन्दीको मुख्य डिजाइनरको रुपमा समेत चिनिन्छ। तत्कालिन भारतीय प्रधानमन्त्री नरेन्द्र माेदीको दुत बनेर नेपाल आएका जयशंकर विदेश सचिव थिए। स्मरण रहोस् ०७२ असोज ३ मा नयाँ संविधान जारी गर्नुअघि जयशंकरले नेपालको संविधान जारी नगर्न चर्को दबाबसमेत दिएका थिए।