कोरोना त्रास : अष्ट्रेलियामा रहेका नेपाली विद्यार्थीहरुको अवस्था के छ ?

अमेरिकन आइडलमा नेपालका दिवेस पोखरेल

पत्रकारिताप्रति प्रधानमन्त्री किन आक्रोशित

काठमाडौं – प्रधानमन्त्री केपी शर्मा ओलीले माघ २१ गते सम्पादकहरुसँग बालुवाटारमा सामूहिक भेट गरेर ‘बल आएपछि ब्याटिङ त गर्नैप-यो, चित्त नदुखाउनुहोला’ भनेका थिए। पुस २९ गते उद्योगी व्यवसायीसँगको भेटघाटमा राम्रो समाचार प्रकाशन गर्ने मुटु भएका सम्पादक नै नभएको बताएपछि त्यसको स्पष्टीकरण दिन उनले सम्पादकहरुलाई बालुवाटार बोलाएका थिए। मुट भएका सम्पादक नभएको बताएपछि प्रधानमन्त्री ओलीको व्यापक आलोचना भएको थियो।

त्यसअघि असोज ३ गते मिडियाले मर्यादा बिर्सेको आरोप लगाएका प्रधानमन्त्री ओलीले नेपाल प्रज्ञा प्रतिष्ठानले राजधानीमा आयोजना गरेको दोस्रो चीन र दक्षिण एसिया साहित्य सम्मेलनको उद्घाटन समारोहमा सञ्चारमाध्यममा प्रयोग भएको भाषाबारे असन्तुष्टि जनाएका थिए। त्यति बेला उनले भाषा र संस्कृति नबिर्सन सचेत पनि गराएका थिए। विकसित मुलुकको संस्कृति देखासिकी गर्ने परिपाटीले नेपाली भाषा, संस्कृति र मर्यादालाई नयाँ पुस्ताले बिर्संदै गएको बताउँदै उनले विशेष गरेर सामाजिक सञ्जाल र सञ्चारक्षेत्रमा प्रयोग भएका भाषाप्रति असन्तुष्टि व्यक्त गरेका थिए। त्यस्तै असार २९ गते पनि प्रधानमन्त्री ओलीले त्यस्तै किसिमको असन्तुष्टि व्यक्त गरेका थिए।

मिडियाले भाषा बिगारेको आरोप लगाउँदै असार ३ गते उनले भनेका थिए, ‘नेपाली भाषामा त बाउलाई तपाईं नै भन्ने चलन हुन्छ। बाउलाई पनि तिमी, आमालाई पनि तिमी, हजुरबाउलाई पनि तिमी, हजुरआमालाई पनि तिमी, यो त नेपाली भाषा, सभ्यताभित्र पर्दैन।’

दुई वर्षमा सबैको घर-घरमा विधुत !

काठमाडौं- सरकारले आगामी दुई वर्षमा सबै नेपालीहरुको घरघरमा विद्युत पुर्‍याउने योजनाका साथ काम अघि बढेको बताएको छ। उर्जा जलस्रोत तथा सिँचाइ मन्त्री वर्षमान पुनले २ वर्षमा सबैको घरमा विद्युत पुर्‍याउने गरी काम भइरहेको बताएका हुन्।

प्रतिनिधिसभाको मंगलबार बसेको बैठकको मन्त्रीसँगको प्रश्नोत्तर कार्यक्रममा बोल्दै उनले अहिले ८८ प्रतिशत घरपरिवार विद्युतको पहुँचमा रहेको बताए। मन्त्री पुनले यो आर्थिक वर्षमा ४० जिल्लामा पुनः विद्युतिकरण गर्ने योजना पनि सरकारले अघि सारेको बताएका छन्।

मन्त्री पुनले विद्युत प्राधिकरण अन्तर्गतका आयोजनाहरुमा ३ लाख र सामुदायिक विद्युतिकरणका आयोजनाहरुतर्फ १ लाख काठका पोलहरु रहेको बताएका छन्। काठका पोलहरुले दुर्घटना बढेको तर्फ सांसदहरुले यसको विस्थान कहिले हुन्छ भन्दै प्रश्न गरेका थिए। मन्त्री पुनले देशभरी रहेका करिब ४ लाख काठका पोलहरुमध्ये ३० हजार पोलहरु विस्थापन भएको र बाँकी पोलहरु प्रदेश र स्थानीय सरकारसँगको सहकार्यमा क्रमशः विस्थापन गर्ने तयारी भइरहेको उनले बताए।

ललिता निवास प्रकरणमा गगनले संसदमा यसरी गरे ब्यंग्य

गगनले संसदमा के भने ?

कुमार जी आज्ञा गर्नुहुन्छ हे विष्णुमणि अब उप्रान्त कसैको सामान किन्दा सकेसम्म लोकलाई थाहा नहुने गरी किन्नु ।

थाहा पाइहाले होइन होइन भन्नु ।

चित्त बुझाउन नसके अफ्ठ्यारो पर्ने भए हत्तपत्त चोरीको सामान फर्काउनु र २ पटक विष्णु विष्णु भन्नु ।

त्यसमा पनि लोकले चित्त बुझाएनन् भने गोकुल धाममा गएर खड्ग उचाल्नु र चारपटक विष्णु विष्णु भन्नु।

 त्यसको प्रभावले तिम्रो हाम्रो अनुहारमा लागेको दाग लोकले देखेपनि देख्नुपर्नेले देख्ने छैनन् । इतिश्री अख्तियार पुराणे कुमार विष्णु सम्बादे श्री स्वस्तानी कथाले बालुवाटार प्रकरण वर्णायम प्रमथ अध्याए

धन्यवाद ।

कोरोना भाइरसबाट चीनमा मृत्यु हुने व्यक्तिको सङ्ख्या एक हजार ८६८ पुग्यो

बेइजिङ – कोरोना भाइरसको सङ्क्रमणबाट चीनभरी मृत्यु हुने व्यक्तिको सङ्ख्या एक हजार ८६८ पुगेको चिनियाँ स्वास्थ्य अधिकारीहरुले जनाएका छन्।

गत वर्षको अन्त्यमा चीनको हुबेई प्रान्तको उहान सहरबाट सुरु भएको यस भाइरसका कारण हाल्का केही दिनयता एकै दिनमा करिब १०० व्यक्तिको मृत्यु हुने गरेको अन्तर्राष्ट्रिय सञ्चारमाध्यमहरुले जनाएका छन्।

गत आइतबार एकै दिनमा सो भाइरसका कारण १०० व्यक्तिको मृत्यु भएको थियो। त्यसैगरी सोमबार यस भाइरसको सङ्क्रमणका कारण ९८ जनाको मृत्यु भएको एपी समाचार समितिले मङ्गलबार जनाएको छ।

मङ्गलबार प्राप्त एक समाचारका अनुसार यस भाइरसबाट चीनभरीमा मृत्यु हुने व्यक्तिको सङ्ख्या १ हजार ८६८ पुग्नुको साथै ७२ हजार ४३६ व्यक्ति सङ्क्रमित भएका छन्।

चिनियाँ रोग नियन्त्रण र रोकथाम केन्द्रले सोमबार दिएको एक जानकारीअनुसार यस रोगको शुरुवाती घटनाहरूको अध्ययन गर्दा यस भाइरसको थप सङ्क्रमणको सङ्ख्या यस महिनाको शुरुबाट ८० प्रतिशतले घटेको पाइएको छ।

वाइड बडी जहाजले नियमित उडान भर्दै

काठमाडौँ- चीनको हुवान प्रान्तको वुहान शहरबाट नेपालीलाई ल्याएको राष्ट्रिय ध्वजावाहक नेपाल वायु सेवा निगम (नेपाल एयरलाइन्स) को वाइड बडी ए–३३० जहाजले आजदेखि नियमित उडान गर्ने भएको छ।

वुहानबाट १७५ जना नेपालीलाई काठमाडौँ ल्याएको सो वाइड बडी जहाजले अन्तरराष्ट्रिय सुरक्षा मापदण्डअनुरुप ४८ घण्टा क्वारेन्टाइनको समय पार गरेपछि नियमित उडानमा फर्किएको हो। उक्त जहाजबाट कोरोना भाइरस फैलिएको वुहानबाट यही फागुन ४ गते बिहान नेपालीलाई स्वदेश ल्याइएको थियो। जहाजको क्वारेन्टाइनको अवधि आज बिहान सकिएपछि दिउँसो सरसफाइ गरेर उडानयोग्य बनाइनेछ।

सीमाक्षेत्रमा फेरि भारतको हस्तक्षेप

दार्चुला – भारतीय पक्षले दार्चुलाको व्याँस गाउँपालिकाको सीमावर्ती नेपाली भूमिमा फेरि हस्तक्षेप गरेको छ। भारतीय पक्षले महाकाली नदीमा एकतर्फी काठेपुल राख्नुका साथै नेपाली भूमिमै आएर डोजर प्रयोग गरी सयौं मिटर सडक खनेको छ। भारतीय पक्षले व्यास–२ को दोपखे क्षेत्रमा सीमानदी महाकालीमा काठेपुल निर्माणका साथै नेपाली भूमिको प्रयोग र प्राकृतिक साधनको दोहन गरिरहेको छ। नेपाली जंगलको प्रयोगदेखि लिएर नेपाली भूभागमै सुरक्षा गस्तीको काम भारतीय सुरक्षा बलले गरिरहेको छ।

भारतमा सडक निर्माणको बहानामा नेपाली भूमिको दोहन तथा सडकमा प्रयोग गरिएका विस्फोटक पदार्थका कारण नेपालतर्फ गम्भीर क्षति पुगेको छ। भारतले व्यास गाउँपालिका–१ र २ को सीमावर्ती क्षेत्रमा करिब डेढ सय मिटर तथा त्यसकै अढाइ सय मिटर परको दूरीबाट करिब तीन सय मिटर सडक बनाएको पाइएको छ। भारतले एकतर्फी रुपमा सीमा क्षेत्रमा निर्माण गरिरहेको सडकका कारण महाकाली नदीको बहाव थुनिने, नदी क्षेत्र साँघुरिनुका साथै नेपालतर्फको घोडेटो बाटोमा समेत क्षति पुगेको छ। भारतीय पक्षले २०७४ सालमा पनि नेपाललाई जानकारी नदिई अन्तर्राष्ट्रिय सीमानदी महाकालीमा काठेपुल राखेको र नेपाली भूमिमै आएर डोजर ओसारपसार गर्न ठाउँ–ठाउँमा सडक खनेको थियो। यसपटक पनि सोही कार्य दोहो¥याएको छ तर यसबारे नेपाली पक्षलाई खासै खबर छैन।

क्वारेन्टाइनमा राखिएकाको अवस्था सदनलाई जानकारी गराउन माग

काठमाडौं- राष्ट्रियसभाको बैठकमा सांसदहरुले कोरोना भाइरसको सङ्क्रमण फैलिएको छिमेकी मुलुक चीनबाट उद्धार गर्न नसकिएका चार नेपाली विद्यार्थीको अवस्थाबारे जानकारी दिन सरकारसँग माग गरेका छन्।

आजको बैठकको शून्य समयमा सत्तापक्षीय नेकपाका सांसद बलरामप्रसाद बाँस्कोटाले चीनबाट हालै फिर्ता ल्याएर क्वारेन्टाइनमा राखिएका विद्यार्थीको अवस्थाबारे सदनलाई जानकारी गराउन माग गरे। चीनबाट नेपाली विद्यार्थीलाई समयमै उद्धार गरेकामा सरकारलाई धन्यवाद दिँदै उनले फिर्ता ल्याउन नसकिएका अन्य चार विद्यार्थीको अवस्थाबारे पनि जानकारी दिन सरकारसँग आग्रह गरे।

सरकारले केही दिनअघि चीनबाट उद्धार गरेर ल्याइएका १७५ जना विद्यार्थीलाई खरिपाटीस्थित क्वारेन्टाइनमा राखेर सूक्ष्म अनुगमन गरिरहेको छ।

ट्रायल पास गराइदिन्छु भनी ठगी गर्ने पक्राउ

काठमाडाैँ – मध्यपुरथिमि नगरपालिका–९ राधेराधेमा रहेको इजीवे ट्रायल सेन्टरमा सवारी साधनको लाइसेन्स निकाल्न आउने व्यक्तिसँग पैसा दिए ट्रायल पास गराइदिन्छु भनी ठगी गर्दै हिँड्नेलाई प्रहरीले पक्राउ गरेको छ।

महानगरीय प्रहरी वृत्त थिमि भक्तपुरबाट खटिएको प्रहरी टोलीले सोमबार सिन्धुपाल्चोक लिसङ्खुपाखर गाउँपालिका–३ घर भई हाल काठमाडौँ शङ्खमुल बस्ने ५० वर्षीय केशवबहादुर श्रेष्ठलाई पक्राउ गरेको प्रहरी परिसर भक्तपुरका प्रवत्ता दीपक गिरीले बताए।

लाइसेन्स बनाइदिन्छु भनेर ठगी गर्दै हिँडेका श्रेष्ठबारे ठगी मुद्दा दर्ता गरेर अनुसन्धान शुरु गरिएको गिरीले बताए।

राजस्व र खर्चमा सरकार कमजोर

काठमाडौं – मुलुकका आर्थिक परिसूचकहरु अनुकूल अवस्थामा भए पनि सरकारको खर्च गर्ने क्षमता बढ्न नसकेको देखिएको छ। पूर्ण बहुमतको बलियो सरकारले चालु आर्थिक वर्षको मध्यसम्ममा गरेको खर्चको तथ्यांकले विगतमा भन्दा फरक ढंगले काम गर्न नसकेको देखाएको छ।

अर्थमन्त्री युवराज खतिवडाले चालु आर्थिक वर्ष २०७६–७७ को बजेटको मध्यावधि (असार–पुस) समीक्षा गर्दै बुधबार सार्वजनिक गरेका तथ्यांकले स्थिर र बलियो सरकार आएमात्र आर्थिक विकास हुन्छ भन्ने आम मानसिकता गलत सावित गरेको छ।

सार्वजनिक भएका तथ्यांकअनुसार चालु आवमा समष्टिगत आर्थिक परिसूचकहरु मुलुकका लागि अनुकूल बनेका छन्। राजस्व असुली र पुँजीगत खर्चमा मात्र सरकार विगतभन्दा फरक हुन सकेको छैन। सरकारले चालु आवमा १५ खर्ब ३२ अर्ब रुपैयाँ खर्च गर्ने भनेकामा ६ महिनामा ४ खर्ब २२ अर्ब मात्र खर्च भएको छ। यो खर्च कुल बजेटको २७.६ प्रतिशत हो। सरकारले चालु खर्चमा ३२.४ प्रतिशत खर्च गरेको छ भने पुँजीगत खर्च १५.४ प्रतिशतमात्र छ। यी तथ्यांकहरु अघिल्ला वर्षहरुमा भन्दा तात्विक रुपमा फरक छैनन्।

खप्तड गोल्डकपको ट्रफी सार्वजनिक

धनगढी – अगामी फागुन ९ गतेदेखि धनगढीमा सञ्चालन हुने सुदूरपश्चिम अन्तर्राष्ट्रिय आमन्त्रण खप्तड गोल्डकपको ट्रफी सार्वजनिक गरिएको छ। आयोजक सुदूरपश्चिम–११ स्पोर्ट्स क्लबले सोमबार धनगढीमा पत्रकार सम्मेलनको आयोजना गर्दै ट्रफी सार्वजनिक गरेको हो।

 फागुन २० गतेसम्म यो प्रतियोगिता सञ्चालन हुनेछ। क्लबका अध्यक्ष सुरेश हमालले तयारी अन्तिम चरणमा पुगेको बताए। ‘८० प्रतिशत तयारी सकिएको छ, अन्य तयारी पनि केही दिनमा पूरा हुनेछ,’ उनले भने। सार्वजनिक गरिएको खेलतालिकाअनुसार उद्घाटन खेलमा फागुन ९ गते बागमती क्लब र कञ्चनजंघा फुटबल क्लब इन्डियाबीच प्रतिस्पर्धा हुनेछ। यीमध्ये विजेताले फागुन १३ मा हुने सेमिफाइनल प्रवेशका लागि सुदूरपश्चिम–११ सँग प्रतिस्पर्धा गर्नेछ। फागुन १० मा नेपाल एपिएफ काठमाडौं र एनआरटी क्लबबीच प्रतिस्पर्धा हुनेछ। विजेताले फागुन १५ मा सेमिफाइनल प्रवेशका लागि नेपाल पुलिस क्लब काठमाडौंसँग प्रतिस्पर्धा गर्नेछ।

‘भ्वाइस बाट बाहिरिदा झन् राम्रो अवसर पाए’

वुहानबाट ल्याइने विद्यार्थीलाई राख्न १ सय ९९ बेडसहितको क्वारेन्टाइन तयार

काठमाडौं- स्वास्थ्य तथा जनसंख्यामन्त्री भानुभक्त ढकालले कोरोना प्रभावित क्षेत्र चीनको वुहानबाट ल्याइने विद्यार्थीहरुलाई राख्न क्वारेन्टाइनसहितको सम्पूर्ण पूर्वतयारीको काम सकिएको बताएका छन्। मंगलबार प्रतिनिधिसभाको शिक्षा तथा स्वास्थ्य समितिमा मन्त्री ढकालले १ सय ९९ बेडसहितको क्वारेन्टाइनको व्यवस्था गरिएको बताएका हुन्।

भक्तपुरको खरिपाटीमा चारवटा ब्लकमा १ सय ९९ बेड तयार गरिएको र महिलाका लागि मात्रै एउटा छुट्टै ब्लकमा २५ बेड तयार भएको उनले बताए। कुनै व्यक्तिमा भोलीबाटै संक्रमण देखिएको अवस्थामा पनि उसलाई राख्ने र क्वारेन्टाइन गर्ने कुरामा समस्या नहुने उल्लेख गर्दै मन्त्री ढकालले चीनमा विद्यार्थीहरुलाई लिन जाने डाक्टर, नर्स र पाइलटहरुलाई समेत १४ दिन क्वारेन्टाइन्मा राखिने र त्यसको सम्पूर्ण तयारी भएको बताए।

प्रधानमन्त्रीको आरोप : सभ्यता र संस्कृतिमाथि सञ्चारमाध्यमबाट हमला भयो

काठमाडौं- प्रधानमन्त्री केपी शर्मा ओलीले नेपाली सञ्चारमाध्यमहरुले समाचारमा गर्ने सम्बोधनप्रति असन्तुष्टि जनाएका छन्। मंगलबार गृहमन्त्रालयमा भएको एक कार्यक्रममा सम्बोधन गर्दै प्रधानमन्त्री ओलीले सञ्चारमाध्यमहरुले तपाई नभनि तिमी भन्ने गरेकामा असन्तुष्टि जनाएका हुन्। सञ्चार माध्यमहरुले अंग्रेजीको सिको गरेर कसैलाई हजुर भन्दा आफु अपमानित भएको ठान्ने गरेको बताए। यस अघि पनि एक कार्यक्रममा उनले पत्रकारले आफ्ना बाबुलाई पनि तपाई नभन्ने भन्दै टिप्पणी गरेका थिए।

नेपालको आफ्नो भाषा र भाषाको मर्म भएको उल्लेख गर्दै ओलीले सञ्चारमाध्यमहरु कसैलाई हजुर भन्दा सारै सानो ठान्ने गरेको बताए। ‘सञ्चारमाध्यमहरुबाट हामी छापिएको हेर्छौ। त्यो के देख्छौँ छापिएकोमा। हाम्रो आफ्नो भाषा छ। भाषाको मर्म छ। हाम्रो भाषामा बोलाउँदा हजुर भन्ने छ। हाम्रा सञ्चारमाध्यमहरुलाई हजुर भन्दाखेरी सारै सानो ठान्छन्। हाम्रो सञ्चार माध्यमलाई अंग्रेजीको कपि गरेर बोलाउँदा मिस्टर/मिस भनेर बोलाउन पाउँदा राम्रो लाग्छ। कसैलाई तपाई भन्नुपर्दा अचम्मको अपमान भएको जस्तो लाग्छ,’ उनले भने।

भ्रष्टाचारले व्यक्ति धनी भए राष्ट्र गरिबः प्रदेश प्रमुख शेरचन

कास्की- गण्डकी प्रदेशका प्रमुख अमिक शेरचनले देशले प्रगति गर्न नसक्नु र गरिब रहिरहनुको प्रमुख कारण भ्रष्टाचार रहेको बताएका छन्।

अख्तियार दुरुपयोग अनुसन्धान आयोगको २९औँ वार्षिकोत्सवको अवसरमा आयोगको प्रदेश कार्यालय पोखराले आज यहाँ आयोजना गरेको कार्यक्रममा उनले भने, ‘भ्रष्टाचार सम्बन्धी जुनसुकै अभियोगमा निष्पक्ष छानबिन गरी भ्रष्ट आचरण भएकालाई आयोगले कानूनको कठघरामा ल्याउन सक्नुपर्दछ।’

प्रदेश सरकारका प्रमुख सचिव हरिप्रसाद बस्यालले सरकारी, राजनीतिक तथा निजी क्षेत्रले सूचना प्रवाह गरेर भ्रष्टाचार नियन्त्रणमा सघाउनुपर्ने बताउँदै आयोगले हालै जारी गरेको ६१ बुँदे सुधारका बुँदामध्ये प्रदेश सरकारसँग सम्बन्धित ११ बुँदाको कार्यान्वयन सुरु गरिएको जानकारी दिए।

१२ दिनदेखि बेपत्ता युवक मृत भेटिए

बाजुरा- १२ दिनदेखि बेपत्ता युवक मृत भेटिएका छन्। बडीमालिका नगरपालिका–८ मा पर्ने चल्यासैनका डाँडाको लेकमा खप्तड छेडेदह गाउँपालिका–१ काँडा घर भएका अन्दाजी ४५ वर्षीय गोरे विक मृत भेटिएका हुन्। विक १२ दिनदेखि बेपत्ता रहेको प्रहरी निरीक्षक दानबहादुर रोकायाले जानकारी दिएका छन्। उनको शव १३ औं दिनमा भेटिएको हो।

मानसिक सन्तुलन गुमाएका विक बडिमालिका ८ को लेकमा मृत भेटिएका थिए। उनी १२ दिनदेखि परिवारको सम्पर्क बाहिर थिए। लेकमा हिउँको चिसोका कारण मृत्यु भएको आशंका गरिएको छ।

सरकारले निजी क्षेत्रसँग कमिसनको माग गर्दैन : प्रधानमन्त्री ओली

काठमाडौं- प्रधानमन्त्री केपी शर्मा ओलीले निजी क्षेत्रसँग सुशासन, पारदर्शीता र कानूनको पालना बाहेक अरु कुनै अपेक्षा नरहेको बताएका छन्। उद्योग वाणिज्य तथा आपूर्ति मन्त्रालयले आयोजना गरेको महत्वपूर्ण व्यवसायिक व्यक्तित्व (सिआइपी) अवार्ड कार्यक्रममा प्रधानमन्त्री ओलीले सुशासन, पारदर्शीता र कानूनको पालना बाहेक अरु कुनै पनि कमिसनको माग निजी क्षेत्र र व्यवसायीसँग नगर्ने बताएका हुन्।

प्रधानमन्त्री ओलीले सरकार र निजी क्षेत्रले विकास चाहेपनि सुशासनको मामलामा कहिलेकाँही विवाद हुने गरेको उल्लेख गरे। सभ्य समाज विकास गर्नका लागि सुशासन अपरिहार्य रहेकोले सुशासन विकासको बाधक नभएको ओलीले बताए।

चन्दा संकलन गरेर मन्दिरको छानामा ‘सुनको जलप’

भक्तपुर – भक्तपुर सूर्यमढीका स्थानीयले ९१ लाख चन्दा संकलन गरी स्थानीय एउटा मन्दिरमा सुनको जलपसहितको छाना लगाएका छन्। भक्तपुर नगरपालिका वडा नं ९ तौलाछे सूर्यमढीस्थित श्री वाकुपति चागुनारायण मन्दिरमा सुनको जलप लगाइएको छानो राखिएको हो।

स्थानीयबाट सहयोग रकम संकलन गरी यो काम गरिएको हो। यसको लागि ९१ लख चन्दा संकलन भएको जनाइएको छ। श्री वाकुपति चागुनारायण तामा छाना निर्माण उपभोक्ता समितिका अध्यक्ष आशकाजी प्रजापतिले स्थानीयसँंग चन्दा संकलन गरी मन्दिरमा सुनको जलपसहितको छाना राखिएको बताए।

चन्दा सहयोग गर्नेहरुमा बढीमा पाँंच लाख र घटीमा पाँंच सय रुपैयाँंसम्म रहेको जनाइएको छ। सबैैभन्दा बढी आशकाजी प्रजापतिले पाँच लाख सहयोग गरेका छन्। २०७४ बैशाख ८ गतेबाट सुरु भएको काम अहिले सम्पन्न भएको हो। श्री वाकुपति चागुनारायण तामा छाना निर्माण उपभोक्ता समितिका सचिव रविन्द्र कुसीले दुई तल्ले वाकुपति चागुनारायण मन्दिरमा एक तल्ला पहिलैदेखि सुनको छाना रहेको बताए।

अहिले तल्लो एक तल्लामा सुनको जलपसहितको छाना लगाउने काम भएको कुसीले बताए्। मन्दिरको पहिलो तल्ला पश्चिममा तामाको छाना रहेको र अहिले त्यसमा सुनको जलप मात्र लगाउने उनले बताए। त्यही तल्लाको उत्तर, दक्षिण ,पूर्वमा झिंगटी इटाको छानो हटाएर सुनको छाना लगाएको जानकारी उनले दिए।

नेपाली चिनीमिल, भारतीय उखु

काठमाडौं – सरकारले भुक्तानी दिन बाँकी रहेको अनुदान रकमको लागि काठमाडौं आएका उखु उत्पादक संघ कञ्चनपुरका अध्यक्ष हरिचन्द ठकुरीको मोबाइलमा जिल्लाबाट किसानले तारन्तार फोन गरिरहेका थिए। ‘मिलले भारतीय उखु क्रसिङ गरिरहेको छ, हाम्रो उखुको पुर्जी दिन चासै देखाएको छैन रे, फोन राख्दै उनले भने, ‘अवैध भारतीय उखु तस्करी हामी कसैगरी नियन्त्रण गर्न नसक्ने भयौं।

जब उखु क्रसिङको समय हुन्छ तब उनीहरुलाई भारतीय उखुसँग जुध्नुपर्ने चुनौती खडा हुन्छ। उनले मिलले समयमै भुक्तानी दिँदै आए पनि क्रसिङमा भारतीय उखुलाई प्राथमिकता दिँदा नेपाली उखुले समयमा पालो नपाउने समस्या भएको बताए। ‘समयमै हाम्रो उखु लिइदिए, खेत खालि भएको बेला अन्य बाली लगाउन सकिन्छ। नत्र अन्य बाली लगाउनै सकिन्न,’ ठकुरीले भने, ‘यही स्थिति रहिरहे विस्तारै नेपाली उखु बिक्री नहुने स्थिति आउन बेर छैन।’ उनले यो समयमा उखु निकाल्न नपाए २० प्रतिशतसम्म तौल घट्ने र समयमै नरोपे अर्को वर्ष उत्पादनै घट्ने बताए।

आफ्नो कार्यकालमा भएका निर्णयको जिम्मा पूर्व प्रधानमन्त्रीहरुले लिनुपर्छः सांसद गिरी

काठमाडौं – समाजवादी पार्टी नेपालका सांसद सरिता गिरीले ललिता निवास जग्गा प्रकरणमा पूर्व प्रधानमन्त्रीहरुले आफ्नो कार्यकालमा भएका निर्णयहरुको जिम्मा लिनुपर्ने बताएकी छन्। मंगलबारको प्रतिनिधिसभा बैठकमा आफ्नो धारणा राख्दै उनले पूर्व प्रधानमन्त्री डा. बाबुराम भट्टराईले आफ्नो नाम जोडिएको भए पनि मुद्दाको छानबिन हुनुपर्ने बताएकोले सबै पूर्व प्रधानमन्त्रीहरुले आफ्नो कार्यकालमा भएका निर्णयहरुको जिम्मा लिनुपर्ने बताइन्।

हिन्दीमा सम्बोधन गरेकी गिरीले भनिन्, ‘हाम्रो दलका संघीय परिषदका नेता पूर्व प्रधानमन्त्री माननीय बाबुराम भट्टराइको पनि यस विवादमा नाम तानिएको छ। उहाँले भन्नुभएको छ। मेरो नाम आए के भो त रु यस मुद्धाको जाँचबुझ हुनुपर्छ।

‘सकारात्मक आलोचनाले अदालतको अवहेलना हुँदैन’

काठमाडौं – सर्वोच्च अदालतले सञ्चारमाध्यमले सत्यतथ्य लेखेको खण्डमा ‘अदालतको अवहेलना’मा मुद्दा चलाउनु गलत हुने ठहर गरेको छ। न्यायाधीशहरू विश्वम्भरप्रसाद श्रेष्ठ र सपना प्रधान मल्लको संयुक्त इजलासले समाचार प्रकाशन गरेकै भरमा पूर्वाग्रहरहित सकारात्मक आलोचना तथा टिकाटिप्पणी गर्न रोक लगाउने अस्त्रको रुपमा अदालतले अवहेलनाको कार्वाही नचलाउने फैसला गरेको हो।

अधिवक्ताहरू रत्नकुमारी श्रेष्ठ र अंजनीकुमार पोखरेलले पत्रिकामा लेखिएका समाचार र सम्पादकीयले अदालतको अवहेलना गरेको दाबी गर्दै सर्वोच्चमा मुद्दा दर्ता गरेका थिए। ‘लोकतान्त्रिक समाजमा अदालतको कारबाही, फैसला, आदेश र न्यायाधीशउपर स्वच्छ एवं पूर्वाग्रहरहित सकारात्मक आलोचना तथा टिकाटिप्पणी गर्न रोक लगाउने अस्त्रको रुपमा अदालतले अवहेलनाको कारबाही चलाउँदैन,’ कान्तिपुर दैनिकविरुद्धको अवहेलना मुद्दामा सर्वोच्चले यस्तो फैसला गरेको हो।

अब डाइरेक्सन गर्ने इच्छा छ – कामेश्वर चौरसिया

चीनबाट आयातित ‘मास्क’ उतैतिर निर्यात

पोखरा – छिमेकी मुलुक चीनमा कोरोना भाइरसको संक्रमण तीव्रगतिमा फैलिएपछि नेपालमा रहेका चिनियाँले आफन्त र साथीभाइलाई मास्क कोसेली पठाउन थालेको छ। अहिले धमाधम कोसेलीका रूपमा पठाइँदै गरेका ती मास्क कुनैबेला चीनबाटै आयात गरिएका हुन्। अहिले व्यापारिक रूपमै चीनका विभिन्न सहरमा मास्क निर्यात हुन थालेपछि पोखरामा मास्क अभाव हुन थालेको छ।

पर्यटकीय क्षेत्र लेकसाइडमा रहेका चिनियाँ व्यवसायीले चीनका विभिन्न सहरमा मास्क निर्यात गरिरहेका छन्। चिनियाँ व्यवसायीद्वारा लेकसाइडमा सञ्चालिन हेल्लो वल्र्ड जर्नीले सोमबार चीन पठाउने मास्क धमाधम ट्रकमा लोड गरिरहेके। हेल्लो वल्र्ड जर्नीमा कार्यरत कर्मचारी पवन अधिकारीले अहिलेसम्म दुई ट्रक मास्क चीनमा पठाइसकेको जानकारी दिए। सोमबार तेस्रो चरणको निर्यातका लागि ट्रकमा मास्क लोड गरिरहेका उनले अहिलेसम्म २५ लाखजति मास्क हेल्लो वल्र्डमार्फत चीन पठाइएको जानकारी दिए।

पोखरामा सञ्चालित विभिन्न मेडिकलबाट ती मास्क संकलन गरेर चीन निर्यात गरिरहेको उनले बताए। ‘पोखरामा बसिरहेका कतिपय चिनियाँले चीनमा रहेका आफन्त र साथीभाइलाई मास्क कोसेलीका रूपमा पठाइरहेका छन् भने केहीले यहाँ खरिद गरेर चीनमा बिक्री गरिरहेका छन्,’ उनले भने, ‘चीनबाट अर्डर आएबमोजिम यहाँ मास्क संकलन गरिएको छ।’ अधिकारीका अनुसार ५० वटा दरले प्याकेट बनाएर चीनका विभिन्न ठाउँमा पठाइएको छ। ५० पिसको प्याकेटलाई पोखरामा ३ सय रुपैयाँमा खरिद गरेको उनले बताए। चीनमा कति मूल्यमा निर्यात भइरहेको भन्नेबारे भने चिनियाँले बताउन चाहेनन्।

ल्याब परिक्षण गर्न प्रदेशबाट स्वास्थ्यकर्मी खटिए

बाजुरा- हिमाली गाउँपालिका-६ मा देखिएको ज्वरोको संक्रमण नियन्त्रणमा नआएपछि उपचारका लागि जिल्लाबाट स्वास्थ्यकर्मीको टोली खटाईएको छ । संक्रमण दिनप्रतिदिन बढ्दै गएपछि स्वास्थ्य कार्यालय बाजुराले चिकित्सकसहितको टोली प्रभावित गाउँमा पठाएको हो । एक जना चिकित्सकसहितको टोली प्रभावित गाउँमा पठाईएको वरिष्ठ जनस्वस्थ्य अधिकृत दयाकृष्ण पन्तले बताएका छन् ।

डाक्टर राजुराज जोशी नेतृत्वमा तीन जना स्वास्थ्यकर्मी र एक जना ल्याप टेक्नीसियनलाई गाउँ पठाउन लागिएको अधिकृत पन्तले बताएका छन् । सिअहेव कुलबहादुर रावल र हस्त कठायत गाउँ पुगीसकेका छन् । भने परिक्षण उपकरणसहित डाक्टर राजुराज जोशी र ल्याब टेक्नीसियन भोली मात्र गाउँ पुग्ने बताईएको छ ।

ल्याब परिक्षण उपकरण र प्राविधिक प्रदेशबाटै नेपालगञ्ज हुँदै कोल्टीबाट बोल्डीक जाने अधिकृत पन्तले जानकारी दिएका छन् । संक्रमण एकपछि अर्को व्यक्तिमा देखिन थालेकोले त्यसको ल्याप टेष्टका लागि काठमाडौंमा नै पठाउने गरि स्वास्थ्यकर्मी उपकरणसहित जान लागेको पन्तको भनाई छ ।

‘जनप्रतिनिधिहरु नै ठेकेदार भएका कारण समस्या’

काठमाडौं – कमशल निर्माण सामाग्री प्रयोग गरी कमजोर संरचना निर्माण गर्ने निर्माण व्यवसायीलाई कालोसूचिमा राखेर कारबाही गर्नुपर्नेमा सांसदहरुले जोड दिएका छन्। संघीय संसद प्रतिनिधि सभा अन्तर्गतको विकास तथा प्रविधि समितिको सोमबारको बैठकमा निर्माण व्यववसायीहरुसँग छलफल गर्दै सांसदहरुले गुणस्तरहिन निर्माण सामाग्रीको प्रयोग गर्ने निर्माण व्यवसायीलाई कालोसूचिमा राखेर कारबाही गर्नु उचित भएको बताएका हुन्।

समिति सभापति कल्याणीकुमारी खड्काले भुलवस कमशल सामाग्री पर्न जाने भन्ने कुरा मान्न नसकिने बताउँदै अहिले सम्मको स्थिति हेर्दा व्यवसायीहरुले मिलेमतोमा कमशल निर्माण सामाग्री प्रयोग गर्ने गरेको पाइएकाले त्यस्ता निर्माण व्यवसायीहरुलाई कालोसूचिमा राख्ने व्यवस्था उचित भएको बताइन्। उनले जनप्रतिनिधिहरु नै ठेकेदार भएका कारण मिलेमतो बढी हुने गरेको बताइन्। उनले भनिन् ‘जनप्रतिनिधिलाई ठेकेदार बनाउन पाइदैन, जनप्रतिनिधले अब ठेकेदारी गर्नुहुँदैन, ठेकेदारी गर्ने हो भने ठेकेदारी नै गर्नुपर्छ अथवा निर्माण व्यववसायी नै हुनुपर्छ, उ व्यवसायी हुनुपर्छ।’

सांसद गणेशकुमार पहाडीले सम्झौता भएपछि कुनैपनि काम समयमा सम्पन्न नगर्ने निर्माण व्यवसायीलाई पनि कारबाही गर्नुपर्ने बताए। उनले कुनै पनि बाहनामा काम नसक्ने प्रवृतिको अन्त्य गर्नका लागि पनि कारबाही गर्नुपर्नेमा जोड दिए। उनले भने, ‘सम्झौता भइसकेपछी कुनै पनि काम ‘टाइम सेड्युल’ अनुसार काम भएन भने निर्ममतापूर्वक कारबाहीमा जानुपर्छ। हामीले पनि सरकारलाई यो भन्दा अगाढि पटक पटक भनेका छौं र यसमा निर्माण व्यवसायीहरुपनि तयार हुनुपर्छ।’ उनले निर्माण व्यवसायीहरुको क्षमतामा समेत प्रश्न उठाए। उनले भने ‘तपाईहरुले आफ्नो क्षमतामा पनि वृद्धि गर्नुप-यो र कार्यतालिका अनुसार काम गर्नुपर्छ।’

जलाइएको शव फेला

सुरुङ्गा- झापाको बिर्तामोड नगरपालिका– २ चारपाने नजिकै खेतमा आज एक व्यक्तिको शव फेला परेपछि प्रहरीले तीन जनालाई सोधपुछका लागि नियन्त्रणमा लिएको छ । चारपाने निवासी रहमान शेखका ज्वाइँ हराएको र नजिकै खेतमा पुरुषको शव जलेको अवस्थामा फेला परेपछि रहमानसहित उनकी श्रीमती र छोरी सुषमालाई इलाका प्रहरी कार्यालय अनारमनीले सोधपुछका लागि नियन्त्रणमा लिएको हो ।

तीनै जनासँग सोधपुछ भइरहेको जिल्ला प्रहरी कार्यालय झापाका प्रहरी नायब उपरीक्षक महेन्द्रकुमार श्रेष्ठले जानकारी दिए । सुषमाका श्रीमान हराउनु र परालमा जलेको अवस्थामा शव भेटिएको सन्दर्भमा उनीहरुलाई सोधपुछका लागि नियन्त्रणमा लिइएको प्रहरी नायब उपरीक्षक श्रेष्ठले बताए । उनले भने,  ‘जलेका व्यक्तिको हुलिया खुल्न नसकेर थप अनुसन्धानका लागि सङ्घीय एकाइ प्रहरी कार्यालय धरानबाट तालीम प्राप्त कुकुर झिकाएर अहिले अनुसन्धान भइरहेको छ ।’

स्थानीय ऐनकुमार राजवंशीको खेतमा राखेको परालमा सोमबार राति १२ बजेदेखि आगो लागेको थियो । सोही ठाउँमा जलेको अवस्थामा शव भेटिएको प्रहरी उपरीक्षक श्रेष्ठले भने, ‘घटनाको विषयमा अनुसन्धान हुँदै छ । शव परीक्षणका लागि बिपी कोइराला स्वास्थ्य विज्ञान प्रतिष्ठान धरान पठाउँन लागेका छौंँ ।’ रासस

लुम्बिनीको बृहत्तर विकास गर्न २ खर्बको प्राधिकरण आवश्यक : मन्त्री भट्टराई

भैरहवा- संस्कृति, पर्यटन तथा नागरिक उड्डयनमन्त्री योगेश भट्टराईले लुम्बिनीको बृहत्तर विकास गर्नका लागि करिब २ खर्बको बजेट भएको प्राधिकरण गठन गर्नुपर्ने बताएका छन् । लुम्बिनी विकास कोषले लुम्बिनीमा आयोजना गरेको बृहत्तर लुम्बिनी क्षेत्रको योजना तथा विश्व शान्तिनगरको कार्यान्वयन सम्बन्धि छलफल कार्यक्रममा बोल्दै मन्त्री भट्टराईले बृहत्तर लुम्बिनी क्षेत्रको परिकल्पना कार्यान्वयन गर्न बृहत्तर लुम्बिनी विकास प्राधिकरण गठन आवश्यक रहेको बताए ।

अहिलेको लुम्बिनी विकास कोषले आफ्नो नियमित काम गर्दै आएको छ, बृहत्तर लुम्बिनी विकासको योजना लाई कार्यान्वयन गर्न सम्पुर्ण अधिकार सम्पन्न हुने गरी बृहत्तर लुम्बिनी विकास प्राधिकरणको रुपमा आउनका लागि छलफल गरिरहेको बताए । लुम्बिनी विकास कोषको नियमित कामहरुलाई असर नपर्ने गरि बृहत्तर लुम्बिनीको विकासको लागी मात्रै काम गर्ने गरि करिब २ खर्वको बजेट भएको प्राधिकरण गठन गर्नुपर्ने उनले बताए ।

लुम्बिनीलाई विश्व पर्यटनको शहरको रुपमा स्थापित गर्न, स्थानीयको जीवनस्तर, आयु बृद्धि गर्नका लागि लुम्बिनीसहित कपिलवस्तु र नवलपरासीलाई जोडेर स्थानीयको ल्याण्ड पोलिङ शर्तमा नयाँ कार्यायोजनाको अवधारणाका साथ लुम्बिनीको विकास गर्न १० वर्षको समयावधि तोक्न सकिने बताए ।

८ करोड लिई फरार भएका सहकारी सञ्चालक अझै समातिएनन्

वीरगंज- वीरगन्ज बजारबाट सर्वसाधारण बचतकर्ताका करिब ८ करोड रुपैयाँ लिएर ‘प्राइम बचत तथा ऋण सहकारी संस्था’ फरार भएको झण्डैले वर्ष लाग्न थाल्यो । पैसा लिएर भागेको भन्ने आरोपीहरुलाई पक्राउ गर्न प्रहरी असफल भएको छ । प्रहरी र जिल्ला प्रशासन कार्यालयले बेवास्ता गर्दा यस्तो भएको पीडितहरुको भनाई छ । उक्त संस्थाले बचतकर्ताको पैसा मात्र होइन ऋणीहरुले बन्धक राखेको जग्गा समेत हिनामिना गरेको  प्रमाण भेटिएको छ ।

श्रीमानको मृत्युपछि एकल जीवन बिताइ रहेकी वीरगन्ज २ छप्कैकि ५० वर्षे सैनाहा खातुन भिक्षा मागेर बिहान बेलुकाको छाक टार्ने गर्छिन् । ‘बचत गर्नु भइपरी आएको बखत पैसाको लागि समस्यामा परिदैन,’ अभनी गाउँकै खैरुल नेसाले उनलाई प्रेरित गरेपछि सहकारीमा उनले खाता खोलेर दैनिक बचत थालिन् । करिब १३ हजार रुपैयाँ बचत पुगेको उनको पासबुकमा देखिन्छ । वीरगन्ज, छपकैयाकै देवनारायण भडेलका परिवारमा ३ जनाको नाउमा रहेको बचत खातामा डेढ करोड रुपैयाँ जम्माको थियो, सोही सहकारीमा । दुबैको पिडा भने उस्तै उस्तै छ । उनीहरुजस्तै सयौं सर्वसाधारणलाई सहकारीका सञ्चालक अलप हुँदा समस्या छ ।

सहकारीबाट पीडितहरूले प्रहरी प्रशासनले साथ नदिएको दुखसो पोख्ने गरेका छन् । ११ महिना अगाडि २०७५ चैत २० मा सहकारीको लिंकरोडस्थित कार्यालयमा ताल्चा लगाएर अध्यक्ष राजेशकुमार पटेल, कोषाअध्यक्ष रहेकी उनकी श्रीमती रिता पोखरेल तथा अन्य पदाधिकारी र जिम्मेवार कर्मचारीहरु सम्पर्कविहीन भए । उक्त घटनापछि जिल्ला प्रशासन कार्यालय पर्सामा २०७५ चैत २८ मा पीडितले संयुक्त उजुरी दिए । लगत्तै उनीहरुले जिल्ला प्रहरी कार्यालय पर्सामा समेत त्यसैगरी जाहेरी दिए । जिल्ला प्रसाशन कार्यालय र जिल्ला प्रहरी कार्यालयबाट आफूहरुलाई असहयोग भइरहेको पीडितहरुको साझा आरोप छ ।

अब नेकपाले दुई तिहाइ ल्यायो, ल्यायो ! कसैले रोकेर रोकिँदैनः प्रधानमन्त्री ओली

काठमाडौं – प्रधानमन्त्री एवं नेपाल कम्युनिष्ट पार्टी (नेकपा)का अध्यक्ष केपी शर्मा ओलीले नेकपाबाहेक अरु कसैले न्याय, समानता र समृद्धिका लागि उद्देश्यमूलकरुपमा काम गर्न नसक्ने ठोकुवा गरेका छन्।  पार्टी निकट अखिल नेपाल महिला सङ्घको एकता घोषणा तथा केन्द्रीय समितिको शपथ ग्रहण समारोहमा सम्बोधन गर्दै प्रधानमन्त्री ओलीले उनले नेकपाले नै सङ्घर्ष गरेर हरेक निकायमा ३३ प्रतिशत महिला सहभागिता स्थापित गरेको उल्लेख गरे।

उनले पार्टीका महिला नेताकार्यकर्तालाई आफ्नो सङ्गठन नै बलशाली ठानेर यसैबाट परिवर्तन र रुपान्तरण सम्भव छ भनेर लाग्न जोड दिँदै भने, “परिवर्तन र कम्युनिष्टविरोधी महिला संस्था वा अन्तर्राष्ट्रिय संस्थाहसँग सहकार्य गरेर महिला अधिकार स्थापित हुन्छ भन्ने पूर्ण सत्य होइन। यो काम हाम्रो सङ्गठनले मात्रै गर्न सक्छ ।”

वर्तमान सरकारले विकासनिर्माणलाई गति दिएकाले आगामी आम निर्वाचनमा दुई तिहाइ ल्याउनबाट नेकपालाई कसैले रोक्न नसक्ने उनले बताए।  सरकारले केही गरेन भनेर फैलाउन खोजिएको भ्रमको कुनै असर नपर्ने उल्लेख गर्दै उनले भने, “म खुलारुपमा भन्न चाहन्छु, अब नेकपाले दुई तिहाइ ल्यायो, ल्यायो। कसैले रोकेर रोकिँदैन। रोक्नका लागि तयारी गर्नुछ भने लागे हुन्छ।”

अध्यक्ष ओलीले पार्टीभित्र सबै नेताहरु एकता र एकमतका साथ मुलुकको समृद्धिको लक्ष्य लिएर अघि बढेकाले कतिपय सञ्चारमाध्यमले चलाएको भ्रममा परेर को बहुमत र को अल्पमतमा भन्नेतिर नलागी न्यायपूर्ण र समतामूलक समाज निर्माणमा लाग्न आग्रह गरे। उनले भने, “पार्टीमा अध्यक्ष छु। प्रधानमन्त्री छु। निर्णयहरु एकता र सहमतिका साथ गरिएको छ। को बहुमत र अल्पमतमा भन्ने खुद्रामसिना कुरामा हाम्रो ध्यान छैन।”

गाउँगाउँमा सहरीकरण, सडकछेउ बसाइँ सर्ने बढे

पाँचथर – केही वर्षअघिसम्म घरमा थोरै थोरै मात्र सुन्तला बेचेको अनुभव सुनाउने सिस्ने गाउँपालिका–४ लाम्बाकोटकी ममता बुढाले यो वर्ष फले जति सबै सुन्तला बेच्न पाएको सुनाइन्। रुकुमकोट बजारमा बिहानै सुन्तला बेच्न १२ जना बसेका थिए। एकै गाउँका उनीहरू हरेक बिहान सुन्तला बेच्न ल्याउने र दिउँसो फर्किने गरेको अनुभव सुनाउँथे। ‘सडक आएपछि बजार बढ्यो, यहाँ बोकेर ल्याउँदा बढी दाम पाउने भएकाले ल्याएका हौं,’ बुढाले भनिन्, ‘अहिले त तरकारी पनि बिक्छ।’ सँगै रहेकी हिरा बुढाले थपिन्, ‘पहिला कहाँ यसरी बिक्थ्यो र !’

उनीहरू झै पुष्पलाल (मध्यपहाडी) लोक मार्गको सडक बनेसँगै पहाडी जिल्लाका विभिन्न ग्रामीण ठाउँमा सहरीकरण हुँदै गरेको देख्न पाइन्छ। पुराना बजार सहरमा परिणत हुँदै गएका छन् भने नयाँनयाँ बजार, चोक निर्माण हुन थालेका छन्। गाउँका बासिन्दा सडकछेउ उक्लिन थालेका छन्। सडकले छोएका क्षेत्रमा नयाँ घर बनिरहेका देख्न पाइन्छ भने जग्गाको भाउ बढ्दै गएको छ। अचेल फलाउन सके बिक्छ भन्ने धारणा विभिन्न क्षेत्रका बासिन्दाको छ। लोकमार्गसँग जोडिएका ग्रामीण क्षेत्रमा बजार बन्ने क्रम बढेको छ। सरकारले मध्यपहाडी क्षेत्रका १० वटा सहरलाई नयाँ सहर बनाउने अवधारणा अघि सारी सानातिना काम गरिरहेको छ। तर, सरकारको प्राथमिकतामा नपरेका विभिन्न ठाउँहरूमा साना बजार स्थापना हुने तथा पुराना बजार विस्तार हुने क्रममा छन्।

आन्दोलनको तयारीमा किसान

मसुरिया (कैलाली) – गरिमा धान नफलेपछि पीडित बनेका किसानले आन्दोलनको तयारी थालेका छन्। सरकारले अहिलेसम्म क्षतिपूर्ति नदिएको भन्दै उनीहरु संगठित भएर आन्दोलनको तयारी थालेका हुन्। सोमबार मसुरियाको साझा बजारमा भेला भएका किसानले समिति गठन गरेर आन्दोलनको तयारी थालेका छन्। चार महिना बितिसक्दा पनि सरकारले गरिमा धानबाट पीडित बनेका किसानलाई उचित क्षतिपूर्ति नदिएको भन्दै आन्दोलनका लागि छलफल जारी राखेका छन्। उनीहरुले माघ २२ गते प्रदेशको कृषि मन्त्रालय घेराउ गर्ने बताएका छन्।

गरिमा धान पीडित किसान संघर्ष समितिका संयोजक बासुदेव गुरागाईंको अध्यक्षतामा बसेको बैठकले २२ गते कृषि मन्त्रालय घेराउ गर्नुका साथै कृषिमन्त्री र मुख्यमन्त्रीलाई ध्यानाकर्षण पत्र हस्तान्तरण गर्ने कार्यक्रम तय गरेको छ। बैठकले गौरीगंगा नगरपालिकाका गरिमा धान पीडित किसान सबै धनगढीस्थित कृषि मन्त्रालयमा जाने र ध्यानाकर्षण पत्र बुझाउँदै चाँडै उचित क्षतिपूर्ति उपलब्ध गराउन माग गर्ने संघर्ष समिति संयोजक गुरागाईंले बताए।

ग्यास महँगियो, डिजेल र पे­ट्रोल सस्तियो

काठमाडौं – नेपाल आयल निगमले खाना पकाउने ग्यासको मूल्य बढाएको छ। पेट्रोल, डिजल र मट्टितेलको मूल्य लिटरमा एक रुपैयाँ घटाएको निगमले ग्यासमा सिलिन्डरमा २५ रुपैयाँ बढाएको हो।

ग्यासको मूल्य सिलिन्डरको १३ सय २५ रुपैयाँ पुगेको छ। पेट्रोलको मूल्य लिटरको एक १० रुपैयाँ र डिजल तथा मट्टितेलको मूल्य ९९ रुपैयाँ कायम भएको निगका प्रवक्ता वीरेन्द्र गोइतले बताए। नयाँ मूल्य सोमबार राती १२ बजेबाट कार्यान्वयनमा आउने निगमले जनाएको छ।

१ फेव्रअरी २०२० मा प्राप्त पेट्रोलियम पदार्थको नयाँ अन्तराष्ट्रिय बजार मूल्य बमोजिमको खरिद मूल्य केही घटेर आएकोले मूल्य घटाएको निगमले जनाएको छ। एलपी ग्यासमा औषत खरीद मुल्य बढेकाले ग्यासको मूल्य बढाएको निगमको दाबी छ।

अब जति बिजुली बाल्यो, उति कम शुल्क

आस्था राउतलाई थुनामा राख्नु गलत : कोमल वली

काठमाडौं – राष्ट्रियसभा सदस्य कोमल वलीले आस्था राउतलाई ४ दिन थुनामा राखेर अनुसन्धान गर्न प्रशासनले दिएको अनुमति गलत भएको बताएकी छन्। सभाको विशेष समयमा बोल्दै उनले अनुसन्धानका आधारमा थुन्ने अधिकार भएपनि भागेर जाने अवस्था, बाहिर राख्दा प्रमाण नष्ट हुने अवस्था, गम्भिर खालको अपराध गरेको र तीन वर्ष भन्दा बढी कैद हुने अवस्थामा मात्रै थुनामा राख्न सक्ने भन्दै उनले राउतको मुद्धामा यस्तो अवस्था नभएपनि थुनामा राख्नु गलत भएको बताइन्।

‘कानुनको मिसयुज भएको छ। फैजदारी अभियोगमा माफि पाएर उन्मुक्ति पाउनुपर्छ भन्ने छैन्। तर उसले गैर कानुनी कार्य गरेको छ की छैन्। आस्थाले कानुनले निषेध गरेको कार्य गरेको छ छैन भन्ने हेरिनुपर्छ। गालि गलौच गरेको पनि छैन्। अपशब्द पनि गरेको छैन्। कानुननले जे जे गर्नुहुन्न भनेको छ त्यो गरेको देखिँदैन त्यो अवस्थामा थुनामै राख्नुपर्ने अवस्था देखिएको छैन्’, वलीले भनिन्।  बदनियत राखेर थुनामा राखिएको उल्लेख गर्दै उनले यसबाट स्वतन्त्र रुपमा बयान नहुन सक्ने तर्फ आशंका व्यक्त गरिन्।

प्रमुख जिल्ला अधिकारीले एक वर्ष भन्दा बढी कैद गर्ने अधिकार नभएको बताउँदै वलीले राउतलाई तारेखमा राखेर अनुसन्धान गर्न सकिने भएपनि त्यसो नगरिएको बताइन्।

आस्था राउत धरौटीमा रिहा

काठमाडौं- गायिका आस्था राउत ४ हजार धरौटीमा रिहा भएकी छन्। काठमाडौंका प्रमुख जिल्ला अधिकारी जनकराज दाहालको आदेशमा उनी रिहा भएकी हुन्।

अभद्र व्यवहार सम्बन्धी कसूरमा उनीमाथि उजुरी परेको थियो।

सभामुख सापकोटाविरुद्धको मुद्दामा अन्तरिम आदेश जारी गर्न अस्वीकार

काठमाडौं- सभामुख अग्नि सापकोटाविरुद्धको ज्यान मुद्दामा सर्वोच्चले अन्तरिम आदेश जारी गर्न अस्वीकार गरेको छ।  वरिष्ठ अधिवक्ता दिनेश त्रिपाठीले ज्यान मुद्दा लागेका सापकोटालाई सभामुखमा निर्वाचित नगर्न भन्दै दायर गरेको रिटमा न्यायाधीश सपना मल्लको इजलासले यस्तो आदेश गरेको हो।

सोमबार उक्त मुद्दा हेर्दा हेर्दैमा राखिएको थियो। मंगलबार पक्ष र विपक्षाका वकिलको वहस पछि यस्तो आदेश भएको हो।

काभ्रेका अर्जुन लामाको हत्या आरोपमा सभामुख सापकोटाविरुद्ध मुद्दा छ।

‘पत्रकारको परीक्षा लिने जिम्मा दर्शक र स्रोतालाई’

काठमाडौं- मिडिया काउन्सिल विधेयकमा पत्रकारिता पेशामा प्रवेश गर्नेहरुले परीक्षा दिनुपर्ने प्रावधानको सत्तापक्ष र विपक्षी दलका नेताहरुले पक्ष विपक्षमा आफ्नो मत जाहेर गरेका छन्।

राष्ट्रियसभाका सदस्यहरुले पत्रकारिता पेशामा नयाँ आउनेहरुका लागि लाइसेन्स परीक्षाको व्यवस्था हुनुपर्ने प्रावधान विधेयकमा राखेको प्रावधानको पक्ष विपक्षमा आफ्नो मत जाहेर गरेका हुन्। प्रमुख प्रतिपक्षी दल नेपाली कांग्रेसका राष्ट्रियसभा सदस्य राधेश्याम अधिकारीले पत्रकारको परीक्षा लिने जिम्मा दर्शक र स्रोतालाई दिनुपर्ने बताए। दक्षिण एसियाका कुनै पनि देशमा यो अभ्यास नभएको र अहिले नेपालमा यस्तो अभ्यासको आवश्यकता नरहेको उनले बताए। ‘पाठक, दर्शक र स्रोतालाई नै छुट दिनुपर्छ। कुन पत्रकारले कस्तो कुरा गर्दैछ भन्ने कुरा पाठकलाई किन नछोड्ने?  यो अनुपयुक्त कुरामा हामीले अभ्यास गरिरहेका छौँ। जुन कुरा साउथ एसिया, बेलायत, अमेरिका कुनै पनि देशम छैन्। हरेक कुराको परीक्षण हामीले किन गर्ने ? राष्ट्रियसभाबाट यो पास हुने अवस्था छ तर हामी विरोध गर्छौँ’, उनले भने।

विप्लवका कार्यकर्ता नियन्त्रणमा लिनेक्रममा बर्दियामा गोली चल्यो, एक प्रहरी घाइते

बर्दिया – प्रतिवन्धित नेकपा विप्लव समूहका कार्यकर्तालाई नियन्त्रणमा लिने क्रममा वर्दियामा गोली चलेको छ। विप्लव समूहका कार्यकर्ताले चलाएको गोली लागि प्रहरी जवान गंगा चौधरी घाइते भएका छन्। मधुवन नगरपालिका स्थित इलाका प्रहरी कार्यालय ढोढरीमा कार्यरत जवान चौधरीको तिघ्रामा गोली लागेको छ।

वर्दियामा उपचार हुन नसकेपछि थप उपचारको लागि उनलाई नेपालगञ्ज रिफर गरिएको छ। घटनास्थलबाट दुई जना पक्राउ परेका छन्। प्रहरीले गोली प्रहार गर्ने प्रतिवन्धित विप्लव समूहका रोहित सुनार र जयबाहादुर ठाडामगरलाई पक्राउ गरेको हो।

सरकारले गलत मनसायले कानुन ल्याउन खोजेको छ : कांग्रेस नेता पौडेल

काठमाडौं- प्रमुख प्रतिपक्षी दल नेपाली कांग्रेसका बरिष्ठ नेता रामचन्द्र पौडेलले सरकारले हरेक कानूनहरु गलत मनसायका साथ ल्याएको बताएका छन्।

नेपाल प्रेस युनियनले गरेको लोकतन्त्रको सुदृढिकरणका लागि प्रेस तथा अभिव्यक्ति स्वतन्त्रताको अपरिहार्यता विषयक अन्तरक्रिया कार्यक्रममा उनले अझै पनि नेपालमा लोकतन्त्रका लागि अनुकुल वातावरण नभएको उल्लेख गर्दै राष्ट्रिय तथा अन्तर्राष्ट्रिय शक्तिबाट लोकतन्त्रलाई बचाउनुपर्ने अहिलेको आवश्यकता रहेको धारणा राखे। नेकपा एकदलीय निरङ्कुसता तर्फ बढने आदर्शका साथ अगाडि बढेको भएपनि जनताको बहुदलसँग जोडेर आफुलाई जनवादसँग जोड्न लागेको आरोप लगाए। ‘नेकपाको आफ्नो आदर्श र सिद्धान्त एकातिर छ। जनमतको दबावम बाहाना अर्कोथरी गर्नुपरेको छ। बहुदल नमान्ने एकदलीय निरङ्कुसता लिएर देशलाई परिवर्तन गर्छु भन्ने संकल्प लिएर आएको कम्युनिस्ट शक्तिले आफुलाई बहुदलसँग जोडेर, बहुदलीय जनवादसँग भनेर जनताले बहुदल माग्या छन् भने त्यतै तिर आफुलाई जोड्ने प्रयास गरेको छ’, उनले भने।

अधिकांश आयोजनाका काम अलपत्र

बर्दिया- जिल्लाको विकासले फड्को मार्ने आशा लाग्दा आयोजनाका कामले तीव्रता पाउने बेलामा अधिकांश आयोजनाका काम यतिखेर अलपत्र परेको छ। चार महिना अघिदेखि सरकारको प्राथमिकतामा परेका आयोजनाका काम अलपत्र अवस्थामा छ।

राष्ट्रिय गौरवको आयोजनामा सूचीकृत हुलाकी सडक, सरकारको प्राथमिकतामा परेको कर्णाली नदी नियन्त्रण आयोजना र सघन सहरी कार्यक्रम अन्र्तगतको गुलरिया नगरपालिकाभित्र डेढ अर्बको कामले गति लिन सकेको छैन।
त्यस बाहेकका गुलरिया नगरपालिकाभित्रमा पर्ने फोर लेन सडक र ८ वटा स्थानीय तहमा सञ्चालित सडक पुल निर्माण जस्ता अधिकांश विकासका काम अघि बढ्न सकेको छैन। निर्माण कम्पनी, आयोजना कार्यालय प्रमुख र स्थानीय प्रशासनको समन्वय हुन नसक्दा विकासका अधिकांश काम प्रभावित भएका छन्।

एउटा व्यक्तिको मुद्दा उचालेर कसैलाई फाइदा हुँदैन : डा. भट्टराई

काठमाडौं- समाजवादी पार्टीका सांसद डा.बाबुराम भट्टराईले विशिष्ट व्यक्तिहरुको मर्यादाक्रम नमिलेको तर्फ ध्यानाकर्षण गराएका छन्। संसद वैठकमा बोल्दै सभामुख, राष्ट्रपति र उपराष्ट्रपति पछिको वरियताक्रममा हुनुपर्नेमा त्यस्तो नभएकोप्रति उनले ध्यानाकर्षण गराएका हुन्। उनले भने, ‘राष्ट्रपति र उपराष्ट्रपति पछिको मर्यादाक्रममा आउनुपर्ने सभामुख हो। तर दुर्भाग्य हामीले अरुको देखासिकि गरेर कार्यकारणीलाई अगाडि राख्यौँ’।

नीति निर्माण हुने थलो प्रतिनिधिसभा भएपनि कानुन बनाउने भन्दा कानुनको व्याख्या गर्ने मर्यादाक्रममा अगाडि रहेको उनले बताए। उनले भने, ‘न्यायपालिका जसले व्यवस्थापिकाले बनाउने ऐन कानुनको व्याख्या गर्छ त्यसका प्रमुख पनि व्यवस्थापिकका प्रमुख भन्दा माथि राखेर लोकतन्त्रको गरिमालाई अवमूल्यन गरिरहेका छौँ। यहाँको नेतृत्वमा यो विषयमा ध्यान पुगोस भन्ने आग्रह गर्दछु।’

सुपारी, केराउ र मरिचपछि तस्करीको पालो छोकडा

वीरगन्ज – विदेशबाट आयात गरेर भारततर्फ अवैध निकासी हुने वस्तुमा सुपारी, मरिच र केराउपछि छोकडा देखिएको छ।

भारतमा अवैध निर्यात गर्न स्वदेशी मागको तुलनामा यस्ता वस्तु धेरै परिमाणमा आयात भएका छन्। पाँचवर्ष अगाडि तस्करीकै लागि आयात गरिने वस्तुको रुपमा सुपारी देखापरेको थियो। सुपारी तस्करीको विषय धेरै चर्चामा आएपछि त्यसको अवैध निकासीमा कडाइ गर्न सुरक्षा निकाय बाध्य भयो। त्यसपछि सीमावर्ती क्षेत्रबाट अवैध निकासी र पैठारीका धन्दा चलाउने गिरोह सुपारी छोडेर मरिचतिर मोडिए। मरिचपछि केराउ अर्को यस्तै वस्तु बनेको थियो। अहिले छोकडा तस्करीको बिगबिगी देखिएको छ।

वीरगन्जको वडा प्रहरी कार्यालय श्रीपुरबाट खटिएको प्रहरी टोलीले माघ ८ मा ना५च ३२४५ नम्बरको महिन्द्रा पिकअप गाडीबाट अवैध निकासी गर्न लागिएको ३२ बोरा छोकडा बरामद ग-यो। त्यो छोकडाको तौल १६ क्विन्टल थियो। वीरगन्जको रानीघाटमा रहेको कृष्णा आटा तथा मसला उद्योगबाट भुजाखरिद गरेको बिल देखाएर छोकडा लैजान खोज्ने चालक र सहचालकलाई प्रहरीले पक्राउ गरेको छ। पश्चिम ग्रामीण नाकातिर जान लागेको अवस्थामा वीरगन्जको जगरनाथपुरबाट वडाको टोलीले गाडी नियन्त्रण लिएका थिए।

नाडालको विजयात्रा जारी

मेलबर्न – निक किर्गियोगलाई स्तब्ध बनाउँदै राफाइल नाडाल अस्ट्रेलिया ओपन क्वार्टरफाइनलमा पुगेसँगै रोजर फेडेररको कीर्तिमानी ग्रान्ड स्लाम उपाधिलाई बराबरी गर्ने लक्ष्य जारी राखेका छन्। गत वर्ष आफूमाथि निकै आलोचना गरेका अस्ट्रेलियन प्रतिद्वन्द्वी निकलाई हराउँदै स्पेनिस स्टार नाडालले अन्तिम आठमा स्थान बनाएका हुन्। निकै प्रतिस्पर्धा बनेको खेलमा विश्व नम्बर एकसमेत रहेका नाडालले निकलाई ६–३, ३–६, ७–६(८÷६) र ७–६(७÷४) ले पराजित गरे।

बास्केटबलका महान् खेलाडी कोबे ब्रायन्टलाई विश्व टेनिसका स्टारले शोक व्यक्त गरेको दिनमा निकसँगै १५ वर्षीया कोको गउफले आफ्नो महिला डबलको प्रशिक्षणका क्रममा श्रद्धाञ्जली व्यक्त गरेकी थिइन्। रोड लाभेर एरिनामा निकले भने कोबे ब्रायन्टको पूर्वक्लब एलए लकर्सको जर्सी लगाएका थिए। सर्वाधिक २४ ग्रान्ड स्लाम च्याम्पियन मार्गरेट कोर्टलाई सम्मानित गरेको दिन उनी रुष्ट देखिएकी थिइन्।

सोही दिन निक र नाडालबीचको खेलपश्चात् पनि केही गर्मागर्मी हुने आंकलन गरिए पनि दिन यसपटक सामान्य अवस्था रह्यो। खेलअवधिभर नाडालका हरेक चुनौतीमा कडा रूपमा प्रस्तुत भएका निक खेल सम्पन्नपश्चात् हात मिलाउने क्रममा केही नरम मुद्रामा देखिएका थिए।

जसले पछिल्लो वर्ष यी दुईबीचको तनावपूर्ण सम्बन्ध बिर्र्सिएको अवस्था देखिएको थियो। ‘जब उनले (निक) आजको खेलशैलीअनुरूप सकारात्मक स्वभाव देखाउँछन् भने उनले खेलक्षेत्रलाई धेरै योगदान दिन सक्नेछन्। उनी यस टुर्समा निकै प्रतिभावान् खेलाडी हुन्। प्रतियोगिता अवधिभर उनको खेलशैली निकै राम्रो छ,’ स्पेनिस स्टार नाडालले भने। १९औं पटक ग्रान्ड स्लाम च्याम्पियन नाडालले क्वार्टरफाइनलमा अस्ट्रियाका डोमिनिक थिमविरुद्ध चुनौती प्रस्तुत गर्नेछन्।

‘राजसंस्थाभन्दा ठूलो पितृसंस्था रैछ’

दीपक मनाङेद्वारा एन्फा कास्की अध्यक्ष गुरुङलाई मञ्चमै मुक्का प्रहार

पोखरा- गण्डकी प्रदेश सांसद राजिव गुरुङ (दीपक मनाङे) ले एन्फा कास्कीका अध्यक्ष मिलन गुरुङलाई मुक्का प्रहार गरेका छन्। गण्डकी प्रदेश स्तरिय मुख्यमन्त्री कप फुटवल प्रतियोगिताको उद्घाटन कार्यक्रममा मंगलबार प्रदेश सांसद मनाङेले एन्फा अध्यक्ष गुरुङलाई मुक्का प्रहार गरेका हुन्।

पटक/पटक विवादमा आइरहने गुण्डा नाइकेका रुपमा परिचित राजिव गुरुङ उर्फ दीपक मनाङेले मुख्यमन्त्री कप खेल्न मनाङबाट आएको टोलीलाई अभ्यास मैदान र बस्ने ठाउँ नमिलाई दिएको भन्दै मुक्का प्रहार गरेका थिए। मुख्यमन्त्री कपको उद्घाटन कार्यक्रममा सहभागि हुन भनेर सांसद मनाङे कार्यक्रममा पुगेका थिए। आयोजकले उनलाई आसनग्रहणका लागि बोलायो।

अन्नपूर्ण पदमार्गको हिमपहिरो : पदयात्री खोज्न सेना परिचालन

पोखरा- अन्नपूर्ण आधारशिविर (एबिसी) पदमार्ग क्षेत्रमा हिमपहिरोमा परेर हराएका विदेशी पर्यटक र नेपाली गाइड खोज्नका लागि सेनाको टिम परिचालन गरिएको छ। सेनाको विशेष टोली मंगलबार हेलिकोप्टरबाट घटनास्थलमा पुगेको प्रहरीले बताएको छ। हिमपातमा परेर चार कोरियाली र तीन नेपाली सहित सातजना पदयात्री गत शुक्रबारदेखि त्यस क्षेत्रमा हराएका छन्।

कास्कीका प्रहरी प्रमुख एसपी दानबहादुर कार्कीका अनुसार सेनाका कर्णेल अमित गुरुङको कमाण्डमा १२ जना सैनिक पहिरोस्थलमा परिचालन भएको छ। सेनाले त्यहाँ रहेका स्थानीयसँग समन्वय गर्दै खोजीमा जुट्ने कार्कीले बताए। ‘पहिरोस्थलभन्दा झन्डै एकसय मिटर टाढा सेनाको टिम बसेको छ। हेलिप्याड बनाएर हेलिकप्टर अवतरण गराएर सेनाको टिम पुगेको हो,’ कार्कीले भने, ‘सुरक्षा अपनाएर त्यहाँ रहेका स्थानीयसँगको समन्वयमा सेना खोजीमा जुट्नेछ।’

एमसीसीबारे सत्तापक्ष र प्रतिपक्षका नेताको एउटै बोली

काठमाडौं-सत्तारुढ दल नेपाल कम्युनिष्ट पार्टी (नेकपा) का स्थायी कमिटी सदस्य देवेन्द्र पौडेलले ह्विप जारी गरेर भएपनि प्रतिनिधिसभाबाट मिलेनियम च्यालेन्ज कर्पोरेशन (एमसीसी) परियोजना पारित हुने बताएका छन्।

रिपोर्टस क्लबमा भएको साक्षत्कार कार्यक्रममा पौडेलले प्रधानमन्त्री केपी शर्मा ओलीले यसलाई अघि बढाउन चाहेकोले पनि यो पारित हुने बताए। प्रतिपक्षी दल पनि पारित गर्नुपर्ने पक्षमा रहेको र प्रधानमन्त्रीको चाहाना पनि पारित हुनुपर्छ भन्ने भएपछि संसदमा ह्विप लागु गरेर पनि एमसीसी पारित हुने उनको भनाई थियो।

एमसीसी नेपालमा लागु भएपछि गरिबी निवारण हुन्छ भन्ने नभएको तर ५५ अर्ब रुपैयाँ अनुदान गुम्न नदिने पक्षमा आफु रहेको उनको भनाई छ। अनुदान निशर्त हुने भएका परियोजनामा भएका शर्तहरु खारेज हुनुपर्ने उनको भनाई छ।

प्रमुख प्रतिपक्षी दल नेपाली कांग्रेसका नेता भीमसेनदास प्रधानले सत्तापक्षले एमसीसी पास गर्नुपर्ने बताए। प्रावधानमा भएका कमिकमजोरीहरुका विषयमा छलफल गर्न सकिने भन्दै उनले बोल्दा अध्ययन र अनुसन्धान गरेर बोल्न पनि सुझाव दिए। उनले भने, ‘सबैले यसलाई स्वीकार्नुपर्छ। अहिलेको सत्तापक्षले पनि यसलाई पास गर्नुपर्छ। यो कम्प्याक्टमा भएका प्रावधानमा केही कमिकमजोरी भए यसबारेमा छलफल गर्न सकिन्छ। एमसीसीका बारेमा बोल्दा अध्ययन र अनुसन्धान गरेर बोल्नुहोला। हिजो अरुण तेस्रो परियोजना बनाउनुपर्छ भन्दा तत्कालिन नेकपा एमालेले विरोध गर्यो। त्यो त्यतिकै कोलाप्स भयो। त्यो लागु भएको भए धेरै राम्रो हुन्थ्यो।’’

बलात्कार आरोपमा वडा सचिव पक्राउ

बारा- शौच गर्न रातीको समयमा घर बाहिर निस्केकी रौवाहीका एक महिला गत आईतबार राति बलात्कारको सिकार भएको घटना सर्वजनिक भएको छ।

देवताल गाउँपालिका ६ का वडा सचिव रहेका रौवाहीकै बलिराम मण्डलाई ती महिलालाई  बलात्कार गरेको आरोपमा प्रकाउ गरेको बारा प्रहरीले जनाएको छ।

घरबाट निस्केर गाउँ बाहिर  शौच गर्न जाँदै गर्दा मण्डलले ती महिलालाई नजिकै रहेको उखुबारीमा लगेर बलात्कार गरेको अनुसन्धानबाट खुलेको  बाराका प्रहरी नायव उपरीक्षक गौतम मिश्रले बताएका छन्।

वडा सचिव मण्डलले ती महिलालाई जर्बजस्ती करणी  गरेको जानकारी पाए लगतै प्रहरीले मण्डललाई पक्राउ गरि कारबाही प्रक्रिया अगाडि बढाएको मिश्रले बताए।

जर्बजस्ती करणी मुद्दामा बारा जिल्ला अदालतबाट मण्डललाई ५ दिन म्याद थप गरि घटना बारे थप अनुसन्धान सुरु गरिएको मिश्रले बताए।

घरमा शौचालय नहुँदा रातिको समयमा घर बाहिर निस्कने महिलाहरु बालत्कारको सिकार हुने गरेको घटनाहरु पटक पटकमा सार्वजनिक हुँदै आएको छ।

आमाबुबाले १२ वर्षपछि पाए माया मारिसकेको छोरा

भैरहवा- अभिभावकले माया मारीसकेको छोरा रुपन्देहीबाट १२ वर्षपछि फेला परेका छन्। १२ वर्षअघि रोजगारीको शिलशिलामा भारतबाट हराएको छोरा सन्तोस सुनार प्रहरी र विभिन्न संघ-सस्थाको सहयोगमा परिवारले जिल्ला प्रहरी कार्यालय रुपन्देहीबाट बुझेका हुन्।

बाँकेको राप्ती सोनारी गाउँपालिका—४ बैजापुर बस्ने अमरबहादुर सुनार र लक्ष्मी सुनार परिवारले १२ वर्षअघि भारतको लुधियाना ट्रेनबाट छोरा हराएका थिए। २०६४ सालमा सुनार परिवार रोजगारीको शिलशिलामा भारतको लुधियाना जादै गर्दा ७ वर्षिय सन्तोसकुमार सुनार रेलमा छुट्न गई हराएपछि परिवारले आफ्नो क्षमताअनुसार भारतको विभिन्न शहर र रेलवे स्टेशनमा खोजे पनि भेटाएका थिएनन्।

हराएको ७ वर्षिय बालक सन्तोस सुनारसहित विजय तामाङ, राजेश कुमार र सुमित कुमार भारतको लखनउस्थित बालगृहमा बस्दै आएका थिए, ती बालकलाई नेपाली राजदूतावाससहित नेपाली मित्र मञ्च र मानव कल्याण मित्र मञ्चको सक्रियतामा २०७५ सालमा जिल्ला प्रहरी कार्यालय रुपन्देही महिला बालबालिका तथा जेष्ठ नागरिक सेवा केन्द्रमा ल्याइएको थियो।

महिनावारीलाई सहज मान्छन् अभिभावक

उदयपुर- १३ वर्षीया किशोरी रीमावुङ राईलाई राजश्वला (महिनावारी) हुँदा परिवार र समाजबाट कुनै समस्या छैन। छोरी किशोरावस्थामा पुगेको थाँहा पाएका बाबुआमाले पहिलो महिनावारी हुनुअघि नै सचेत गराउदै विभिन्न सल्लाह दिएकाले उनलाई पहिलो महिनावारीमा पनि कुनै अप्ठेरो महसुस भएन।

उनीजस्तै १२ वर्षीया तयामी राईलाई पनि महिनावारीको पीडा अहिलेसम्म महसुस भएको छैन। शिक्षित बाबुआमा र खुल्ला पारिवारिक वातावरण भएकाले उनीहरुलाई महिनावारीको समस्या नपरेको हो। महिनावारी हुँदा उनीहरुलाई भान्सा जान, खाना नास्ता पकाउन कुनै रोकटोक हुदैन न त देवता कोठामा जान, पुजा गर्न र बाउ आमासँग बस्न, सुत्न नै बन्देज हुन्छ।

मानव जगतको सर्जक महिलामा हुने अनुपम प्राकृतिक घट्नाक्रम महिनावारी भए पनि सामाजिक अन्धविश्वासले छाउगोठ बस्नुपर्दा पश्चिम नेपालका धेरै किशोरी, युवती र महिलाले अकालमा ज्यान गुमाउदै आएको समाचार छताछुल्ल भईरहेको छ। प्रकृतिको बरदान मान्नुपर्ने महिनावारीलाई रुढीग्रस्त समाजको अन्धविश्वास, परम्परागत सोच र धार्मिक मान्यताले अनिवार्य छाउगोठ बस्नुपर्दा वर्षेनी कैयौं महिलाको अकालमा ज्यान जाने गरेपछि अहिले अछाममा छाउगोठ भत्काउने अभियान चलाउनु परेको छ।

उदयपुरमा पछिल्लो दुई वर्षयता प्रायः सबै विद्यालयमा महिनावारीमा सहज पार्न प्याड वितरण र निर्माण अभियान नै चलाइएको छ। महिनावारी हुँदा छात्राहरु पढ्न नआउने समस्या टार्न सुरुमा गैरसरकारी संस्थाको अगुवाईमा नियमित विद्यालय उपस्थित गराउन उनीहरुलाई प्याड उपलब्ध गराइएको थियो। तर, पछिल्लो एक वर्षयता धेरै विद्यालयले छात्राकै सक्रियतामा स्कुलमा प्याड बनाएर प्रयोग गर्न थालेपछि नियमित स्कुल आउँने र पठनपाठन सहज भएको पाइएको छ।

प्रधानमन्त्री ओली र मोदीद्वारा आइसिपी उद्घाटन

काठमाडौं- विराटनगरमा निर्माण सकिएको एकीकृत जाँच चौकी (आइसिपी) को उद्घाटन भएको छ।प्रधानमन्त्री केपी शर्मा ओली र उनका भारतीय समकक्षी नरेन्द्र मोदीले भिडियो कन्फरेन्समार्फत आइसिपीको मंगलबार उद्घाटन गरे।

उद्घाटनमा बोल्दै प्रधानमन्त्री ओलीले नेपाल र भारतबीच थाती रहेका समस्या समाधान गर्ने समय आएको बताए। उनले समकक्षी मोदीलाई नेपाल भ्रमणको समेत निम्ता दिए।

भारतीय प्रधानमन्त्री नरेन्द्र मोदीले यी विकासका मोडल नेपाल भारत मित्रता र तिब्र विकासका नमुना भएको बताए। छिमेक पहिलो आफ्नो सरकारको प्राथमिकता भएको बताउँदै उनले क्रस वोर्डर कनेक्टिभिटीलाई बढाउनु यसको काम भएको बताए।
नेपाल इन्टरमोडल ट्रान्सपोर्ट डेभलपमेन्ट बोर्डका डेपुटी निर्देशक हरिकृष्णा मिश्राका अनुसार उद्घाटनपछि नेपालबाट सामान बोकेको ट्रक भारततर्फ जानेर भारतबाट पनि सामान बोकेको ट्रक नेपाल भित्रिएका छन्।

विवादमा श्रद्धा

मुम्बई (एजेन्सी) – बलिउड अभिनेत्री श्रद्धा कपुरले ‘मिटु’ आरोपित निर्देशक लभ रञ्जनको फिल्ममा काम गर्ने भएसँगै विवादमा तानिएकी छन्। भारतीय सञ्चारमाध्यमका अनुसार अभिनेत्री दीपिका पादुकोणले यौन दुर्व्यवहारको आरोपितसँग काम नगर्ने बताएपछि अभिनेत्री श्रद्धाले लभ रञ्जनको फिल्म खेल्ने भएकी हुन्।

‘निर्देशक लभ रञ्जनको नयाँ फिल्ममा काम गर्दैछु। उनको यसअघिका फिल्महरू मलाई मनपरेका हुँदा काम गर्ने भएकी हुँ। यस फिल्ममा हाम्रो पुस्ताको उत्कृष्ट अभिनेता रणवीर कपुरसँग काम गर्ने मौका मिलेको छ,’ उनले भनिन्। उनले मार्चबाट फिल्मको सुटिङमा सहभागी जनाकारी गराएकी छन्।

यसअघि अभिनेत्री पादुकोणले भनेकी थिइन्, ‘यौन दुर्व्यवहारको आरोपितसँग म काम गर्दिन्।’ केही समयअघि बलिउड अभिनेता रणवीर कपुरसँग निर्देशक लभ रञ्जनको घरमा देखिएपछि उनीविरुद्ध ‘नटमाईदीपिका’ ह्यासट्याग ट्वीटरको टेन्डिङमा परेको थियो। उनी र अभिनेता रणवीर कपुरसँग निर्देशक लभ रञ्जनले भेट गरेका थिए। भेटपछि रञ्जनको फिल्ममा अभिनेत्री पादुकोणले काम गर्न लागेको खबर एकाएक बाहिर आएको थियो। निर्देशक रञ्जनसँग अभिनेत्री पादुकोणले काम गर्न लागेको चर्चा भएपछि ट्वीटरमा यसको विरोध भएको थियो।

‘कर्णाली उज्यालो कार्यक्रम’ का लागि वैकल्पिक उर्जासँग समझदारी

सुर्खेत- प्रदेश सरकारले ‘कर्णाली उज्यालो कार्यक्रम’ कार्यान्वयनका लागि वैकल्पिक उर्जा प्रवद्र्धन केन्द्रसँग संझौता गरेको छ। मंगलबार मुख्यमन्त्री महेन्द्रवहादुर शाहीको उपस्थितिमा मुख्यमन्त्री तथा मन्त्रिपरिषद् कार्यालयका सचिव लक्ष्मीकुमारी वस्नेत र वैकल्पिक उर्जा प्रवद्र्धन केन्द्रका कार्यकारी निर्देशक मधुसुधन अधिकारीबीच समझदारी–पत्रमा हस्ताक्षर भएको छ।

कर्णाली उज्यालो कार्यक्रम कार्यान्वयनका लागि प्रदेश सरकारले ५० करोड ९ लाख रुपैयाँ छुट्याएको छ। कर्णाली उज्यालो कार्यक्रम कार्यान्वयन कार्यविधिमा मुख्यमन्त्री तथा मन्त्रिपरिषद कार्यालयमा कार्यान्वयन ईकाई स्थापना गर्ने र प्राविधिक सहयोग वैकल्पिक उर्जा प्रवद्र्धन केन्द्रले उपलव्ध गराउने उल्लेख छ।

पहिलो चरणमा आर्थिक तथा प्राविधिक कारणले निर्माण कार्य पुरा हुन नसकेका कर्णालीका विभिन्न जिल्लामा रहेका लघु तथा साना जलविद्युत आयोजनाको निर्माण कार्य सम्पन्न गरिनेछ। ति आयोजना सम्पन्न गर्न प्रदेश सरकारले कर्णाली उज्यालो कार्यक्रमवाट वजेट व्यवस्था गर्ने समझदारी–पत्रमा उल्लेख छ।

राष्ट्रिय भलिबल प्रतियोगिता हुने

दुलेगौँडा(तनहुँ)- दुलेगौँडाको पञ्चमुनिदेव माध्यमिक विद्यालयको आयोजनामा राष्ट्रब्यापी विद्यालयस्तरिय भलिबल प्रतियोगिता हुने भएको छ। विद्यालयले स्वर्ण महोत्सवको अवसरमा प्रतियोगिताको अयोजना गरेको हो।

बुधबारदेखि सुरु हुने प्रतियोगिताको तयारी पूरा भएको मंगलबार आयोजित पत्रकार सम्मेलनमा जानकारी गराइएको छ। तीन दिनसम्म हुने प्रतियोगितामा प्रथम हुने समूहलाई नगद ५० हजार रुपैयाँको साथमा शिल्ड, मेडल र प्रमाणपत्र दिइने विद्यालयका सूचना अधिकारी लक्ष्मण पुरीले जानकारी दिए। उनका अनुसार द्धित्तिय र तृतीय हुनेलाई शिल्ड, मेडल र प्रमाणपत्रसहित क्रमश :  ३० हजार र २० हजार रुपैयाँ नगद प्रदान गरिनेछ।

१६ टिमले सहभागिता जनाउने उनले बताए। विद्यालयले माघ ५ गते आईतबारदेखि स्वर्ण महोत्सवको सन्दर्भमा विभिन्न कार्यक्रम गरिरहेको छ। स्वर्ण महोत्सवको मुख्य कार्यक्रम माघ १२, १३ र १४ गते हुनेछ।
१४ गते स्वर्ण महोत्सव समारोहलाई प्रथम राष्ट्रपति रामवरण यादवले सम्बोधन गर्ने प्रधानध्यापक धुर्वकुमार मल्लले बताए।

राष्ट्रिय कलाकारहरुको सांगितीका प्रस्तुती, शैक्षिक सामाग्रीको प्रर्दशन, रक्तदान कार्यक्रम, नाटक मञ्चन र खेलकुद प्रतियोगिता लगायतका कार्यक्रम गरी स्वर्ण जयन्ती मनाउने उनको भनाई छ।

सार्वजनिक बसभित्र अश्लील हर्कत: एक वर्षपछि पक्राउ परे युवक

यसरी पक्राउ परे सार्वाजनिक सवारीमा अश्लील गतिविधि गर्ने रवीन रुचाल

काठमाडौँ- सार्वजनिक सवारी साधानभित्र अश्लील गतिविधि गर्ने युवकलाई प्रहरीले पक्राउ गरी आज सार्वजनिक गरेको छ। अभियुक्त तनहुँको तत्कालीन अरुणोदय गाविस घर भई हाल चितवनको भरतपुरस्थित विकासचोक बस्ने २१ वर्षीय रवीन सार्की भनिने रवीन रुचाल छन्।

विसं २०७५ माघ ११ गते बसभित्र त्यस्तो गतिविधि गरेको दृश्य सामाजिक सञ्जालबाट सार्वजनिक भएको थियो। गत वर्ष साउनमा खिंचिएको भिडियो सात महिनापछि माघमा अपलोड गरेको खुल्न आएको महानगरीय अपराध नियन्त्रण महाशाखाले जनाएको छ।

चितवन प्रहरीसँगको समन्वयमा महाशाखाको टोलीले आइतबार अपराह्न चितवनको भरतपुरबाट उनलाई पक्राउ गरी थप कारवाहीका लागि काठमाडौँ ल्याएको थियो। महाशाखा प्रमुख सहकुलबहादुर थापाले ठूलो मेहनत गरेर एक वर्षपछि नै भए पनि घटनाका अभियुक्त पक्राउ गर्न सफल भएको बताउँदै साइबार अपराधमा मुद्दा चलाइने जानकारी दिए। “पहिचान नभएको अभियुक्त हो, पत्ता लगाउन ठूलो मेहनत गरेका छौँ, गुगल र फेसबुकसँग आइपी एड्रेस मागी पत्ता लगाएर पक्राउ गर्न सफल भयौँ”, थापाले भने।

यही अवस्‍थामा कसरी पदबाट राजीनामा दिने ?

काठमाडौं- उपसभामुख शिवमायाँ तुम्वाहाङ्फेले आफुनै सभामुख पदको दावेदार भएको बताएकी छन्। न्यूज एजेन्सी नेपालसँग कुरा गर्दै उनले  यो स्वभाविक भएको समेत बताएको छन्। ‘उपलाई प्रमुख बनाउन नसक्ने के छ त्यस्तो प्रावधान, संविधानले रोकेको छ ? छैन’, भन्दै प्रश्न गरेकी छन्।

नेपाल कम्युनिस्ट पार्टी (नेकपा) ले उनलाई पदबाट राजीनामा दिन भने पनि तुम्वाहाङ्फेले त्यसलाई चुनौति दिदै आएकी छन्। उनले भनेकी छन्, ‘सभामुख पदको दावी गर्नु त अनौठो मान्नु पर्दैन स्वभाविक नै हो।’

उनले अहिले सभामुख बन्ने आफ्नो इच्छा नभई आवश्यकता भएको बताएकी छन्। ‘आवश्यकता कसरी हो भने सभामुख जो निवर्तमान सभामुख हुनुहुन्थ्यो उहाँ कुनै एक घटनासंग जोडिनुभयो उहाँ निस्किनुभयो। उहाँले यहाँबाट राजिनामा गरेपछाडि म उपसभामुख मैले केही बदमासी काम त गरेको छ छैन्। मैले पाँच वर्ष काम गर्न पार्टीले पठायो २ वर्ष वित्यो अव ३ वर्ष बाँकि छ। अवको तीन वर्ष पुरा गर्न मैले किन नपाउने। म उपसभामुख भएर काम गरिराखेको छु मैले कुनै फट्याई त गरेको छैन बदमासी गरेको छैन, यौन दुराचार गरेको छैन्, भ्रस्टाचार गरेको छैन भने के चार्ज लगाएर मलाई दलले निकाल्छ मिल्छ?’, उनले भनेकी छन्।

सुपुर्दगी सन्धिमा चिनियाँ चासो

काठमाडौं – चिनियाँ पक्षले गृहमन्त्री रामबहादुर थापाको चीन भ्रमणका अवसरमा नेपालसँग हुने भनिएको सुपुर्दगी सन्धिबारे चासो राखेको छ। गत पुस २० देखि २५ गतेसम्म भएको गृहमन्त्री थापाको भ्रमण क्रममा चिनियाँ पक्षले नेपाल–चीन सीमाबाट आपराधिक गतिविधि बढिरहेकाले त्यसलाई नियन्त्रण गर्न सुपुर्दगी सन्धि आवश्यक रहेको तर्क राखेको थियो।

राष्ट्रपति सी चिनफिङको नेपाल भ्रमणका क्रममा दुई देशबीच सुपुर्दगी सन्धि गर्नेगरी छलफल अगाडि बढाएको भए पनि त्यति बेला ‘आपराधिक विषयहरुमा पारस्परिक कानुनी सहायताबारे नेपाल र जनगणतन्त्र चीनबीच सन्धि हुने’ भन्ने समझदारीमात्रै भएको थियो। त्यही समझदारीमा टेकेर गृहमन्त्री थापाको भ्रमणको समयमा पनि चिनियाँ पक्षले चासो व्यक्त गरेको हो। ‘चिनियाँ पक्षले सीमा सुरक्षा र व्यवस्थापनबारे चासो राखेको हो। राष्ट्रपति सीको भ्रमणका बेला भएका समझदारीलाई कार्यान्वयन गर्ने सवालमा कुराकानी भएको छ’, गृहमन्त्रीको भ्रमणमा सहभागी एक सदस्यले भने। भ्रमणका बेला कुनै पनि लिखित सम्झौता भने नभएको उनले बताए।

‘मिटरब्याजी’ आरोपी यादवविरुद्ध ठगी मुद्दामा कारबाही सुरु

सर्लाही- सर्लाही प्रहरीले ‘मिटरब्याजी’ आरोपी रामबाबु राय यादवविरुद्ध मंगलबारबाट ठगी मुद्दामा कारबाही प्रकृया अगाडी बढाएको छ। यसअघि जिल्ला प्रशासन कार्यालयबाट सुरक्षाकर्मीविरुद्ध दुव्र्यवहार मुद्दामा म्याद लिएर यादवलाई थुनामा राखेको प्रहरीले मंगलबार भने जिल्ला अदालतबाट ठगी मुद्दामा म्याद लिएको हो।

मंगलबारबाट लागू हुने गरी जिल्ला अदालतबाट ठगी मुद्दा अन्तर्गत अनुसन्धान गर्न पाँच दिनको म्याद लिइएको सर्लाही प्रहरी प्रमुख विश्वमणि पोखरेलले जानकारी दिए। ‘यादवविरुद्ध तत्कालका लागि जिल्ला प्रशासन कार्यालयबाट म्याद लिएर अनुसन्धान प्रकृया अगाडी बढाएका थियौं’, प्रउ पोखरेलले मंगलबार नागरिकँग भने, ‘यसबीच यादवविरुद्ध निकै प्रमाणहरु जुटाइसकेका छौं, त्यसैले आजबाट जिल्ला अदालतबाटै म्याद लिएर ठगी मुद्दामा अनुसन्धान सुरु गरेका छौं।’

प्रहरी हिरासतमै रहेका यादवको बरहथवा नगरपालिका–१० सितापुरस्थित घरमा सोमबार मध्यान्ह सुरक्षाकर्मीको टोलीले छापा मारेको थियो। अनुसन्धानका क्रममा आवश्यक कागजात संकलन गर्न अभियुक्त यादवको घरमा खानतलासी गरिएको प्रहरीले जनाएको छ। ‘अभियुक्त यादवविरुद्धको आरोपसँग सम्बन्धित कागजात संकलनका लागि खानतलासी गरेका हौं’, प्रउ पोखरेलले भने, ‘खानतलासीबाट अनुसन्धानमा आवश्यक पर्ने प्रमाणजन्य कागजातहरु नियन्त्रणमा लिएका छौं।’ प्रहरी टोलीले झण्डै दुई घण्टा यादवको घरमा खानतलासी गरेर ऋण लगानी गरेको तमसुक, चेकबुक लगायत विभिन्न कागजातहरु नियन्त्रणमा लिएको छ।

दुई महिनाभित्र रेल आउँछ : मन्त्री नेम्वाङ

काठमाडौं- भौतिक पूर्वाधार तथा यातायात व्यवस्थामन्त्री बसन्तकुमार नेम्वाङले जनकपुर जयनगर रेल २ महिनाभित्रमा सञ्चालनमा आउने बताएका छन्।

मंगलबार राष्ट्रियसभाको दिगो विकास समिति बैठकमा मन्त्री नेम्वाङले यस्तो बताएका हुन्। ट्रयाक र लिग निर्माणको काम सम्पन्न भइसकेको र भारत सरकारबाट रेल खगरिका लागि अर्डर समेत भइसकेको उनले बताए। जी टु जी माध्यमबाट रेल खरिद गरिने छ। २ महिनाभित्रमा जयनगर जनकपुर ३५ किलोमिटरको रेल सञ्चालनम आउने र त्यसपछि बर्दिबाससम्म विस्तार हुनेमा ढुक्क रहन उनले आग्रह गरे। ‘यति दिन भनेर मिति तोक्न सक्दिन तर चाडै नेपालमा रेल सञ्चालन भएको देखिन्छ। रेलको बाटो निर्माण भएको देखिन्छ। रेल ऐन आइसकेको छ’, उनले भने।

सरकारले संघ अन्तर्गत पर्ने बाटोहरुको पूर्ननिर्माणका कामहरु गरिरहेको उनले बताए। खाल्डा पुर्ने, कालोपत्रे गर्ने कामहरु संघीय सरकारले गरिरहेको उनले बताए। संघ अन्तर्गत रहेको १२ हजार किलोमिटर सडकको मर्मतको कामभइरहेका र करिब ४७ किलोमिटर सडक स्थानीय र प्रदेश सरकारले हेर्ने उनले बताए।

भारतीय नयाँ राजदूतको रुपमा आउँदै विनय मोहन

काठमाडौं- नेपालका लागि नयाँ भारतीय राजदूत विनय मोहन क्वत्रा आउने भएका छन्। मन्जिव सिंह पुरीले आफ्नो कार्यकाल पुरा गरे पछि विनय मोहनलाई नेपाल पठाउन लागिएको हो। उनी यस अघि फ्रान्समा थिए।

स्रोतका अनुसार भारतीय विदेश मन्त्रालयबाट एग्रीमो स्वीकृतिको लागि परराष्ट्र मन्त्रालयमा आइसकेको छ।

सम्भवत उनले फेव्रुअरीबाट आफ्नो कार्यभार सम्हाल्ने छन्। विनय मोहन सन् १९८८ मा भारतीय विदेश सेवामा प्रवेश गरेका थिए।

भक्तपुर–नगरकोट सडक, ६ वर्षसम्म निर्माण सम्पन्न भएन

कविराज कार्की
काठमाडौं – भक्तपुर–नगरकोट सडक खण्ड अस्तव्यस्त बन्दै गएको छ। उक्त सडक खण्ड तीनवर्षमा काम सकिनुपर्ने ६छ वर्षसम्म पनि उस्तै समस्या रहेको छ। भक्तपुर–नगरकोट सडक खाल्डाखुल्डी भएर सिचाई कुलो जस्तै भएको छ। सडकमा ग्राभेल उम्किँदै गएपछि खाल्डा बढ्दै गएको स्थानीयको भनाइ छ। सडक मर्मतका लागि सरोकारवालाले ध्यान नदिएको स्थानीयले गुनासो गरेका छन्।

नगरकोटका स्थानीय दिनेश ढकालले उक्त सडक अस्तव्यस्त बन्दै गएको र सडककै कारणले दिन प्रतिदिन पर्यटक घट्दै गएको बताए। उक्त सडक भक्क्तपुर हुँदै नगरकोटसम्म पुग्ने गर्दछ। यो सडकमा बढी मात्रामा बस र मोटरसाइकल चल्ने गर्छन्। भक्तपुरदेखि नगरकोटसम्मको करिब १६ किलोमिटर मिटर सडक अहिलेसम्म कालोपत्रे हुने सकेको छैन। यहाँ ग्राभेल पनि उप्किँदै गएको छ। सडकमा रहेका खाल्डाखुुल्डीले यात्रुलाई सास्ती हुने गरेको छ।

सन् २०१४ जुन ५ मा सम्झौता भएर सन् २०१६ जुनसम्म निर्माण सम्पन्न गरिसक्ने लक्ष्यसहित सडक विस्तारको जिम्मा आराभाली इन्फ्रा पावर लिमिडेट र शैलुङ कन्स्ट्रसन कम्पनी प्रालिले लिएका थिए। सम्झौताअनुसार काम सम्पन्न नगरी अहिलेसम्म तीन पटक म्याद थप गरिएको भएपनि काम सम्पन्न हुन नसकेको भक्तपुर–नगरकोट–सिपाघाट सडक योजनाले जनाएको छ। अहिलेसम्म करिब ६५ प्रतिशत मात्रै काम सम्पन्न भएको बताइएको छ।

कर्मचारीको रोजाइमा पर्न छाड्यो मालपोत

टीकापुर – कुनै बेला मालपोत कार्यालय कर्मचारीको पहिलो रोजाइमा पथ्र्यो। उनीहरू त्यहाँ जान माथिल्लो तहमा भनसुन गर्थे। कतिपय कर्मचारीले आर्थिक चलखेलसमेत गर्ने गरेको पाइन्थ्यो। तर अहिले समय फेरिएको छ। धेरैजसो कर्मचारी मालपोत कार्यालय जान चाहँदैनन्। अख्तियार दुरूपयोग अनुसन्धान आयोगले नजिकबाट नियालिरहेका कारण त्रासले कर्मचारीको रोजाइमा मालपोत कार्यालय पर्न छाडेको हो। मालपोतमा कार्यरत कतिपय कर्मचारी अख्तियारको फन्दामा परिसकेका छन्। स्रोतका अनुसार अख्तियारले धमाधम समात्न थालेपछि कर्मचारी मालपोत जान डराएका हुन्।

कर्मचारी आउन नमानेपछि टीकापुरस्थित मालपोत कार्यालयमा समेत विगत लामो समयदेखि दरबन्दीअनुसारको पद रिक्त छ। कार्यालयमा नासुतर्फ ६ दरबन्दीमध्ये ३ जना र खरिदारतर्फ ५ दरबन्दीमध्ये एकजनाको पद रिक्त छ। अख्तियारले कार्यालयमा कार्यरत एक नासु र एक खरिदारलाई सेवाग्राहीसँग घुस लिएको आरोपमा साउन १९ गते पक्राउ गरेको थियो। कार्यालयले दुवैजनाको दरबन्दी विभागमा कायम गरेर अन्य कर्मचारीलाई काजमा खटाइदिन अनुरोध गरेको छ। स्रोतका अनुसार रिक्त पदमा अहिलेसम्म कोही आउन मानेका छैनन्।

छाउगोठ भत्काउन प्रहरी र जनप्रतिनिधिको सक्रियता

बाजुरा – छाउपडी प्रथाविरुद्ध सरकारले अभियान सुरु गरेसँगै जिल्लाको बडिमालिका नगरपालिकामा छाउगोठ भत्काउन सुरु गरिएको छ। जनप्रतिनिधि र प्रहरीको सक्रियतामा नगरपालिकामा छाउगोठ भत्काउन थालिएको हो। बडिमालिका नगरपालिकाको रतुडामा अहिलेसम्म ५ गोठ भत्काइएको छ।

बडिमालिका नगरपालिका प्रमुख पदम बडुवालले छाउगोठमा बस्दा महिलाले विभिन्न समस्या भोग्नुपरेकाले भत्काउन थालिएको बताए। महिनावारी हुँदा महिलाहरू लुकीछिपी गोठमा बस्ने गरेको पाइएपछि छाउगोठ भत्काउन थालिएको बडिमालिका–८ का वडाअध्यक्ष प्रकाश रावलले बताएका छन्।

बडिमालिका–७ मा पनि वडा कार्यालय र प्रहरीले छाउगोठ भत्काउने अभियान थालेको छ। वडाअध्यक्ष धर्मराज पाध्यायले टोल–टोलमा पुगेर छाउगोठ भत्काइने बताए।बडिमालिका नगरपालिकामध्ये सबैभन्दा बढी वडा नम्बर ७, ६, ५ र १ मा छन्। जिल्लाभरी ३ सयभन्दा बढी छाउगोठ रहेको बताइएको छ।

गत वर्ष बडिमालिका–३, रजालीलाई जिल्लाकै पहिलो छाउगोठमुक्त वडा घोषणा गरिएको थियो। माघभित्रै वडा नम्बर ९ लाई छाउगोठमुक्त घोषणाको तयारी थालिएको वडाअध्यक्ष विनोदकुमार बिकले बताएका छन्। सर्वपक्षीय अनुगमनपछि वडामा छाउगोठ नभेटिएकाले माघभित्रै वडालाई छाउगोठमुक्त घोषणा गर्न लागिएको वडाअध्यक्ष बिकले बताए।

सागका खेलाडी र प्रशिक्षकलाई सम्मान

मकवानपुर- १३ औं दक्षिण एसियाली खेलकुद(साग)मा पदक विजेता मकवानपुरे खेलाडी र प्रशिक्षकलाई सम्मान गरिएको छ। जिल्ला समन्वय समिति मकवानपुर र हेटौंडा उपमहानगरपालिकाले सागमा चार स्वर्ण, चार रजत र पाँच काँस्य पदक विजेतासहित १३ जना खेलाडी र  पाँच जना प्रशिक्षकलाई मंगलबार नगदसहित सम्मान गरेको हो।

खेलाडी तर्फ स्वर्ण पदक विजेता फुटबलका सुनिल बल, तेक्वान्दोका संजिवकुमार ओझा र निशा दर्नाल, कराँतेका महसुस मोक्तान, रजत पदक विजेता बाँस्केटबलकी माया स्याङ्तान र निकेश मगर, उसुकी शीलु डंगोल तथा हेन्डबलकी देवकुमारी बाँस्कोटा र काँस्य पदक विजेता कराँते रीता कार्की, बक्सिङका पुरन राई र विकास लामा, उसुका हरिप्रसाद गोले तथा खोखोका राजन बललाई सम्मान गरिएको थियो।

त्यस्तै, प्रशिक्षकहरुमा बक्सिङका लालबहादुर पौडेल, कराँतेका नरेन्द्र श्रेष्ठ, तेक्वान्दोका माधव कोइराला, फुटबलका विजयलाल श्रेष्ठ र उसुका राष्ट्रिय प्रशिक्षक विमल थापा मगरलाई सम्मान गरिएको थियो।

खेलाडीहरुबीच भयो हानाहान !

सामाजिक सञ्जाल दुरुपयोगमा जन्मकैदकाे त्रास

काठमाडौं – विद्युतीय प्रणालीको दुरुपयोग गरे जन्मकैदसम्मको सजाय हुन सक्ने देखिएको छ। संसद्मा दर्ता भएको सूचना तथा प्रविधिको सम्बन्धमा व्यवस्था गर्न बनेको विधेयक जस्ताको तस्तै पारित भए कसैले सामाजिक सञ्जाल वा विद्युतीय प्रणालीमार्फत राज्यविरुद्धको अपराध हुने खालको कुरा उल्लेख गरे अधिकतम जन्मकैदसम्मको सजाय हुन सक्ने देखिएको हो। विकास तथा प्रविधि समितिले पास गरिसकेको उक्त विधेयक संसद्मा विचाराधीन छ।

विधेयकको दफा ९६ उपदफा २८ मा राज्यविरुद्धको अपराध गर्नेलाई जन्मकैदसम्मको सजाय गर्न सकिने व्यवस्था गरिएको हो। उपदफा २८ मा लेखिएको छ, ‘दफा ८८ को उपदफा (१) को कसुरमा कसुरदारलाई प्रचलित कानुनबमोजिम राज्यविरुद्धको अपराधमा सजाय हुनेछ।’ दफा ८८ को उपदफा (१) मा लेखिएको छ, ‘कसैले विद्युतीय माध्यमको प्रयोग गरी नेपालको सार्वभौमसत्ता, भौगोलिक अखण्डता, राष्ट्रियता वा राष्ट्रिय एकता, स्वाधीनता, स्वाभिमान वा संघीय एकाइबीचको सुसम्बन्धमा खलल पर्न सक्नेगरी वर्गीय, जातीय, धार्मिक, क्षेत्रीय, साम्प्रदायिक र यस्तै अरू कुनै आधारमा घृणा, द्वेष वा अवहेलना उत्पन्न हुने कुनै कामकारबाही गर्ने वा विभिन्न जात, जाति वा सम्प्रदायबीचको सम्बन्ध खलल गर्नु वा गराउनुहुँदैन।’ विधेयकमा उल्लेख गरिएको प्रचलित कानुन भनेको मुलुकी अपराध संहिता ऐन, २०७४ हो। मुलुकी अपराध संहितामा राज्यविरुद्धको अपराध गर्नेलाई पाँच वर्ष कैद, ५० हजार रुपैयाँ जरिवानादेखि जन्मकैदसम्मको व्यवस्था छ।

भक्तपुर नगरपालिकाद्वारा शैक्षिक कर्जा वितरण

भक्तपुर– भक्तपुर नगरपालिकाले शैक्षिक कर्जा वितरण सुरु गरेको छ।

पहिलो चरण अन्तर्गत नगरपालिकाले ९१ जना विद्यार्थीलाई शैक्षिक ऋण दिएको होे। उच्च शिक्षा अध्ययनका लागि नगरपालिकाले शैक्षिक ऋण प्रदान गरेको हो।

नगरपालिकाको अनुसार इन्जिनियरिङ्ग र एमविवीएस पढ्नेका लागि समेत ऋण माग भएको छ।

‘शैक्षिक ऋण दिएपछि इन्जिनियरिङ्ग संकायमा पढ्न सजिलो हुनेछ’ विद्यार्थी श्रेयस्का सुवाल भनिन्, ‘नगरपालिकाले यो राम्रो काम गरेको छ।’

शिक्षा समितिका सदस्य तथा भक्तपुर नगरपालिका वडा नं ९ का वडाअध्यक्ष रविन्द्र ज्याख्वले यस वर्ष जम्मा एक सय १० जना विद्यार्थीहरुले शैक्षिक ऋणको लागि आवेदन भरेको जनकारी गराए। त्यसमा अन्तर्वार्ता लिएर ९१ जना  छनौट गरेको उनले बताए।

शैक्षिक ऋण भक्तपुर नगरका स्थायीवासीले मात्र पाउने ज्याख्वले बताए। कार्यक्रम अन्तर्गत नगरपालिकाले १ विद्यार्थीका लागि ५ लाखसम्म कर्जा दिने छ। भक्तपुर नगरपालिकाले शैक्षिक ऋणका लागि यस वर्ष ५ करोड रुपैयाँ विनियोजन गरेको जनाएको छ।

शैक्षिक ऋण ३ किस्तामा प्रदान गरिने ऋणको वार्षिक व्याजदर ६ प्रतिशत रहेको छ। शैक्षिक ऋण लिएको १ वर्षमा २५ प्रतिशत, २ वर्षमा ५० प्रतिशत, ३ वर्षमा ७५ प्रतिशत र ४ वर्षमा शतप्रतिशत तिर्नुपर्ने व्यवस्था गरिएको छ

जाडो छल्न युरोपबाट रारा आइपुगे चरा

मुगु– रारा तालमा यति बेला अगन्तुक चराचुरुङ्गीले भरिभराउ भएको छ। जाडो छल्न युरोप, साईबेरिया, तिब्बेत र भारत लगायतका स्थानबाट चराहरु रारा क्षेत्रमा आएका हुन्।

रारामा बर्सेनी ४९ प्रजातिका चरा आउने गर्दछन्। यसपटक रारामा २० प्रजातीका चरा बसाइसराई गरि आएका छन्। रारा राष्ट्रिय निकुञ्जका अनुसार थप चरा आउने क्रम जारी छ।

विदेशी चरा रारा आउन थालेसँगै रारामा पर्यटकीय गतिविधि पनि बढ्दै गएको छ। निकुञ्जका संरक्षण अधिकृत लालबहादुर भण्डारीका अनुसार हाँस जात्तीका चरा जाडो सुरु भएदेखि मंसिर महिना देखि नै आउने गर्दछन्। ‘कुनै चरा चैत पछी गर्मीमा फर्किर्ने  र कुनै चरा गर्मीपछी पनी आउने गरेका छन्’ संरक्षण अधिकृत भण्डारीले भने, ‘सबैभन्दा बढी भारत, तिब्बत र युरोपका विभिन्न तालमा बस्दै आएका चरा रारामा आउने गरेका छन्।’
चिसो मौसममा पनि राराको पानी तातो हुने भएकाले आगन्तुक चराको आकर्षणमा परेको उनको भनाई छ।
पश्चिमी मूलुकबाट आएका चरा करिब पाँच महिनासम्म रारा क्षेत्रमा बस्ने गर्दछन्। अहिले रारा चरामय बनेको भण्डारीको भनाइ छ। तालदेखि जंगल क्षेत्रसम्म विदेशी चरा देख्न सकिन्छ।

बजेट संविधानको मर्म अनुसार ल्याउन सकिएन : रक्षामन्त्री

काठमाडौं- उपप्रधान तथा रक्षामन्त्री इश्वर पोखरेलले सरकारले नीति तथा कार्यक्रम र बजेट संविधानको मर्म अनुरुप ल्याउन नसकेको स्वीकार गरेका छन्।

संविधानले तीन वटै तहका सरकारको कामहरु परिभाषित गरेपनि कामगर्ने शैलीमा पुरानै आचरण हावी हुँदा नीति तथा कार्यक्रम र बजेट संविधानको स्प्रिट अनुसार आउन नसकेको बताए। मंगलबार संघीय संसद राष्ट्रिय सभा अन्तर्गतको राष्ट्रिय सरोकार तथा समन्वय समितिले आयोजना गरेको ‘समावेशी विकास र समृद्ध नेपाल’ कार्यक्रमलाई सम्बोधन गर्दै उपप्रधानमन्त्री पोखरेलले संवैधानिक व्यवस्था र त्यसलाई कार्यन्वयनमा लैजानेहरुबीच द्धन्द हुँदा विकास निर्माणका गतिविधिमा समेत अवरोध भएको बताए। उनले राज्य संरचना र प्रणाली परिवर्तन भएपछिको कानून र संरचनाहरु अझैपनि पूर्णरुपमा निर्माण नभएकाले व्यवहारीक रुपमा अन्तर  विरोध भइरहेको र त्यसको असर बजेट र नीति तथा कार्यक्रममा परेको बताए।

त्यस्तै समावेशी आर्थिक विकासका लागि तीन वटै तहका सरकारको संलग्नता र सक्रिय सहभागिताबाट मात्र योजना निर्माण गरी कार्यान्वयन र निरिक्षणमा जानुपर्नेमा उनको जोड थियो। उपप्रधानमन्त्री पोखरेलले विकास मैत्री सरकारी नीति र लगानीमैत्री वातावरण निर्माण हुनुपर्ने, स्रोत र साधनको अधिकतम परिचालन तथा इमान्दार कर्मचारीतन्त्रको विकास भएमात्र आर्थिक विकास र समृद्धि सम्भव भएको बताए।

हेटौंडा राजधानी तोक्ने तयारीविरुद्ध दोलखामा प्रदर्शन

दोलखा – प्रदेश ३ को राजधानी हेटौंडा तोक्ने तयारी विरुद्ध दोलखावासी आन्दोलित भएका छन्। सत्तारुढ नेकपा सचिवालयको निर्देशन लगत्तै राजधानी हेटौंडा तोक्ने तयारी भएपछि आक्रोसित स्थानीयले मंगलबार सदरमुकाम चरिकोटमा प्रदर्शन गरेका हुन्।

अपायक स्थानमा राजधानी तोक्न लागिएको भन्दै नागरिक दबाव अभियानले प्रदर्शन गरेको हो। सातदोबाटो चोकबाट शुरु भएको जुलुसले बजारका विभिन्न भागको परिक्रमा गरेको थियो। जुलुसका सहभागीले पायक पर्ने स्थानमा राजधानी तोक्न र हालको अस्थायी राजधानी हेटौंडा खारेज गर्न माग गर्दै नारा लगाएका थिए।

सरकारसँग जनताहरु असन्तुष्टः प्रदेशमन्त्री सोनल

बारा– प्रदेश २ का भौतिक पूर्वाधार तथा विकास मन्त्री जीतेन्द्र सोनलले राजनितिक परिवार्तनको लागि आन्दोलन गरेका नेपाली जनताहरु अहिलेका सरकारहरुसँग असन्तुष्ट बन्दै गएको बताएका छन्।

सोमबार कलैयामा आयोजना गरिएको मुख्य मन्त्री ‘बेटी पढाउ, बेटी बचाउ’ अभियान अन्र्तगत छोरी शिक्षा बिमा शिविर सप्ताह कार्यक्रमलाई सम्बोधन गर्दै राजनितिक परिवर्तन गर्नमा लडेका जनतहरुले तीनै तहका सरकारसँग असन्तुष्ट बन्दै गएमा धेरै सघर्षबाट स्थापित भएको उपल्बधीहरु गुमने डर समेत रहेको सोनलले बताए।

सिम्रोनगढ नाकाबाट १९ क्विन्टल छोकडा बरामद

बारा– भन्सार छलेर भारत निकासी गर्न लागिएको ३८ बोरा छोकडा बारा प्रहरीले बरामद गरेको छ।

सिम्रौनगढ नगरपालिका–२ श्रीनगर बैरियाबाट सोमबार राती प्रहरीले उक्त परिमाणको छोकडा पक्राउ गरेको हो।

बाराका प्रहरी नायव उपरीक्षक गौतम मिश्रले अबैध तरिकाले नेपालबाट भारत लैजान लागिएको १९ क्विन्टल छोकडा नियन्त्रणमा लिइएको जानकारी दिए।

बेवारिसे अवस्थामा फेला परेको उक्त छोकडालाई वीरगन्ज भन्सार कार्यालयमा पठाइएको प्रहरी नायव उपरीक्षक मिश्रले बताए।
उक्त नाकाबाट अवैध निकासी बढ्दै गएको प्रहरीको भनाई छ।

महिना दिन अघि भरततर्फ तस्करी भइरहेको सामान नियन्त्रणमा लिन गएको शसस्त्र प्रहरी र स्थानीयबीच सिम्रौनगढ नगरपालिकाको ७ सतुआही नाकामा झडप समेत भएको थियो।

चालककै कारण दुुर्घटना बढ्दो

पाल्पा- जिल्लामा ट्राफिक नियम पालन नगरी सवारीसाधन सञ्चालन गर्ने बढी देखिएका छन्। ट्राफिक नियम नियम विपरीत सवारी सञ्चालन गर्दा दुर्घटना बढेको देखिएको छ।

चालकका कारण जिल्लामा ७० प्रतिशत दुर्घटना भएका छन्। चालकले मदिरा सेवन गरी सवारीसाधन चलाउँदा बढी दुर्घटना भएको ट्राफिक प्रहरीले जनाएको छ। सवारी दुर्घटना न्यूनीकरणमा जिल्ला ट्राफिक प्रहरी कार्यालय र जिल्ला प्रहरी कार्यालयको आयोजनामा सप्ताहव्यापी दुर्घटना न्यूनीकरण सम्बन्धी जनचेतनामूलक कार्यक्रम सम्पन्न गरिएको छ। यही पुस १३ देखि १९ गतेसम्म सञ्चालित कार्यक्रममा ३ सय ८९ सवारी कारबाहीमा परेका छन्।

सप्ताहव्यापी जनचेतनामूलक कार्यक्रम सञ्चालित अवधिमा १३ सवारी दुर्घटनामा नौ जना घाइते भएका छन्। उन्नाइस सवारीसाधनमा दुर्घटनाबाट क्षति भएको छ। प्रहरीले मोटरसाइकल र स्कुटी ५८, जिप, कार र भ्यान ७३, बस, टिप्पर र ट्रक २०२, ट्र्याक्टर ५६ प्रहरी उक्त जाँचका क्रममा चालकले नियम पालना नगरेको देखिएको थियो।

बिचौलियाको मारमा किसान

बाँके – बाँकेको खजुरा तरकारीमा आत्मनिर्भर बन्दै गएको क्षेत्र हो। पछिल्लो समय खजुरा क्षेत्रमा व्यावसायिक रुपमा तरकारी खेती गर्ने किसानको संख्या बढ्दैछ। तरकारी खेतीमा आकर्षण बढिरहेका बेला यस क्षेत्रका किसान बिचौलियाको मारमा परेका छन्।

खजुरा गाउँपालिका ‘ए’ गाउँमा तरकारी खेती गरिरहेका अगुवा किसान लालबहादुर खत्री भन्छन्, ‘नेपाली किसानको प्रमुख समस्या बजार हो। बिचौलियाको हातमा छ बजार। किसानले सहि मूल्य पाउँदैनन्। ठ्याक्कै आधा रकम बिचौलियाले एक दिनमा आम्दानी गर्छन्। किसान र उपभोक्ता दुवै ठगिएका छन्। उपभोक्ताले महँगोमा किन्न परिरहेको छ।’

दोस्रो मनमोहन क्रिकेट प्रतियोगिता, एपिएफको जित

इटहरी,  विभागीय टोली सशस्त्र प्रहरीको एपिएफ क्लब, सुनसरीको इनरुवामा जारी दोस्रो मनमोहन मेमोरियल राष्ट्रिय एकदिवसीय क्रिकेट प्रतियोगिताअन्तर्गत समूह ‘ए’ को दोस्रो खेलमा विजयी भएको छ ।

एपिएफले सोमबार स्थानीय मनमोहन मेमोरियल क्रिकेट सेन्टर इनरुवालाई ८३ रनले पराजित गरेको हो । जितका बावजुद पनि एपिएफको सेमिफाइनल सम्भावना कमजोर रहेको छ । मंगलबार हुने खेलमा इनरुवाले त्रिभुवन आर्मी क्लबलाई पराजित गरेमा एपिएफ र आर्मीमध्ये नेटरनरेटमा अघि हुने टोली सेमिफाइनल प्रवेश गर्नेछ । इनरुवा क्रिकेट मैदानमा भएको खेलमा एपिएफले पहिले ब्याटिङ गर्दै २ सय ४ रन बनायो । जबाफी ब्याटिङ गरेको इनरुवाले ३६.२ ओभरमा १ सय २१ रन मात्र बनाउन सक्यो । इनरुवाको ब्याटिङमा रवि रोयले सर्वाधिक २६, रूपेश श्रीवास्तवले २३ तथा विवेक मेहताले १५ रन बनाउनुबाहेक अन्य ब्याट्सम्यानले दोहोरो अंकमा रन बनाउन सकेनन् । एपिएफको बलिङमा देब्रेहाते स्पिनर सूर्य तामाङले सर्वाधिक ४ विकेट लिए । त्यस क्रममा ८.२ ओभरमा २ मेडन राख्दै २५ रन खर्चिए ।  यस्तै कप्तान वसन्त रेग्मीले ३ विकेट लिन ७ ओभरमा १ मेडन राख्दै मात्र १० रन खर्चिए । यज्ञमान कुमालले २ तथा अमरसिंह रौटेलाले १ विकेट लिए ।

 

 

“नाइलनको साडीमा” गाउने गायिका पहिलो पटक मिडियामा

दुई सातादेखि किसान सडकमा, ‘सवा दुई अर्ब भुक्तानी देऊ’

काठमाडौं – उखुको बक्यौता नपाएर तराईका किसान राजधानीमा आएर सडक आन्दोलन गरिरहेका बेला संसदीय समितिले किसानको बक्यौता रकम तत्काल भुक्तानी दिन निर्देशन दिएको छ। उद्योग, वाणिज्य, श्रम तथा उपभोक्ता हित संरक्षण समितिले सोमबार उद्योग वाणिज्य तथा आपूर्ति मन्त्रालय, कृषि तथा पशुपक्षी मन्त्रालयलाई रकम भुक्तानीको व्यवस्था मिलाउन निर्देशन दिएको हो। नेपाल उखु उत्पादक महासंघका अनुसार किसानले सरकार र उद्योगीबाट करिब सवा दुई अर्ब रुपैयाँ बक्यौता भुक्तानी पाउन बाँकी छ।

किसानले पाउनु पर्ने पूरानो र नयाँ सबै रकम भुक्तानी दिन निर्देशन दिएको समितिका सभापति विमल श्रीवास्तवले बताए। ‘सरकारी अनुदान र उद्योगीले तिर्नुपर्ने सबै रकम भुक्तानी होस्,’ उनले भने, ‘भुक्तानी नदिनेलाई नियमानुसार कारबाही गर्नु।’

एमसीसी चीन, रुस र उत्तर कोरियाविरुद्ध छः वरिष्ठ नेता नेपाल

मकवानपुर– पुर्वप्रधानमन्त्री एवं सत्तारुढ नेपाल कम्यूनिष्ट पार्टी(नेकपा)का वरिष्ठ नेता माधवकुमार नेपालले अमेरिकी सरकारको मिलेनियम च्यालेन्ज कर्पोरेसन(एमसीसी) परियोजना ईन्डो प्यासिफिककै अंग भएकाले नेपालले स्वीकार नगर्ने दाबी गरेका छन्।

नेकपा हेटौंडा उपमहानगरपालिका कमिटीलाई मंगलबार सपथ खुवाएपछि उनले अमेरिकाले आफु बलियो बन्न ल्याएको रणनीति छिमेकी चीन, रुस र उत्तर कोरियाविरुद्ध रहेकाले नेपाल आवद्ध नहुने खुलासा गरे।

‘हामी एउटाको विरुद्धमा अर्कोको पक्षमा लाग्न सक्दैनौ’ उनले भने, ‘यत्ति भन्नासाथ एमसीसीको समाधान के हुन सक्छ भने ईन्डो प्यासिफिक रणनीतिसँग एमसीसी जोडिएकाले नेपाल बाहिरै बस्नुपर्छ।’

कालापानीमा नापनक्सा गर्न गएको टोलीलाई भारतले रोक्योः मन्त्री अर्याल

काठमाडौं– भूमि व्यवस्था, सहकारी तथा गरिबी निवारणमन्त्री पद्मा अर्यालले कालापानी क्षेत्रमा नापनक्सा गर्न गएको नापी विभागको टोलीर्लाइ भारतले रोकेको बताएकी छिन्।

राज्यका निर्देशक सिद्धान्त, नीति र दायित्वको कार्यान्वयन अनुगमन तथा मूल्याङ्कन समिति बैठकमा मन्त्री अर्यालले यस्तो बताएकी हुन्। भारतले रोक लगाएसँगै नाप नक्साको काम स्थगित भएको उनले गुनासो गरिन। कुटनीटिक तहबाट कुरा गरी समाधान निस्केपछि काम अगाडी बढाउने उनले बताइन।

मन्त्री अर्यालले अहिलेसम्मको कुनै पनि नेपाली नक्सामा लिम्पियाधुरा नसमेटिएको बताइन्। कालापानी र लिपुलेक नेपाली नक्सामा अहिलेपनि रहेको र लिम्पियाधुरासहित नक्सा अहिलेसम्म प्रकाशनमा नआएको उनले तर्क गरिन्।

वन तथा वातावरणमन्त्री शक्ति बहादुर बस्नेतले वनको जग्गा प्रयोग गर्न निश्चित विधि भएपनि सुरक्षा पोष्ट स्थापनाको क्षेत्रलाई राष्ट्रिय प्राथमिकताको क्षेत्रमा राखेको बताए। उनले कालापनी, कञ्चनपुर र कञ्चजङ्घा गरी तीन क्षेत्रमा सुरक्षा पोष्ट स्थापनाका लागि जग्गा उपलब्ध भएको बताए।

‘एक परिवार दुई पर्यटक’को नारा सहित भ्रमण वर्षको प्रचारमा कांग्रेस

काठमाडौं– नेपाली कांग्रेसले भ्रमण वर्ष २०२० लाई सफल बनाउन विदेश स्थित नेपाली जनसम्पर्क समितिहरुलाई योगदान गर्न आग्रह गरेको छ।

कांग्रेसले मंगलबार आयोजना गरेको पत्रकार सम्मेलनमा प्रवक्ता विश्व प्रकाश शर्माले ‘एक परिवार दुई पर्यटक’को नारा सहित विदेश स्थित नेपाली जनसम्पर्क समितिहरु र पार्टीको देशभित्रका सबै तहलाई योगदान गर्न अपिल गरे।

सम्मेलनमा कांग्रेसले संसदीय समितिबाट पारित भएको सूचना प्रविधि विधेयकले सरकारको अधिनायकवादी आकांक्षालाई पुष्टी गरेको जनाएको छ।

दोलखाका निलम्बित सिडिओ अख्तियार हिरासतमा

काठमाडौं– जिल्ला प्रशासन कार्यालय दोलखाका तत्कालीन प्रमुख जिल्ला अधिकारी खगेन्द्रप्रसाद रिजाललाई थप अनुसन्धानका लागि अख्तियार दुरुपयोग अनुसन्धान आयोगले नियन्त्रणमा लिइएको छ।

सार्वजनिक अपराधका मुद्धामा प्रतिवादीसंग सिडिओ कार्यकक्षसंगैको गोप्य कोठामा घुस लिएका आधारमा उनी निलम्बनमा परेका थिए।

जिल्लाको मेलुङ गाउँपालिका ४ भेड्पुका ४० बर्षिया कुमार लामा प्रतिवादी रहेको अभद्र व्यवहार र कालिञ्चोक गाउँपालिका १ का २८ वर्षिया ईन्द्र पाख्रिन र उनका ५१ वर्षिया बाबु उदिम तामाङ प्रतिवादी रहेको सार्वजनिक सुरक्षा विरुद्धको मुद्धाका अभियुक्तहरुलाई थुनछेक बहसका क्रममा धरौटीमा रिहा गर्दा दोलखाका प्रमुख जिल्ला अधिकारी खगेन्द्र प्रसाद रिजालले महिना दिन अघि ९० हजार र ३५ हजारका दरले दुबै अभियुक्तका परिवारबाट १ लाख २५ हजार रुपैंयाँ घुस लिएका थिए।

अख्तियारका प्रवक्ता प्रदीपकुमार कोइरालाका अनुसार आज मंगलबार सह–सचिव समेत रहेका रिजाललाई नियन्त्रणमा लिइएको हो।

सामुदायिक बन छोड्न मान्दैनन् भूकम्प पीडित

सेलाङ (सिन्धुपाल्चोक)- बिनासकारी भूकम्पपछि आश्रय लिइ बसेको सामुदायिक बन छोडेर पीडित थातथलो फर्कँन मानेका छैनन्। उनीहरु साढे चार वर्षदेखि सामुदायिक बनको जमिन कब्जा गरेर बसिरहेका छन्।

                सेलाङ गाउँपालिका–१ स्थित बाँसखर्क र काफ्लेडाँडामा ३८ परिवार अस्थायी टहरोमा आश्रित छन्। यो जमिन मञ्जुदेउराली सामुदायिक बनमा पर्छ। घर फर्कँन वडा कार्यालय र बन डिभिजनले अनुरोध गरिरहे पनि उनीहरु अझै अटेर गरेर बसिरहेका छन्। भूकम्पपछिको आपतकालीन अवस्थामा उनीहरु यहाँ आश्रय लिन आइपुगेका थिए।

                सेलाङ सेपगाउँका १८ परिवार बाँसखर्क तथा गोल्चे खानीगाउँ र लिदीगाउँका २० परिवार काफ्लेडाँडामा बसिरहेका छन्। टेण्ट, त्रिपाल र जस्ताको टहरोमा उनीहरु आश्रित छन्। उनीहरु सबै भूकम्प पीडित भए पनि बिस्थापित हुनेहरु नरहेको वडाध्यक्ष कमलबिक्रम थापाले बताए। ‘आफ्नो गाउँ पहिरोको जोखिममा रहेको अड्डी लिएर छोड्न मानेका छैनन्,’ उनले भने। गाउँ फर्केर जान पटक–पटक अनुरोध गरे पनि उनीहरुले नसुनेको थापाले जानकारी दिए।

कालिञ्चोक खचाखच, चरिकोट सुनसान

दोलखा – ललितपुरका सुरज श्रेष्ठ गत शुक्रबार साथीहरुसहित राजधानीको एउटा ट्राभल एजेन्सीमार्फत प्याकेज लिएर प्रसिद्ध पर्यटकीय क्षेत्र कालिञ्चोक भगवतीको दर्शनमा निस्किए। खरिढुंगादेखि रमाइलो हावापानी र हिमशृंखलाको दृश्य नियाल्दै दोलखा प्रवेश गरेका उनीहरुको टोलीलाई एजेन्सीको गाडीले चरिकोट बजारभन्दा सात किलोमिटर यतै मकैबारीबाट कालोपत्रे सडक हुँदै कालिञ्चोकतर्फ उकाल्यो।

चरिकोट हुँदै कालिञ्चोक पुगिन्छ भन्ने ठानेका उनले पहाडको सुन्दर नगरी चरिकोट देख्नै पाएनन्। ‘फर्किदा पनि त्यही बाटो ओरालेर चरिकोट र भीमेश्वर मन्दिर नदेखाइ राजधानी फर्काइयो,’ शनिबार बोचमा भेटिएका उनले गुनासो पोख्दै भने, ‘टोलीमा हामी मात्र नभइ प्याकेजमै आएका अरु पनि थिए, अब चरिकोट र भीमेश्वरको दर्शन गर्न फेरि आउनुपर्ला।’

कालापानी नेपालकै होः सञ्चारमन्त्री बाँस्कोटा

महेन्द्रनगर– सञ्चार तथा सुचना प्रविधिमन्त्री गोकुल बाँस्कोटाले कालापानी, लिपुलेक नेपालकै भएको बताएका छन्।

मंगलबार प्रेस संगठन नेपाल कञ्चनपुरले महेन्द्रनगरमा आयोजना गरेको पत्रकार सम्मेलनमा कालापानी र लिपुलेक नेपालकै भएको बताएकका हुन्।

भारतले दार्चुला स्थित नेपाली समेटेर नक्सा बनाएपछि सरकारले इतिहासकै पहिलो पटक भारत सरकारले कुटनीतिक नोट पठाएको बताउँदै मन्त्री बाँस्कोटाले भारतबाट समेत त्यसको सकारात्मक जवाफ आएको बताए।

‘सीमाको विषयमा हुती भएको सरकारले भारतलाई पत्र पठायो, ‘मन्त्री बाँस्कोटाले भने, ‘भारतबाट त्यसको विषयमा सकारात्मक सम्बोधन भएको छ।’

संरक्षकलाई उपाधि

पोखरा – कास्की जिल्ला टेनिस संघको आयोजना तथा माछापुच्छ्रे बैंकको मुख्य प्रायोजनमा सम्पन्न १७औं माछापुच्छ्रे बैंक ओपन टेनिसको उपाधि संरक्षणभूषण वज्राचार्यले जितेका छन्। उनले प्रणव खनाललाई टाइब्रेक सेटमा पराजित गर्दै नगद ५० हजार रुपैयाँ राशिको उपाधि चुमेका हुन्। वज्राचार्यले पोखरा रंगशालास्थित टेनिस कोर्टमा सोमबार खनाललाई ३–६, ७–६ र ६–३ को सेटमा पराजित गरेका थिए। महिलातर्फको उपाधि प्रेरणा कोइरालाले उचालिन्।

सलोनी तामाङमाथि ७–५ र ६–१ को सोझो सेटमा जित निकाल्दै शीर्ष वरियताकी प्रेरणाले उपािध आफ्नों नाममा गराएकी हुन्। मेन्स डबल्समा संरक्षकभूषण वज्राचार्य र नवीन मगरको जोडीले बाजी मा¥यो। प्रदीप खड्का र प्रणव खनालको जोडीमाथि ६–३, ६–३ को सहज नतिजा निकाल्दै संरक्षकको जोडीले उपाधि रक्षा गरेको हो।

पुटिनले दिए ट्रम्पलाई धन्यवाद

मस्को – आफ्नो देशमा हुन लागेका ‘आतंककारी गतिविधिहरु’ रोक्न सहयोग हुने गरी गुप्तचरी सूचना उपलब्ध गराएको भन्दै रुसी राष्ट्रपति भ्लादिमिर पुटिनले अमेरिकी समकक्षी डोनाल्ड ट्रम्पलाई धन्यवाद दिएका छन्। रुसी राष्ट्रपतिको कार्यालय क्रेम्लिनले सोमबार एउटा विज्ञप्ति जारी गर्दै पुटिनले अमेरिकी समकक्षी ट्रम्पलाई धन्यवाद दिएको उल्लेख गरेको छ।

दुई राष्ट्रपतिबीच आइतबार भएको फोनवार्तामा पुटिनले ट्रम्पलाई आफ्नो देशमा हुन लागेका विभिन्न आतंकवादी गतिविधिबारे जानकारी दिएको भन्दै धन्यवाद दिएको क्रेम्लिनले जारी गरको सो विज्ञप्तिमा उल्लेख छ। यद्यपि रुसी राष्ट्रपति कार्यालयले अमेरिकी गुप्तचर निकायमार्फत् ‘आतंकवादी गतिविधिबारे सूचना प्राप्त भएको’ जनाए पनि त्यसबारे विस्तृत विवरण भने उपलब्ध नगराएको बिबिसीले उल्लेख गरेको छ।

रुसी सञ्चारमाध्यमका अनुसार नयाँ वर्षका बेला सेन्ट पिटर्सबर्गमा हुन लागेको आतंककारी आक्रमणको योजना अमेरिकी गुप्तचरी निकायले पत्ता लगाएका थिए  र सोबारे रुसी समकक्षीलाई अमेरिकी राष्ट्रपति ट्रम्पले जानकारी गराएका थिए।

अमेरिकी जानकारीपछि दुई रुसी नागरिकलाई पक्राउ गरिएको छ। त्यसैगरी मानिसहरु भेला भएको एउटा क्षेत्रमा आक्रमण गर्ने योजनासँग सम्बन्धित विभिन्न सामग्रीसमेत बरामद गरिएको समाचार संस्था टासले रुसी गुप्तचर निकाय एफएसबीका एक प्रवक्तालाई उद्धृत गर्दै जनाएको छ।

पार्टी सम्हाल्न नसक्नेले ठूला गफ दिन्छन् किन?

पार्टी सम्हाल्न नसक्नेले ठूला गफ दिन्छन् किन? नेपाली काङ्ग्रेसको आन्तरिक कलह के हो? युवा नेता गगन थापा नागरिक फ्रन्टलाइनमा।

धमलालाई फेरी हमला, अष्ट्रेलिया काण्ड

मंसिर १२ देखि पुस ४ सम्मका सबै डाटा गायव

उदयपुर– ५ दिनअघि अज्ञात समूहले ‘ह्याक’ गरेको स्थानीयतहहरुको कम्प्युटर सफ्टवेयर मंगलबारसम्म पनि पूर्णरुपमा नियन्त्रणमा आउन सकेको छैन।

महालेखा नियन्त्रण कार्यालय (मलेनिका) ले विकसित (डेभलप) को ‘स्थानीय संचित कोष व्यवस्थापन प्रणाली (सुत्र)’ गत शुक्रबार देखि ‘ह्याक’ भएको थियो।

सुत्र ह्याक भएपछि देशभरका गाउँ तथा नगरपालिकाको वित्तीय कामकाज ठप्प भएको छ। स्थानीय तहमा क्रमागत र नयाँ योजनाहरु समेत प्रभावित भएको जनप्रतिनिधिहरुले बताएका छन्।

शुक्रबार विहानदेखि चल्न छाडेको सुत्र मर्मत गर्न मलेनिकाको सूचना प्रविधि (आईटी) शाखाको प्राविधिक टोलीले अनुसन्धान गर्दा ह्याक भएको पत्ता लागेको थियो।

सांकेतिक भाषा अनुवादक नियुक्त गर्न सर्वाेच्चको आदेश

काठमाडौं- सर्वोच्च अदालतले फरक शारीरिक क्षमता व्यक्तिसँग सम्बन्धित एउटा मुद्दामा सांकेतिक भाषा अनुवादक नियुक्त गरी मुद्दाको प्रक्रिया अघि बढाउन काभ्रेपलाञ्चोक जिल्ला अदालतलाई आदेश दिएको छ। सर्वोच्चका न्यायाधीश अनिलकुमार सिन्हाको एकल इजलासले जिल्ला अदालत काभ्रेपलाञ्चोकको नाममा उक्त आदेश दिएको हो।

संरक्षक हिमादेवी उप्रेती वादी भई बोल्न नसक्ने फरक शारीरिक क्षमताका आफ्ना भाइहरु गोपालप्रसाद मैनाली र बालकृष्ण मैनालीको अंश दावीसहित काभ्रे जिल्ला अदालतमा विचाराधिन मुद्दामा उनीहरुको हकहितको विषयमा भाषा अनुवादक नियुक्त नगरी मुद्दाको फैसला गर्दा उनीहरुमाथि अन्याय हुनसक्ने दावी गर्दै सर्वोच्च अदालतमा दायर गरेको रिटमा सर्वोच्चले सो आदेश दिएको हो।‘मुद्दाको कुनै पनि कारवाही अघि बढाउदा भाषा अनुवादक राखेर मात्रै कारवाही अगाडि बढाउनु’ सर्वोच्चले आदेशमा भनेको छ।

आफूखुसी बढाएको तलब अधिकृतले अझैं फिर्ता गरेनन्

दमक- दमक नगरपालिकाले कानुन मिचेर प्रमुख प्रशासकीय अधिकृतको तलब बढाएको पाइएको छ। प्रमुख प्रशासकीय अधिकृतका रुपमा कार्यरत गणेश तिम्सीनालाई दशौ तहको तलब सुविधा दिने निर्णय विवादित बनेको हो। उनी नवौ तहका कर्मचारी हुन्। यस सम्बन्धी समाचार नागरिक न्युजले प्रकाशित गरेपछि तिम्सीनाले फेसबुक स्टाटस लेखेर तलब फिर्ता लिने निर्णय गरेका थिए। तर नगरपालिकाले पुस ७ गते बैठक बसेर निर्णय विधीसम्म भएको भनेर तिम्सीनाको बचाउ गरेको छ।

पूर्व मन्त्री शंकर प्रसाद कोइरालाले स्थानीय तहले मन्त्रालयको अधिकार क्षेत्रमाथि हस्तक्षेप गरेको बताए। नवौ तहको अधिकृतलाई दशौ तहको सुविधा दिने विषय कानुन भन्दा बाहिर हो, कोइरालाले भने, यो मिल्ने अवस्थामा देखिदैन।

राष्ट्रपति र प्रधानमन्त्रीसंग राजदूत पुरीको बिदाई भेट

काठमाडौं– भारतीय राजदूत मन्जीव सिंह पुरीले राष्ट्रपति विद्यादेवि भण्डारी तथा प्रधानमन्त्री केपि शर्मा ओलीसंग बिदाई भेट गरेका छन्।

मंगलबार पुरीले राष्ट्रपति भण्डारीलाई शिलत निवासमा र प्रधानमन्त्री ओलीलाई बालुवाटारमा छुट्टाछुट्टै भेट गरेका हुन्।
भेटमा नेपाल र भारतसम्बन्धका विविध पक्षबारे चर्चा भएका थिए।

उक्त अवसरमा राष्ट्रपति भण्डारीले राजदूत पुरीलाई धन्यवाद ज्ञापन समेत व्यक्त गरेकी थिइन्।

तीन वर्षे कार्यकाल पुरा गरी पुरी आगामी हप्ता भारत फर्कदैं छन्। उनी मार्च २०१७ बाट राजदूतका रुपमा नेपालमा आएका हुन्।

‘सरकारले सहमति तोडेका कारण राजीनामा’

काठमाडौं– संविधान संशोधनको प्रयास असफल भएपछि समाजवादी पार्टीले सरकार छाडेको छ।

उपप्रधानमन्त्री एवं कानून , न्याय तथा संसदीय मामिला मन्त्री उपेन्द्र यादवले आजै राजीनामा दिएका हुन्। राजीनामा पत्रमा मन्त्री यादवले सरकारले संविधान संशोधनसहितका दुई बुंदे माग सरकारले एकतर्फी रुपमा तोडेको आरोप लगाएका छन्।

‘तत्कालिन संघीय समाजवादी फोरम, नेपाल तथा तत्कालिन नेकपा (एमाले) र नेकपा (माओवादी केन्द्र) बीच २०७५ जेष्ठ १४ गते संविधान संशोधनलगायत हामीले आन्दोलनका क्रममा उठाएका माग र मुद्दाहरु सम्बोधन गर्ने शर्तसहित दुई बुंदे सहमतिका आधारमा मात्र हाम्रो पार्टी सरकारमा सामेल भएको थियो’ राजीनामा पत्रमा यादवले भनेका छन्,‘हामीले मन्त्रिपरिषद् बैठक तथा संसदमा पटक–पटक यी विषयहरु प्रवेश गराउनुका साथै संविधान संशोधन लगायतका विषयहरु राखी प्रधानमन्त्री समक्ष स्मरण–पत्र पनि दिएका थियौं।’

शहरी विकासमन्त्री राईले पनि दिए राजीनामा

काठमाडौं- समाजवादी पार्टीले सरकारबाट हट्ने निर्णय गरेपछि शहरी विकासमन्त्री मोहम्मद इश्तियाक राईले पनि राजीनामा दिएका छन्।

संविधान संशोधनको सहमति सरकारले तोडेको भन्दै समाजवादी पार्टीले सरकारबाट हट्ने निर्णय गरेको थियो। समाजवादीका अध्यक्ष उपेन्द्र यादव र नेता राई सरकारमा सहभागि थिए। मंगलबार दुवै जनाले प्रधानमन्त्री केपी शर्मा ओलीसमक्ष राजीनामा बुझाएका हुन्।

‘दुस्मन आयो भन्दै छोडेर भागे’

दैलेख – शनिबार गाउँमा भएका सामाजिक काममा उपस्थित भएर साँझमात्र घर आएँ। चिसो दिन भएकाले घर आएर बेलैमा खाना खाएर सुत्न गएँ। एक्कासि राति साढे बाह्र बजेतिर घरबाहिर आवाज आयो। ‘ढोका खोल्नुस्,’ भनेर केही म निद्रामै थिएँ। मेरी श्रीमतीले ‘को हो ?’ भनेर सोधिन्। बाहिरबाट ‘अध्यक्षज्यूसँग काम छ, ढोका खोल्नुस्,’ भन्ने जवाफ आयो। म उठें। तर मेरी श्रीमतीले ढोका खोल्न मानिनन्। तथापि मैले को रहेछ भनेर ढोका खोलें। ‘यति राति तपाईहरू को हो ?’ भनेर मैले सोधें। उनीहरूले ‘हामी विप्लवका कार्यकर्ता हौं। तपाईसँग सोधपुछ गर्नु छ, हामीसँग हिँड्नुस्,’ भने।

श्रीमतीले मलाई एक्लै जान दिइनन्। उनी पनि सँगै आइन् र भाइ पनि आए। भाइलाई एक घण्टामा फर्काइयो। त्यसपछि लगातार भीरपाखामा हिँडाए। बिहान नौ बजेतिर श्रीमतीलाई आधा बाटोबाट फर्काए। म उनीहरूका साथमा लेकतिर लागें। दुई घण्टा सजिलो बाटो हिँडे पनि त्यसपछि डरलाग्दो भीरको बाटो हुँदै हिउँ भएको लेकतिर लगे।

नेपाली भूमि फिर्ता ल्याउन युवाले सङ्घर्ष गर्नुपर्छ : नेता थापा

दमौली- नेपाली काङ्ग्रेसका केन्द्रीय सदस्य एवं पूर्वमन्त्री गगनकुमार थापाले भारतले अतिक्रमण गरेको नेपाली भूमि फिर्ता ल्याउन युवाले सङ्घर्ष गर्नुपर्ने बताएका छन्।

तनहुँको व्यास नगरपालिका–१ भादगाउँस्थित आदिकवि भानुभक्त क्याम्पस नेपाल विद्यार्थी सङ्घ एकाइले आज आयोजना गरेको नवआगन्तुक विद्यार्थी स्वागत कार्यक्रममा नेता थापाले नेपालको एक इञ्च भूमि पनि अतिक्रमण गर्न नदिइने र भारतले अतिक्रमण गरेको जमिन फिर्ता ल्याएरै छाड्ने बताए। ‘सीमाको विषयमा छलफल गर्न भारत तयार भएको छ’, नेता थापाले भने, ‘हाम्रो पुस्ता नेपाली भूमि रक्षाका लागि सङ्घर्ष गर्छ।’

नेपाललाई सिङ्गापुर बनाउँछु भनेर नेताले भाषण गरे पनि एउटा व्यक्तिले चाहेर मात्र नेपाल समृद्ध बन्न नसक्ने थापाले ठोकुवा गरे। “नायक महानायकले देश बनाउन सक्दैनन्, लोकतन्त्रको बाटोेबाट मात्र नेपाल समृद्ध बन्न सक्छ”, थापाले भने।

‘नेपाल मिस वर्ल्डको दाबेदार थियो’

काठमाडौं – मिस वर्ल्डको टप १२ मा पुगेकी मिस नेपाल अनुष्का श्रेष्ठ ब्युटी विथ प्रपोज र मल्टिमिडिया अवार्ड जितेर नेपाल फर्किएकी छन्। मिस वर्ल्डअन्तर्गतको ‘हेड टु हेड’ च्यालेन्जको समूह विजेता भएर टप ४० हुँदै टप १२ मा पुग्ने उनी पहिलो मिस नेपाल भएकी छन्। एक सय ११ देशको सहभागिता रहेको मिस वल्र्डको टप १२ मा नेपालसहित जमैका, फ्रान्स, भारत, नाइजेरिया, ब्राजिल, कुक आइल्यान्ड्स, केन्या, मेक्सिको, फिलिपिन्स, रसिया र भियतनामका प्रतियोगीहरू पुगेका थिए। सोमबार नेपाल आइपुगेकी मिस नेपाल अनुष्का श्रेष्ठसँग मिस वल्र्डको अनुभवमा केन्द्रित रहेर स्मृति ढुंगानाले गरेको कुराकानी :

यसपटक मिसवर्ल्डको फाइनलमा नेपाल किन पुग्न सकेन ?
नेपालले मेहनत गर्दा पनि मिस वर्ल्डको हकदार हुन नसक्नुको कारण मलाई पनि जान्न मन छ। नेपाल टप ५ मा पुग्न लायक थियो। मिस वर्ल्ड प्रतियोगिताको सुरुदेखि मैले शतप्रतिशत रूपमा मेहनत गरिरहेकी थिएँ। मिसवर्ल्डका निम्ति मलाई सहयोग गरिरहेको टोलीको योजनाअनुसार उत्कृष्ट रूपमा सहभागिता जनाइरहेकी थिएँ। निर्णायकहरूको मापदण्डबारे मलाई जानकारी छैन। टप ५ मा म किन पुग्न सकिएन भन्ने जान्न मन छ। किनकि मलाई टप ५ सम्म पुग्छु जस्तै लागेको थियो। निर्णायकहरूको मापदण्ड थाहा भए अर्को वर्षदेखि त्यहीअनुसार तयारी गर्न सकिन्थ्यो।

एक किलो प्याजको मूल्य ३ सय रुपैयाँ !

जुम्ला – भारतले प्याज निर्यातमा प्रतिबन्ध लगाएपछि जुम्लामा चाइनिज प्याज निर्यात हुन् हुन थालेको छ।  अहिले सदरमुकाम खलंगा बजारदेखि ग्रामिण क्षेत्रका बजारसम्म चाइनिज प्याज छ्यापछ्याप्ती छ। यहाँको बजारमा चाइनिज प्याजको मुल्य प्रतिकिलाे २ सय ५० रुपैयाँदेखि ३ सय रुपैयाँसम्ममा किनबेच भइरहेको ब्यापारी बताउँछन्।

जुम्लामा अहिलेसम्मको रेकर्डमा अधिकतम मुल्य ८० रुपैयाँदेखि माथि पुगेको थिएन्। स्थानीय किसानले उत्पादन गरेको प्याजप्रति किलाे ५० रुपैयाँमा बिक्थ्यो। तर अहिले प्याजको मुल्य आकासियो,विदेशी प्याजमा निर्भर हुनु पर्ने भयो,स्थानीय बिर्खबहादुर बुढाले भने,‘किसानलाइ ब्यवसायिक प्याज खेति गर्न अनुदानको व्यवस्था नगर्नुको परिणाम हो यो।’

तरकारी ब्यापारी सेतु बुढा चाइनिज प्याज होलसेलमै महंगो खरिद गर्नु परेकोले महंगोमै बेच्न बाध्य भएको बताउँछिन्। उनले भनिन्,‘भारतीय प्याज आउनै छाड्यो, चाइनिज प्याजले बजार कब्जा गर्यो। उपभोक्तालाइ पनि यो प्याज नखाइ बाध्य छ। ’ चाइनिज प्याज गुलियो प्रकारको छ। यो बजारमा धेरै बिक्दैन्, तर थोरथोरै भएपनि दिनमा राम्रै कारोबारो हुने गरेको छ। यो समयमा जुम्लाका तरकारी तथा खुद्रा पसलमा चाइनिज प्याज छ्यापछ्याप्ती नै छ।

सरकारका काम प्रचार हुन नपाएकै हुन र?

सरकारले गरेका राम्रा काम प्रचार हुन नपाएको नेकपाको प्रतिवेदनमा उल्लेख छ। सरकारका काम प्रचार हुन नपाएकै हुन र? स्थायी समिति सदस्य देवेन्द्र पौडेल नागरिक फ्रन्टलाइनमा।